Mandalay Gazette

11/07/2025

"TPS ဖျက်သိမ်းပြန်.. စောက်စူဒမ်...၊ မြန်မာအလှည့်အချိန်သိပ်မကျန်"

နိုဝင်ဘာ ၃ ၂၀၂၅ မှာ.. သက်တမ်းကုန်သွားတဲ့.. တောင်စူဒန်နိုင်ငံရဲ့... နိုင်ငံသားတွေအပေါ် ၂၀၁၁ ကစ ပေးထားတဲ့.. TPS ကို.. ပြီးခဲ့တဲ့ဗုဒ္ဓဟူးနေ့က.. DHS ကစာထုတ်ပြီး.. ဖျက်သိမ်းလိုက်ပါပြီ..။
သူတို့တွေအိမ်ပြုန်ဖို့.. ရက် ၆၀ ရပါတယ်..။

သမ္မတထရမ့်လက်ထက်မှာ. အခုထိသက်တမ်းတိုးပေးတာမရှိ.. ပေးထားတဲ့.. နိုင်ငံတွေ အကုန်.. Afghanistan, Cameroon, Haiti, Honduras, Nepal, Nicaragua, Syria and Venezuela. ဖျက်သိမ်းလာတာထဲ.. ပါလာတာပါ...။
အားလုံးလိုလိုက.. ထရမ့်အုပ်ချုပ်ရေးကို.. တရားပြန်စွဲအမှုဖြစ်ပြီး.. နိုင်ငံတချို့က.. တရားသူကြီးအမိန့်နဲ့.. တန်းလန်းတွေဖြစ်နေပါတယ်..။
ဗန်နီဇွဲလန်းများဆို.. တရားစွဲတာရှုံးပြီး.. စူပရင်းကိုသ့်က.. ထပ်တိုးပေးထားတဲ့သက်တမ်း.. ဒီသောကြာည ( နိုဝင်ဘာ ၇) ၁၂နာရီမှာကုန်ပြီး.. လူ၂၆၀၀၀၀ ဘာလုပ်ရမှန်းမသိဖြစ်နေကြသတဲ့..။

ပြန်ရင်လည်း.. ဟိုမှ.. စစ်ရေးကဆိုးနေရတဲ့ကြားထဲ.. ဟိုကအာဏာရှင်သမ္မတကြီးကလည်း.. ဖမ်းမယ်ဆီးမယ်.. နှုတ်နှုတ်စဉ်းမယ့်သဘော...ပြနေ..။
ရှေ့နေတွေကတော့... A မြန်မြန်တင်ကြဖို့တိုက်တွန်းထား..။
အမှတ်မမှားရင်.. ဒီလ နိုဝင်ဘာ ၂၅ သက်တမ်းကုန်မှာ... မြန်မာ ဖြစ်ပါတယ်..။
ဗန်နီဇွဲလန်း.. ဟေရှန်.. ဟွန်ဒူရန်... နိပေါလိစ်.. ဆီးရီးယန်းများကိုကြည့်ပါ..။ သူတို့လုပ်နည်းတွေကို.. မေးမြန်းပါ..။

ပြင်ဆင်ထားကြစေလို...။

11/05/2025

ရန်ကုန်မှာ အဆောင်ငှားခ တစ်သိန်းကေျာ်ထိ စေျးမြင့်လာလို့ နယ်ကလာသူတေွ အခက်တေွ့

ရန်ကုန် ၊ နိုဝင်ဘာ ၅

ရန်ကုန်မှာ အဆောင် ငှားရမ်းခတွေ ဈေးနှုန်း ထပ်တက်လာလို့ အခက်အခဲတွေ ဖြစ်ပေါ်နေတယ်လို့ ငှားရမ်း နေထိုင်သူတွေဆီက သိရပါတယ်။

လက်ရှိ ရန်ကုန်မြို့ရဲ့ အဆောင်ငှားရမ်းခ နှုန်းထားတွေဟာ လူအများကြီး စုနေရတဲ့ ဟောခန်းဆိုပါက တစ်ယောက်ကို တစ်လချင်းပေး ကျပ် ရှစ်သောင်းဝန်းကျင်နဲ့ စပေါ် သုံးသောင်း ရှိနေပြီး လေးယောက်ခန်း တစ်ခန်းအတွက် တစ်ယောက်ကို ကျပ် ကိုးသောင်းဝန်းကျင် ရှိနေတယ်လို့ သိရပါတယ်။

ဒါအပြင် တစ်ယောက်ခန်း တစ်ခန်း ဆိုပါက တစ်သိန်း သုံးသောင်းကျပ်ဝန်းကျင်၊ ကျပ် တစ်သိန်း နှစ်သောင်းခွဲဝန်းကျင်၊ ကျပ် တစ်သိန်း တစ်သောင်းခွဲဝန်းကျင် ရှိနေပြီး နှစ်ယောက်ခန်း ဆိုရင်တော့ ကုတင်အပါ ကျပ် တစ်သိန်း ခုနစ်သောင်းခွဲဝန်းကျင် ရှိတယ်လို့ သိရပါတယ်။

“အရင်ကဆိုရင် အဆောင်ခက ဟောခန်းဆို ငါးသောင်း၊ ခြောက်သောင်းလောက်ပဲ ရှိတယ်။ ဒီနှစ်ထဲမှာမှ ဈေးတွေ ပိုတက်လာတာ။ အလုပ်ကရတဲ့ လစာက သုံးသိန်းကျော်၊ ရတဲ့လစာနဲ့ စားစရိတ်၊ နေဖို့ အဆောင်ခတွေက ဘယ်လိုမှ အဆင်မပြေတော့ဘူး။ ချွေတာမယ်ဆိုရင် ဘယ်အပိုင်းကို ချွေတာရမလဲဆိုတာ တွေးလို့မရဘူး။ နယ်ကအိမ်ကို ပိုက်ဆံ ပြန်ပို့ဖို့တောင် အနိုင်နိုင် ဖြစ်နေတယ်” လို့ တာမွေမြို့နယ်မှာ အဆောင်ငှားရမ်း နေထိုင်သူတစ်ဦးက ပြောပါတယ်။

လက်ရှိ ရန်ကုန်မြို့မှာ ဒေသအသီးသီးကနေ လာရောက် အလုပ်လုပ်ကိုင်ကြတဲ့ ပြည်တွင်း ရွှေ့ပြောင်းလုပ်သား များစွာ ရှိနေသလို သင်တန်း တက်ရောက်ဖို့အတွက် လာရောက် နေထိုင်‌နေကြသူတွေလည်း ရှိနေတာ ဖြစ်ပါတယ်။

လက်ရှိမှာ အဆောင် ငှားရမ်းခတွေဟာ ရန်ကုန်တစ်မြို့လုံး အတိုင်းအတာနဲ့ စျေးနှုန်း မြင့်တက်နေတာဖြစ်ပြီး စမ်းချောင်း၊ ကြည့်မြင်တိုင်၊ လှည်းတန်း၊ ပုဇွန်တောင်၊ တာမွေ၊ သင်္ဃန်းကျွန်း၊ သာကေတ၊ တောင်ဒဂုံ အစရှိတဲ့ နေရာတွေမှာ အငှားသွက်လျက်ရှိတယ်လို့ သိရပါတယ်။

ငှားရမ်းခ ဈေးနှုန်းတွေဟာ နေရာ၊ အထပ်အမြင့်၊ အကျယ်အဝန်းပေါ် မူတည်ပြီး ဈေးနှုန်း အမျိုးမျိုးရှိကာ သာမန် ကုမ္ပဏီဝန်ထမ်း၊ အစိုးရဝန်ထမ်းတစ်ဦး ရရှိတဲ့လစာနဲ့ နှိုင်းယှဉ်ပါက လုံလောက်မှုမရှိ ဖြစ်နေတယ်လို့ အိမ်ထောင်သည် အဆောင်မှာ ငှားရမ်းနေထိုင်သူ တစ်ဦးက ပြောပါတယ်။

“အိမ်ငှားမယ်ဆိုရင် အနည်းဆုံး ခြောက်လ၊ တစ်နှစ်စာလောက်ကို စာချုပ်ချုပ်နိုင်မှ ရတာဆိုတော့ မတတ်နိုင်ဘူးလေ။ အဲဒါကြောင့် လင်မယား အဆောင်တွေမှာ နေရတယ်။ သူက တစ်လချင်း ပေးရတာဆိုတော့ စားဖို့အတွက်တော့ ကျန်သေးတယ် ပြောရမယ်။ ဒါကလည်း လင်မယား နှစ်ယောက်စလုံး အလုပ်ရှိနေဦးမှ။ အိမ်ငှားနေမယ် ဆိုရင်လည်း လုံးကနဲပေးဖို့က လက်ထဲမှာ သီးသန့် စုဆောင်းထားနိုင်တာမျိုး မရှိသေးဘူး” လို့ လမ်းမတော်မြို့နယ်ရှိ အိမ်ထောင်သည် အဆောင်မှာ ငှားရမ်းနေထိုင်သူ တစ်ဦးက ပြောပါတယ်။

အိမ်ထောင်သည်အဆောင် ဆိုတာကတော့ တိုက်ခန်းထဲမှာ အခန်းတွေဖွဲ့ပြီး လင်မယားစုံတွဲတွေ တစ်ခန်းစီ စုပေါင်းနေထိုင်ရတဲ့ နေရာမျိုးဖြစ်ကာ အဆောင်ငှားရမ်းခကတော့ နေရာဒေသအလိုက် အခန်းတစ်ခန်းကို ငွေကျပ် တစ်သိန်းနှစ်သောင်း၊ တစ်သိန်းသုံးသောင်း၊ တစ်သိန်းခွဲ၊ တစ်သိန်း ခြောက်သောင်းနဲ့ နှစ်သိန်းဝန်းကျင် ရှိတယ်လို့ သိရပါတယ်။

ရန်ကုန်မြို့အတွင်း Downtown ခြောက်မြို့နယ်မှာ ဖွင့်လှစ်ထားတဲ့ အိမ်ထောင်သည် အဆောင်တွေမှာ နေထိုင်လိုတယ် ဆိုရင်တော့ ငှားရမ်းသူ အများစုက အဆောင်နေမယ့် လင်မယား နှစ်ယောက်စလုံး အလုပ်ရှိမှသာ ငှားရမ်း နေထိုင်ခွင့်ပြုကြတယ်လို့ သိရပါတယ်။

“ကျွန်မတို့အဆောင်မှာက လင်ရောမယားရော အလုပ်ရှိတဲ့သူကိုပဲ ထားတယ်။ ဘာကြောင့်လဲဆို ‌အဆောင်လခအတွက်က နှစ်ယောက်စလုံး အလုပ်ရှိနေတာမျိုးမှ ပိုပြီး အာမခံချက် ရှိမှာလေ။ စကားတွေ အများကြီးလည်း ပြောစရာမလိုတော့ဘူးပေါ့။ ပြီးတော့ အဆောင်မှာ နေ့တိုင်း အမြဲနေနေတာကိုလည်း မလိုချင်ဘူး။ တနေကုန် အလုပ်သွား၊ ညနေစောင်းမှ အလုပ်ပြန်၊ အဲဒါမျိုးကိုပဲ ရွေးတင်တာများတယ်” လို့ လမ်းမတော်မြို့နယ်မှာ အိမ်ထောင်သည် အဆောင် ဖွင့်လှစ်ထားသူတစ်ဦးက ပြောပါတယ်။

အဆောင်ပိုင်ရှင်တွေ အနေနဲ့ တိုက်ခန်း အခြေအနေပေါ် မူတည်ပြီး အဆောင်ငှားရမ်းခကို ကောက်ခံလေ့ရှိရာမှာလည်း အထပ်နိမ့်ပါက ဈေးကြီးပေးရပြီး အထပ်မြင့်ပါက ဈေးနှုန်းတစ်မျိုး သတ်မှတ်ထားတယ်လို့ သိရပါတယ်။

ဒါအပြင် အခန်းဖွဲ့ရာမှာလည်း အဆောင်ဖွင့်စားသူ တစ်ဦးနဲ့တစ်ဦး မတူညီကြဘဲ တချို့က ၆ ပေ × ၉ ပေ၊ တချို့က ၇ ပေ × ၉ ပေနဲ့ တချို့က ၇ ပေ × ၁၁ ပေ စတဲ့ အခန်းအမျိုးအစားတွေ ဖွဲ့ပြီး ငှားရမ်းနေတာ ဖြစ်တယ်လို့ သိရပါတယ်။


#ရန်ကုန်မြို့
#အဆောင်ငှားရမ်းခ
#ဈေးနှုန်းမြင့်တက်မှု

11/02/2025

"ခရစ်ရှန်ထိလျှင်.. အမေရိကစစ်တပ်ဝင်မည်"

ကျွန်ုပ်တို့၏ချစ်လှစွာသော သမ္မတကြီးထရမ့်က.. ထရုသ်ဆိုရှလ်မီဒီယာအုပ်ချုပ်ရေးကနေ.. ဒီလိုဆိုပါတယ်..။
နိုင်ဂျီရီးယားအစိုးရက.. သူ့နိုင်ငံသားခရစ်ရှန်တွေကို.. သတ်ဖြတ်နေတာ.. ဆက်ခွင့်ပြုနေမယ်ဆိုရင်.. အမေရိကားက.. နိုင်ဂျီးရီးယားဆီပေးပို့နေတဲ့.. ထောက်ပံ့တာတွေရပ်မယ်.. စစ်ရေးရာဝန်ကြီးဋ္ဌာနကို.. အမေရိကားစစ်တပ်ဝင်ဖို့.. ပြင်ဆင်ခိုင်းလိုက်ပြီလို့.. ဆိုလိုက်တာ.. သိကြပြီးဖြစ်မှာပါ..။ (ပူးတွဲ Screenshot)
စစ်ရေးရာဝန်ကြီး.. ပိဟက်ဆက်ကလည်း.. ဘက်ညီစွာ.. အိပ်စ်ဆိုရှယ်မီဒီယာကနေပဲ.. စာပြန်ပါတယ်... “Yes sir” တဲ့..။ (ပူးတွဲ Screenshot)
အခုတော့... နိုင်ဂျီးရီးယားအစိုးရက.. ခရစ်ရှန်တွေကို.. ဂျီနိုဆိုက်နေတာမဟုတ်ပါဘူးဆိုလာ...။ အမေရိကအကူအညီကို.. လက်ခံပါမယ်.. ဒါပေမယ့်.. နိုင်ဂျီးရီးယား အချုပ်အခြာအာဏာကို.. လေးစားအသိအမှတ်ပြုဘာဒဲ့..။ (ပူးတွဲ Screenshot)
အမေရိကားပြည်တွင်းမှာလည်း... တောင်အာဖရိက နိုင်ငံက.. လူဖြူလယ်သမားတွေ.. အနှိမ်ခံ/ဂျီနိုဆိုက်ခံနေရတာမို့ဆိုပြီး.. သမ္မတထရမ့်က.. သူကိုယ်တိုင်ပိတ်ထားတဲ့.. Refugee ပြည်တွင်းခေါ်သွင်းအစီအစဉ်ကို.. ချွင်းချက်နဲ့ပြန်ဖွင့်. Mission South Africa လုပ်.. အယောက် ၄၀၀လောက်ခေါ်သွင်းလိုက်တာအပါအဝင်.. ၂၀၂၆ ဘဏ္ဍာရေးနှစ်မှာ.. တောင်အဖရိကန်လူဖြူတွေကိုအဓိကထား.. အမေရိကားထဲ.. ခိုလှုံခွင့်ပေးဖို့ပါ... Refugee ကိုတာကို.. ကန့်သတ်ထုတ်ခဲ့တာပါ..။
တနှစ်လုံး ၇၅၀၀ ပဲခေါ်သွင်းတော့မှာဖြစ်ပြီး.. တောင်အာဖရိကန်လူဖြူလျှောက်လွှာကတင်.. ၈၀၀၀ ။
ဒါတွေကြည့်ရင်.. လက်ရှိ... အမေရိကားရဲ့... ပြည်တွင်းနဲ့.. နိုင်ငံခြားရေးပေါ်လစီမြင်သာ/ထင်သာ ရှိလာပါပြီ..။
မဘသစစ်စစ်ဆိုပါစို့.. ပိုတိကျတဲ့ အမျိုး/ဘာသာ/သာသနာ.. မဘသပါ..။
လူဖြူ/အင်္ဂလိပ်ဘာသာ/ခရစ်ရှန်သာသနာ.. ဆိုပါစို့..
နောက် ၃နှစ်ကျော်.. ဒီပေါ်လစီနဲ့သွားပါမယ်..။

11/01/2025

10/31/2025

ဘန်ကောက်မှာ ပြုလုပ်မယ့် မြန်မာအဆိုတော်တွေရဲ့ရှိုးပွဲ Boycott လုပ်လို့ ဖျက်သိမ်းလိုက်ရ

အောက်တိုဘာ ၃၁

ထိုင်းနိုင်ငံ၊ ဘန်ကောက်မြို့မှာ ပြုလုပ်မယ့် မြန်မာအဆိုတော်တွေရဲ့ ဖျော်ဖြေပွဲကို ထိုင်းရောက် မြန်မာတွေ လက်မခံတဲ့အတွက် ဖျက်သိမ်းလိုက်ပြီ ဖြစ်တယ်လို့ ပွဲစီစဉ်သူက အသိပေး ကြေညာထားပါတယ်။

ထိုင်းနိုင်ငံ၊ ဘန်ကောက်မြို့က Spicy Club မှာ မနက်ဖြန် နိုဝင်ဘာ ၁ ရက်နေ့မှာ ပြုလုပ်မယ့် အဆိုတော် ရွှေထူး၊ အုပ်စိုးခန့်၊ ချမ်းမြေ့မောင်ချို၊ Timmy တို့ရဲ့ ဖျော်ဖြေပွဲကို ဖျက်သိမ်းလိုက်ပြီ ဖြစ်တယ်လို့ အဲဒီပွဲကို စီစဥ်တဲ့ BKK Kaung Pyae Car Showroom ရဲ့ တာဝန်ရှိသူ ကိုကောင်းပြည့်လွင် ဆိုသူက သူ့ရဲ့ လူမှုကွန်ရက်ကနေ တောင်းပန် အသိပေးထားပါတယ်။

“ကျွန်တော့်ဆိုင်ကို BC (Boycott) လုပ်ဖို့ တင်ထားတာတွေ့လို့ တောင်းပန်ချင်လို့ပါခင်ဗျာ။ ကျွန်တော့်ပွဲကိုလည်း ဖျက်သိမ်းလိုက်ပါပြီ။ ကျွန်တော် ပြောပြချင်တာကတော့ ဒီပွဲ လုပ်တယ်ဆိုတာက ဘယ်သူ့က်ိုမှ ထိခိုက် နစ်နာစေလိုခြင်း မဟုတ်ဘဲ ကျွန်တော် ကိုယ်တိုင်လည်း လူငယ်တစ်ယောက် ဖြစ်သောကြောင့် ပျော်ရွှင်မှုကို နှစ်သက်တာရယ်၊ လူအချို့ကို ပျော်စေချင်တာရယ်ကြောင့်ပါ။ ဒီပွဲကြောင့် စိတ်အနှောင့်အယှက် သို့မဟုတ် ထိခိုက်မှု တစ်စုံတရာ ဖြစ်စေခဲ့ပါက BKK Kaung Pyae Car Showroom မှ အနူးအညွတ် တောင်းပန်ပါတယ်” လို့ ကိုကောင်းပြည့်လွင်က သူ့ရဲ့ လူမှုကွန်ရက်မှာ ရေးသားထားပါတယ်။

အဲဒီပွဲအတွက် လက်မှတ် ဝယ်ယူထားသူ အကုန်လုံးကိုလည်း ငွေအပြည့်အဝ ပြန်လည် Refund လုပ်ပေးသွားမှာဖြစ်ပြီး ကြေညာချက် မြင်ပြီးချိန်မှစကာ Screenshot နဲ့တကွ တိုက်ရိုက်၊ အချိန်မရွေး ပြန်လာတောင်းနိုင်ပြီ ဖြစ်တယ်လို့ BKK Kaung Pyae Success Diamond Co.,Ltd က ဒီကနေ့ အောက်တိုဘာ ၃၁ ရက်နေ့၊ ရက်စွဲနဲ့ ထုတ်ပြန် အသိပေးထားပါတယ်။

ဒါအပြင် ပွဲအတွက် ကုန်ကျခဲ့တဲ့ ကုန်ကျစရိတ်တွေ အားလုံးကိုလည်း အဆုံးရှုံးခံပြီး ပွဲစီစဉ်မှု မှားခဲ့တဲ့ အမှားအတွက် အပြည့်အဝ ပြန်လည် တာဝန်ယူပေးသွားမှာ ဖြစ်တယ်လို့ ဆိုပါတယ်။

“ကျွန်တော်တို့ ပွဲမစီစဉ်ခင်အချိန် လွန်ခဲ့တဲ့ နှစ်လလောက်က နီးစပ်ရာ မိတ်ဆွေ၊ အပေါင်းအသင်းတွေကို Recommended တောင်းပြီး Halloween ကာလ ပိတ်ရက်မှာ ကိုယ့်လူမျိုးတွေ သီချင်းတွေ လိုက်သီဆိုရင်း အနားယူပါစေ ဆိုတဲ့စိတ်နဲ့ ကျွန်တော်တို့ အနုပညာရှင်များစွာ ဖိတ်ခေါ်ပြီး ပျော်ပျော်ပါးပါး အနားယူနိုင်အောင် ငွေကြေး အကုန်အကျခံ စီစဉ်ပေးလိုက်တာ ဖြစ်ပါတယ်။ အခုတင်နေတဲ့၊ ဖြစ်ပေါ်နေတဲ့ ကိစ္စရပ်တွေ၊ အနုပညာရှင်တွေကို အလိုမကျမှုတွေကြောင့် ပြည်သူ့စိတ်တိုင်းကျ ကျွန်တော်တို့ ရွေးချယ်ခဲ့ပါတယ်” လို့ အဲဒီ ထုတ်ပြန်ချက်မှာ ဖော်ပြထားပါတယ်။

လက်ရှိမှာ ပြည်သူလုထုနဲ့ မကိုက်ညီ၊ မကြိုက်ကြတဲ့ ပွဲကို အများဆန္ဒအတိုင်း အပြီး ဖျက်သိမ်းပြီး နောက်နောင်မှာလည်း ပွဲစီစဉ်မှုတွေကို သေချာစွာ စီမံသွားမှာ ဖြစ်တယ်လို့ ဆိုပါတယ်။

ဒါနဲ့ ပတ်သက်လို့ ထိုင်းရောက် မြန်မာတစ်ဦးက “ရွေးကောက်ပွဲ ဇာတ်လမ်း ထွက်လာပြီးနောက်မှာ လူထုကြားမှာ Boycott တစ်ကျော့ပြန် အားကောင်းလာတာ တွေ့ရတယ်။ အခု ထိုင်းမှာ ရုံတင်နေတဲ့ ‌“ဗြောသံ” ရုပ်ရှင်ကိုလည်း ကြည့်မယ့်သူ တစ်ယောက်မှ မရှိကြဘူး” လို့ ပြောပါတယ်။

‌“ဗြောသံ” ရုပ်ရှင်ဇာတ်ကားကို ထိုင်းနိုင်ငံမှာ ပြီးခဲ့တဲ့ အောက်တိုဘာ ၂၃ ရက်နေ့မှ စတင်ကာ ပြသနေတာဖြစ်ပြီး အဲဒီဇာတ်ကားမှာ “ခေတ်သမိုင်းကို ဒုန်းစိုင်းမည့်သူများ” ရွေးကောက်ပွဲ အသိပညာပေး ဇာတ်လမ်းမှာ ပါဝင် သရုပ်ဆောင်ထားတဲ့ နေဝင်းက ခေါင်းဆောင်မင်းသားအဖြစ် ပါဝင်ထားတာ ဖြစ်ပါတယ်။

လက်ရှိ ထိုင်းရောက် မြန်မာတွေကြားမှာ အဲဒီ “ဗြောသံ” ရုပ်ရှင်ဇာတ်ကားနဲ့အတူ ဇာတ်ကားမှာ ပါဝင်တဲ့ သရုပ်ဆောင်တွေ၊ ဇာတ်ကားကို ပရိုမိုးရှင်း ပြုလုပ်နေတဲ့ ထိုင်းနိုင်ငံက ဆိုင်တွေကို Boycott လုပ်ဆောင်နေတယ်လို့ ထိုင်းရောက် မြန်မာ့အရေး လုပ်ရှားသူတွေဆီက သိရပါတယ်။

လတ်တလောမှာ “ဗြောသံ” ရုပ်ရှင်ဇာတ်ကားကို ပရိုမိုးရှင်း လုပ်ဆောင်ခဲ့တဲ့ စားသောက်ဆိုင်တွေ၊ ထိုင်းဆယ်လီတွေက လူမှုကွန်ရက်ကတစ်ဆင့် ပြန်လည် တောင်းပန်မှုတွေ ပြုလုပ်နေတယ်လို့ သိရပါတယ်။


#ဘန်ကောက်
#မြန်မာshowပွဲ
#ဖျက်သိမ်း

10/31/2025

စစ်တွေနဲ့ ကျောက်ဖြူမှာ AA နဲ့ စစ်တပ် တိုက်ပွဲတေွ ပိုပြင်းထန်လာ

အောက်တိုဘာ ၃၁

ရခိုင်ပြည်နယ်၊ စစ်တွေနဲ့ ကျောက်ဖြူမြို့နယ်မှာ စစ်တပ်နဲ့ အာရက္ခတပ်တော် AA တို့ကြား နှစ်ဖက်တိုက်ပွဲတွေ ပြင်းထန်နေတယ်လို့ ဒေသခံတွေနဲ့ သတင်းရင်းမြစ်တွေက ပြောပါတယ်။

AA ဟာ စစ်တွေမြို့နယ်ကို ပြီးခဲ့တဲ့ ဖေဖော်ဝါရီလမှ စတင်ကာ ထိုးစစ်ဆင် တိုက်ခိုက်လာနေတာဖြစ်ပြီး လက်ရှိမှာ တိုက်ပွဲကာလ ရှစ်လကျော် ကြာမြင့်လာပြီဖြစ်ပါတယ်။

ကျောက်ဖြူမြို့နယ်မှာလည်း တိုက်ပွဲတွေ ပြင်းထန်နေပြီး လက်ရှိမှာတော့ စစ်တပ်ဟာ အရင်က AA တပ်တွေ လုံခြုံရေးဂိတ် လုပ်ခဲ့တဲ့ သိုင်းချောင်းရွာနားက သစ်ပုတ်တောင် လမ်းခွဲမှာ အထိုင်ချ နေရာယူထားသလို ကုလာဘာကျေးရွာနဲ့ သိုင်းချောင်း ကျေးရွာမှာလည်း အများအပြား နေရာယူထားတယ်လို့ သတင်းရင်းမြစ်တွေက ပြောပါတယ်။

“အခုအချိန်က ရခိုင်ပြည်နယ် အတွင်းမှာ လေကြောင်း တိုက်ခိုက်မှု၊ လက်နက်ကြီး ပစ်ခတ်မှုတွေ ပိုဖြစ်လာတယ်လို့ ပြောလို့ရတယ်။ AA ဘက်ကလည်း လက်နက်ကြီး ပစ်ခတ်မှုတွေ ပိုလုပ်လာနေတာ တွေ့ရတယ်။ ဒရုန်းနဲ့ တိုက်ခိုက်တာတွေလည်း ရှိတယ်။ စစ်တွေမှာဆို စစ်တွေတက္ကသိုလ် အနောက်ဘက် သဲချောင်း၊ ဒါးပိုင်၊ မန်ဇီ၊ အောင်ဒိုင်၊ ရေချမ်းပြင် စတဲ့ ကမ်းခြေတစ်လျှောက်ကို စစ်တပ်က နေရာအပြည့်အဝ ယူထားတယ်။ တပ်စခန်းတွေ တိုးဆောက်ထားပြီး ကတုတ်ကျင်းတွေနဲ့ အခိုင်အမာ ပြင်ဆင်ထားကြတယ်။ လတ်တလော အနေအထားအရ စစ်ရေး အခြေအနေက ပိုပြီး တင်းမာနေတဲ့သဘော ရှိတယ်။ တိုက်ပွဲကလည်း မငြိမ်သေးဘူး” လို့ သတင်းရင်းမြစ် တစ်ဦးက ပြောပါတယ်။

လက်ရှိ စစ်တွေမြို့ရဲ့ စစ်ရေးအခြေအနေကတော့ စစ်တပ်ဟာ တပ်ဆုတ်ရမယ့် အနေအထားကို ရောက်ရှိလာပါက အဲဒီ ကမ်းခြေတစ်လျှောက်ကနေ ဆုတ်ခွာဖို့ ပြင်ဆင်ထားပုံရတယ်လို့ သူက ပြောပါတယ်။

“အဓိကတော့ မေယုမြစ်ဝပေါ့လေ။ ရေချမ်းပြင် ဆိပ်ကမ်းမှာလည်း စစ်သင်္ဘောတွေ ရှိနေတော့ ဒီဘက် ကုလားတန်မြစ်ဝက စစ်သင်္ဘောတွေလည်း အဲဒီဘက်ကို ပူးပေါင်းလို့ ရတယ်ဆိုတော့ သူတို့ ဆုတ်ခွာလို့ရမယ့် လမ်းကြောင်းကို ကြိုပြီး ပြင်ဆင်ထားတဲ့ သဘောပါ” လို့ သူက ပြောပါတယ်။

လက်ရှိ စစ်တွေမြို့မှာ နှစ်ဖက်ကစလုံးက လက်နက်ကြီးတွေ အပါအဝင် ဒရုန်းတွေနဲ့ ပစ်ခတ်မှုတွေ ရှိနေပြီး အနီးဝန်းကျင်ရှိ မြို့တွေက ကျေးရွာတွေအတွင်း ကျရောက် ပေါက်မှုကွဲမှုကြောင့် ထိခိုက်၊ သေဆုံးမှုတွေလည်း ရှိနေတယ်လို့ သူက ပြောပါတယ်။

မနေ့ အောက်တိုဘာ ၂၉ ရက်၊ မွန်းလွဲပိုင်း ၂ နာရီဝန်းကျင်ကလည်း စစ်တွေမြို့နယ်ကနေ ပစ်ခတ်လိုက်တဲ့ လက်နက်ကြီးကျည်၊ ပေါက်တောမြို့နယ်အတွင်း ကျရောက် ပေါက်ကွဲမှုကြောင့် တစ်ဦး သေဆုံးကာ နှစ်ဦး ဒဏ်ရာရရှိခဲ့တယ်လို့ သိရပါတယ်။

စစ်တွေနဲ့ ပေါက်တောမြို့ဟာ ၅ မိုင်လောက်သာ ကွာဝေးတယ်လို့ သိရပြီး လက်နက်ကြီးနဲ့ ဒရုန်းကျရောက်မှုတွေ မကြာခဏဆိုသလို ဖြစ်ပွားနေတယ်လို့ သိရပါတယ်။

ပေါက်တောမြို့အပြင် ပုဏ္ဏားကျွန်း မြို့နယ်မှာလည်း ပြီးခဲ့တဲ့ အောက်တိုဘာ ၂၆ ရက်နေ့ကစပြီး လက်နက်ကြီး ကျရောက်မှုတွေ ဖြစ်ပေါ်နေတယ်လို့ သိရပါတယ်။

အောက်တိုဘာ ၂၆ ရက်နေ့က ပုဏ္ဏားကျွန်းမြို့နယ်၊ ကွမ်းတောင်ကျေးရွာ အနီးမှာ ဒရုန်းကျရောက် ပေါက်ကွဲမှုကြောင့် တစ်ဦး သေဆုံးခဲ့သလို အောက်တိုဘာ ၂၇ ရက်နေ့ကလည်း ပုဏ္ဏားကျွန်းမြို့ပေါ်ကို လက်နက်ကြီး ကျရောက်မှုကြောင့် တစ်ဦး ဒဏ်ရာရရှိခဲ့တယ်လို့ သိရပါတယ်။

ဒါအပြင် ကျောက်ဖြူမြို့နယ်မှာလည်း တိုက်ပွဲတွေ ဖြစ်ပွားလျက်ရှိရာမှာ စစ်တပ်ဘက်က ကြည်း၊ ရေ၊ လေ အစုံသုံးကာ အင်အား အလုံးအရင်းနဲ့ တိုက်ခိုက်နေမှုကြောင့် AA အနေနဲ့ ၎င်းတို့ ထိန်းချုပ်ထားတဲ့ နေရာတချို့ကနေ ဆုတ်ခွာပေးခဲ့ရတယ်လို့ သိရပါတယ်။

AA အနေနဲ့ အရင်က ကျောက်ဖြူမြို့နဲ့ ၇ မိုင်ခန့်အကွာရှိ မလကျွန်းကျေးရွာနဲ့ ၄ မိုင်ကျော် အကွာရှိ အမှတ် (၃၂) ရဲတပ်ရင်း အနီးအထိ ခြေကုတ် ယူနိုင်ခဲ့ပေမယ့် အခုအခါ ပြင်ရှည်၊ ကုလာဘာ၊ သိုင်းချောင်း စတဲ့ နေရာတွေကနေ ဆုတ်ခွာပေးခဲ့ရတယ်လို့ သိရပါတယ်။

လက်ရှိမှာ စစ်တပ်ဟာ ကျောက်ဖြူ စစ်မျက်နှာမှာ ထိန်းချုပ်နယ်မြေ ကျယ်ပြန့်ရေးအတွက် တပ်သားသစ်တွေကို အင်အားထောင်ချီ အသုံးပြုပြီး နေရာ ဖြန့်ကျက်ထားတယ်လို့ သိရပါတယ်။

ဒါအပြင် လေကြောင်း ပစ်ခတ်မှုတွေ၊ နည်းပညာမြင့် ဒရုန်းတွေ၊ ရေတပ် သင်္ဘောကနေ လက်နက်ကြီး ပစ်ခတ်မှုတွေနဲ့ ကျောက်ဖြူတိုက်ပွဲကို အပြင်းအထန် တိုက်ခိုက်နေတယ်လို့လည်း သိရပါတယ်။

ရခိုင်တိုက်ပွဲ တစ်နှစ်ကျော်အတွင်း AA က ပလက်ဝမြို့နယ်နဲ့ ရခိုင်ပြည်က မြို့နယ် ၁၄ မြို့နယ်၊ စုစုပေါင်း မြို့နယ် ၁၅ မြို့နယ်ကို ထိန်းချုပ်ထားပြီး စစ်တွေ၊ ကျောက်ဖြူ၊ မာန်အောင် မြို့သုံးမြို့ကိုသာ အာဏာပိုင် တပ်တွေက ထိန်းချုပ်ထားနိုင်တာ ဖြစ်ပါတယ်။

လက်ရှိမှာ စစ်တပ်ဟာ လက်လွှတ် ဆုံးရှုံးရထားတဲ့ တောင်ကုတ်၊ အမ်း၊ သံတွဲ၊ ဂွမြို့တွေမှာ လေကြောင်းနဲ့ လက်နက်ကြီး တိုက်ခိုက်မှုတွေ အဆက်မပြတ် ရှိနေတဲ့အပြင် မြို့ပေါ်လောက်ပဲ ထိန်းချုပ်ထားနိုင်တဲ့ စစ်တွေ၊ ကျောက်ဖြူမြို့ အနီးတစ်ဝိုက် နေရာတွေမှာလည်း လက်နက်ကြီး၊ ဒရုန်း ပစ်ခတ်မှုတွေ နေ့စဉ် ဖြစ်ပွားနေပါတယ်။


#ရခိုင်ပြည်နယ်
#စစ်တွေ
#ကျောက်ဖြူ
#တိုက်ပွဲ

10/31/2025

ကချင် နန့်စီးအောင်ဂိတ်ကနေ မြစ်ကြီးနားအထိ ဂိတ်ကြေးတွေအဆမတန် ပေးဆောင်နေရ

အောက်တိုဘာ ၃၁

ကချင် - စစ်ကိုင်းနယ်စပ် နန့်စီးအောင်ဂိတ်ကနေ မြစ်ကြီးနားအထိ လမ်းကြော တစ်လျှောက်မှာ ဂိတ်ကြေး အဆမတန် ပေးနေရတာကြောင့် ကချင်ပြည်နယ်အတွင်း ကုန်ဈေးနှုန်းတွေ ကျဆင်းမှု မရှိသေးဘူးလို့ ကုန်သည်တွေက ပြောပါတယ်။

ကချင်ပြည်နယ်အတွင်း နန့်စီးအောင်ကနေ မြစ်ကြီးနားအထိ ကုန်ကားတစ်စီး ဖြတ်သန်းမယ် ဆိုပါက စစ်တပ် အထိုင်ချထားတဲ့ ဂိတ်နဲ့ ပြည်သူ့စစ်ဂိတ်တွေထံ ပေးဆောင်ရတဲ့ ဂိတ်ကြေးငွေ ပမာဏဟာ ကျပ် ဆယ်သိန်းနဲ့ အထက် ရှိနေတယ်လို့ ဆိုပါတယ်။

“သူတို့တောင်းတဲ့ ငွေပမာဏက အတည်တကျ သတ်မှတ်ထားတာမျိုး မရှိဘူး။ တခါသွားရင် တစ်ဈေး သူတို့ တောင်းချင်သလောက် တောင်းနေတာ။ ပြည်နယ်အဝင် နန့်စီးအောင်ဂိတ်မှာ ပါလာသမျှ ကုန်တွေကို သူတို့က စိတ်ကြိုက် စစ်ဆေးတာတွေ လုပ်တယ်။ အချိန်ဆွဲထားတဲ့ သဘောနဲ့လုပ်တာ။ စစ်တာဆေးတာ မြန်မြန်ပြီးစေချင်ရင် သူတို့တောင်းသလောက် ပေးရတယ်။ အဲဒီကနေတစ်ဆင့် ပြည်နယ်တွင်းကို ရောက်သွားရင်လည်း အဲဒီ လမ်းကြောတစ်လျှောက်က ဖွင့်ထားသမျှ ဂိတ်တွေကိုလည်း သူတို့စိတ်ကြိုက်၊ တောင်းသလောက် ထပ်ပေးရတယ်။ အဲဒါကြောင့် ကားခတွေ မတန်တဆ ဈေးတက်လာပြီး ကုန်ဈေးနှုန်းတွေ မကျနိုင်သေးတာ” လို့ ကုန်သည်တစ်ဦးက ပြောပါတယ်။

ဂိတ်ဖြတ်သန်းခတွေကတော့ နန့်စီးအောင် အဖွဲ့စုံ ကျပ် လေးသိန်းခန့်၊
မော်ဟန် ကျပ် တစ်သိန်းနဲ့အထက် ပေးရသလို မိုးညှင်းကနေ ဟိုပင်အထိ လမ်းတောက်လျှောက်က ဂိတ်တွေမှာလည်း တစ်ဂိတ်ကို ကျပ် သုံးသောင်းကျော်၊ ငါးသောင်းကျော်၊ တစ်သိန်းကျော် ဝန်းကျင်နဲ့ စုစုပေါင်း ကျပ် ငါးသိန်းနဲ့အထက် ပေးနေရတယ်လို့ သူက ပြောပါတယ်။

ဒါအပြင် ဟိုပင်အထွက် ကတ္တားဂိတ်မှာ ကျပ် တစ်သိန်းခန့်၊ ကြာကြီးကွင်း ပြည်သူ့စစ် ကျပ် သုံးသောင်းခန့်၊ ကြာကြီးကွင်း အာဏာပိုင်တပ် ကျပ် ငါးသောင်းခန့်၊ ပင်းဘော ရဲစခန်းပေါက် ကျပ် တစ်သိန်းနဲ့ အထက်၊ တောင်နီ ပြည်သူ့စစ် ကျပ် နှစ်သောင်းခန့်၊ ကညှင်မြိုင် ပြည်သူ့စစ် ကျပ် တစ်သိန်းနဲ့ အထက်၊ ကညှင်မြိုင် အာဏာပိုင်တပ်ပေါက် ကျပ် ငါးသောင်းခန့်၊ ရှမ်းနီဂိတ် ကျပ် သုံးသောင်းခန့် ပေးရပါတယ်။

အဲဒီလိုပဲ ပြည်သူ့စစ်နဲ့ စစ်တပ် ပူးပေါင်းဂိတ် ကျပ် ခုနစ်သောင်းဝန်းကျင်၊ မရမ်ကထောင် တပ်ဂိတ် ကျပ် တစ်သိန်းကျော်၊ နမ္မတီးအဝင် ပူးပေါင်းဂိတ် ကျပ် တစ်သိန်းကျော်၊ နမ္မတီး ယာဥ်ထိမ်းရဲ နှစ်ဖွဲ့ ကျပ် ရှစ်သောင်းခန့်၊ နမ္မတီးအထွက် ကုန်းထိပ် ကျပ် တစ်သိန်းခန့်အပြင် ၂၁ မိုင် အဖွဲ့စုံကိုလည်း တောင်းသလောက် ငွေကြေးပမာဏကို ပေးရတယ်လို့ သူက ပြောပါတယ်။

ဆက်လက်ပြီး အကျဲတပ်ဂိတ်ကိုလည်း ကျပ် ငါးသောင်းခန့်၊ တိုးဂိတ်အကျော် ကျပ် တစ်သိန်းခန့်၊ တံတားလေတပ်ဂိတ် ကျပ် သုံးသောင်းကနေ ငါးသောင်းခန့် ပေးရတယ်လို့ သူက ပြောပါတယ်။

“ဒါက လွတ်ကင်းကုန် တစ်မျိုးတည်းကိုပဲ ပေးခဲ့ရတာတွေပါ။ ကုန်အစုံတောင် မဟုတ်သေးဘူး။ ကုန်အစုံသာဆိုရင် အဲဒီထက် ကုန်တယ်” လို့ သူက ပြောပါတယ်။

မြန်မာပြည် အောက်ပိုင်းကနေ မြစ်ကြီးနားမြို့ကို အဓိက တင်ပို့တဲ့ ကုန်ပစ္စည်းတွေကတော့ အထည်အလိပ်၊ လူသုံးကုန်၊ အလှကုန်နဲ့ စားသောက်ကုန်တွေ ဖြစ်တယ်လို့ သိရပါတယ်။

“အခုလို ဂိတ်ကြေးတွေချည်း မတန်တဆ ပေးနေရတာက ရေရှည်အတွက်ဆို ဘယ်လိုမှ မကောင်းနိုင်ဘူး။ ကျွန်တော်တို့ ဖြစ်စေချင်တာက နန့်စီးအောင်ဂိတ်မှာပဲ စစ်ဆေးတာကို စစ်ဆေးကြေး/ဖြတ်သန်းခ တစ်လုံးတစ်ခဲတည်း အပြီးသတ် ဆောင်ရွက်ပေးစေချင်တယ်။ အဲဒီက‌နေမှ ကချင်ပြည်နယ် အတွင်းက တခြားဂိတ်တွေကို ဖြတ်ရရင်လည်း ကျိုးကြောင်း ဆီလျော်တဲ့ ဖြတ်ကျော်ခ ပမာဏလေးလောက်သာ တောင်းခံမယ်ဆို ပိုကောင်းမယ်” လို့ နောက်ထပ် ကုန်သည်တစ်ဦးက ပြောပါတယ်။

ပြီးခဲ့တဲ့ ၂၀၂၄ ခုနှစ်နဲ့ အခု ၂၀၂၅ နှစ်အတွင်း အင်းတော် မြို့ရှောင်လမ်းနဲ့ ကန့်ဘလူမြို့နယ်က ပေကြီးကွင်းလမ်းကို ဖြတ်သန်းခဲ့တဲ့အချိန် ငွေကုန်ကြေးကျ များတာကြောင့် ကချင်ပြည်နယ် အတွင်းမှာ ကုန်ဈေးနှုန်းတွေ အဆမတန် မြင့်တက်ခဲ့တာ ဖြစ်ပါတယ်။

အခုအချိန်မှာတော့ မြို့ရှောင်လမ်းတွေကို အသုံးပြုစရာ မလိုတော့ဘဲ အရင် မြစ်ကြီးနား - ရွှေဘို ပြည်ထောင်စု လမ်းမကြီးအတိုင်း မောင်းနှင် သွားလာနိုင်ပြီ ဖြစ်ပေမယ့် ဂိတ်တွေ ပေါများလာတာကြောင့် ကုန်စည်သယ်ယူ သွားလာစရိတ်ကတော့ အရင်အတိုင်း ဈေးနှုန်း မြင့်မားနေဆဲ ဖြစ်ပါတယ်။


#ကချင်ပြည်နယ်
#ဂိတ်ကြေး
#ကုန်ဈေးနှုန်

10/29/2025

ဒါရိုက်တာမိုက်တီး အပါအဝင် အနုပညာရှင် သုံးယောက်ကို ရွေးကောက်ပွဲ ဥပဒေနဲ့ ဖမ်းဆီး

အောက်တိုဘာ ၂၉

“ခေတ်သမိုင်းကို ဒုန်းစိုင်းမည့်သူများ” ရွေးကောက်ပွဲ အသိပညာပေး ဇာတ်လမ်းကို ဝေဖန်ခဲ့ကြတဲ့ ဒါရိုက်တာမိုက်တီး အပါအဝင် အနုပညာရှင် သုံးယောက်ကို ရွေးကောက်ပွဲ ဥပဒေနဲ့ ဖမ်းဆီး အရေးယူလိုက်တယ်လို့ အာဏာပိုင်တွေက ဒီကနေ့ အောက်တိုဘာ ၂၉ ရက်မှာ သတင်း ထုတ်ပြန်လိုက်ပါတယ်။

လက်ရှိမှာ ဒါရိုက်တာမိုက်တီး (ခ) သန်းထွန်းဇော်၊ ဇာတ်ပို့သရုပ်ဆောင် ကျော်ဝင်းထွဋ် (ခ) ကျော်မင်းထွဋ်နဲ့ ဟာသသရုပ်ဆောင် အုန်းဒိုင်း (ခ) ဇော်မြင့်တို့ အရေးယူခံထားရတာ ဖြစ်ပြီး ၎င်းတို့ရဲ့ နေအိမ်အသီးသီးမှ ဖမ်းဆီးရမိခဲ့တာ ဖြစ်တယ်လို့ ထုတ်ပြန်ချက်မှာ ဖော်ပြထားပါတယ်။

လက်ရှိ အရေးယူခံရသူတွေဟာ ရွေးကောက်ပွဲ အသိပညာပေး ဇာတ်လမ်းနဲ့ ဇာတ်လမ်းမှာ ပါဝင် သရုပ်ဆောင်ခဲ့တဲ့ အနုပညာရှင်တွေကို လူမှုကွန်ရက်မှတစ်ဆင့် မဟုတ်မမှန် ဝေဖန်ရေးသားပြီး ရွေးကောက်ပွဲအပေါ် ပြည်သူလူထုမှ အထင်အမြင် လွဲမှားစေဖို့ လှုံ့ဆော်ခဲ့တယ်လို့ ဆိုပါတယ်။

အဲဒီ ဇာတ်ကားနဲ့ ပတ်သက်လို့ ဒါရိုက်တာမိုက်တီးရဲ့ လူမှုကွန်ရက် စာမျက်နှာမှာ “လူမိုက် အားပေး၊ သူခိုး ဓားရိုးကမ်း၊ အဆိပ်ပင် ရေလောင်းတွေ မလုပ်ကြပါနဲ့” လို့ ပြီးခဲ့တဲ့ရက်ပိုင်းက ရေးသားထားတာ တွေ့ရပါတယ်။

လက်ရှိ အရေးယူခံရသူတွေအနက် ဒါရိုက်တာမိုက်တီးကတော့ အရင်က လွတ်ငြိမ်းချမ်းသာခွင့် ပေးခဲ့ပြီးဖြစ်တဲ့ ၅၀၅ (က) နဲ့ပါ နှစ်မှု အရေးယူခံရမှာ ဖြစ်တယ်လို့ သိရပါတယ်။

ဒါရိုက်တာမိုက်တီးဟာ ၂၀၂၁ ခုနှစ်က လူမှုကွန်ရက် မီဒီယာမှတစ်ဆင့် နိုင်ငံတော် အစိုးရအပေါ် ဝေဖန် ရေးသားခဲ့တာကြောင့် ရာဇသတ်ကြီး ဥပဒေပုဒ်မ ၅၀၅-က နဲ့ အမူဖွင့်လှစ် အရေးယူခြင်း ခံခဲ့ရပြီး ၂၀၂၂ ခုနှစ်၊ အောက်တိုဘာလ ၂၈ ရက်မှာ
နိုင်ငံတော်အစိုးရမှ “နောက်တစ်ကြိမ် ပစ်မှုထပ်မံ ကျူးလွန်ပါက ၎င်းပြစ်ဒဏ်အပြင် ယခုကျခံရန် ကျန်ရှိသော ပြစ်ဒဏ်များကိုပါဆက်လက်ကျပါမည်” ဆိုတဲ့ စည်းကမ်း သတ်မှတ်ချက်နဲ့ ပြစ်ဒဏ်မှ လွတ်ငြိမ်းခွင့် ပြုခဲ့သူဖြစ်တာကို စိစစ် တွေ့ရှိရတယ်လို့ အဲဒီ ထုတ်ပြန်ချက်မှာ ပါရှိပါတယ်။

ဒါကြောင့် ဒါရိုက်တာ မိုက်တီးကို ရွေးကောက်ပွဲ ဥပဒေနဲ့ အရေးယူနိုင်ရေးအပြင် အရင်က လွတ်ငြိမ်းခွင့် ပြုခဲ့တဲ့ ပြစ်ဒဏ်ကို ပြန်လည်ကျခံစေရေး ဥပဒေနဲ့အညီ ဆောင်ရွက်သွားမှာ ဖြစ်တယ်လို့ သိရပါတယ်။

ဒါအပြင် ရွေးကောက်ပွဲအပေါ် ပြည်သူလူထုမှ အထင်အမြင် လွဲမှားအောင် လှုံ့ဆော်ခဲ့ကြတဲ့ ကျော်ဝင်းထွဋ် (ခ) ကျော်မင်းထွဋ်နဲ့ အုန်းဒိုင်း (ခ) ဇော်မြင့်တို့ နှစ်ဦးကိုလည်း ရွေးကောက်ပွဲဥပဒေနဲ့ အရေးယူသွားမှာ ဖြစ်တယ်လို့ ထုတ်ပြန်ချက်မှာ ရေးသားထားပါတယ်။

အာဏာပိုင်တွေ အနေနဲ့ ရွေးကောက်ပွဲအပေါ် နည်းလမ်းမျိုးစုံနဲ့ နှောင့်ယှက် ဟန့်တားနိုင်မယ့် အခြေအနေမှ ကာကွယ်တားဆီးနိုင်ဖို့ ၂၀၂၅ ခုနှစ်၊ ဇူလိုင်လ ၂၉ ရက်မှာ ပါတီစုံဒီမိုကရေစီ အထွေထွေ ရွေးကောက်ပွဲတွေကို နှောင့်ယှက်ဟန့်တား ဖျက်ဆီးခြင်းမှ ကာကွယ်ပေးရေး ဥပဒေ ပြဋ္ဌာန်းခဲ့ပြီး ဥပဒေလိုက်နာမှု မရှိသူတွေကို ထိထိရောက်ရောက် အရေးယူ ဆောင်ရွက်လျက် ရှိတယ်လို့ ဆိုပါတယ်။

ရွေးကောက်ပွဲ ပျက်ပြားအောင် လှုံ့ဆော်၊ ပြုလုပ်သူတွေကို ပြီးခဲ့တဲ့ ဩဂုတ်လကစပြီး အာဏာပိုင်တွေက ပါတီစုံဒီမိုကရေစီ အထွေထွေ ရွေးကောက်ပွဲများကို နှောင့်ယှက်ဟန့်တား ဖျက်ဆီးခြင်းမှ ကာကွယ်ရေးဥပဒေ ပုဒ်မ ၂၃ (က) နဲ့ ဖမ်းဆီး အရေးယူနေတာ ဖြစ်ပါတယ်။

ပြီးခဲ့တဲ့ စက်တင်ဘာလ ၃၀ ရက်နေ့အထိ အမှု ၂၄ မှုအတွက် လူပုဂ္ဂိုလ် ၆၄ ယောက်ကို အရေးယူထားပြီး ဖြစ်တယ်လို့ ပါတီစုံ အထွေထွေ ရွေးကောက်ပွဲကာလ လုံခြုံရေးဆိုင်ရာ ကြီးကြပ်မှု ဗဟိုကော်မတီ ဥက္ကဋ္ဌ၊ ပြည်ထဲရေး ပြည်ထောင်စုဝန်ကြီး ဒုတိယဗိုလ်ချုပ်ကြီး ထွန်းထွန်းနောင်က အောက်တိုဘာ ၃ ရက်က နေပြည်တော်မှာ ကျင်းပ ပြုလုပ်ခဲ့တဲ့ ရွေးကောက်ပွဲကာလ လုံခြုံရေးဆိုင်ရာ ကြီးကြပ်မှု ဗဟိုကော်မတီ အစည်းအဝေးမှာ ပြောကြားခဲ့ပါတယ်။

ပုဒ်မ ၂၃ (က) ဟာ ပြစ်ဒဏ်အနေနဲ့ ထောင်ဒဏ် အနည်းဆုံး သုံးနှစ်မှ အများဆုံး ခုနစ်နှစ်အပြင် ငွေဒဏ်လည်း ချမှတ်နိုင်တဲ့ ပုဒ်မဖြစ်ပါတယ်။


#ဒါရိုက်တာမိုက်တီး
#သရုပ်ဆောင်ကျော်ဝင်းထွဋ်
#သရုပ်ဆောင်အုန်းဒိုင်း
#ရွေးကောက်ပွဲဥပဒေ
#ဖမ်းဆီးအရေးယူ

10/29/2025

စစ်တပ်နဲ့ TNLA အပစ်ရပ်ဖို့ သဘောတူ၊ မိုးကုတ်နဲ့ မိုးမိတ်ကနေ TNLA ဆုတ်ခွာရမယ်

ကူမင်း၊ အောက်တိုဘာ-၂၉

တရုတ်ရဲ့ ကြားဝင်စေ့စပ်ပေးမှုနဲ့အတူ စစ်တပ်နဲ့ အပစ်အခတ်ရပ်စဲရေး သဘောတူညီမှု ရရှိခဲ့ပြီလို့ TNLA က ဒီကနေ့ အောက်တိုဘာ ၂၉ ရက်မှာ ထုတ်ပြန်လိုက်ပါတယ်။

တရုတ်နိုင်ငံ ကူမင်းမြို့မှာ အောက်တိုဘာ ၂၇ ရက်နဲ့ ၂၈ ရက်က ပြုလုပ်ခဲ့တဲ့ ၉ ကြိမ်မြောက် ဆွေးနွေးပွဲတွေအတွင်း အပစ်အခတ်ရပ်စဲရေး သဘောတူညီချက်ရခဲ့တာလို့ TNLA ထုတ်ပြန်ချက်မှာ ဖော်ပြထားပါတယ်။

သဘောတူညီချက်အရ TNAL ဟာ သိမ်းပိုက်ထားတဲ့ မိုးကုတ်နဲ့ မိုးမိတ်မြို့တွေကနေ တပ်တွေ ပြန်လည်ဆုတ်ခွာရမှာဖြစ်ပြီး စစ်တပ်ဘက်ကလည်း TNLA ထိန်းချုပ်‌ဒေသတွေမှာ လေကြောင်းတိုက်ခိုက်တာတွေ ရပ်ဖို့ သဘောတူခဲ့တယ်လို့ ထုတ်ပြန်ချက်မှာ ဆိုပါတယ်။

ဒါအပြင် စစ်တပ်ရဲ့ ထိုးစစ်ဆင်မှုတွေကိုလည်း ရောက်တဲ့နေရာမှ ရပ်ဆိုင်းရမှာဖြစ်ပြီး အပစ်အခတ်ရပ်စဲရေးဟာ ဒီကနေ့ အောက်တိုဘာ ၂၉ ရက်မှာ စတင်သက်ဝင်ပြီလို့ ပြောပါတယ်။

ကူမင်းမှာပြုလုပ်တဲ့ ဆွေးနွေးပွဲကို TNLA ဘက်က ဒုတိယဗိုလ်ချုပ်ကြီး တားဂျုတ်ဂျားဦးဆောင်ခဲ့ပြီး ဒုတိယဗိုလ်ချုပ်ကြီး ကိုကိုဦးက ဦးဆောင်တဲ့ NSPNC ကိုယ်စားလှယ်အဖွဲ့တို့ ဆွေးနွေးခဲ့ရာမှာ တရုတ်နိုင်ငံ အထူးကိုယ်စားလှယ် တိန့်ရှီကျွင်းက ကြားဝင်ညှိနိုင်းပေးခဲ့တာဖြစ်ပါတယ်။


#စစ်တပ်

#အပစ်ရပ်သဘောတူ

10/29/2025

အင်းစိန်မှာ ကားတိုက်ခံရတဲ့အမျိုးသမီးကို ဆေးရုံပို့မယ်ဆိုကာ ရွှေပြည်သာမှာ စွန့်ပစ်မှုဖြစ်ပွား

ရန်ကုန်၊ အောက်တိုဘာ-၂၉

ရန်ကုန်တိုင်း‌ဒေသကြီး အင်းစိန်မြို့နယ် မြို့သစ် ဂ ရပ်ကွက်၊ ပိတောက်လမ်းထိပ်မှာ ဒီကနေ့မနက် အစောပိုင်းက ယာဉ်တိုက်မှုဖြစ်ပွားခဲ့ပြီး အတိုက်ခံရတဲ့ အမျိုးသမီးတစ်ဦးကို ယာဉ်မောင်းက ဆေးရုံမပို့ဘဲ ရွှေပြည်သာမှာ စွန့်ပစ်မှု ဖြစ်ပွားခဲ့တယ်လို့ အင်းစိန် ဒေသခံတွေနဲ့ လူမှုကူညီရေးအသင်းတွေက ပြောပါတယ်။

ယာဉ်တိုက်မှုဖြစ်ကြောင်း သတင်းအရ နယ်မြေခံအဖွဲ့တွေ သွားရောက်ရာမှာတော့ ဘယ်သူမှကိုမှ မတွေ့ရဘဲ ဒဏ်ရာတဲ့ အမျိုးသမီးကို လိုက်ထရပ်ကားသမားက ဆေးရုံပို့မယ်ဆိုကာ ခေါ်ဆောင်သွားတယ်လို့ အနီးအနားက မျက်မြင်တွေက ပြောပါတယ်။

ယာဉ်တိုက်မှုဟာ ဒီကနေ့ မနက် အစောပိုင်း ၃ နာရီခွဲ ဝန်းကျင်မှာ ဖြစ်ပွားခဲ့တာဖြစ်ပြီး ကားတိုက်ခံရတဲ့ အမျိုးသမီးကို ခြေထောက်သွေးထွက်ဒဏ်ရာတွေနဲ့အတူ ရွှေပြည်သာ စက်မှုဇုန် ၄ မှာ စွန့်ပစ်ထားတာကို တွေ့ရှိခဲ့တာဖြစ်ပါတယ်။

“ ယာဉ်တိုက်မှုဖြစ်ပြီး လူနာရှိတယ်ဆိုလို့ ကျနော်တို့သွားတော့ ဘယ်သူမှ မတွေ့ရဘူး။ ဒါနဲ့ အင်းစိန်ဆေးရုံသွားတော့လည်း ဒီကေ့စ်နဲ့လူနာ မရှိဘူးပြောတယ်။ နောက်ပိုင်းမှ အသင်းတွေက လှမ်းပြောမှ သိရတာ ”လို့ လိုက်ပါကူညီခဲ့တဲ လူမှုကူညီရေးအဖွဲ့ တာဝန်ရှိသူက ပြောပါတယ်။

လက်ရှိမှာတော့ ကားတိုက်ခံထားရတဲ့ အမျိုးသမီးဟာအသက် ၃၀ ကျော်အရွယ်ဖြစ်ပြီး ဦးခေါင်းပေါက်ပြဲ၊ ခြေသလုံးကျိုး ဒဏ်ရာတွေနဲ့အတူ အင်းစိန်ဆေးရုံကို ပို့ဆောင်ပေးထားကာ သတိကောင်းကောင်းမရသေးတာကြောင့် မိသားစုနဲ့ အဆက်အသွယ်မရသေးဘူးလို့ လူမှုကူညီရေးအသင်းက ပြောပါတယ်။

အမျိုးသမီးကို တိုက်သွားတဲ့ကားဟာ လိုက်ထရပ်အမျိုးအစား ယာဉ်အမှတ် YGN-5, 8B-1709 ဖြစ်ပြီး လက်ရှိအချိန်ထ ယာဉ်မောင်းကို ဖမ်းဆီးရမိခြင်းမရှိသေးဘူးလို့ သိရပါတယ်။


#အင်းစိန်
#ယာဉ်တိုက်မှု
#လူနာစွန့်ပစ်မှု

10/29/2025

ရတနာသိင်္ဃ တံတား မိုင်းခွဲဖျက်ဆီးခံရလို့ ကျိုးကျ

မန္တလေး၊ အောက်တိုဘာ-၂၉

ဧရာ၀တီ မြစ်ကူးတံတားတစ်စင်းဖြစ်တဲ့ ရတနာသိင်္ဃ တံတားဟာ ဒီကနေ့မနက် အစောပိုင်းက မိုင်းခွဲဖျက်ဆီးခံရတာကြောင့် ကျိုးကျသွားကြောင်း ဒေသခံတွေက ပြောပါတယ်။

ဒီတံတားဟာ မန္တလေးတိုင်း စဉ့်ကူးမြို့နယ်နဲ့ စစ်ကိုင်တိုင်း ကျောက်မြောင်းမြို့နယ်တို့ကို ဆက်သွယ်ထားတာဖြစ်ပြီး စဉ့်ကူးဘက်အခြမ်း တံတားသံဘောင် ၁၁၂ မီတာ နှစ်ခန်း ပျက်စီးသွားတာလို့ ဆိုပါတယ်။

“ ဘယ်သူ့လက်ချက်ဆိုတာ သေချာမသိဘူး။ ဒါပေမယ့် ဒီလိုလုပ်တာမျိုးကိုတော့ ဘယ်အဖွဲ့ကဖြစ်ဖြစ် လက်ခံလို့ရဘူး ”လို့ ဒေသခံက ပြောပါတယ်။ ဒါ မလုပ်သင့်မလုပ်ထိုက်တဲ့ ကိစ္စလို့ သူက ဆိုပါတယ်။

တံတား မိုင်းခွဲမှုကို TNLA နဲ့ MDY-PDF တို့ လုပ်ဆောင်ခဲ့တယ်လို့ သတင်းတွေ ထွက်ပေါ်နေပေမယ့် သီခြားအတည်ပြုလို့ မရသေးပါဘူး။ နယ်မြေအနေအထားအရ စစ်တပ်က စစ်ကိုင်းတိုင်းဒေသကြီး ကျောက်မြောင်းဘက်ခြမ်းကို ထိန်းချုပ်ထားပြီး စဥ့်ကူးဘက်ခြမ်းမှာတော့ TNLA နဲ့ MDY-PDF တို့ စိုးမိုးနယ်မြေဖြစ်ပြီး စစ်ရေးတင်းမာမှုတွေ မြင့်တက်နေပါတယ်။

ဒီတံတားဟာ သမ္မတဟောင်း ဦးသိန်းစိန် လက်ထက် ၂၀၁၃ ခုနှစ် ဇူလိုင် ၂၄ ရက်မှာ ဖွင့်လှစ်ခဲ့တာဖြစ်ပြီး တံတားအရှည် ၂၄၈၀ ပေရှိပြီး သံကူကွန်ကရစ်တံအမျိုးအစား တံတားတစ်စင်းဖြစ်ကာ စစ်ရေးအခြေအနေတွေကြောင့် ဖြတ်သန်းခွင့်ပိတ်ထားတာ တစ်နှစ်ကျော်ကြာမြင့်ပြီဖြစ်ပါတယ်။

ဩဂုတ်အလအတွင်းကလည်း ရှမ်းပြည်နယ် မြောက်ပိုင်း နောင်ချိုမြို့နယ်နဲ့ ကျောက်မဲမြို့နယ်အစပ် မန္တလေး-လားရှိုးကို ဆက်သွယ်ထားသည့် နှစ်ပေါင်း ၁၂၅ နှစ်သက်တမ်းရှိ ကမ္ဘာ့အမွေအနှစ် စာရင်းဝင် ဂုတ်ထိပ်တံတား မိုင်းခွဲဖျက်ဆီးခံခဲ့ရပြီး အလျားပေ ၃၀ ကျော်ပျက်စီးခဲ့ပါတယ်။


# ရတနာသိင်္ဃတံတား
#မိုင်းခွဲဖျက်ဆီးခံ
#စစ်ကိုင်း-မန္တလေး

10/28/2025

နိုင်ငံတကာ သတင်းဌာနတေွ ‌ ပြန်ကြားရေးဝန်ကြီးဌာန စိစစ်ထောက်ခံမှသာ ‌ရေွးကောက်ပွဲ သတင်းရယူခွင့်ပြုမည်