Kawthoolei Today, Charlotte, NC (2025)

Kawthoolei Today´s purpose is to provide broadcast news around the world as a voice to the Karen people, exposing human rights violations and abuse, and promoting education, language, culture, health, leadership and journalism.

08/22/2025

ထိုင်းဖိုက်တာကို အနိုင်ယူကာ ဘောနပ်ပါ ရယူခဲ့သည့် ကရင်လက်ဝှေ့လူငယ်ကစားသမား သွေးလင်းထက်

၂၃.၈.၂၀၂၅ (Sport News)

ယနေ့ ဩဂုတ်လ (၂၂) ရက် ညပိုင်းတွင် ကျင်းပသည့် ONE Lumpinee- 121 ၏ ဒုခေါင်တွဲဆိုင်းတွင် ပါဝင်ထိုးသ-တ်ခဲ့သည့် ရိုးရာသွေးလင်းထက်သည် မွေထိုင်းဖိုက်တာ Chok preecha ကို ဒုတိယအချီတွင် အနိုင်ယူကာ အပိုဆုကြေး ဘတ်(၃)သိန်းခွဲကိုပါ ရယူခဲ့သည်။

ပြိုင်ဘက်ထိုင်းဖိုက်တာကို ပထမအချီ၌ပင် အမှတ်စဉ် (၂) ကြိမ်ရေရသည်အထိ ဖိအားပေး ထိုးသ-တ်ခဲ့ပြီး ဒုတိယအ ချီတွင် ဒိုင်ပွဲရပ်ဖြင့် အနိုင်ရခဲ့ခြင်း ဖြစ်သည်။

သွေးလင်းထက်သည် ONE တွင် (၆) ပွဲ ထိုးထားရာ (၅) ပွဲနိုင် (၁) ပွဲရှုံး ရလဒ်ပိုင်ဆိုင်ထားပြီး လက်ဝှေ့အကျော်အမော် စိုးလင်းဦး၏ နောက်တွင် ONE နှင့် ဒေါ်လာတစ်သိန်းတန်စာချုပ် ချုပ်ဆိုခွင့် ရရန် အလားအလာအကောင်းဆုံးရှိနေသည့် မြန်မာ ဖိုက်တာ တစ်ဦးဖြစ်သည်။

Sky

Photo: One Champion

08/04/2025

DKBA (ဒီမိုကရေစီ အကျိုးပြုကရင်တပ်မတော်) စစ်ရေးချုပ် ဗိုလ်ချုပ် စောစိန်ဝင်း ဝေါလေရှိနေအိမ် ဒရုန်းဖြင့် ဗုံးကြဲတိုက်ခိုက်ခံရ

၄.၈.၂၀၂၅ (ကော်သူးလေ ဝေါလေမြိုင်)

ယမန်းနေ့ မွန်းလွဲ အချိန်လောက်တွင် ဝေါလေမြို့ထဲ ဗုံးသံကျယ်လောင်စွာကြားခဲ့ရပြီးနောက် DKBA စစ်ရေးချုပ် ဗိုလ်ချုပ် စောစိန်ဝင်း နေအိမ်ဗုံးကြဲတိုက်ခိုက်ခံရကြောင်းသိရှိရသည် ဒေသခံများပြောပြချက်အရနေအိမ်တစ်လုံးလုံးထိခိုက်ပျက်စီးခဲ့ပြီး လူထိခိုက်မှုရှိမရှိ အတည်ပြုမရသေးကြောင်းသိရှိရသည်။ ယနေ့ နေလည်ပိုင်းနှင့် ယမန်းနေ့ နေလည်ပိုင်းအချိန်တွင် စစ်ကောင်စီဘက်မှ လေယာဉ်များ လက်နက်ကြီးများစွာဖြင့် ဝေါလေနှင့် အနီးအနားတဝိုက်ကို ဆယ်ကြိမ်ထက်မနည်း ပစ်ခတ်မှုများစွာပြုလုပ်လျက်ရှိကြောင်းသိရှိရသည်။

Sky

photo:CJ

07/17/2025

ဂျပန်နိုင်ငံ တိုကျိုမြို့ Kasai Rinkai Park (July 20)ရက်နေ့တွင် ကရင်လူမျိုးများ စည်းလုံးညီညွတ်မှု၊အပြန်အလှန်ရင်းနှီးမှု ဖလှယ်ကြဖို့အတွက် ကရင်မိတ်ဆုံစားပွဲကျင်းပရန်ရှိ

၁၇.၇.၂၀၂၅ (Japan Takyo)

၂၀၂၅ လာမည့် July လ (၂၀)ရက်နေ့ တွင် ဂျပန်နိုင်ငံ တိုကျိုမြို့ ရှိ Kasai Rinkai Park တွင် ဂျပန်နိုင်ငံ ဂျပန်နိုင်ငံရောက် ကရင်လူငယ်များနှင့် ကျောင်းသူကျောင်းသား တစ်ယောက်နှင့်တစ်ယောက် စည်းလုံးညီညွတ်မှု/အပြန်အလှန် ရင်းနှီးမှု ရှိစေရန်အတွက် OKOJ(Overseas Karen Organization Japan ) အဖွဲ့ နှင့် ဂျပန်ရောက် လူငယ်အဖွဲ့အစည်းများ စုပေါင်းပြီးမိတ်ဆုံစားပွဲ ကျင်းပမည်ဖြစ်ကြောင်း သိရှိရသည်။ ကျင်းပရသည့် ရည်ရွယ်ချက်မှာ ဂျပန်နိုင်ငံရောက် ကရင်လူမျိုးများ အချင်းချင်း ကူညီဖေးမရန်နှင့် ရင်းနှီးမှုများရှိအောင်ရည်ရွယ်ကြောင်း
သိရှိရသည်။ ထိုကြောင့် ဂျပန်နိုင်ငံကရင်လူငယ်လူကြီးများ အားလုံး စည်းလုံးစွာ တက်ရောက်ဖို့ မေ
တ္တာနှင့်ဖိတ်ခေါ်အပ်ပါကြောင်း OKOJ အဖွဲ့ဝင်တစ်ဦးမှ မိဘပြည်သူများကို ပန်ကြားအပ်ပါသည်။ အသေးစိတ်သိရှိလိုပါက OKOJ facebook Page မှ ဆက်သွယ်မေးမြန်နိုင်ပါသည်။

https://www.facebook.com/share/p/16n613cnjZ/?mibextid=wwXIfr

Sky

07/15/2025

(၇၈)ကြိမ်မြောက် KNDO (ကရင့်အမျိုးသားကာကွယ်တပ်ဖွဲ့) Day

၁၆.၇.၂၀၂၅ (ကော်သူးလေ KNDO)

KNU (ကရင့်အမျိုးသားအစည်းအရုံး) သည် (၇၈) ကြိမ်မြောက် ကရင်အမျိုးသားကာကွယ်ရေး တပ်ဖွဲ့နေ့ကို ကြိုဆိုခြင်းနှင့်အတူ ကရင်အမျိုးသားကာကွယ်ရေးတပ်ဖွဲ့(KNDO) မှ ကရင်တမျိုးသားလုံး၏ လုံခြုံရေး၊ အသက်အိုးအိမ်စည်းစိမ်ကာကွယ်ရေးအတွက် ရဲစွမ်းသတ္တိရှိမှု၊ စည်းကမ်းသေဝပ်မှု နှင့် မဆုတ်မနစ်ကြိုးပမ်းနေမှုများကို တန်ဖိုးထားဂုဏ်ပြုပါသည်။
မိမိတို့ပြည်သူများ၏ လွတ်လပ်ခွင့်အတွက် စောင့်ရှောက်ကာကွယ်ပေးရာတွင် မျှော်လင့်ချက်နှင့် တော်လှန်ရေးစွမ်းအား၏ အခြေခံအုတ်မြစ်ဖြစ်သည့် ကရင်အမျိုးသားကာကွယ်ရေးတပ်ဖွဲ့(KNDO) ၏ မမှိတ်မသုန်ကြိုးပမ်းလုပ်ဆောင်နေမှုများကိုလည်း အသိအမှတ်ပြုဂုဏ်ပြုကြောင်း KNU ဗဟိုမှ သတင်းထုတ်ပြန်ထားပါသည်။

၁၉၄၈ ဇန်နဝါရီ ၄ရက်နေ့တွင် တိုင်းရင်းသားအားလုံးညီညွတ်မှုကြောင့် ဗမာပြည် လွတ်လပ်ရေးရသည် လွတ်လပ်ရေးအနစ်သာရကို မခံစားခဲ့ရပေ။ လွတ်လပ်ရေးရပြီး(၃)လ အကြာ ၁၉၄၈ ခုနှစ် မတ်လတွင် ပြည်တွင်းစစ် စတင်ဖြစ်ပွားခဲ့သည် ထိုကာလတွင်
ကရင့် အမျိုးသားကာကွယ်ရေးအဖွဲ့ (KNDO) သည် အလံနီ၊အလံဖြူ ကွန်မြူနစ်ပါတီအဖွဲ့ဝင်များကို တိုက်ခိုက်ပေးခဲ့ခြင်းဖြင့် ဦးနုအစိုးရကိုကာကွယ်ပေးရခဲ့ပါသည်။
မျှော်လင့်ခဲ့ကြသော တန်းတူရေး၊မိမိကံကြမ္မာမိမိတို့ဖန်တီးခွင့်ရရှိမည်ဟုထင်ခဲ့ကြသည်။ သို့ဖြစ်ပါ၍လက်တွေ့တွင် မဟာဗမာလူမျိုးကြီးဝါဒ နှင့်စစ်အာဏာရှင်များ၏ ဖိနှိပ်အကြမ်းဖက်သတ်ဖြတ်မှုများကိုသာ ရင်ဆိုင်လာခဲ့ရပါသည်။

၁၉၄၉ တွင် ဦးနုအစိုးရမှ အင်းစိန်ရှိ KNU နှင့် KNDO ဌာနချုပ်ရှိရာနေရာများကို မတရားအသင်းကြေညာပြီး စတင်ထိုးစစ်ဆင်မှုကြောင့် ကရင့်တော်လှန်ရေးစတင်ဖြစ်ပေါ်လာသည်။ ယခုအချိန်အထိ ကရင်လူထုနှင့်အိုးအိမ်စည်စိမ်များကို ကာကွယ်စောင့်ရှောက်သော KNDO(ကရင့်အမျိုးသားကာကွယ်ရေးတပ်) ကိုလေးစားဂုဏ်ပြုပါသည်။

Sky
Source:KNU

Address

Charlotte, NC
28269

Telephone

+19802934973

Website

https://youtu.be/w_au0gcL2_Q

Alerts

Be the first to know and let us send you an email when Kawthoolei Today posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Kawthoolei Today:

Kawthoolei Today