07/17/2026
កាន់តែពិបាកសំរាប់អ្នកដែលចង់មកអាមេរិកដើម្បីទទួលជំនួយឧបត្ថម្ភ រឺ រស់នៅក្រោមបន្ទុកសាធារណៈ Public Charge ផ្ទុយមកវិញសហរដ្ឋអាមេរិកស្វាគមន៍ជនអន្តោប្រវេសន៍ទាំងឡាយណាដែលចូលមកអាមេរិកដើម្បីរួមដៃគ្នាធ្វើការ កសាងសហរដ្ឋអាមេរិកអោយមានការរីកចំរើន។
EB3 នៅតែជាសញ្ញាណជាវិជ្ជមានសំរាប់អ្នកចង់មកធ្វើការ និង រស់នៅសហរដ្ឋអាមេរិកដោយស្របច្បាប់ 🇺🇸
Update ពត៌មានអន្តោប្រវេសន៍សហរដ្ឋអាមេរិក ថ្ងៃទី 7/16/2026
🇺🇸 ក្រសួងសន្តិសុខមាតុភូមិអាមេរិក (DHS) បានលុបចោលច្បាប់ Public Charge សម័យ Biden និងត្រឡប់ទៅគោលនយោបាយតឹងរ៉ឹងជាងមុន
ក្រសួងសន្តិសុខមាតុភូមិអាមេរិក (DHS) បានចេញបទប្បញ្ញត្តិចុងក្រោយ (Final Rule) ដើម្បី លុបចោលបទប្បញ្ញត្តិ Public Charge ឆ្នាំ 2022 ដែលចេញនៅសម័យប្រធានាធិបតី Joe Biden។
គោលបំណងគឺធ្វើឱ្យការអនុវត្តច្បាប់អន្តោប្រវេសន៍ស្របតាមចេតនារបស់សភាអាមេរិក ដែលចង់ឱ្យជនអន្តោប្រវេសន៍ អាចពឹងផ្អែកលើខ្លួនឯង (Self-Reliant) មិនមែនពឹងផ្អែកលើជំនួយរដ្ឋដែលប្រើប្រាស់ប្រាក់ពន្ធរបស់ប្រជាពលរដ្ឋអាមេរិក។
តើ Public Charge មានន័យដូចម្តេច?
Public Charge មានន័យថា មន្ត្រីអន្តោប្រវេសន៍វាយតម្លៃថា អ្នកដាក់ពាក្យ ទំនងជានឹងក្លាយជាបន្ទុកសាធារណៈ ដោយពឹងផ្អែកលើជំនួយរដ្ឋក្នុងពេលអនាគត។
ក្រោមច្បាប់ Immigration and Nationality Act (INA) ប្រសិនបើមន្ត្រីសន្និដ្ឋានថា អ្នកទំនងជានឹងក្លាយជា Public Charge នោះ អ្នកអាចត្រូវបានបដិសេធ៖
• ទិដ្ឋាការ (Visa)
• ការចូលសហរដ្ឋអាមេរិក (Admission)
• ឬការកែសម្រួលស្ថានភាពទៅជាអ្នករស់នៅអចិន្ត្រៃយ៍ (Adjustment of Status/Green Card)
តើមានការផ្លាស់ប្តូរអ្វី?
នៅឆ្នាំ 2022 រដ្ឋបាល Biden បានកំណត់ថា USCIS អាចពិចារណាបានតែអត្ថប្រយោជន៍រដ្ឋមួយចំនួនប៉ុណ្ណោះ នៅពេលវាយតម្លៃ Public Charge។ នេះធ្វើឱ្យមន្ត្រីមានដែនកំណត់ក្នុងការពិនិត្យព័ត៌មានទាំងអស់ ប៉ុន្តែ ច្បាប់ថ្មីនេះបានលុបចោលការកំណត់នោះ ហើយអនុញ្ញាតឱ្យមន្ត្រី USCIS៖
• ពិនិត្យកត្តាពាក់ព័ន្ធទាំងអស់។
• វាយតម្លៃជាករណីៗ (Case-by-Case)។
• មិនកំណត់តែប្រភេទជំនួយរដ្ឋមួយចំនួនដូចពីមុនទៀត។
មានន័យថា USCIS នឹងមានសិទ្ធិវាយតម្លៃទូលំទូលាយជាងមុន ថាតើអ្នកដាក់ពាក្យអាចពឹងផ្អែកលើខ្លួនឯងបានដែរឬទេ។
សេចក្តីថ្លែងការណ៍ពី USCIS
អ្នកនាំពាក្យ USCIS លោក Zach Kahler បាននិយាយថា រដ្ឋបាល Trump កំពុងអនុវត្តច្បាប់ និងការពារអ្នកបង់ពន្ធអាមេរិក មិនឱ្យត្រូវចំណាយលើជនបរទេសដែលអាចក្លាយជាអ្នកពឹងផ្អែកលើជំនួយសាធារណៈ ហើយ USCIS ប្តេជ្ញាការពារសុវត្ថិភាព សន្តិសុខ និងសុខុមាលភាពហិរញ្ញវត្ថុរបស់ប្រជាពលរដ្ឋអាមេរិក។
តើច្បាប់នេះចូលជាធរមានពេលណា?
ចាប់ពីថ្ងៃទី 18 ខែកញ្ញា ឆ្នាំ 2026
ដូចនេះចាប់ពីថ្ងៃនេះទៅ៖
• USCIS នឹងប្រើ ទម្រង់ I-485 ថ្មី។
• អ្នកដែលដាក់ Form I-485 ចាស់ (តាមប្រៃសណីយ៍ ឬអនឡាញ) ចាប់ពីថ្ងៃទី 18 កញ្ញា 2026 តទៅ នឹង មិនត្រូវបានទទួលយកទេ។
តើវាមានផលប៉ះពាល់ដល់អ្នកដាក់ Green Card ដែរឬទេ?
បាទ/ចាស។ អ្នកដាក់ពាក្យសុំ Green Card តាមរយៈ Adjustment of Status (I-485) គួរតែត្រៀមបង្ហាញថា៖
• មានប្រាក់ចំណូល ឬទ្រព្យសម្បត្តិគ្រប់គ្រាន់។
• មានអ្នកធានាហិរញ្ញវត្ថុ (Sponsor) ប្រសិនបើចាំបាច់។
• មានការងារ ឬសមត្ថភាពរកចំណូល។
• មិនទំនងជានឹងពឹងផ្អែកលើជំនួយរដ្ឋក្នុងរយៈពេលវែង។
សម្រាប់អ្នកដាក់ពាក្យ EB-3 ជាទូទៅ បើមាននិយោជកស្របច្បាប់ ការងារពេញម៉ោង និងមានអ្នកធានាហិរញ្ញវត្ថុត្រឹមត្រូវ នោះការផ្លាស់ប្តូរនេះ មិនមានន័យថានឹងត្រូវបដិសេធដោយស្វ័យប្រវត្តិនោះទេ ប៉ុន្តែ USCIS នឹងអាចពិនិត្យស្ថានភាពហិរញ្ញវត្ថុ និងកត្តាពាក់ព័ន្ធបានទូលំទូលាយជាងមុន មុននឹងសម្រេចចិត្តលើពាក្យសុំ។
