09/04/2025
آج ہیوسٹن کے مشہور واٹر فال پر پہنچا جہاں1999 میں دلبر دلبر گانا شوٹ ہوا تھا۔ دل میں بڑا جوش تھا کہ "آج میں سنجے کپور بنوں گا اور پھر دیکھتا ہوں!" بیگم صاحبہ نے کیمرہ تھاما اور کہا، "لو! آج تمہاری دلی تمنا پوری کر دیتی ہوں!"
میں نے فوراً ایک ہاتھ جیب میں رکھا اور دوسرا دیوار پر، اور آنکھیں ششمیتا سین کی تلاش میں چاروں طرف گھمانے لگا۔ لیکن یار! میری نظریں ابھی پوری طرح سے گھومی بھی نہیں تھیں کہ بیگم کی آواز آئی، "یہ دیکھو! تمہاری نظریں کیمرے پر کیوں نہیں ہیں؟ دلبر دلبر کی طرح پانی کو دیکھو! آس پاس لڑکیوں کو نہیں!"
میرا ہیرو والا خواب وہیں چکنا چور ہو گیا اور میں نے سارا دھیان دوبارہ کیمرے پر لگا دیا۔ اس لمحے مجھے محسوس ہوا جیسے واٹر فال کی ہر بوند کہہ رہی ہو، "میاں! یہ واٹر فال دلبر دلبر میں استعمال ہوا تھا، فلمی زندگی میں نہیں! اور ویسے بھی، بیگم کے ہوتے ہوئے یہاں کوئی دلبر نہیں آئے گا!"
بس! آج کا سارا ہیرو پنا، واٹر فال سے نہیں، بیگم کے ایک ڈانٹ سے ختم ہو گیا۔
