Lungmili Post

Lungmili Post This is an official page of Lungmili Post.

ZZLMS Unau 5 Nih A Voi (1)nak Raltuk An Cawnṭi Mi Cu Tlamtling Tein An Lim=========Lungmili Post | Hniang 22 | 2025Chinr...
08/22/2025

ZZLMS Unau 5 Nih A Voi (1)nak Raltuk An Cawnṭi Mi Cu Tlamtling Tein An Lim
=========
Lungmili Post | Hniang 22 | 2025

Chinram cozah chungtel a si mi hna ZZLMS unau 5 (CDF-Zotung), (CDF-Zophei), (CDF-Lautu), (CDF-Mara) le (Senthang Revolution Force) cu a voi (1)nak raltuk an cawngṭi i tlamtling tein an lim cang kong, ZZLMS unau 5 nih nihin August 22 zan ah thawng an thanh.

"ZZLMS unau 5 fonh nih a voi (1)nak training cu ZZLMS hmunram chung i hmunhma pakhat ah kan tuahṭi i tlamtling tein kan lim. Training kan tuah khawh nakding ca ah thlacamnak in siseh, chawva in siseh, a lam kip in a kan bawmchantu mizapi nan dihlak cung ah kan i lawmtuk hringhran. Cun, training kan tuah lio ah pakhat le pakhat i bawmchan in training kan lim tiang ralṭha tein le zuamnak lungthin he lungrual tein aa tel mi ZZLMS chungtel vialte hna, ZZLMS ṭuanvo ngeitu vialte hna le a dang lawmh awk a tlak mi vialte nan dihlak cung ah kan i lawmtuk hrainghran," tiah ZZLMS nih an lunglawmhnak an langhter.

"ZZLMS unau 5 kar ah lungrualnak a um chinchin khawh nakding, hmunkhat te ah kan ral aa khat mi kan dohṭi khawh nakding, ZZLMS hmunram a daih khawh nakding, tualchung mi hna an nunnak le innlo kan venhim khawh nakding, Chinram chung buaibainak vialte a daih khawh i SAC ralkap nawlngaihnak ṭha lo a hram bongh tiang mizapi le dohthlennak hriamtlai phu hna he hmunkhat ah pehzulh in ral kan doh lai. ZZLMS unau 5 cu kan si khawh chung in le hnulei pil lo in pehzulh in hmai kan fong lai," tiah ZZLMS unau 5 nih an thanh mi ah an langhter chih.

Thabeikkyin Peng Um No.13 SAC Training Kainak Sianginn Rocket In An Kah I Officer 3 Telh In Minung 20 Leng An Thi=======...
08/22/2025

Thabeikkyin Peng Um No.13 SAC Training Kainak Sianginn Rocket In An Kah I Officer 3 Telh In Minung 20 Leng An Thi
=========
Lungmili Post | Hniang 22 | 2025

Mandalay ramṭhen, Thabeikkyin peng i a um mi No.13 SAC ralkap training kainak sianginn cu tualchung hriamtlai ṭangṭi phu hna nih rocket in an kah i Officer 3 telh in minung 21 an thih kong, Brave Warriors for Myanmar – BWM nih nihin August 22 ah an thanh.

August 20 ah khan Brave Warriors for Myanmar – BWM hruainak in tualchung hriamtlai ṭangṭi phu hna nih Thabeikkyin khuapi in meng 7 tluk aa hlatnak hmun i a um mi SAC ralkap No.13 training kainak sianginn (Ṭah-Ṭah-Kah 13) cu rocket lung 10 in an kah i lung 9 cu an i tinhnak hmun ah tlamtling tein a tla, tiah theih a si.

"Cu kahdohnak ah cun SAC ralkap training petu Officer 3 le an k*ttang ralkap 18 tiin minung 21 an thi i training kai mi pawl an umnak innkhaan 4 zong a kaang," tiah Brave Warriors for Myanmar – BWM nih an thanh mi ah an langhter.

SAC ralkap i No.13 ralkap training kainak sianginn hi Mandalay ramṭhen Military Command hmunram chung i a um mi SAC ralkap pawl raltuk an cawnnak sianginn a si.

Mindat Peng Ah SAC Nih Hriamnam An Thuh Mi Pawl Tualchung Mi Nih An Hmuh I CDF-Mindat Sin Ah An Ap=========Lungmili Post...
08/22/2025

Mindat Peng Ah SAC Nih Hriamnam An Thuh Mi Pawl Tualchung Mi Nih An Hmuh I CDF-Mindat Sin Ah An Ap
=========
Lungmili Post | Hniang 22 | 2025

Chinram, Mindat peng chung ah SAC ralkap nih hriamnam an thuh mi pawl cu tualchung mi nih an hmuh i CB chungtel CDF-Mindat sin ah an ap kong, Chin Defence Force – Mindat nih nihin August 22 ah thawng an thanh.

"Mindat khuapi laak kahdohnak lio ah a zaam mi SAC ralkap pawl nih an thuh mi MA-15 seh meithal zuun 1, RPG-7 zuun 1, MA-4 zuun 1, MA-3 zuun 1 le hriamnam dang zeimawzat cu tualchung mi nih an hmuh i CDF-Mindat Chief of Staff zung ah an rak ap. Atu bantuk in hriamnam a rak aptu tualchung mi hna cu laksawng ah tangka kan pek hna," tiah Chin Defence Force – Mindat nih an thanh mi ah an langhter chih.

Mindat khuapi laak kahdohnak cu a liamcia 2024, November 9 thawk in CDF-Mindat telh in Chin Brotherhood le ṭangṭi phu pawl nih an kalpi i 2024, December 22 ah tlamtling tein an laak khawh. Cu hnu ah 2025, February 9 thawk in tualchung mi hna cu nan umnak hmun cio ah nan kir ṭhan kho cang, tiah CDF-Mindat nih an thanh.

Kalay–Khampat Kar Ah Kahdohnak A Faak, SAC Nih Cunglei In Bomb An Thlak=========Lungmili Post | Hniang 22 | 2025Dohthlen...
08/22/2025

Kalay–Khampat Kar Ah Kahdohnak A Faak, SAC Nih Cunglei In Bomb An Thlak
=========
Lungmili Post | Hniang 22 | 2025

Dohthlennak hriamtlai phu hna nih an humhak mi Sagaing ramṭhen, Khampat khuapi panh in rallam sial mi SAC ralkap pawl cu Kalay le Khampat khuapi kar ah tualchung hriamtlai ṭangṭi phu hna nih an kham hna i kaphnih kar kahdohnak a faak, tiah tualchung thawng laaknak hrampi nih nihin August 22 ah an chim.

"Kalay khuapi le Kalewa lei in Khampat khuapi lei ah SAC ralkap pawl nih rallam an rak sial caah kahdohnak a faak. August 20 ni kahdohnak zong ah khan SAC ralkap nih cunglei in bomb an thlak. Kalewa in motor 12 he a rak kai mi SAC ralkap pawl hi thazaang 400 hrawng an si i, cu chung ah SAC training a dihka mi zong an i tel. Kahdohnak a chuahnak hmun hi Kalay peng le Tamu pengkomh, Khampat khuapi kar ah a si i nihin August 22 tiang kaphnih kar kahdohnak a faak," tiah tualchung thawng laaknak hrampi nih cun People's Spring Media ah an chim.

A luancia August 5 zong ah khan Tamu peng, Yannyeinaung khua ah hrambunh mi Khah-Lah-Yiah 228 Battalion in SAC ralkap pawl le an k*ttang Pyituhsit fonh thazaang 80 hrawng cu Nanmuntar khua ah rallam sial in an lut i Chin National Army – CNA telh in dohthlennak hriamtlai ṭangṭi phu hna nih an kah hna caah SAC ralkap lei in a thi mi ruak 6 le meithal zuun 9 zong ṭangṭi phu hna nih an laak i ṭangṭi phu lei in ralkap 5 nih ram le miphun ca ah an nunnak an pek. SAC ralkap pawl cu August 8 ah khan hnu an pil ṭhan, tiah PDF No.1 ral hmunram nih August 11 ah an thanh.

Khampat khuapi cu a liamcia 2023, November 7 ah khan Kachin ralkap (KIA) hruainak in tualchung hriamtlai ṭangṭi phu hna nih SAC ralkap k*t in an laak khawh i nihin August 22 tiang pehzulh in an humhak khawh, tiah kan theih.

SAC Ralkap Nih Nawlngaihnak An Laak Hnu Ah Tualchung Mi 7,000 Leng An Nunnak Liam __ AAPP=========Lungmili Post | Hniang...
08/22/2025

SAC Ralkap Nih Nawlngaihnak An Laak Hnu Ah Tualchung Mi 7,000 Leng An Nunnak Liam __ AAPP
=========
Lungmili Post | Hniang 22 | 2025

SAC ralkap nih hramhram in nawlngeihnak an laak hnu in SAC ralkap le an k*ttang hriamtlai phu pawl ruang ah Democracy cawlcanghnak ah aa tel mi hna telh in Myanmar ram hmun kip ah tualchung mi 7,117 an nunnak a liam, tiah ramkhel thongtla mi hna bawmchantu phu (AAPP) nih nihin August 22 ah thawng an thanh.

"Cu pin ah 2021, February 1 in 2025, August 21 tiang ah SAC ralkap nih minung 29,573 an tlaih hna hna i, cu chung ah minung 22,328 cu pehzulh in an hren hna. SAC ralkap nih an hren mi hna chung ah hin minung 11,004 cu k*m caansau thongthlak ding in bia an khiahpiak hna."

"Tuk*m 2025, August 1-21 tiang lawng ah Myanmar ram hmun kip ah SAC ralkap le an k*ttang hriamtlai phu pawl ruang ah tualchung mi pa 52 le nu 30 tiin an dihlak fonh minung 82 an nunnak a liam i, cu chung ah k*m 18 tang ngakchia 11 an i tel. A nunnak liam mi hna hi an mincazin he kan fehter khawh hna," tiah AAPP nih an langhter.

"August 1-21 tiang SAC ralkap le an k*ttang hriamtlai phu pawl ruang ah a nunnak liam mi an tam biknak hmun cu Karenni ramkulh ah a si i minung 26 an nunnak a liam. A pahnihnak cu Mandalay ramṭhen ah a si i minung 19 an nunnak a liam," tiah ramkhel thongtla mi hna bawmchantu phu (AAPP) nih an thanh mi ah an langhter.

Chinram Ṭuanvo Ngeitu Hna He Ceihmainak Ngei U Law Paletwa Peng In ULA/AA Chuak Dih Cang U Tiah Khumi Association Japan ...
08/22/2025

Chinram Ṭuanvo Ngeitu Hna He Ceihmainak Ngei U Law Paletwa Peng In ULA/AA Chuak Dih Cang U Tiah Khumi Association Japan Nih Thanh
=========
Lungmili Post | Hniang 22 | 2025

Chinram, Paletwa peng chung ah nuhrin covo buarnak a um lo tiin ULA/AA nih lih hrokhrol nan chim mi le Paletwa peng chung ah ram nan khel mi cu ramchung ramleng i a um mi tualchung mi dihlak nih kan cohlang kho lai lo. Paletwa kong cu Chinram he aa pehtlai mi ṭuanvo ngeitu phu hna he ceihmainak ngei cang u law Chinram chung in a rannak in chuak cang u, tiah Khumi Association Japan – KAJ nih August 20 zan ah cathanh an chuah.

"Chinram ramri i a um mi Paletwa peng cu tualchung mi hna hnatlaknak tel lo in Rakhine ramkulh i a pariatnak pengkomh ah UNLA/AA nih an khumh mi cu SAC ralkap nawlngeihnak ṭha lo he aa khat mi, ralkap thazaang in an laak mi a si i Chin miphun cung ah Colonial cawlcanghnak zong a si pin ah Myanmar ram pau dohthlennak hi ningcang lo in an hman i Chinmi an kan nihsawh zong a si."

"ULA/AA cawlcanghnak hi Federal Democracy he aa kalh mi a si i Myanmar ram nih kan ngeih mi phunglam pawl he zong aa khalh mi a si pin ah Panglong hnatlaknak telh in Myanmar ram i ramkhel tuanbia le phunglam pawl zong an buar a si. Cu pin ah Chin miphun hna i kan nawlngeihnak zong an kan phihkham a si," tiah Khumi Association Japan – KAJ nih an langhter.

"A liamcia 2024, January 14 in ULA/AA nih Paletwa peng an uk i k*m khat leng chung ah thahnawnnak voi 6 le thaihhremnak voi 5 tiang a chuak. Cun, tualchung mi hna hnatlaknak tel lo in an umnak inn ah midang an umter hna i tualchung mi hna cu zalong tein biaknak lei zong ah an cawlcang kho ti lo. Cu pin ah Pastor pawl zong AA ralkap pawl nih an k*t an thlak hna i nuhrin covo an buar."

"Asinain hi vialte sualnak an tuah i nuhrin covo an buar mi hmanh buaipi lo in Paletwa peng chung ah Upadi ning tein ukhruainak ṭha tein kan kalpi tiin ULA/AA chimnak nawlngei Khaing Thu Kha nih a chim hi cu pau dohthlennak ah aa tel mi mizapi lih le hrokhrawl in an kan hlen a si caah ramchung ramleng i a um mi Paletwa tualchung mi dihlak nih ULA/AA i ram an khel mi cu kan cohlang kho lai lo."

"ULA/AA nih hin Chinram kong cu Chinram chung i ṭuanvo ngeitu phu hna he ceihmainak ngei cang u law Paletwa peng chung in a rannak in chuak dih cang u. Chin miphun nih kan in nawl mi nan duh lo ah cun mizapi dohnak (Resistance of the People) nan tong lai," tiah Khumi Association Japan – KAJ nih an thanh mi ah an langhter chih.

Myingyan Peng Kahdohnak Ah SAC 10 An Thi, PDF Nih Meithal Zuun 4 An Laak=========Lungmili Post | Hniang 22 | 2025Mandala...
08/22/2025

Myingyan Peng Kahdohnak Ah SAC 10 An Thi, PDF Nih Meithal Zuun 4 An Laak
=========
Lungmili Post | Hniang 22 | 2025

Mandalay ramṭhen, Myingyan peng, Son khua in motor le motorcycle he a chuak mi SAC ralkap pawl cu tualchung hriamtlai ṭangṭi phu nih rak bawh in an kah hna i mithmuh ah SAC ralkap 10 an thih kong, Myingyan pengkomh Battalion 4, 10 nih thawng an thanh.

Nizan August 21, chun suimilam 12:00 tluk ah Son khua in motor le motorcycle he a chuak mi SAC ralkap pawl cu Mandalay pengkomh Battalion 5, LPDF le ṭangṭi phu hna nih lampi ah rak bawh in an kah hna. Cu kahdohnak ah cun mithmuh ah SAC ralkap 10 an thi i, a taang mi SAC ralkap pawl cu Myingyan peng, Son khua le Ngazun peng, Nganmyar khua palik sakhan ah an zaam hna, tiah theih a si.

Cu pin ah SAC ralkap pawl sin in G-3 meithal zuun 3, MA-11 meithal zuun 1, kuanbawm 3 le kuanfang 16 zong ṭangṭi phu hna nih an laak chih khawh, tiah Myingyan pengkomh Battalion 4, 10 nih an thanh mi ah an langhter.

PDF-Zoland Nih Mualben Khua Khuabawi An Tlaih, Ni 5 Tiang A Rau Cang Nain A Chungkhar Nih An Tlaihnak Ruang An Hngal Rih...
08/22/2025

PDF-Zoland Nih Mualben Khua Khuabawi An Tlaih, Ni 5 Tiang A Rau Cang Nain A Chungkhar Nih An Tlaihnak Ruang An Hngal Rih Lo
=========
Lungmili Post | Hniang 22 | 2025

Chinram, Tedim peng, Mualben khua ah khuabawi a ṭuan lio mi Pu Hau Khanh Nang cu August 16, zan suimilam 7:00 tluk ah khan Tedim peng hrambunh CB chungtel PDF-Zoland nih an tlaih i ni 5 tiang a rau cang nain a chungkhar le chungkhat rualchan nih an tlaihnak a ruang an hngalh khawh lo kong, tlaih a tong mi Pu Hau Khanh Nang i a hawi pakhat nih a chim.

"A chungkhar, chungkhat rualchan le a hawile zong nih nihin tiang an tlaihnak a ruang kan hngal kho rih lo. A tlaitu PDF-Zoland zong nih zeihmanh an chim mi le an fianh mi a um rih lo. Tender kong he pehtlai in PDF-Zoland nih ri an khiah mi a lonh fawn lo," tiah Pu Hau Khanh Nang i a hawi pakhat nih cun a chim.

Hi kong he pehtlai in PDF-Zoland ṭuanvo ngeitu pakhat nih cun, "Pu Hau Khanh Nang nih SAC ralkap sin i thawng a pek tawn ruang ah kan tlaih hi a si. Kan zumh lo ruang ah kan tlaih mi a si lo. Fehternak a um hnu lawng ah kan tlaih i kan hren," tiah Chin World Media nih an halnak ah a leh ve hna.

Pu Hau Khan Nang cu Mualbin khua i khuabawi a si. Khuabawi a ṭuan pah in SAC tender a sok i a ṭuan lio mi zong a si, tiah tualchung mi nih an chim ve.

08/22/2025

Hniang[August] 22, 2025, Zinglei Thawngchimnak

- MDF Le Ṭangṭi Phu Pawl Nih BAM Khrihfabu Zung Kulh Chung Ah Drone In Bomb An Thlak

- Yangon Ah Pathian Rian A Ṭuan Mi Chinnu 1 Cu A Hawinu Nih Tlakrawh In A Cumh, A Thilri Aa Zaampi

- Chinram Thlanglei Panh In SAC 1,000 Leng An Kai Tiah CDF-Kanpetlet Nih Thanh

- Hakha Ah SAC Nih Meithal In An Kah I An Velh Mi Mino 1 A Nunnak Liam

- MRO/CDF-Matupi Nih Mino An Rawt Hna Ruang Ah Tualchung Mi Le An Hruaitu Kar Ah I Siknak Chuak

- Dawei–Myitta Kar Kahdohnak Ah SAC 20 Leng An Thi, KNLA Ṭangṭi Phu Nih Motor 8 An Hrawh

- UWSA Nih TNLA, MNDAA Le SSPP Cu Hriamnam Le Tangka Kan Bawm Ti Hna Lai Lo Tiah Thanh

- Kanbalu Peng Ah SAC Nih K*m 70 Tarnu A Bu In An Tlaihhrem Hnu Ah An Thah, A Dang 4 Zong Mei Khangh In An Thah Hna

- Thla 7 Chung Ah Major 2 Telh In SAC Chungtel 400 Leng Mizapi Sin Ah An I Fonh, 200 Dengmang Nih Hriamnam An I Ken __ NUG

- Dawei Peng Kahdohnak Ah SAC 11 An Thi, Minung 3 An Tlaih Hna

Kanbalu Peng Ah SAC Nih K*m 70 Tarnu 1 A Bu In An Tlaihhrem Hnu Ah An Thah, A Dang 4 Zong Mei Khangh In An Thah Hna=====...
08/21/2025

Kanbalu Peng Ah SAC Nih K*m 70 Tarnu 1 A Bu In An Tlaihhrem Hnu Ah An Thah, A Dang 4 Zong Mei Khangh In An Thah Hna
=========
Lungmili Post | Hniang 21 | 2025

Sagaing ramṭhen, Kanbalu peng, Hteintaw khua ah SAC ralkap nih k*m 70 tarnu pakhat cu a bu in an tlaihhrem hnu ah an thah i, a dang tualchung mi 4 zong meikhangh in an thah hna kong, tualchung hriamtlai phu thawng laaknak hrampi nih nihin August 21 ah an chim.

August 16 ah khan Taze peng in rallam sial mi SAC ralkap le an k*ttang Pyusawhti thazaang 200 leng cu Kanbalu peng chung ah an lut i Ywarthit khua, Kaingyoe khua, Kyaypinaht khua, Thayettaw khua le Ingardaunt khua ah tualchung mi umnak inn an khanghpiak hna, tiah theih a si.

"Cu pin ah SAC ralkap le Pyusawhti pawl nih August 16 ah khan Hteintaw khua an luhhnawh lio ah k*m 70 tarnu pakhat cu a bu in an tlaihhrem hnu ah an thah. Cu hnu ah Ywarthit khua ah Ko Zaw Oo, Reedwe khua ah Ko Phoe Taung le Hteintaw khua ah tualchung mi 2 tiin an dihlak minung 4 zong meikhangh in an thah hna," tiah tualchung hriamtlai phu thawng laaknak hrampi nih cun an chim.

Rallam sial mi SAC ralkap le an k*ttang Pyusawhti pawl cu Kanbalu peng chung i an luh thawk in Nyaungpaungyin khua Pah-Kah-Phah nih an kah hna caah SAC ralkap lei in minung 6 an thi i tualchung hriamtlai phu in ralkap 2 nih ram le miphun ca ah an nunnak an pek ve. SAC ralkap pawl cu nihin tiang khua chung ah pehzulh in umhmun an khuar caah ṭhawldawi an hau i tualchung mi hna nih hriamnam c**k nakding ca ah pehzulh in nan k*t nan samh cio rih naklai kan in nawl ko hna, tiah Nyaungpaungyin khua Pah-Kah-Phah nih thawng an thanh.

08/21/2025

MRO/CDF-Matupi Nih Mino An Rawt Hna Ruang Ah Tualchung Mi Le An Hruaitu Kar Ah I Siknak Chuak
=========
Lungmili Post | Hniang 21 | 2025

Chinram, Matupi peng chung ah CB chungtel MRO/CDF-Matupi nih ralkap tlakter ding ah hramhram in mino an rawt hna ruang ah tualchung mi cheukhat he an i siknak video pakhat cu Matupi Revolution News nih nihin August 21 ah an taarlangh.

MRO/CDF-Matupi hruaitu pakhat a si mi Nway Oo Lin nih a hruai mi pawl le Matupi peng, Heltu khua tualchung mi cheukhat cu MRO/CDF-Matupi nih hramhram in mino an rawt mi hna ko he pehtlai in kaphnih kar ah buaibainak a chuak, tiah kan theih.

Hi kong he pehtlai in Matupi tualchung mi cheukhat le Matupi thawng laaknak hrampi zong nih, "CB chungtel MRO/CDF-Matupi nih an humhaknak hmunram chung i a um mi k*m 16 in k*m 40 kar mino paoh hramhram in ralkap ah tlak dih ding in nawl an chuah ruang ah siangngakchia hna telh in mino cheukhat cu umnak hmun chuahtak in an zaam hna," tiah August 19 ah an chim.

MDF Le Ṭangṭi Phu Pawl Nih BAM Khrihfabu Zung Kulh Chung Ah Drone In Bomb An Thlak =========Lungmili Post | Hniang 21 | ...
08/21/2025

MDF Le Ṭangṭi Phu Pawl Nih BAM Khrihfabu Zung Kulh Chung Ah Drone In Bomb An Thlak
=========
Lungmili Post | Hniang 21 | 2025

Chinram, Mara hmunram chung ah hrambunh mi Chin Brotherhood chungtel MDF le ṭangṭi phu pawl nih Thantlang peng, Ngaphaiphi (B) khua i a um mi Baptist Association of Maraland – BAM Khrihfabu zung kulh chung ah Drone in bomb an thlak, tiah Baptist Association of Maraland – BAM, Ngaphaipi nih nihin August 21 ah cathanh an chuah.

"Nizan August 20, zanlei suimilam 2:00 tluk ah MDF le ṭangṭi phu pawl nih timh ciammam tein Baptist Association of Maraland – BAM Khrihfabu zung a umnak kulh chung ah Drone in bomb an thlak i nubu upa a ṭuan lio mi kan Secretary a umnak inn zong a rawk. Khrih a zumtu si ko bu ah Biaknak he aa pehtlai mi innlo hrawhpiak kan ton mi cung ah kan ngaih a chia tuk hringhran. Thlacamnak zong in rak kan bawmchan cio hram u."

"Zeibantuk phu paoh nih Biaknak lei he aa pehtlai mi innlo hi cu hrial khawh hram i zuam cio hna u sih tiin kan in nawl ko hna," tiah Baptist Association of Maraland – BAM, Ngaphaipi nih an thanh mi ah an langhter.

Address

Boise, ID
83709

Telephone

+14696305174

Website

Alerts

Be the first to know and let us send you an email when Lungmili Post posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Lungmili Post:

Shortcuts

Share

Category