AmericabilSudani

02/06/2026

ترمب نشر في منصتو Truth Social مقطع/بوست عن انتخابات 2020، وفيه لقطة مركّبة بتظهر باراك أوباما وميشيل أوباما بصور مسيئة (مركّبة على أجسام قرود). اللقطة دي اتفسّرت فوراً كإيحاء عنصري، وناس كتار سياسيين وإعلام ومنظمات هاجمو ترمب وقالوا دي إساءة ما بتتقبل.

بعد ساعات من انتشار البوست اتحذف من الحساب، وطلع تبرير من جهات قريبة من ترمب إنو “اتنشر بالغلط بواسطة موظف” وما كان مفروض يطلع بالشكل دا. لكن القصة ما وقفت هنا خصومو شايفنها دليل على خطاب مستفز، ومؤيدينو بحاولو يقللو منها ويقولو “ميم/سخرية”
رأيك شنو؟

02/01/2026

النظام السياسي في أمريكا مصمم بحيث تكون السلطة المالية في يد البرلمان، ودا مقصود عشان الحكومة ما تصرف قروشها براها من غير رقابة، فالدستور الأمريكي اشترط إنو أي صرف حكومي لازم يكون مبني على قانون ميزانية مجاز من الكونغرس، والسنة المالية بتبدأ في شهر أكتوبر، ولو الميزانية ما اتجازت قبل التاريخ دا، الحكومة ما بتفشل ولا تنهار، لكنها تدخل في حالة قانونية اسمها الإغلاق، لأنو الإذن بالصرف ببساطة ما موجود، وفي أكتوبر الفات الكونغرس ما قدر يجيز ميزانية كاملة بسبب خلافات سياسية عميقة بين الحزبين، من ضمنها موضوع الهجرة، فبدل ما الميزانية تتجاز بصورة نهائية، لجأوا لحل مؤقت اسمو التمديد المؤقت، يعني يسمحوا للحكومة تواصل الصرف بنفس ميزانية السنة السابقة لفترة محددة، ودا إجراء معروف في النظام الأمريكي هدفه كسب زمن، ما حل الخلاف، فالحكومة واصلت شغلها وهي عارفة إنو الموضوع مؤجل، ولما التمديد دا انتهى في 30 يناير 2026 من غير ما يتم الاتفاق على ميزانية جديدة، رجع الوضع القانوني لنقطة الصفر، لأنو لا في ميزانية مجازة ولا في تمديد جديد، والخلاف السياسي ذاته لسه قائم، خاصة فيما يتعلق بتمويل وزارة الأمن الداخلي وقضايا الهجرة، ومع غياب الاتفاق القانون يمنع الصرف تلقائيًا، فدخلت الحكومة في إغلاق حكومي جزئي في 31 يناير 2026، ودا ما قرار إداري ولا خلل فني، بل نتيجة مباشرة لطريقة تصميم النظام نفسه، لكن في نفس الوقت حصل تطور مهم، إذ تم التوصل إلى تعديل قانوني يسمح بتمويل معظم مؤسسات الحكومة الفدرالية إلى نهاية السنة المالية، بينما استُثنيت وزارة الأمن الداخلي من التمويل الكامل، واكتفى بتمديد قصير لمواصلة التفاوض حولها، ودا الوضع القائم حاليًا، والجدير بالذكر إنو الإغلاق ما حالة جديدة في التاريخ الأمريكي، فقد شهدت البلاد أطول إغلاق حكومي في تاريخها في عام 2025، واستمر لأكثر من أربعين يومًا، وكان بنفس السيناريو تقريبًا، خلاف سياسي، تأجيل، انتهاء مهلة، إغلاق، ثم اتفاق متأخر، ودا بيوضح إنو الإغلاق في أمريكا وسيلة ضغط سياسي داخل إطار قانوني، لكن كلفتو الحقيقية دايمًا بيدفعها المواطن والموظف العادي.

01/30/2026

- زلزال جديد في ملف جيفري إبستين “دفعة ملفات” نزلت والناس داقة جرس!
- ميتا في وشّ المدفع, اتهامات خطيرة بتعريض قُصّر للاستغلال.
- تفتيش ومداهمات, دعوى ضد ICE بخصوص دخول البيوت بدون إذن قاضي.
- دون ليمون اتقبض عليه, قصة “احتجاج الكنيسة” قلبت ترند.
- FTC ترسل تحذيرات لمكاتب محاماة “توظيف الـDEI ممكن يجيب وجع راس”
- SEC صرحت, قضية الاحتيال ضد غوتام أداني ماشّة لقدّام.
- غافن نيوسوم فتح بلاغ في دكتور محمد أوز, “ملف هوسبيس” عامل قلق.
- في في جورجيا, تولسي غابارد ظهرت في مداهمة مرتبطة بانتخابات, والناس بتسأل “الشـلاقة الليها شنو؟.

انتظرونا بالتفاصيل ..

01/28/2026