06/02/2026
ကဲ korea food ဆိုင် ကောင်းတာလေး ရှာနေတဲ့ hub food ရဲ့ ဘေဘီလေးတွေအတွက် ရန်ကင်း ကလေးဆေးရုံ နားက သုခိတာလမ်းမှာ ဖွင့်ထားတဲ့ဆိုင်လေးကို ညွှန်းပေးမယ်။
ဆိုင်နာမည်လေးကတော့ JH Loung ပါ။ဆိုင်မှာက korean food ကိုမှ snack တွေကော Main dish တွေကောအစုံကိုရတာ ရှယ်။ ဆိုင်အပြင်အဆင်ဆိုတာလဲ တစ်နေရာနဲ့တစ်နေရာ လုံးဝ မတူပဲနဲ့ပဲ သေချာလုပ်ပေးထားတော့ ဆုလင်းတို့လို ဓာတ်ပုံလှလှရိုက်ဖို့ နေရာရှာနေရင် သွားကိုသွားသင့်တာ။ပြီးတော့ korean dress ပါ 15,000ထဲနဲ့ ဌားဝတ်လို့ရကွက်တိပဲ။
အစားအသောက်တွေကလဲ အစုံပဲ။ဆုလင်းဆို စုံနေအောင်ကို မှာစားခဲ့တာ။ ဆိုင်မှာ နာမည်ကြီး ဘဲပစ်မဆိုတဲ့ ဟင်းပွဲနဲ့ Matcha လေးကတော့လေ တကယ်ကိုအရမ်းကောင်းတာ။ Matcha ကြိုက်တဲ့သူဆို သောက်ကိုသောက်သင့်တာနော်။တကယ် 100% ကို recommend ပေးတာ။
ဘဲပစ်မကလဲ အမယ်စုံပါပြီး အရသာက စပ်စပ်လေးနဲ့ spicy noodles သမားတွေအကြိုက်။ကြက်သားတုံးကြီးတွေကော ထမင်းတွေကော ကြက်ဥချောင်း ကြက်ဥ အစုံကိုပါတော့ ၂၉,၀၀၀ထဲနဲ့ တန်နေအောင်ကို စားရတာ။
Rabokki set လေးကတော့ ခေါက်ဆွဲကောတော့ပိုကီကော ထမင်းလိပ်ကော ၃မျိုးလုံးစားချင်ပြီး ရွေးရခက်နေရင် အာ့တာသာမှာစားလိုက် ကွက်တိပဲ။အရသာကတော့ နည်းနည်း ချိုစပ်လေးမို့ အစပ်မစားနိုင်တဲ့သူတွေအတွက် အဆင်ပြေတယ်။သူလဲ portion size ကြီးပြီးတော့ စျေးက ၃၀,၀၀၀ ပဲရှိလို့ အိုကေ။ထမင်းလိပ်ကလဲ အစာပလာများပြီး အလိပ်အကြီးကြီးမို့ စားလို့ရှယ်ကောင်း။ဆုလင်းတော့ တော်တော်လေးကြိုက်တယ်။
ကွေ့တီယိုကတော့ အများကြီးမညွှန်းတော့ဘူး။ စားလို့ကောင်းတယ် အဆင်ပြေတယ်။ အချိုဘက်နည်းနည်းသွားတယ်။ portion လဲများ အသားလဲ များတော့ good 👍။ စျေးကတော့ ၁၅,၀၀၀။ ထိုင်းလက်ရာ စားချင်ရင် စားကြည့်သင့်။
Coffee မသောက်ရမနေနိုင်သူတွေအတွက် လဲ Jumbo Orano လေးလဲ မှာသောက်ကြည့်သင့်။Americano and orange juice အရသာလေးကို combine လုပ်ထားလို့ ခါးသက်သက်လေးတဲ့ fresh ဖြစ်တဲ့ ပုံစံလေး။ orange အရသာလေးလဲ ရနေတော့ မွှေးပြီး တစ်မျိုးလေး သောက်လို့ကောင်း။ စျေးကတော့ ၂၆,ooo များတယ်ထင်ရပေမဲ့။ လာချတော့ size ကအကြီးကြီး ၆ယောက်လောက်သောက်လို့ရတော့ တန်တယ်။
Teriyaki chicken and rice ကတော့ ဆုလင်းနဲ့ သိပ်မကိုက်ဘူး။ teriyaki sauce က အချိုဆိုတော့ ချိုချိုလေးနဲ့စားကောင်းပေမဲ့။ ဆုလင်းက spicy fan မို့ စားရင်းနဲ့ အီလာတာ။ အချိုကြိုက်တဲ့သူဆိုရင်တော့ try ကြည့်သင့်ပါတယ်။ကြက်သားလေးကိုလဲ juicy ဖြစ်အောင် sauce လေးနဲ့ ချက်ပေးထားတာဆိုတော့ အရသာကတော့ ကောင်းပါတယ်။စျေးလေးကတော့ ၁၉,၀၀၀ပါ။
တစ်ဆိုင်လုံးခြုံပြောရရင် တော်တော်လေး အဆင်ပြေပြီး ကောင်းပါတယ်။ပုံရိုက်လို့လဲအရမ်းလှတယ်။ အစားအသောက်လဲ အစုံပဲကိုမှ စားကောင်းတယ်ဆိုတော့ ဓာတ်ပုံရိုက်ရတာကြိုက်တဲ့ကောင်မလေးတွေကို ရည်းစားကောင်လေးက ခေါ်သွားပေးလိုက်တော့နော်။
