Zotung Tube News, Arbutus, MD (2025)

05/03/2025

လက်ရှိ အမေရိကန်သမ္မတဒေါ်နယ်ထရမ့်ကိုကြိုက်သလားလို့ မေးလာခဲ့မယ်ဆိုရင် မကြိုက်ဘူးလို့ပဲပြန်ဖြေရပါလိမ့်မယ်။😭

ဘာလို့လဲဆိုတော့ ဗရမ်းဗတာလုပ်တတ်တာတွေအပြင် Usရဲ့အင်အားအပေါ်မှာလည်း အလွန်အကျွံမာန်တက်ပြီး ပတ်ရမ်းတတ်လွန်းတဲ့အကျင့်ကြီးကြောင့်ပါပဲ။😁

ဒါပေမယ့်လို့ သူ့ရဲ့ကုန်သွယ်ခွန်စစ်ပွဲကိုတော့ အပြည့်အဝကို ထောက်ခံနေခဲ့မိပါတယ်။

တရုတ်ဟာ စီးပွားရေးကိုဖြတ်လမ်းနည်းတွေနဲ့ ချမ်းသာလာခဲ့တဲ့နိုင်ငံကြီးတစ်နိုင်ငံပဲဖြစ်ပြီး
အခြားနိုင်ငံတွေကို မဆိုထားနဲ့
ကိုယ့်နိုင်ငံအတွင်းက ပြည်သူတွေအပေါ်မှာတောင် လုပ်အားအရင်းအမြစ်တွေညှစ်ထုတ်ပြီး ကလိမ်ကကျစ်လုပ်နေခဲ့တဲ့ နိုင်ငံကြီးတစ်နိုင်ငံပါ။

တရုတ်ပြည်သူတွေရဲ့ ဝင်ငွေကိုကြည့်ပြီး တရုတ်တွေချမ်းသာနေပြီ လို့မထင်လိုက်ကြပါနဲ့။
သူတို့ရတဲ့ဝင်ငွေရဲ့ ဆယ်ပုံ/တစ်ပုံကိုတောင် ပြန်ပြီး အသုံးမပြုနိုင်ကြပါဘူး။

ဆိုလိုချင်တာကတော့ နိုင်ငံပဲချမ်းသာနေခဲ့ကြတာဖြစ်ပြီး ပြည်သူတွေကတော့(သူတို့ရဲ့)ကြိုးစားအားထုတ်မှု့တွေအပေါ်မှာ အပြည့်အဝပြန်လည်ပြီး ခံစားခွင့်မရရှိနိုင်ခဲ့ကြတာကို ဆိုလိုချင်တာပါ။

ဒေါ်နယ်ထရမ့်ရဲ့ လက်ရှိကုန်သွယ်ခွန်စစ်ပွဲဟာ တရုတ်ပြည်သူတွေရဲ့ကြားမှာ ဒီအချက်ကိုပေါ်လွင်သွားစေခဲ့ပါတယ်။
"တစ်ချက်ခုတ် နှစ်ချက်ပြတ်"လို့ပဲ ဆိုရလေမလား .!

ကျပ်တည်းလာခဲ့တဲ့အနေအထားတွေကြောင့် ၎င်းတို့ရဲ့အခြေအနေမှန်ကို သိရှိသွားခဲ့ကြသလို
ခေါင်းဆောင်ပိုင်းတွေရဲ့ မူမမှန်တဲ့လုပ်ရပ်တွေကိုလည်းရိပ်စားမိလာခဲ့ကြတာကြောင့် အခွန်စစ်ပွဲကြာမြင့်လာတာနဲ့အမျှ နိုင်ငံတွင်းပုံကန်ထကြွမှု့တွေလည်း တိုးလာခဲ့ကြရမှာဖြစ်ပြီး
အစိုးရရဲ့ရက်စက်ကြမ်းကြုတ်မှု့တွေလည်း ပေါ်ထွက်လာခဲ့ကြဦးမှာပါ။

ရှီ အစိုးရသာ ဒီအခြေအနေတွေအပေါ်မှာ အသေအချာကိုင်တွယ်မဖြေရှင်းနိုင်ခဲ့ကြဘူးဆိုရင်
ပုန်ကန်ထကြွလာမှု့တွေကြောင့် လက်ရှိမြန်မာ့အရေးထက် အဆပေါင်းမြောက်များစွာ ပိုမိုပြီးဆိုးရွားသွားစေနိုင်တာဖြစ်လို့
ထရမ့်ရဲ့ လက်ရှိလုပ်ဆောင်ချက်ဟာ သူ့အရိုးနဲ့ သူ့ပြန်ထိုးလိုက်တဲ့ အကွက်ကြီးတစ်ခုပါပဲ။

ဘာပဲပြောပြော လက်ရှိတရုတ်အစိုးရဟာ မြန်မာနိုင်ငံရဲ့မိတ်ဆွေကောင်းမဟုတ်ခဲ့တဲ့အပြင်
တစ်ကမ္ဘာလုံးမှာဖြစ်ပျက်နေခဲ့ကြတဲ့ အရှုပ်အထွေးတွေရဲ့နောက်ကွယ်က အဓိကလက်သည်တရားခံလို့တောင် ညွှန်းဆိုလို့ရနိုင်တာဖြစ်ပြီး

ထိုင်ဝမ်ကို သိမ်းပိုက်ချင်တာနဲ့ ရှေ့ပြေးအဖြစ် ရုရှားကို(ယူကရိန်းအား)ကျူးကျော်ဖို့ သွေးထိုးပေးခဲ့ကြသလို

အကျိုးစီးပွားအမြောက်အများကို ပေါချောင်ကောင်းရရှိချင်တာနဲ့ မြန်မာစစ်တပ်အာဏာသိမ်းဖို့ကိုလည်းမြှောက်ပင့်ပေးခဲ့ကြသေးတယ်မဟုတ်ပါလား.?

အာဖဂန်အရေးမှာလည်း သူတို့စံနက်မကင်းလှသလို
အာဖရိကနိုင်ငံတွေအာဏာထသိမ်းနေခဲ့ကြတာကလည်း တရုတ်ပယောဂကင်းနိုင်မယ် မထင်မိပါဘူး။

မြောက်ကိုရီးယားကို မြှောက်ထိုးပင့်ကော်လုပ်ပြီး ဂျပန်ကိုရန်စခိုင်းနေခဲ့တာတွေအပါအဝင် တစ်ကမ္ဘာလုံးကိုချုပ်ကိုင်ချင်နေတဲ့အနေအထားတွေကလည်း တဖြည်းဖြည်းနဲ့ ထွက်ပေါ်လာနေခဲ့ရပြီပဲ ဖြစ်ပါတယ်။

ကိုဗစ်အရေးမှာတုန်းကတော့ အရှောင်ကောင်းလို့လွတ်မြောက်သွားခဲ့ကြတယ် ဆိုပေမယ့်

တရုတ်သာ ရုတ်တရက်ကြီးနိမ့်ဆင်းသွားခဲ့ရမယ်ဆိုရင်တော့ ဖိထောင်းလာကြမယ့်နိုင်ငံအမြောက်အများရှိနေခဲ့တာကြောင့် စုတ်ပြတ်သတ်ပြီး နလံတောင်မထူနိုင်တော့အထိအောင် အဖြစ်ဆိုးသွားရမှာကလည်း သေချာသလောက်ပါပဲလေ။

crd @ ရာဇသံ(27.4.2025)
😴

04/29/2025

အမေရိကန်သမ္မတ Donald Trump ရဲ့ပထမရက်
ပေါင်း ၁၀၀ အတွင်း ဖမ်းဆီးထိန်းသိမ်းနိုင်ခဲ့တဲ့ ရာဇဝတ်သားပေါင်း အယောက် ၁၀၀ ရဲ့ စာရင်းနဲ့ ဓာတ်ပုံတွေကို သမ္မတအိမ်ဖြူတော်ဝန်းထဲ ပြသထားရာမှာ မြန်မာနိုင်ငံသား (၃)ယောက်ပါဝင်နေ

*************************************************

President Trump nyh masaty anin (100) lungkhu kya akynpaw hae tousei hae milu (100) hae e sakhung te ccazin tuh innrawpaw kya alangsah. Tuin kya Vae ccungccaw (3) mah a um bua hae.

Credit / JamesMirror

04/17/2025

ကျောက်တံခါးမြို့နယ်၊ ပဲနွယ်ကုန်း- နတ်သံကွင်းလမ်းရှိ စစ်တပ်စခန်းမှ စစ်မှုထမ်း အပတ်စဉ် ၇ မှ သင်တန်းဆင်း တပ်သားသစ် ၁ ဦး သေနတ် ၁ လက်နှင့် ခဲယမ်းများ ယူဆောင်လာပြီး အလင်းဝင်

ရန်ကုန်၊ဧပြီ ၁၇

04/17/2025

ရန်ကုန်၊ ဧပြီ ၁၇

ရှမ်းပြည်နယ်၊ တောင်ကြီးမြို့တွင် အကြမ်းဖက် စစ်တပ်၏ ပေါ်တာဆွဲ ဖမ်းဆီးခံရသော စစ်မှုထမ်း တပ်သားသစ် ၁ ဦးသည် သေနတ် ၁ လက် ယူဆောင်လာပြီး အလင်းဝင်ရောက်။

04/14/2025

တော်လှန်ရေးရန်ပုံငွေ ဒေါ်လာ ၁၂ သန်း နဲ့ တာ၀န်ယူ တာ၀န်ခံမှု ပျက်ကွက်ခဲ့တဲ့ CBC-USA
𝐂𝐁𝐂-𝐔𝐒𝐀 𝐔𝐧𝐝𝐞𝐫 𝐅𝐢𝐫𝐞 𝐟𝐨𝐫 𝐌𝐢𝐬𝐡𝐚𝐧𝐝𝐥𝐢𝐧𝐠 $𝟏𝟐 𝐌𝐢𝐥𝐥𝐢𝐨𝐧 𝐑𝐞𝐯𝐨𝐥𝐮𝐭𝐢𝐨𝐧 𝐅𝐮𝐧𝐝

CBCUSA အနေနဲ့ တလောတုန်းက တော်လှန်ရေးရန်ပုံငွေကိစ္စနဲ့ ပတ်သက်ပြီး တံခါးပိတ် အစည်းဝေးလုပ်ကြောင်း သိရတယ်။ ၂၀၂၁-၂၀၂၃ ကြား CBCUSA ရရှိထားတဲ့ တော်လှန်ရေးရန်ပုံငွေ စုစုပေါင်း ဒေါ်လာ ၁၂ သန်းကျော် ရရှိထားပါတယ်။ ဒါ CBCUSA ကိုယ်တိုင် ဖော်ပြခဲ့တဲ့ စရင်းအရပါ။ ဒီရန်ပုံငွေကိစ္စနဲ့ ပတ်သက်ပြီး လွန်ခဲ့တဲ့ တစ်လလောက်က တံခါးပိတ် အစည်းဝေးလုပ်တယ်လို့ သိရပါတယ်။ တံခါးပိတ် အစည်းဝေးမှ သိရှိတဲ့အချက်လက်အရ CBCUSA က ချင်းအမျိုးသားတပ်ဦး (CNF/CNA) ထံ ကန်ဒေါ်လာ ၅၄၆,၅၈၇(ငါးသိန်းလေးသောင်းခြောက်ထောင်ငါးရာရှစ်ဆယ်ခုနစ် ဒေါ်လာ) တိတိ သာပေးထားကြောင်း ဖော်ပြထားတယ်။
ကျန်ငွေ ကန်ဒေါ်လာ ၁၁.၅ သန်းကျော်ရှိပြီး အရင်က ဖော်ပြချက်အရ ကန်ဒေါ်လာ ၅ သန်းကျော် လက်နက်ပွဲစား ထံပေးခဲ့ပြီး အလိမ်ခံရကြောင်း နဲ့ ထိုလက်နက်ပွဲစားကြီးက သေဆုံးသွားပြီဖြစ်ကြောင်း CBCUSA လူကြီးတွေကိုယ်တိုင် ပြောခဲ့တယ်။
CBCUSA ဆိုတာ အမေရိကားအခြေစိုက် ချင်းနှစ်ခြင်းခရစ်ယာန် အသင်းချုပ်ကြီးပါ။ ၂၀၂၁ တော်လှန်ရေးစစခြင်း ပြည်ပရောက် ချင်းပြည်သူတွေ အနေနဲ့ အာဏာရှင်တော်လှန်ရေး အတွက်ဆိုကာ အယုံကြည်ရဆုံးဖြစ်တဲ့ CBCUSA ထံ ယုံယုံကြည်ကြည် လှူခဲ့ကြတာဖြစ်တယ်။
ထိုအလိမ်ခံရတဲ့ ဒေါ်လာ ၅ သန်းကျော်နဲ့ လက်ကျန်တော်လှန်ရေး ရန်ပုံ၍ငွေကိစ္စနဲ့ ပတ်သက်ပြီး မေးခွန်းထုတ်တိုင်း CBCUSA အနေနဲ့ အမြဲခေါင်းရှောင်တာ တွေ့ရတယ်။ ပြည်သူတွေအနေနဲ့ ထိုရန်ပုံငွေအကြောင်း မေ့ပြစ်သင့်ကြောင်း ဒါမှမဟုတ် သူတို့ကိုယ်တိုင် အလွဲသုံးစားလုပ်တာ မဟုတ်တဲ့အတွက်ကြောင့် ဘာမှမတတ်နိုင်ကြောင်း နဲ့ မေးခွန်းထုတ်သူကို ပြန်အပြစ်ပြောတာမျိုး လုပ်တာတွေ့ရပြီး ပွင့်လင်းမြင်သာမှု နဲ့ တာ၀န်ယူတာ၀န်ခံမှု (transparency and accountability) လုံး၀မရှိတာ တွေ့ရတယ်။
ချင်းသမိုင်းတစ်လျှောက် အာဏာရှင်တော်လှန်ရေးအတွက် ဒီလောက်များပြားတဲ့ ငွေပမာဏ မရရှိခဲ့ဖူးပါ။ ဒီလောက်များပြားတဲ့ ငွေပမာဏာကို လိုအပ်တဲ့နေရာမှာ ထိထိရောက်ရောက် အသုံးပြုနိုင်ခဲ့ရင် တော်လှန်ရေးခရီး အတော်လေးပေါက်မှာ သေချာတယ်။ အခုတော့ အလွဲလွဲအချော်ချော်ဖြစ်တဲ့အပြင် တာ၀န်ယူတာ၀န်မှု ပျက်ကွက်တာတွေ့ရတော့ ချင်းပြည်သူတွေ အကြား မကျေနပ်မှု အတော်များနေတာ တွေ့ရတယ်။ ဒါကြောင့် အောက်ပါအချက်များနဲ့ ပတ်သက်ပြီး ချင်းပြည်သူထံ CBCUSA အနေနဲ့ တာ၀န်ယူပြန်ရှင်းဖို့လိုပါတယ်။

၁။ ကန်ဒေါ်လာ ၁၂ သန်းကျော် နဲ့ စရင်းဇယားအတိကျကို ချင်းပြည်သူထံ (သို့မဟုတ်) သက်ဆိုင်ရာ တာ၀န်ရှိပုဂ္ဂိုလ်များထံ ချပြဖို့လိုပါတယ်။ ဥပမာ၊ များသောအာဖြင့် CBCUSA ထံ တစ်ဦးချင်း အလိုက်၊ ရွာအလိုက်၊ အဖွဲ့စည်းအလိုက်၊ ဒေသအလိုက်၊ အသင်းတော်အလိုက် အလှူငွေ အပ်နှံခဲ့တာဖြစ်တယ်။ ဒါကြောင့် ဖြစ်နိုင်ရင် ၎င်းအဖွဲ့စည်းများရဲ့ တာ၀န်ရှိ ပုဂ္ဂိုလ်များထံ စရင်းဇယား အတိကျ ချပြဖို့လိုပါတယ်။ အချင်းချင်းဆိုပြီး နားလည်မှုနဲ့ အမှုပြီးခိုင်းတာမျိုး မလုပ်သင့်ပါ။

၂။ သေဆုံးသွားပါတယ်ဆိုတဲ့ လက်နက်ပွဲစားကြီးနဲ့ နှစ်ဖက်အကြား သဘောတူညီချက် (Bilateral Agreement)၊ သတ်မှတ်ချက်များနှင့် လိုက်နာရမည့် စည်းမျဉ်းများ (Terms and conditions) အားလုံးနဲ့ ငွေပေးချေမှု (Receipts or evidence of transaction) အထောက်ထားများ ပြည်သူထံ သိုမဟုတ် သက်ဆိုင်ရာ တာ၀န်ရှိပုဂ္ဂိုလ်များထံ ချပြရပါလိမ့်မယ်။ ပြီးတော့ လက်နက်ပွဲစားကြီးရဲ့ နာမည်နဲ့ ကိုယ်ရေးရာဇ၀င် (profile) နဲ့ အမှန်တကယ် သေဆုံးခြင်း ဟုတ်မဟုတ် အထောက်ထား (Death certificate) ပြနိုင်ဖို့လိုပါတယ်။ ဒီလောက် များပြားတဲ့ ငွေပမာဏာ ဒီလူတစ်ယောက် သေးဆုံးသွားလို့ ဒီတိုင်းထား မေ့ပြစ်ဖို့ဆိုတာ လက်တွေ့မကျသလို တာ၀န်မဲ့ရာကျလွန်းပါတယ်။ အနည်းဆုံး ချင်းပြည်သူတွေ ယုံကြည်နိုင်လောက်တဲ့ သက်သေအထောက်ထား တစ်ခုခုတော့ ပြနိုင်ဖို့လိုပါတယ်။

၃။ CBCUSA အနေနဲ့ ပျောက်ဆုံးသွားတဲ့ ငွေပမာဏ အားလုံး (သို့မဟုတ်) တတ်နိုင်တဲ့ အတိုင်းတာ ပမာဏ တစ်ခုထိ ပြန်ဆပ်ဖို့လိုပါတယ်။ အကယ်၍ တစ်ပြားမှ ပြန်မဆပ်နိုင်ရင် အလှူရှင်ပြည်သူနဲ့ တော်လှန်ရေးလုပ်နေတဲ့သူအားလုံးကို အများသိ တောင်းပန်မှု (public apology) လုပ်ဖို့လိုတယ်။ အခုထိ သိရသလောက်က တောင်းပန်တာမျိုး မလုပ်တဲ့အပြင် “ငါတို့အိတ်ကပ်ထဲ ထည့်တာမှ မဟုတ်ဘဲ၊ ငါတို့ကိုအပြစ်ပြောဖို့မလိုဘူး” ဆိုတဲ့ အချိုးမျိုး ချိုးတာ တွေ့ရတယ်။ အမှန်တော့ ပြည်သူတွေအနေနဲ့ CBCUSA ခေါင်းဆောင်က အလွဲသုံးစားလုပ်တယ် ဆိုပြီး ယူဆတဲ့သူတွေ ရှိကောင်းရှိမယ် ဒါပေမယ့် မများလောက်ဘူး။ ယခုပျောက်သွားတဲ့ ဒီတော်လှန်ရေး ရန်ပုံငွေက သူတို့လုပ်ငန်း မလုပ်တတ်မကိုင်တတ်လို့ အလိမ်ခံရတာ ဖြစ်တယ်။ ဒီကိစ္စနဲ့ ပတ်သက်ပြီး သူတို့မှာ တာ၀န် အပြည့်ရှိတယ်။ ဒါကြောင့် တာ၀န်ခံ တာ၀န်ယူမှု အပြည့်လုပ်ဖို့လိုတယ်။

၄။ CBCUSA လို အားကောင့်တဲ့ ဘာသာရေးအဖွဲ့အစည်း တော်လှန်ရေးမှာ တက်တက်ကြွကြွ ၀င်ပါတာ အရမ်းကောင်းပါတယ်။ အထူးသဖြင့် အခုလိုမျိုး အာဏာရှင်တော်လှန်ရေး ဘယ်အဖွဲ့ဆို အဖက်ဖက်မှ၀င်ပါနိုင်တာ တော်လှန်ရေးအားပိုကောင်းစေပါတယ်။ ဒါပေမယ့် တစ်ဖွဲ့နဲ့တစ်ဖွဲ့ ထိထိရောက်ရောက် ပါ၀င်နိုင်တဲ့ အခန်းကဏ္ဍချင်း မတူကြပါ။ အရာရာမှာ ၀င်ပါပြီး ဘာမှ မရေမရာ အဖြစ်မျိုးကို ကြိုတင်ရှောင်ရှားဖို့ လိုပါတယ်။ အထူးသဖြင့် တော်လှန်ရေးရန်ပုံငွေရှာတဲ့ နေရာမှာ CBCUSAဟာ အခြားအဖွဲ့စည်းတွေထက် ပိုပြီးထိရောက်နိုင်ပေမယ့် လက်နက်ရှာဖွေ၀ယ်ယူရေး ကိစ္စမျိုးမှာတော့ နားလည်တဲ့သူတွေကို တာ၀န်လွှဲအပ်ဖို့လိုပါတယ်။

အခုဖြစ်တဲ့ကိစ္စမှာတော့ CBCUSAလူကြီးပိုင်းမှာ တော်လှန်ရေးနာမည်ကောင်းရှာပြီး နိုင်ငံရေးသြဇာ တည်ဆောက်ချင်သူတွေကြောင့် အလွှဲလွှဲအချော်ချော် ဖြစ်ကုန်တယ်လို့ သုံးသပ်မိတယ်။ တစ်နည်းအာဖြင့် အလေးပြုခံချင်လွန်းလို့ အလေးအနက်လုပ်ရမယ့် အလုပ်တာ၀န် ပျက်ကွက်ခြင်းဟု ဆိုရပါမယ်။

စဥ်းစားကြည့်ပါ၊ လုပ်ငန်းတစ်ခုမှ တွဲမလုပ်ဖူးတဲ့ လူပုဂ္ဂိုလ် တစ်ယောက်ကို လက်နက်၀ယ်ဖို့ ကန်ဒေါ်လာ ၅ သန်း အလုံးအရင်း (Lump sum) ပေးကာ နောက်သုံးလမှာ အဲဒီလူ သေဆုံးသွားတယ်ဆိုတာ နားလည်ရခက်လွန်းပါတယ်။ အနည်းဆုံးတော့ ဒီလောက်များပြားတဲ့ ငွေပမာဏာ မပေးခင် ဖြစ်နိုင်ချေရှိမရှိ (Feasibility study) လေ့လာမှုမျိုး လုပ်ခဲ့သင့်တယ်။ ဒါမှမဟုတ် သောင်းဂဏန်း သို့မဟုတ် သိန်းဂဏန်းလောက်နဲ့ (pilot project) အစမ်းသဘောမျိုး အရင်စခဲ့သင့်တယ်။ အခုတော့ ဘာနောက်ကြောင်း ဘာဇတ်ကြောင်းမသိတဲ့သူထံ ကန်ဒေါ်လာ ၅သန်းကျော် အလုံးရင်း ပေးလိုက်တော့ တော်လှန်ရေးတစ်ခုလုံး လည်ပင်းညှစ်ခံရသလိုဖြစ်ရတယ်။

၅။ တကယ်လိုအပ်တဲ့အောင်ပွဲထက် ကိုယ့်နာမည် နဲ့ အဖွဲ့စည်းနာမည်ကောင်း (personal or group legacy)ရှာဖွေသူ ဖောင်းပွခြင်းက ချင်းတော်လှန်ရေးတစ်ခုလုံးရဲ့ အကြီးမားဆုံး အဟန့်တားတစ်ခုပါ။ စေတနာအရင်းနဲ့ တော်လှန်ရေးလုပ်တာ မဟုတ်ဘဲ ကိုယ့်နာမည် ကိုယ့်အဖွဲ့စည်း နာမည်ကောင်း ရရှိရေးအတွက် အလုပ်လုပ်ရင်း သမိုင်းနာမည်ဆိုး ရေးတဲ့သူတွေ များပါတယ်။ CBCUSA ခေါင်းဆောင်ပိုင်းမှာလဲ ဒါမျိုးနာမည်ကောင်းရှာဖွေသူတွေကြောင့် နာလည်ကျွမ်းသူတွေထံ အကြံတောင်းမျိုး လုပ်ဖို့ပျက်ကွက်ခဲ့တယ်လို့ ယူဆရပါတယ်။ အမှန်တော့ CBCUSA ရဲ့လက်နက် ၀ယ်ယူရေးအစီစဥ်အားလုံး ချင်းပြည်သူတွေကြား (open secret လိုမျိုး) ပေါက်ကြားခဲ့ပြီးသား ဖြစ်တယ်။ ဒါကြောင့် တစ်ချို့နိုင်ငံရေးနာလည်တဲ့သူအနေနဲ့ ဒါမျိုးလုပ်လို့မဖြစ်နိုင်ကြောင်း နဲ့ အလိမ်ခံရနိုင်ကြောင်း ကြိုတင်သတိပေးမှုတွေ အများကြီးလုပ်ခဲ့ကြပါတယ်။ CBCUSA အနေနဲ့ ကိုယ့်ကိုကိုယ် ယုံကြည်မှုလွန်ကဲပြီး အားလုံးကို လျစ်လျူရှုခဲ့တာဖြစ်တယ်။ ဒါကြောင့် ဒီလောက်သတိပေးတဲ့ကြားက အားလုံးကို လျစ်လျူရှုခဲ့တဲ့ CBCUSA အနေနဲ့ တာ၀န်ယူတာ၀န်ခံမှု အပြည့်ရှိဖို့ လိုအပ်ပါတယ်။

၆။ ချင်းပြည်သူတွေအနေနဲ့ ငွေကြေးတပ်နိုင်လွန်းလို့ လွယ်လွယ်နဲ့ ကန်ဒေါ်လာ ၁၂ သန်းကျော် တော်လှန်ရေးတွက် လှူခဲ့ကြတာမဟုတ်ပါ။ ခက်ခက်ခဲခဲနဲ့ စုမိဆောင်းမိသမျှ အာဏာရှင်တော်လှန်ရေးအတွက်ဆိုပြီး စေတနာအပြည့်နဲ့ ထည့်၀င်ခဲ့ကြတာ ဖြစ်တယ်။ အမှန်တော့ ပြည်ပမှာ စာမတတ်ပေမတတ် အလုပ်ကြမ်း အမျိုးမျိုးလုပ် ချွေးပေါင်းများစွာရင်းကာ အမျိုးမျိုး အနှင်ခံရင်း ရလာတဲ့ အဿပြာအနည်းကျင်းလေးကို အာဏာရှင် တော်လှန်ရေးအတွက်ဆိုကာ ပေးလှူခဲ့ကြတာပါ။ ဒါကြောင့် ချင်းပြည်သူတွေရဲ့ မျက်နာကို CBCUSA အနေနဲ့လုံး၀ ထောက်ထားဖို့လိုပါတယ်။ ဒီအတိုင်း ပြီးခဲ့ပြီးသားကိစ္စ နောက်ကြောင်းပြန်မဖော်နဲ့ ဆိုတဲ့အချိုးမျိုးနဲ့ လျစ်လျူရှုဖို့မသင့်ပါ။ တာ၀န်ယူတာ၀န်ခံမှု မရှိတဲ့ CBCUSA ကြောင့် ချင်းပြည်သူ အတော်များများ တော်လှန်ရေးအတွက် အလှူငွေထည့်ဖို့ အတော်လေးတွန့်ဆုတ်နေကြတယ်။ ဥပမာ၊ CBCUSA တလွဲလုပ်ခဲ့တဲ့နောက် ချင်းအမျိုးသားတပ်ဦး CNF/CNA က တော်လှန်ရေးအတွက် ကန်ဒေါ်လာ ၂၅ သန်း ရန်ပုံငွေစီမံကိန်း လုပ်ခဲ့ပေမယ့် သန်းဂဏန်းတောင်မှ မရခဲ့တာ အားလုံးအသိပါ။ CBCUSA ကြောင့် ပြည်သူတွေအနေနဲ့ တော်လှန်ရေးအပေါ် ယုံကြည်မှုလုံး၀ လျှော့သွားတာ တွေ့ရတယ်။ ဒါတွေအားလုံး ပြန်အဖတ်ဆယ်ဖို့ CBCUSA တာ၀န်အပြည့်ရှိပါတယ်။

By-RLT

04/11/2025

ဧပြီ ၁၀

စစ်ကိုင်းတိုင်း၊ မုံရွာမြို့ အမှတ် ၂ ရဲစခန်းမှ ဒုရဲအုပ်အေးသန်းထွန်းသည် G3 ရိုင်ဖယ် ၁ လက်နှင့် ကျည်အချို့ ယူဆောင်လာပြီး အလင်းဝင်ရောက်

04/11/2025

ဧပြီ ၁၁

ပဲခူးတိုင်း၊ ကျောက်တံခါးမြို့နယ်၊ ပဲနွယ်ကုန်း- နတ်သံကွင်း လမ်းပိုင်းရှိ အကြမ်းဖက် စစ်တပ်စခန်းမှ စစ်မှုထမ်း တပ်သားသစ် ၁ ဦးသည် သေနတ် ၁ လက်ယူဆောင်လာပြီး အလင်းဝင်ရောက်ခဲ့

04/11/2025

ပဲခူးမြို့တွင် ရက်ရက်ဆက်ဆက် အစုလိုက်အပြုံလိုက် သတ်ဖြတ်မူတွင် အဓိကပါဝင် ဦးဆောင်နှိမ်နင်းခဲ့သော တပ်မ ၇၇ တပ်မမှူး ဗိုလ်မှူးချုပ် အောင်သက်ဦးနှင့် စစ်သား ၁၅၀ ကျော်ကို ဧပြီလ ၇ ရက်နေ့ အရှင်ဖမ်းမိပြီ

crd- photos

04/11/2025

ချင်းညီနောင်စစ်ဆင်ရေးတပ်ဖွဲ့က ဧပြီလ ၉ ရက်နေ့တွင် စစ်ကောင်စီ၏ နောက် ဆုံးလက်ကျန် တပ်ရင်း ခလရ ၂၆၈ ချင်းပြည်နယ်၊ ဖလမ်းမြို့အပြီးသတ်သိမ်းပိုက်

Crd photos

01/17/2025

ရန်ကုန်၊ ဇန်နဝါရီ ၁၆

ရခိုင်ပြည်နယ်၊ အမ်းမြို့သိမ်း တိုက်ပွဲမှ ထွက်ပြေးလာသော အကြမ်းဖက် စစ်ကောင်စီ တပ်သားများကို တိုက်ခိုက်ခဲ့ရာ စစ်သား ၅ ဦးသေဆုံးပြီး ၁၂ ဦး အရှင်ဖမ်းမိခဲ့ကြောင်း Chin Defence Force – Asho တပ်ဖွဲ့မှ သတင်းထုတ်ပြန်၊

Crd

01/14/2025

ပြည်သူ့ကာကွယ်‌ရေးတပ်မတော် TRI ဗျူဟာရဲ့ စစ်သင်တန်းဆင်းပွဲ၊ လက်နက်တပ်ဆင်ပွဲနဲ့ တပ်အပ်ပွဲ ပုံရိပ်တွေ ထုတ်ပြန်

01/12/2025

နှစ်ဘက်အပစ်အခတ်ရပ်စဲရေးတောင်းဆိုထားတဲ့ TNLA က ရက်ပေါင်း ၄၉ ရက်အကြာမှာ စစ်ကောင်စီကို စစ်ကြေညာ

မဲခေါင်၊ ဇန်နဝါရီ ၁၂

နှစ်ဘက်စစ်ရေးပဋိပက္ခတွေ အဆုံးသတ်နိုင်ဖို့ စစ်ကောင်စီနဲ့ တွေ့ဆုံဆွေးနွေးရေးမျှော်လင့်နေတဲ့ TNLA က ရက်ပေါင်း ၄၉ ရက်အကြာမှာ တော်လှန်ရေးအင်အားစုများနဲ့ ဟန်ချက်ညီလက်တွဲပူပေါင်းကာ စစ်ကောင်စီကို အပြီးတိုင် ချေမှုန်းတော်လှန်သွားမယ်လို့ ဒီနေ့ရက်စွဲနဲ့ စစ်ကြေညာလိုက်ပါတယ်။

တွေဆုံဆွေးနွေးရေးကမ်းလှမ်းချက်ထုတ်ပြန်ပြီး ၄၅ ရက်အကြာ ဇန်နဝါရီ ၈ ရက်မှာ TNLA ထိန်းချုပ်ထားတဲ့ မိုးကုတ်မြို့ကို စစ်ကောင်စီက ဗုံးအလုံး ၃၀ ဝန်းကျင်ကြဲချပြီး ၄ ရက်အကြာ ဇန်နဝါရီ ၁၂ မှာအခုလိုစစ်ကြေညာတာဖြစ်ပါတယ်။

၁၀၂၇ စစ်ဆင်ရေးအတွင်း TNLA သိမ်းပိုက်ရရှိထားတဲ့ တအာင်းပြည်သူလူထုရဲ့ တော်လှန်ရေးအသီးအပွင့်ကို ရေရှည် ထိန်းသိမ်းထားနိုင်ရေးအတွက် မြန်မာပြည်တဝှမ်းမှာရှိတဲ့ တော်လှန်ရေးအင်အားစုတွေနဲ့ ဟန်ချက်ညီ လက်တွဲပူးပေါင်းကာ စစ်ကောင်စီကိုအပြီးတိုင်ချေမှုန်းတော်လှန်သွားမယ်လို့ တအာင်းအမျိုးသားလွတ်မြောက်ရေးတပ်မတော် TNLA က ထုတ်ပြန်ကြေညာတာပါ။

တအာင်းပြည်ဒေသအတွင်း နေ့စဉ်ဖြစ်ပွါးနေတဲ့ တိုက်ပွဲတွေမှာ စစ်ကောင်စီက လေကြောင်းစစ်ဆင်ရေးအပါအဝင် ပြင်းထန်တဲ့တိုက်ပွဲတွေကြောင့် စစ်ဘေးသင့်နေတဲ့ပြည်သူကို ငဲ့ညှာတဲ့အနေနဲ့ရော၊ တရုတ်အစိုးရရဲ့ ကြိုးပန်းမှုကို အသိအမှတ်ပြုတာတွေကြောင့် နှစ်ဘက်စစ်ရေးပဋိပက္ခတွေ အဆုံးသတ်နိုင်ဖို့ စစ်ကောင်စီနဲ့ တွေ့ဆုံဆွေးနွေးမယ်လို့ TNLA က ၂၀၂၄ခုနှစ်၊ နိုဝင်ဘာ ၂၅ ရက်မှာထုတ်ပြန်တာပါ။

တအာင်းအမျိုးသား တော်လှန်ရေး (၆၂)နှစ်ပြည့်တဲ့ ဇန်နဝါရီလ ၁၂ ရက်မှာ အခုလိုစစ်ကြေညာချက် ထုတ်ပြန်တာလည်းဖြစ်ပါတယ်။

ထုတ်ပြန်ချက်မှာ တိုင်းရင်းသားလက်နက်ကိုင်အဖွဲ့တွေ၊ နွေဦးတော်လှန်ရေးတပ်ဖွဲ့တွေနဲ့ တိုင်းပြည်အနှံ့အပြားမှာရှိ ပြည်သူလူထုရဲ့ စုပေါင်း တော်လှန်မှုကြောင့် ဘုံရန်သူစစ်အုပ်စုမှာ တိုက်ပွဲတိုင်းမှာအရှုံးနဲ့ရင်ဆိုင်နေရတယ်လို့ဆိုပါတယ်။

အခုလို အကြီးအကျယ်စစ်ရှုံးနေတဲ့ စစ်ကောင်စီဟာ ဆေးရုံ၊ ကျောင်း၊ ဘာသာရေးအဆောက်အအုံ၊ ဈေး၊ လူနေအိမ်အစရှိ တဲ့ အရပ်သားပြည်သူတွေနေထိုင်ရာကို ဦးတည်ပြီး လေယာဉ်နဲ့ ဗုံးကြဲတာ၊ လက်နက်ကြီးနဲ့ပစ်ခတ်တာ၊ မီးရှိုးဖျက်ဆီးတာတွေအပါအဝင် သတ်ဖြတ်မှုတွေကိုပါဆက်တိုက်ပြုလုပ်လျက်ရှိပြီး စစ်ရာဇဝတ်မှုတွေကို ဆက်တိုက်ကျူးလွန်နေတယ်လို့ ထုတ်ပြန်ချက်မှာဖေါ်ပြပါတယ်။

လက်ရှိ တအာင်းပြည်အတွင်း စစ်ကောင်စီတပ်ဖွဲ့တွေရဲ့ အုပ်ချုပ်ရေးယန္တရားကို ဖယ်ရှားရှင်းလင်းနိုင်ခဲ့တာဟာ တအာင်း တပ်မတော်၊ တပ်ဖွဲ့ဝင်တွေ၊ ခေါင်းဆောင်တွေနဲ့ တအာင်းပြည်သူတွေရဲ့ ပူးပေါင်းဆောင်ရွက်မှုကြောင့် ရရှိခဲ့တဲ့တော်လှန် ရေးအောင်ပွဲကြီးဖြစ်တယ်လို့ ထုတ်ပြန်ချက်မှာဖော်ပြထားပါတယ်။

TNLA အနေနဲ့ တအာင်းနိုင်ငံရေးအတိုင်ပင်ခံကော်မတီ TPCC ဦးဆောင်ရေးဆွဲထားတဲ့ နိုင်ငံရေးလမ်းပြမြေပုံအတိုင်း တော်လှန်ရေးအင်အားစုတွေ၊ နိုင်ငံရေးပါတီတွေနဲ့ အရပ်ဘက်အဖွဲ့အစည်းတွေကို အခြေခံပြီး တော်လှန်ရေးကာလအစိုးရ အစီအမံကိုအတည်ပြုကာ ‘ပြည်သူ့အစိုးရ’ တစ်ရပ် အမြန်ဆုံးပေါ်ပေါက်လာဖို့ ကြိုးပမ်းဆောင်ရွက်နေတယ်လို့ အသိပေး ထားပါတယ်။

တအောင်းပြည်ရှိ PSLF ယာယီဌာနချုပ်မှာ ၅ ရက်ကြာကျင်းပပြုလုပ်ခဲ့တဲ့ နှစ်ပတ်လည်အစည်းအဝေးအပြီး ပြီးခဲ့တဲ့ ဇန်နဝါ ရီ ၁၀ ရက်ကလည်း TNLA က တပ်မဟာ ၉ ခုအဖြစ်တိုးချဲ့ပြင်ဆင်ပြီး အုပ်ချုပ်ရေးလုပ်ငန်းတွေအဆင်ပြေ ချောမွေ့ စေဖို့ မြို့ ၁၈ မြို့ပါဝင်တဲ့ ခရိုင် ၅ ခုကို ပြင်ဆင်စုဖွဲ့မှုကို သဘောတူညီထားတယ်လို့ ကနဦးထုတ်ပြန်ထားပါသေးတယ်။

၁၀၂၇ စစ်ဆင်ရေးအတွင်း TNLA သိမ်းပိုက်ထားတဲ့ ရှမ်းပြည်မြောက်ပိုင်းက နမ့်ဆန်၊ မန်တုံ၊ နမ္မတူ၊ နမ့်ခမ်း၊ ကွတ်ခိုင်၊ ကျောက်မဲ၊ မိုင်းလုံ၊ မိုးမိတ်၊ မိုင်းငေါ့၊ မိုးကုတ်၊ သီပေါနဲ့ နောင်ချိုစတဲ့မြို့တွေအပါအဝင် တအာင်းတပ်မတော် အခြေစိုက်ထားတဲ့ ဒေသတွေမှာ အုပ်ချုပ်ရေး၊ တရားဥပဒေစိုးမိုးရေးနဲ့ ပြန်လည်ထူထောင်ရေးတွေကို TNLA က လုပ်ဆောင်နေပါတယ်။

CJ-017

Zotung Tube News

05/03/2025

04/29/2025

04/17/2025

04/17/2025

04/14/2025

04/11/2025

04/11/2025

04/11/2025

04/11/2025

01/17/2025

01/14/2025

01/12/2025

Address

Website

Alerts

Contact The Business

Shortcuts

Share

Category

Zotung Tube Channel