Sarcheena

06/18/2026

د ایران د بهرنیو چارو وزارت ویاند اسماعیل بقايي ویلي چې له امریکا سره په راتلونکو خبرو اترو کې به د ایران د بالستیک توغندیو پروګرام مطرح نه شي.

د العربیه خبر له مخې بقايي ویلي چې ایراني توغندي یوازې د توغولو لپاره دي، نه د مذاکرې لپاره.

06/18/2026

د فرانسې ولسمشر ایمانوېل مکرون د جي ۷ سرمشریزې کې ویلي چې دی د امریکا او ایران ترمنځ د هوکړې هرکلی کوي او دا به نړۍ کې اقتصادي بې ثباتي پای ته ورسوي.

خو د رویټرز خبر له مخې د جرمني د بهرنیو چارو وزیر یوهان ودفول د ایران او امریکا ترمنځ په شوې هوکړې نیوکه کړې چې د ایران او امریکا ترمنځ د هوکړه لیک محتوا ورته روښانه نه ده.

06/18/2026

د روسیې د بهرنیو چارو وزیر سرګي لاوروف د امریکا او ایران ترمنځ د هوکړې ملاتړ وکړ او له اسراییلو یې هم وغوښتل چې دا هوکړه ومني.

د بي بي سي خبر له مخې لاوروف ویلي چې مسکو د هر هغې هوکړې هرکلی کوي چې په سیمه کې د تاوتریخوالي د کمولو لامل کیږي.

06/18/2026

د اوکراین د بهرنیو چارو وزیر په فرانسه کې د جي ۷ هېوادونو د سرمشریزې ناستې کې له دوي مننه کړې چې د اوکراین ملاتړ کوي.
د بي بي سي خبر له مخې د جي ۷ هېوادونو ګډونوالو ویلي چې دوي به اوکراین ته د هوايي دفاع سیسټمونو رسونه زیاتوي، د اوکراین د انرژي وړتیا به ډېروي او پر روسیې به بندیزونه لا سختوي.

06/18/2026

د سعودي عربستان د بهرنیو چارو وزیر فیصل بن فرهان ویلي چې دوي د ایران لپاره د بیا رغونې ۳۰۰ میلیارده ډالریز صندوق په اړه لکه څرنګه چې راپورونو کې یادونه شوې ده معلومات نه لري.

د العربیه خبر له مخې بن فرهان ټینګار کړی چې له ایران سره تر هرډول اقتصادي همکاریو وړاندې د باور فضا باید بېرته رامنځته شي.
له دې وړاندې رویټرز او نورو نړېوالو رسنیو راپورونه ورکړي وو چې د ایران لپاره د بیا رغونې صندوق مالي سرچینې به د امریکا، خلیج عربي هېوادونه، جنوبي امریکا، اسیا او افریقايي شرکتونو له لورې برابریږي.

06/18/2026

د ایران د پارلمان مشر محمد باقر قالیباف ویلي چې هرمز تنګی به له جګړې مخکې شرایطو ته نه ګرځي او دوي پر هرمز تنګي د حاکمیت حق لري.

د بي بي سي خبر له مخې قالیباف ویلي چې دوي به په هرمز تنګي کې د خدمتونو په بدل کې له هغو بېړیو پیسې اخلي چې له دې مهمې سمندري لارې تېرېږي.

06/18/2026

د امریکا ولسمشر ډانلډ ټرمپ وايي چې که تهران د امریکا او ایران ترمنځ هوکړې ته ژمن پاتې نه شي نو امریکا به بیاځلي پر ایران پوځي بریدونه وکړي.

د العربیه خبر له مخې ټرمپ ټینګار کړی چې ایران ته به هېڅکله هم اجازه ورنکړي چې اټومي وسلې ترلاسه کړي.

06/18/2026

سپینې ماڼۍ د جون په اولسمه نېټه خبر ورکړ چې ولسمشر ډانلډ ټرمپ د فرانسې په ورسیلز کې له ایران سره د تفاهم یادښت لاسلیک کړ

06/17/2026

نیویارک ټایمز: امریکايي چارواکي له ایران سره د موافقې متن خپور کړ

یو لوړ پوړي امریکايي چارواکي د چهارشنبې په ورځ د امریکا او ایران ترمنځ د موافقې متن خپور کړ او هغه شرایط یې بیان کړل چې موخه یې جګړې ته دایمي پای ورکول دي، خو ځینې پېچلې مسئلې یې د راتلونکو ۶۰ ورځو خبرو اترو ته پرېښې دي.

نیویارک ټایمز د جون په ۱۷ نېټه راپور کې ویلي د موافقې جزئیات تر ډېره له هغو څرګندونو سره سمون لري چې ټرمپ او نورو چارواکو په وروستیو ورځو کې کړې وې.

بشپړ راپور په لاندې لېنک کې:

یو لوړ پوړي امریکايي چارواکي د چهارشنبې په ورځ د امریکا او ایران ترمنځ د موافقې متن خپور کړ او هغه شرایط یې بیان کړل چې موخه یې جګړې ته دایمي پای ورکول دي، خو ځینې پېچل...

06/17/2026

د مسکو ښاروال سرګئي سوبیانین ویلي چې هغه ۱۹ بې پیلوټه الوتکې یې په نښه او نسکورې کړې دي چې د روسیې پر پلازمینې د برید لپاره روانې وې.

د العربیه خبر له مخې اوکراین بیا ویلي چې د روسیې له خوا د اوکراین د جنوب ختیځ ښار زاپوریژیا باندې برید کې یو کس وژل شوی او اووه تنه نور ټپیان شوي دي.