08/16/2025
Tropicana d’Haïti ap selebre 62 lane egzistans li jodi a!
15 Out 1963 – 15 Out 2025
62 lane se pa ti bagay ! Tropicana se pa sèlman yon gwoup mizik, se yon veritab enstitisyon kiltirèl, yon modèl stabilite, disiplin ak ekselans nan mizik ayisyèn nan. Depi 1963 jouk jodi a, òkès sa a kontinye fè vibrasyon nan kè fanatik li yo, soti nan granmoun rive nan jèn, atravè jenerasyon yo, ak bon jan mizik ki pote valè, istwa, ak lanmou.
Felisitasyon espesyal pou tout moun ki kontribye, de prè ou de lwen, nan siksè ak lonjevite Tropicana: mizisyen yo, fanatik yo, ekip administratif la, ak tout moun ki kwè nan vizyon sa a. Jodi a, Tropicana se egzanp pou tout lòt estrikti kiltirèl e menm enstitisyon prive ou leta ki vle dirab ak efikasite.
Tropicana pa fè bri, men l fonksyone.
Tropicana se lekòl disiplin, se senbòl matirite.
Tropicana, se modèl tout lòt sektè dwe suiv!
Mèsi Granmèt pou benediksyon sa. Viv Tropicana d’Haïti, e pou plis pase 62 lane ankò!
Ann selebre lanmou, mizik ak respè ak Tropicana!
Leonel ST-PREUX Mombin-Crochu Lospinite ✍️🇭🇹
