Bokku Oro Media-BOM

07/05/2025

Waanta jarri Foundation geggeessa jirtan hojettan gaarii mit, garuu uummata oromoo haqa isaa haqaaqee jalloota harkaa baafatu waan jiruuf malee nama gumaa, nama harki dhiigaa badhaasuun keessanu yakka ture.

Ammas Foundation Kana itti fufsiisuuf bakka itti haqni, wal qixxummaanii fi aantummaan uummataa itti mul’atu ta’uu qaba. Ummata dhaggeeffattanii badhaasa keessan irraa mulquun keessanuu waan takko. Uummanni, dhugaa arga, dhugaa hubata, dhugaas dubbata, kanaaf yoo uummataaf hojjettu taatan fedha uummatichaa hubadhaa, beekaa, dhaggeeffadhaan isiniin jedha.

07/04/2025

Oromo, jarri armaan gaditti profile isaanii argitan kunii fi gareen isaanii akkuma isin hundinuu beektan yeroo haati manaa Andualem duute sana sagalee ta’uufii mitii ajandaa biraa fidanii social media kana irraatti akka haqni ishee hin mul’aneef gochaa turan. Garuu har’a immoo FB kana gubbaadhaa jechaa kan jiran jaruma kanaa fi gareewwan isaaniiti.

Kun maal agarsiisaa? Jarri kun sansakkaa namummaa(humanity) isa jedhamu akka hin qabne, kan garaan isaanii waaqa isaaniif ta’e, haqaaf jiraatanii, haqa dubbatanii, haqaaf gatii kaffalamu kaffalanii jiraachuu irraa warra faayidaa fi dantaaf kurkuran ta’uu isaani nama agarsiisa.

Akkan yaadutti,Amma akkuma argaa jirtan haqa obboleetti keenyaa kan gaaffachuuf as ba’aniif;

1. Gurbaa(Anduwalem) akkuma jedhamaa jiru miliksaniiru waan ta’eefi. Qaataar ga’eera kan jedhamu gungumamaa akka jiru gariin keessan quba qabdu jedheen yaada.

2. Gochaa jarri warri awward godhan waan badaadha waan ta’eef sana jalaa dhiksuufi. Silaa waanti maqaa Hacaaluu Hundeessaan dhaabbate tokkoo dhugaa Hacaaluun dhabe sana dhaloota dhabsiisuu hin qabu ture. Yakkamaan namni lubbuu dhala nama ajjeesse tokko bilisummaa argatee waa’ema isaa haasa’uun isaaniituu yakka.

Namni Horii nama ajjeesse tokkoyyuu hanga abbaa horii sana waliin araaramee nagaa buusutti bir’ataa jiraata. Jarri warri hacaaluu hundeessa award garuu dhiiga irra dhaabbatanii dhiiga nama qulqulluu akka dhangalaasisaa jiranitti ilaalamuu qabu. Kana dhoksuuf wixisaa jiru.

3. Erga Hacaalu award irratti maqaan nama yakkamaa Anduwalem Gosa jedhumu kun waamamee, darara(torture) inni isheeratti raawwachaa turee Photon Qananii maxanfamuu jalqabnaan kan qabanii fi dhiisan wallaalaniituu amma maxansuutti ka’an.

Anaan kan dhibaa turee, jarri Award kun mee, akka gurbaa lubbu ajjeessaa Anduwalem Gosa jedhamu kana moosisan waan itti himaniifi mitii kan inni yaadannoo Hadha warrakoof haa ta’u jedhee dhaammateef. Utuu akka injifatu hin beeknee akkamiin akkas haa ta’u jedha?

Maraafuu, waaqni abbaa firdii haqaa, haqa hin balleessiin!

02/14/2025

01/17/2025

Waanti bara mootummaa fascist Abiyi Ali Uummata Oromoo irratti raawwate, erga Impayeri Ethiopia jedhamtu kun hundoofte iyyuu ta’ee hin beeku. Ija haadhaa fi Abbaa duratti yeroo mucaa daa’ima kana radaasaan akka bineensaatti gubdu maal sammuumti kee si hojechaa hin jiruu? dachee lafa dhiigaa.

12/26/2024

qoosaa miti, qabsoo bilisummaa oromootti, lafee kitilatuu kitima ta’e, dhiiga qeerroo fi qarree oromootuu akka lolaa gannaatti itti dhangala’e. Har’allee warra qabsichatti qoostu waaqni ishee haa qabu

12/13/2024

12/01/2024

ODUU AMMEE!!!

Yeroo dheeraaf WBO giddu galaa hogganaa kan ture Sanyii Nagaasaa guyyaa har'aa mootummaa waliin waliigaltee irra gahuu isaa himame.

Waraana Bilisummaa Oromoo giddu galaa hogganuun sochii Bilisummaa keessatti qooda bahataa kan ture Sanyii Nagaasaa baatilee darbe keessa komii isaa miidiyaa hawwaasaa irraan dhiheeffataa ture.

Namootni hedduun ammoo wayiita sanattiyyuu Sanyiin mootummaa waliin hariiroo uumuu isaa himaa turan. Mootummaan naannoo Oromiyaa garee Sanyii Nagaasaa waliin har'a walii mallatteessuu beeksisee jira.

Miidiyaa mootummaa kan ta'e FBC'n "walii galteen araaraa Mootummaa Naannoo Oromiyaafi Qondaaltota WBO gidduutti mallatteeffameera" jechuun gabaaseera.

Ta'us walii galtichi ammas galma nagaa kan geessisu osoo hin taane akkuma kan Goollicha Dhengee Kibba Oromiyaa irraa itti galeen wal fakkaachuu hin oolu. Araarri akkanaa ammoo Oromiyaa keessatti nagaa uummatni hawwuu fiduu akka hin dandeenye hubatamaadha.

Torban darbe keessa ture mootummaan WBO waliin marii araaraa milkaa'aa gaggeessaa jiraachuu kan ibsaa ture. Wayiita sanatti dhugumaan ABO-WBO waliin araaratti jirama jedhee kan shakke danuu ture.

Ta'us dhimma nagaa jedhamu mootummaan balballoomsaa jiru ABO-WBO karaa Tiwitera isaan Fake News jechuun ibse.

WBO"'n ibsa isaa kanaan "Oduun dabballoonni Bilxiginnaa mariin nagaa marsaa lammaffaa booda itti fufeera jechuun afarsan soba. Olola namoota jilbeeffateefi kan kaadiree ti." Jedhee jira

"Marii rakkoo Oromoo hundeen furu sodaatee baqachuun, nagaa jechuun harka kennuufi jilbeeffachuu qofaadha kan jedhe Bilxiginnaa ta´uu Oromoon hunduu quba qaba. WBOn gaachanni sabaa qabsoottii jira. Ololli raatuu bishaan mooyyeetti naqanii tumuu wajjin qixxuma. Haa tuman." Jechuun fudhatama dhabsiise.

11/21/2024

10/23/2024

Balaa ibiddaa Finfinnetti mudate hordofee namaa fi qabeennarra miidhaan dhaqqabeera.

Balaan kuni naannoo uumame. Balichaan Qabeenyi hedduun barbada'eera. Nama 9 irra miidhaan ulfaataa fi salphaan dhaqqabeera.

Miidhaan balaan kun dhaqqabsiiseen gaddi itti dhagahamuu kantiibaan magaalaa Finfinnee Adanech Abiebie ibsuun, ka'umsi balicha uumame kanaa maali akka ta'e mootummaan qorachuun kan beeksisu ta'uu eeraniiru.

Balaa uumame kana dawoo godhachuun qaamolee yakka hannaa raawwachuun shakkaman 33 to'annoo seeraa jala akka oolan poolisiin magaalichaa ibseera.

10/19/2024

Akka humni waraanaa Israa'el jedhutti rookeetiiwwan 55 ta'an Libaanos irraa gara magaalota kaaba Israa'el kanneen akka Hayifaa fi kaanitti dhukaafamaniiru.

Baayyeensaanii sirna ittisa qilleensarraa Israa'el- Iron Dome jedhamuun qilleensarratti akka rukutamanis ibseera waraanni Israa'el.

Hezboollaan ammoo rookeetii gurguddaa fi akkaan ammayyaawaa ta'e kan ''large salvo'' jedhaniin baayyinaan gara Israa'el dhukaasuu ibsite.