11/07/2025
Person go know say person no get money to spray for wedding, e go still invite am, telling me “no worry me sef no get money too, make we just go.
okay now we don reach wedding reception, rice just Dey scent anyhow, the egusi soup and pounded omo na my eye I first take chop am before dem even serve me, mad Gbedu Dey jam, you waka leave me for table go Dey spray the celebrant heavy money, now MC don Dey hype you Dey call you big big name.
Now him don notice say we sidon together , come Dey hype me join am thinking say I get money to spray too, Emeka how do I explain to this MC now say shishi, shigbain no Dey my pocket ???
Why una Dey betray person like this? Jesus my
Head wan blow, Mc Dey waka come meet
Me still Dey hail me.. wait make I run disguise say I wan go p**s, Emeka I don leave party for una ooo I no Dey come back, no be me una wan use shame take shame
