02/20/2026
Dowladda Soomaaliya iyo Boqortooyada Sacuudi Carabiya ayaa maanta kala saxiixday heshiis xasaasi ah oo ku saabsan dekedaha iyo gaadiidka badda, kaasi oo qalinka ku duugeen Wasiirka Dekedaha iyo Gaadiidka Badda, Cabdulqaadir Maxamed Nuur iyo dhiggiisa Sacuudiga, Saleh bin Nasser Al-Jasser.
Heshiiskan iskaashi ee khuseeya arrimaha gaadiidka badda iyo horumarinta dekedaha ayaa qeyb ka ah dadaallo xooggan oo lagu xaqiijinayo danaha labada qaran ee Soomaaliya iyo Sacuudiga ka dhaxeeya.
“Sacuudi Carabiya waa walaal weyn oo Soomaaliya garab ugu ah ilaalinta gobannimadeeda qaran iyo midnimadeeda dhuleed,” ayuu yiri Wasiir Jaamac oo qoraal soo saaray kadib saxiixa heshiiskan.
Heshiiskan ayuu sheegay inuu sahli doono kobaca dhaqaalaha, horumarinta dekedaha iyo gaadiidka badda, iyo sare u qaadidda xirfadaha iyo aqoonta howl-wadeennada Soomaaliyeed ee ka shaqeeya arrimaha gaadiidka badda iyo dekedaha.
Sacuudiga ayaa u muuqda inuu isku dayayo buuxinta booska Imaaraadka Carabta, oo dhawaan Soomaaliya ay ka cayrisay gudaha dalka, sidoo kalena ay baabi’isay dhammaan heshiisyadii h**e loola galay.
Himilo TV
