The Somali News

The Somali News The Somali News waa warbaahin dhexdhexaad ah oo xog furan. Facaa caajis ka reebo

Dagaal xooggan oo u dhexeeya beelaha Baadicade iyo Jareerweyne ayaa ka qarxay degmada Jalalaqsi ee gobolka Hiiraan, sida...
06/19/2026

Dagaal xooggan oo u dhexeeya beelaha Baadicade iyo Jareerweyne ayaa ka qarxay degmada Jalalaqsi ee gobolka Hiiraan, sida ay sheegayaan wararka halkaas ka imaanaya. Dagaalka ayaa sababay khasaare kala duwan oo isugu jira dhimasho, dhaawac iyo barakac, iyadoo xaaladdu weli ay kacsan tahay.

Wararka hordhaca ah ayaa sheegaya in ugu yaraan 10 qof ay ku dhinteen, sidoo kalena guryo badan la gubay intii ay isku dhacyadu socdeen. Dagaalka ayaa la sheegay inuu ka dhashay fal kufsi ah oo lagu eedeeyay in uu ka dhacay deegaanka, taas oo kicisay xiisadda labada dhinac, inkastoo faahfaahinta rasmiga ah weli la sugayo.

Ciidamada nabad-ilaalinta Qaramada Midoobay ee ka socda Jabuuti, ee ku sugan gobolka Hiiraan, ayaa lagu soo warramayaa inay wadaan dadaallo lagu daminayo dagaalka iyo xasilinta xaaladda. Waxa kale oo ay wadaan kulammo iyo isku dayo dhexdhexaadin ah si loo joojiyo colaadda loona soo celiyo nabadda degmada Jalalaqsi.

Gobolka Dhexe ee Gondar ee dalka Itoobiya ayaa laga soo sheegay horumarro waaweyn oo laga gaaray dadaallada nabadeynta, ...
06/19/2026

Gobolka Dhexe ee Gondar ee dalka Itoobiya ayaa laga soo sheegay horumarro waaweyn oo laga gaaray dadaallada nabadeynta, kadib markii kumannaan dagaalyahan oo hubeysan ay aqbaleen barnaamij nabadeed oo ay taageerto dowladda, sida uu sheegay Anteneh Tadesse oo ah Madaxa Arrimaha Nabadda iyo Amniga ee gobolka.

Mas’uuliyiinta gobolka ayaa sheegay in iskaashi wadajir ah oo lagu xoojinayo nabadda uu keenay natiijooyin muuqda sanad-miisaaniyadeedka socda, taas oo keentay in kumannaan dagaalyahan ay isa soo dhiibaan, isla markaana ay ku biiraan barnaamijyada dib-u-heshiisiinta iyo dib-u-dhiska nolosha bulshada. Qaar badan oo ka mid ah ayaa dhammeystay tababaro dib-u-dhis iyo dib-u-mideyn ah, waxaana hadda socda dadaallo lagu caawinayo inay dib ugu laabtaan shaqooyinkoodii h**e ama loo abuuro fursado shaqo oo cusub.

Anteneh Tadesse ayaa sheegay in xaaladda amniga gobolka ay si tartiib ah u soo hagaageyso, isagoo ku tilmaamay in horumarkani uu ka dhashay ka go’naanshaha shacabka iyo diyaar u noqoshada dagaalyahannada inay qaataan nabadda. Wuxuu sidoo kale ugu baaqay kooxaha hubeysan ee weli ku harsan keymaha inay ka fiirsadaan khasaaraha colaadda, isla markaana ay ku soo biiraan dadaallada nabadda si loo sii adkeeyo xasilloonida gobolka.

Hay’adda Dambi-baarista Kenya (DCI) ayaa soo gabagabeysay tababar socday muddo toban maalmood ah oo ku saabsanaa sirdoon...
06/19/2026

Hay’adda Dambi-baarista Kenya (DCI) ayaa soo gabagabeysay tababar socday muddo toban maalmood ah oo ku saabsanaa sirdoonka aasaasiga ah, kaas oo lagu qabtay Akadeemiyadda Qaranka ee Baarista Dambiyada. Tababarkan ayaa waxaa ka qeyb galay 25 sarkaal oo ka tirsan Waaxda Cilmi-baarista iyo Sirdoonka Dambiyada kuwaas oo laga soo xulay saldhigyo kala duwan oo dalka Kenya ah, waxaana maalgeliyay dowladda Turkiga iyadoo kaashanaysa Booliska Qaranka Turkiga iyo Safaaradda Turkiga ee Nairobi.

Agaasimaha DCI, Maxamed I. Aamiin, oo hadalkiisa uu ku metelay Agaasimaha Waaxda Baarista Francis Niema, ayaa uga mahadceliyay dowladda Turkiga taageerada joogtada ah ee ay siiso horumarinta xirfadaha saraakiisha. Wuxuu sheegay in iskaashiyada noocan oo kale ah ay xoojiyaan awoodda baarayaasha si ay uga jawaabaan caqabadaha amni ee isa soo taraya. Sidoo kale, Danjiraha Turkiga ee Kenya, Subutay Yüksel, ayaa xaqiijiyay sida ay dalkiisu uga go’an tahay xoojinta iskaashiga dhinaca amniga ee kala dhexeeya Kenya.

Dhanka kale, Booliska Qaranka Turkiga ayaa DCI ku wareejiyay qalab casri ah oo loogu talagalay falanqaynta xogta sirdoonka, kaas oo kor u qaadi doona awoodda ururinta, isku-dubaridka iyo muuqaalaynta xogaha muhiimka ah. Mas’uuliyiinta ayaa sheegay in tababarkani uu yahay tallaabo muhiim ah oo lagu dhisayo hay’ad baaritaan oo ku shaqeysa xog iyo sirdoon, si ay si hufan uga hortagto una wajahdo khataraha amni ee hadda jira iyo kuwa mustaqbalka.

Wasiirka Arrimaha Dibadda Talyaaniga, Antonio Tajani, ayaa la sheegay inuu baajiyay safar qorshaysnaa oo uu ku tagi laha...
06/19/2026

Wasiirka Arrimaha Dibadda Talyaaniga, Antonio Tajani, ayaa la sheegay inuu baajiyay safar qorshaysnaa oo uu ku tagi lahaa Mareykanka, kaddib muran siyaasadeed ka dhashay hadal uu Madaxweynaha Mareykanka Donald Trump ka sheegay Ra’iisul Wasaaraha Talyaaniga Giorgia Meloni.

Go’aanka Tajani ayaa yimid kaddib markii Trump uu sheegay in Meloni ay ka codsatay sawir wadajir ah intii lagu jiray shirkii G7. Hadalkaas ayaa si degdeg ah u beenisay Meloni, iyadoo ku tilmaantay mid aan waxba ka jirin.

Tajani ayaa sheegay in hadallada noocaas ah aysan ku habboonayn xiriirka u dhexeeya laba dal oo xulafo ah, isla markaana ay dhaawici karaan sumcadda Talyaaniga. Sidaas darteed ayuu ku go’aansaday inuu dib u dhigo safarkiisii Washington.

Dhacdadan ayaa dhalisay dood ballaaran oo ka dhex taagan siyaasiyiinta Talyaaniga, iyadoo qaar badan ay u arkaan hadalka Trump inuu meel ka dhac ku yahay dowladda iyo shacabka Talyaaniga.

Xiisaddan cusub ayaa imanaysa xilli Mareykanka iyo Talyaanigu ay ka wada shaqeynayaan arrimo badan oo la xiriira amniga, dhaqaalaha iyo iskaashiga caalamiga ah.

Trump ayaa wareysi uu siiyay telefishin Talyaani ah u sheegay in Raysal Wasaaraha Talyaniga Meloni ay “aad ugu dadaashay...
06/19/2026

Trump ayaa wareysi uu siiyay telefishin Talyaani ah u sheegay in Raysal Wasaaraha Talyaniga Meloni ay “aad ugu dadaashay” inay sawir la gasho, balse Meloni ayaa sheegtay in hadalkaasi uu yahay mid gebi ahaanba la sameeyay.

“Aniga iyo Talyaaniguba ma baryeeno cidna,” ayay Meloni ku tiri muuqaal ay ku baahisay baraha bulshada, iyadoo intaas ku dartay inay la yaabtay hadalka kasoo yeeray Trump.

Khilaafkan ayaa sababay falcelin siyaasadeed oo xooggan gudaha Talyaaniga, iyadoo Wasiirka Arrimaha Dibadda Talyaaniga Antonio Tajani uu baajiyay safar qorshaysnaa oo uu ku tagi lahaa Mareykanka, isagoo sheegay in hadallada Trump ay meel ka dhac ku yihiin Talyaaniga oo dhan.

Murankan cusub ayaa muujinaya sii xumaanshaha xiriirka u dhexeeya Trump iyo Meloni, oo h**e loogu arkayay inay yihiin xulafo siyaasadeed oo isku dhow.

Maxkamadda Ciidamada Qalabka Sida iyo Danbiyada Culus ee Dowladda Jubbaland ayaa maanta dhageysatay gal dacwadeed ciqaab...
06/18/2026

Maxkamadda Ciidamada Qalabka Sida iyo Danbiyada Culus ee Dowladda Jubbaland ayaa maanta dhageysatay gal dacwadeed ciqaab ah oo loo haysto siddeed eedeysane oo lagu eedeeyay falal la xiriira burcadnimo, dhac taleefoonnada gacanta iyo dhaawacyo loo geystay dad rayid ah.

Eedeysanayaasha la horgeeyay maxkamadda ayaa kala ah: Fadumo Cabdullaahi Cali, Fuaad Aadan Daud, Maxamed Cali Warsame, Muxidiin Cabdullaahi Cali, Cabdiqani Maxamuud Bile, Cabdi Jabaar Maxamed Shire, Munasar Asad Ducaale iyo Aadan Warsame Jaamac.

Intii uu socday dhageysiga dacwadda, Xeer Ilaalinta ayaa maxkamadda horgeysay eedaha loo haysto eedeysanayaasha, iyadoo soo bandhigtay xog iyo caddeymo la xiriira falalka lagu soo oogay.

Dhinaca kale, maxkamaddu waxay dhageysatay doodaha iyo difaacyada la xiriira dacwadda, iyadoo si qoto dheer u eegaysay caddeymaha iyo qodobada sharciga ee khuseeya kiiska.

Ugu dambeyn, maxkamaddu waxay sii deysay saddex ka mid ah eedeysanayaasha kadib markii lagu waayay caddeymo ku filan oo lagu sii wadi karo dacwaddooda. Halka shanta kale ay dacwadoodu weli socon doonto, iyadoo maxkamaddu dib u dhigtay go’aan ka gaarista kiiskooda ilaa laga dhameystirayo habraacyada sharciga ah ee socda.

Maxkamadda Ciidamada Qalabka Sida iyo Danbiyada Culus ee Jubbaland ayaa muddooyinkii dambe waday dadaallo lagu xoojinayo la dagaallanka dambiyada amniga iyo kuwa saameynta ku leh bulshada, iyadoo si joogto ah u dhageysata kiisaska la xiriira falalka burcadnimada iyo dambiyada culus.

Qaar ka mid ah Xildhibaanada Baarlamaanka Puntland, gaar ahaan kuwa laga soo doorto gobolka Nugaal, ayaa caawa kulan ku ...
06/18/2026

Qaar ka mid ah Xildhibaanada Baarlamaanka Puntland, gaar ahaan kuwa laga soo doorto gobolka Nugaal, ayaa caawa kulan ku yeeshay magaalada Garoowe guriga madaxweynihii h**e ee Puntland, senator Cabdiraxmaan Maxamed Faroole. Kulanka ayaa diiradda lagu saaray xaaladda siyaasadeed, amni iyo dhaqaale ee Puntland, iyadoo xildhibaan Mukhtaar Kamiin uu sheegay in ay Faroole la wadaageen walaaca ay ka qabaan marxaladda ay Puntland ku sugan tahay iyo caqabadaha u baahan xal degdeg ah.

Xildhibaanka ayaa sheegay in Puntland ay wajahaysa xaalad halis ah oo saameyn ku yeelan karta himiladii iyo rajadii dowladnimo ee shacabka muddo dheer ku naaloonayeen. Waxa uu carrabka ku adkeeyay baahida loo qabo shir ballaaran oo ay isugu yimaadaan waxgaradka iyo dadkii door weyn ka soo qaatay dhismaha Puntland, si looga hortago waxa uu ku tilmaamay in koox yar oo dano siyaasadeed iyo dhaqaale leh ay ku takri-faleyso masiirka Puntland.

Maamulka Jubbaland ayaa sheegtay in xirnaanshaha Garoonka Diyaaradaha Doolow uu yahay go’aan ay qaadatay Dowladda Federa...
06/17/2026

Maamulka Jubbaland ayaa sheegtay in xirnaanshaha Garoonka Diyaaradaha Doolow uu yahay go’aan ay qaadatay Dowladda Federaalka Soomaaliya, isla markaana aanu la xiriirin sababo farsamo, amni ama badqabka duulimaadyada.

War-saxaafadeed ay soo saartay Wasaaradda Gaadiidka iyo Duulista Hawada ee Jubbaland ayaa lagu sheegay in garoonka uu si toos ah ugu xiran yahay Dowladda Federaalka Soomaaliya, iyadoo Jubbaland ay sheegtay in dhammaan dadaalladii iyo codsiyadii lagu doonayay dib-u-furista garoonka aysan miro dhalin.

Jubbaland ayaa sidoo kale sheegtay in Hay’adda Duulista Rayidka Soomaaliyeed (SCAA) ay u xaqiijisay in aysan awood u lahayn inay si madax-bannaan go’aan uga gaarto furitaanka garoonka.

Sida lagu sheegay war-saxaafadeedka, Garoonka Doolow ayaa xirnaa tan iyo 19-kii Luulyo 2025, waxaana Jubbaland ay sheegtay in xirnaanshaha muddada dheer socday uu saameyn ku yeeshay adeegyada caafimaadka, dhaqaalaha, ganacsiga, isu-socodka bulshada iyo howlaha gargaarka bini’aadantinimo ee degmada Doolow iyo deegaannada ku xeeran.

Wasaaradda Gaadiidka iyo Duulista Hawada ee Jubbaland ayaa cambaareysay waxa ay ku tilmaamtay “ku-takri-fal awoodeed” oo ay Dowladda Federaalka u adeegsanayso maamulka hawada Soomaaliya dano siyaasadeed, iyadoo ku doodday in xannibaadda Garoonka Doolow ay tusaale u tahay adeegsiga awoodaha farsamo ee duulista si loo gaaro ujeeddooyin siyaasadeed.

Jubbaland waxay intaas ku dartay in tallaabadan ay ka hor imaanayso xeerarka duulista rayidka Soomaaliyeed iyo halbeegyada ay dejisay Hay’adda Duulista Rayidka Adduunka ee ICAO, kuwaas oo dhigaya in adeegyada duulista rayidka lagu saleeyo dhexdhexaadnimo iyo madax-bannaani farsamo.

Ugu dambeyn, Dowladda Jubbaland ayaa ku celisay in mas’uuliyadda dhibaatooyinka ka dhashay xirnaanshaha Garoonka Doolow ay dusha ka saaran tahay Dowladda Federaalka Soomaaliya.

Ilaa hadda Dowladda Federaalka Soomaaliya si rasmi ah ugama aysan jawaabin eedeymaha ay soo jeedisay Jubbaland.

Abdullahi Dheere Ganacsadaha ku caan baxay xatooyada shacabka rer Kismayo ee Jubaland ayaa labo il oo daqli xaaraan ah w...
06/17/2026

Abdullahi Dheere Ganacsadaha ku caan baxay xatooyada shacabka rer Kismayo ee Jubaland ayaa labo il oo daqli xaaraan ah waxa uu ka sameeya Magaalada Kismayo.

1. Qaadka miraaga ah ee laga keeno Kenya waxa loo xiray Abdullahi Dheere waxaana u dhameeyay ina adeerkis Axmed Madoobe Madaxwaynaha Jubaland, mudo 10 ilaa 8 sano ayuu u xiran yahay ninkaan qaadka miraaga.

2. Dhaca boosaska banaan hadii uu yahay subarlooga iyo hadii uu yahay obasiib waa iskugu mid waxaana jira rag si gaar ah ula shaqeeyo oo uso ogaado dhulalka mustaqbalka leh ee banaan intaas ka dibna waxa uu keenaya ciidan madaxtooyada ah, qofka leh dhulka si loogu hanjabo oo u cararo ka dibna waxa uu ka iibinaya rag ilma adeer ay yihiin oo aan kala aqoon sharci iyo sharci daro.

Maxkamad iyo sharci ninkaan waxba loogama qaadi karo meelkasta oo sharci ah hadii aad ka dacweesid wuxuu bixinaya lacag, intaa ka dib mar kale kiiskaga lama furaayo waxa sidaas sameenayo waa rag ay ilma adeer yihiin.

Abdullahi dheere qaadka Magaalada Kismayo taga waxa uu ka sameeyaa lacag faro badan 30 kun oo dollar ayuu ka helaa maalintii 10.kun oo dollar Maamulka jubaland ayaa iska leh 20. Kun so haray isaga leh, lacagaha dhamaan 30 maalmood waa 600,000 kun oo dollar haaf milyan ayay kor u dhaafaya.

Intaas waxa u dheer boobka dhulalka dad shacabka ah, Abdullahi Dheere diin celiso malaha qof celiyana malaha Magaalada Kismayo qaati ayaa laga taagan yahay.

Warbixintaan warbixinta xigta waxa ku so gudbin doonaa ganacsiyada uu ka furtay lacagahaan xaaraanta iyo meelaha ay ku yalaan ee ha moogaan.

Haweeney ku nool gobolka Florida ayaa lagu xukumay afar sano oo xarig ah kadib markii lagu helay dambiga dil aan ula kac...
06/17/2026

Haweeney ku nool gobolka Florida ayaa lagu xukumay afar sano oo xarig ah kadib markii lagu helay dambiga dil aan ula kac ahayn oo la xiriira geerida moodel caan ka ahayd madasha OnlyFans.

Vivian Alexandra Gomez, oo 53 jir ah, ayaa xukunka lagu riday Talaadadii kadib markii maxkamad ku taal California ay bishii Maarso ku heshay dambiga dil aan ula kac ahayn. Dacwad-oogayaasha ayaa sheegay in Gomez ay si sharci-darro ah u samaysay dhowr duritaan oo silicone ah oo loogu talagalay qurxinta jirka.

Duritaannadan ayaa lagu sameeyay Christina Ashten Gourkani, oo ahayd moodel OnlyFans ah isla markaana lagu yaqaanay inay u ekaato Kim Kardashian. Gourkani ayaa geeriyootay bishii Abriil 2023 kadib dhibaatooyin caafimaad oo ka dhashay duritaannadaasi.

Mas’uuliyiinta ayaa sheegay in Gomez aysan haysan ruqsad caafimaad oo u oggolaanaysa inay qabato habraacyada noocan ah. Kiiskan ayaa mar kale iftiimiyay khatarta ka dhalan karta qalliinada iyo adeegyada qurxinta ee lagu sameeyo si sharci-darro ah.

Address

7790 Old Cedar Avenue S
Bloomington, MN
55426

Website

Alerts

Be the first to know and let us send you an email when The Somali News posts news and promotions. Your email address will not be used for any other purpose, and you can unsubscribe at any time.

Contact The Business

Send a message to The Somali News:

Shortcuts

Share

Category