Ti Koze Show Lakay

05/02/2026

Eyyyy pitit mwen tande sa a: Tout moun ap pase tan difisil, se Pa ou menm sèl ki ladanl men Diferans lan, se fason ou leve apre chak desepsyon ou kwaze sou wout lavi a. Leve ou menm, ou fèt pouw briye.

05/02/2026

Pa janm souzestime pouvwa yon demen ki pi bèl. Se vre moman yo kapab parèt difisil , Jodi a ka nwa, men sa pouw konnen demen ka pote mirak ou pat atann, pa janm sispannn lite. Limyè a tou prew la!

05/02/2026

Tande sa byen pitit mwen: Lèw bezwen kriye, kriye, rele pouw debarasew de tout sak fèw mal yo. Lèw santiw bezwen repo, pran tanw repoze. Men lèw fini, leve, mete tèt ou dwat, epi kontinye batay la. An navan sòlda!

05/02/2026

Sonje: se pa vitès ou ki pi enpòtan pou ou kounye a, men se direksyon ou pran an. Menm si ou mache dousman, kontinye avanse paske Piti Piti zwazo fè nich li.

05/02/2026

Ou gen plis fòs pase saw te kapab imajine. Janw toujou ede lè lòt moun ta santi yo kraze, se prèv ou fèt pou fè gwo bagay. Pa kouri kite pwosesis la. Gen benediksyon ki sèlman vini lèw kenbe fèm nan tan difisil yo.

05/02/2026

Ou se yon moun ki raman jwenn rekonpans sou plas, men BONDYE toujou gen yon fason pou fèw rejwenn tout saw te pèdi yo ak enterè. Soti nan saw ye a, ou pral chanje pou pi bon.

05/01/2026

Nan moman difisil yo, aprann wè ti bagay ki bay kè kontan. Tankou Yon souri, yon ti Blag, yon bon nouvèl, yon moman detant. Se yo ki kenbe lespwa vivan. Pa mare figiw, pa kite moman nwa yo genyen ou. Mete lajwa sou vizaj ou!

05/01/2026

Sa w ap viv la pap ka fini ak ou; au contraire, li pral fòme ou. Lè tou sa fini, ou pral di tèt ou: ‘ayayay Se mwen sa? Gade Kòman m tèlman grandi! Mèsi lavi.

05/01/2026

Gen jou ou pral santiw pou kont ou, men verite a se, ou pa janm pou kont ou. Ou Gen yon lame moun envizib k ap priye pou ou menm si ou pa konnen. Lapriyè se kle.

05/01/2026

Ou te deja leve apre anpil tonbe. Se menm fòs sa a ki pral kenbew pou leve kanpe ankò. Pa pè batay la, trouse manch, file zam ou, ou fèt pouw genyen. An avan!

05/01/2026

Menm si wap mache nan fènwa, pa bliye ou gen limyè anndan ou. Yon sèl etensèl espwa ka chanje tout direksyon laviw.

05/01/2026