09/28/2026
កម្លាំងនគរបាលស្រុកកោះញែក សហការជាមួយកម្លាំងជំនាញខេត្តមណ្ឌលគិរី និងស្ទឹងត្រែង បំបែកសំណុំរឿងជួញដូរ និងប្រើប្រាស់គ្រឿងញៀនជាបន្តបន្ទាប់ ឃាត់ខ្លួនជនសង្ស័យ ១០នាក់
ខេត្តមណ្ឌលគិរី៖ ដោយអនុវត្តតាមបទបញ្ជាយ៉ាងម៉ឺងម៉ាត់របស់ លោកឧត្តមសេនីយ៍ត្រី ជា ចិត្រា ស្នងការនគរបាលខេត្តមណ្ឌលគិរី និងមានការសម្របសម្រួលនីតិវិធីពី លោក ស៊ាវ ងីឈាន់ ព្រះរាជអាជ្ញារង អមសាលាដំបូងខេត្តមណ្ឌលគិរី កម្លាំងជំនាញបានបើកប្រតិបត្តិការបង្ក្រាបករណីជួញដូរ រក្សាទុក និងប្រើប្រាស់ដោយខុសច្បាប់នូវសារធាតុញៀនជាបន្តបន្ទាប់ រហូតឈានទៅដល់ការឃាត់ខ្លួនជនសង្ស័យសរុបចំនួន ១០នាក់។
តំណាក់កាលទី១៖ ការបង្ក្រាបនៅស្រុកកោះញែក
នៅថ្ងៃទី២៥ ខែកញ្ញា ឆ្នាំ២០២៦ វេលាម៉ោង ១២:២៩នាទី លោកវរសេនីយ៍ទោ អេង ហាក់គ័ង អធិការនគរបាលស្រុកកោះញែក បានដឹកនាំកម្លាំងជំនាញប្រឆាំងគ្រឿងញៀនស្រុក សហការជាមួយកម្លាំងការិយាល័យប្រឆាំងគ្រឿងញៀនខេត្តមណ្ឌលគិរី ចុះបង្ក្រាបនៅចំណុចផ្លូវបំបែកវាលច្រេះ ស្ថិតក្នុងភូមិរវ៉ាក់ ឃុំរយ៉ ស្រុកកោះញែក ខេត្តមណ្ឌលគិរី ដោយឃាត់ខ្លួនជនសង្ស័យចំនួន ០២នាក់ (ស្រី ០១នាក់)៖
១. ឈ្មោះ ស្លេះ កាំរី ភេទប្រុស អាយុ ២៧ឆ្នាំ ជនជាតិខ្មែរ-ឥស្លាម មុខរបរកសិករ រស់នៅភូមិរវ៉ាក់ ឃុំរយ៉ ស្រុកកោះញែក (តេស្តទឹកនោម វិជ្ជមាន)
២. ឈ្មោះ សាន់ ស្រីរត្ន ភេទស្រី អាយុ ៣៩ឆ្នាំ ជនជាតិខ្មែរ-ឥស្លាម មុខរបរកសិករ រស់នៅភូមិរវ៉ាក់ ឃុំរយ៉ ស្រុកកោះញែក (តេស្តទឹកនោម វិជ្ជមាន)
វត្ថុតាងដកហូតរួមមាន៖
ទូរស័ព្ទដៃចាស់ខូច ចំនួន ០៣គ្រឿង
ជញ្ជីងថ្លឹងគ្រឿងញៀន ចំនួន ០១គ្រឿង
ឧបករណ៍ជក់ និងថង់សម្រាប់វិចខ្ចប់ថ្នាំញៀនមួយចំនួន
កាំភ្លើងកែច្នៃ និងគ្រាប់កាំភ្លើងកែច្នៃ (កែច្នៃពីដង់) ចំនួន ១០០គ្រាប់
ម៉ូតូម៉ាក ស៊ីរ៉ូស (Sirius) ចាស់ ១គ្រឿង
តំណាក់កាលទី២៖ ការស្រាវជ្រាវពង្រីកមុខសញ្ញា
ផ្អែកតាមចម្លើយសារភាពរបស់ឈ្មោះ សាន់ ស្រីរត្ន កម្លាំងជំនាញបានបន្តនីតិវិធី និងធ្វើការឃាត់ខ្លួនជនសង្ស័យបានចំនួន ០៣នាក់បន្ថែមទៀត៖
១. ឈ្មោះ ជីត ពីន ភេទប្រុស អាយុ ២៥ឆ្នាំ ជនជាតិខ្មែរ មុខរបរកសិករ (តេស្តទឹកនោម វិជ្ជមាន)
២. ឈ្មោះ ឌី រដ្ឋា ភេទប្រុស អាយុ ២៧ឆ្នាំ ជនជាតិខ្មែរ មុខរបរកសិករ (តេស្តទឹកនោម វិជ្ជមាន)
៣. ឈ្មោះ គ្រុយ សុភ័ណ្ឌ ភេទប្រុស អាយុ ២៧ឆ្នាំ ជនជាតិខ្មែរ មុខរបរមិនពិតប្រាកដ (តេស្តទឹកនោម វិជ្ជមាន)
វត្ថុតាងដកហូតបន្ថែម៖
ក្រាមពណ៌សថ្លាសង្ស័យជាសារធាតុញៀន ចំនួន ០១កញ្ចប់ធំ
ម៉ូតូម៉ាក សង់ ពណ៌ខ្មៅចាស់ គ្មានស្លាកលេខ ចំនួន ០១គ្រឿង
ទូរស័ព្ទដៃម៉ាក Nokia ពណ៌ខៀវ ចំនួន ០១គ្រឿង
តំណាក់កាលទី៣៖ ការសហការបង្ក្រាបឆ្លងខេត្ត (ស្ទឹងត្រែង)
តាមចម្លើយបន្តពីជនសង្ស័យឈ្មោះ គ្រុយ សុភ័ណ្ឌ នៅថ្ងៃទី២៦ ខែកញ្ញា ឆ្នាំ២០២៦ វេលាម៉ោង ១៦:៤០នាទី កម្លាំងអធិការដ្ឋាននគរបាលស្រុកកោះញែក បានសហការជាមួយកម្លាំងស្នងការដ្ឋាននគរបាលខេត្តស្ទឹងត្រែង និងប៉ុស្តិ៍នគរបាលរដ្ឋបាលឃុំក្បាលរមាស ចុះឆែកឆេរលំនៅឋានជនសង្ស័យឈ្មោះ ថា សុខា ស្ថិតក្នុងភូមិច្រប់ ឃុំក្បាលរមាស ស្រុកសេសាន ខេត្តស្ទឹងត្រែង ដោយឃាត់ខ្លួនជនសង្ស័យចំនួន ០៥នាក់បន្ថែមទៀត៖
១. ឈ្មោះ វណ្ណា ភារុន ភេទប្រុស អាយុ ២៥ឆ្នាំ រស់នៅភូមិច្រប់ ឃុំក្បាលរមាស ស្រុកសេសាន (តេស្តទឹកនោម វិជ្ជមាន)
២. ឈ្មោះ ថា សុខា (ហៅ តើម) ភេទប្រុស អាយុ ២៦ឆ្នាំ រស់នៅភូមិច្រប់ ឃុំក្បាលរមាស ស្រុកសេសាន (តេស្តទឹកនោម វិជ្ជមាន)
៣. ឈ្មោះ លេខ វិចិត្រ ភេទប្រុស អាយុ ៣២ឆ្នាំ រស់នៅភូមិស្រែស្រណុក ឃុំក្បាលរមាស ស្រុកសេសាន (តេស្តទឹកនោម វិជ្ជមាន)
៤. ឈ្មោះ សៅ ភារុន ភេទប្រុស អាយុ ៣៧ឆ្នាំ រស់នៅភូមិអូ្រច្រឡង់ ឃុំអូរឫស្សី ស្រុកសៀមបូក (តេស្តទឹកនោម វិជ្ជមាន)
៥. ឈ្មោះ ប៊ុត សីហា ភេទប្រុស អាយុ ៣៤ឆ្នាំ រស់នៅភូមិអូ្រច្រឡង់ ឃុំអូរឫស្សី ស្រុកសៀមបូក (តេស្តទឹកនោម វិជ្ជមាន)
វត្ថុតាងដកហូតរួមមាន៖
ថ្នាំញៀន ចំនួន ០១កញ្ចប់ធំ
ម្សៅពណ៌ស ចំនួន ០១កំប៉ុង
ទូរស័ព្ទដៃ ចំនួន ០៦គ្រឿង
អាវុធកែច្នៃបាញ់ហ្គាស ចំនួន ០៣ដើម និងដាវមានស្រោមជ័រ ចំនួន ០១ដើម
ជញ្ជីងថ្លឹងគ្រឿងញៀន ចំនួន ០១គ្រឿង ព្រមទាំងថង់វិចខ្ចប់ និងឧបករណ៍ជក់មួយចំនួន
ម៉ូតូ ចំនួន ០៦គ្រឿង (ម៉ាក Wave ពណ៌ក្រហម គ្មានស្លាកលេខ, Wave ពណ៌ខ្មៅ ស្លាកលេខ ស្ទឹងត្រែង 1D-0092, Dream ពណ៌ខ្មៅ ស្លាកលេខ កំពង់ចាម 1AF-9609, Dream ពណ៌ខ្មៅ គ្មានស្លាកលេខ, Winner ពណ៌លឿង គ្មានស្លាកលេខ និង Sirius ពណ៌ខ្មៅ)
បច្ចុប្បន្ន ជនសង្ស័យទាំង ១០នាក់ ព្រមទាំងវត្ថុតាង ត្រូវបានកម្លាំងជំនាញប្រឆាំងគ្រឿងញៀននៃអធិការដ្ឋាននគរបាលស្រុកកោះញែក កសាងសំណុំរឿងបញ្ជូនទៅកាន់ការិយាល័យប្រឆាំងគ្រឿងញៀន នៃស្នងការដ្ឋាននគរបាលខេត្តមណ្ឌលគិរី ដើម្បីចាត់ការបន្តតាមនីតិវិធីច្បាប់៕
