MADER MEDIA

MADER MEDIA "MADER MEDIA is a digital platform dedicated to delivering reliable news, insightful analysis, and engaging content. Your trusted source

We focus on informing, educating, and inspiring our audience through accurate and up-to-date media coverage. Your trusted source for stories that matter.

Bahdil Siyaasadeed iyo Su’aalaha horyaalla Shacabka: Socdaalkii Dr. Cabdiwaasac Baddi Maanta waxaa Garoonka Diyaaradaha ...
20/04/2026

Bahdil Siyaasadeed iyo Su’aalaha horyaalla Shacabka: Socdaalkii Dr. Cabdiwaasac Baddi

Maanta waxaa Garoonka Diyaaradaha ee Garaad Wiil-Waal** ka dhacay dhacdo loo fasiran karo bahdil siyaasadeed oo qaawan. Dr. Cabdiwaasac Baddi oo soo gaadhay magaalada Jigjiga, ayay xukuumadda Deegaanka Soomaalidu (DDS) u muujisay maamuus-darro, iyadoo soo dhaweyntiisa ku koobtay oo kaliya Gudoomiyaha Gobolka Faafan, kaas oo ay hayto xigtannimo dhow.

Yuu matalaa Musharaxu?
Dr. Cabdiwaasac Baddi waa musharax xildhibaan oo heer Federaal ah, kana tirsan Xisbiga Barwaaqo (Prosperity Party). Wuxuu u taagan yahay metelaadda afarta degmo ee kala ah:

1. **Xarshin**
2. **Khayrabayax**
3. **Gursum**
4. **Baabile**

Waxa xusid mudan in mid ka mid ah degmooyinka uu u tartamayo, ay reerka uu ka soo jeedo ka degan yihiin ku dhawaad **20 qabale**, taas oo muujinaysa culayska deegaan ee uu haysto.
# # # **Dhab-ka-hadal: 20 Sano iyo Waxqabad La’aan**

In kasta oo uu muddo **20 sano ah** xubin ka ahaa Golaha Wakiillada ee JDFI isagoo matalaya afartan degmo, haddana xaqiiqadu waxay tahay:

Xarshin: Ma jirto maalin qudha oo la arkay isagoo booqasho ugu tagay dadka deegaanka ama cod weydiistay (sawirkiisa mooyee). Ma jirto marna uu ka hadlay baahiyaha ama caqabadaha hortaagan degmada Xarshin.Qabribayax:Waxaa lagu arkay booqashooyin dhif iyo naadir ah.Gursum & Baabile:n kasta oo aan xog sugan laga hayn, haddana looma maleeyo inay wax weyn ka duwan yihiin xaaladda Xarshin.

Doorashada Soo Socota iyo Go’aanka Shacabka**
Doorashadan foodda inagu soo haysa waa mid ka duwan kuwii h**e. Waxaa jira musharaxiin kale oo u qalma codkeena, lana yimid qorshe muuqda. Waxaa isweydiin mudan:

Miyaynu markale u codaynaa "Sawir" aan dhib iyo dheef toona inala qaybsan?
Mise waxaynu muujinaa inaan nahay bulsho qiyam leh oo lagula xisaabtamo codkeeda?**
Waa markii aan ka fikiri lahayn masiirka deegaankeena, kana gudbi lahayn dadka magaceena ku raadinaya kuraasta balse aan u adeegayn danta guud.

Maamullada Xarshin iyo Harta-Sheekha Malaga yabaa inay soo dhawaynayaan Abdiwasac Bade oo dagaal kula jiraa Madaxweyne Mustafe Omer

Tooska cadaadda ✍️

Sida ay qortay The Wall Street Journal, maamulka madaxweyne Donald Trump ayaa isu diyaarinaya inuu helo ku dhowaad $10 b...
15/03/2026

Sida ay qortay The Wall Street Journal, maamulka madaxweyne Donald Trump ayaa isu diyaarinaya inuu helo ku dhowaad $10 bilyan oo lacago ah, kuwaas oo la xiriira heshiiska cusub ee lagu maamulayo howlaha TikTok ee Maraykanka. Wargeysku wuxuu sheegay in lacagtan loo arko khidmad ka dhalatay doorkii dowladda Maraykanka ee hagista iyo dhammeystirka heshiiska.

Warbixintu waxay sheegtay in heshiiskaas lagu dhisay shirkad wadaag ah oo fadhigeedu yahay Maraykanka, halkaas oo maalgashadeyaal Maraykan ah ay gacanta ku yeesheen saamiga ugu badan, halka Shirkada ByteDance ay haysato saamiga laga tirada badan yahay oo ku dhow 20%. Heshiiskaas ayaa la sheegay inuu TikTok u oggolaaday inuu sii shaqeeyo gudaha Maraykanka, iyadoo Shirkada Oracle loo xilsaaray arrimaha xogta isticmaaleyaasha iyo amniga algorithm-ka.

Sidoo kale, isbahaysiga maalgeliyeyaasha ee ay ku jiraan Oracle, Silver Lake, iyo MGX ayaa la sheegay inay bixiyeen qiyaastii $2.5 bilyan markii heshiiska la xirayay bishii Jannaayo 2026, iyadoo lacagaha kale loo qorsheeyay inay kusoo xirmaan marxalado dambe ilaa wadartu gaarto $10 bilyan.

Dagaalka Trump ee Iiraan wuxuu caqabad ku noqday sahayda tamarta caalamka: Weerar gantaal oo Iiraan ka geystay kaabayaal...
05/03/2026

Dagaalka Trump ee Iiraan wuxuu caqabad ku noqday sahayda tamarta caalamka: Weerar gantaal oo Iiraan ka geystay kaabayaal tamar ayaa sababay in Qatar joojiso dhoofinta gaaska dabiiciga ah ee dareeraha ah, taasoo saameyn ku yeelatay dalal badan oo Yurub iyo Aasiya ah, laga bilaabo Hindiya ilaa Talyaaniga, isla markaana kordhin karta kharashaadka warshadaha muhiimka ah ee Maraykanka.

"Magaalada Wajaale ma xamili karto maamul ku dhisan dano shakhsi, iyadoo ah marinka ugu muhiimsan ee dhaqaalaha gobolka....
03/03/2026

"Magaalada Wajaale ma xamili karto maamul ku dhisan dano shakhsi, iyadoo ah marinka ugu muhiimsan ee dhaqaalaha gobolka."

Magaalada xuduudeedka Tog-Wajaale, oo ah halbowlaha ganacsiga iyo isku-xidha dalalka Itoobiya iyo Somaliland, waxay maanta qarka u saarantahay burbur dhinac kasta ah. Warbixintan waxay daaha ka rogaysaa nidaam xumo baahsan iyo awood-maroorsi ragaadiyey adeegii dadweynaha.

Talada iyo hoggaanka magaalada Wajaale waxay gabi ahaanba ku ururtay gacanta hal qof, waana Duqa Magaalada, Maxamed Waaberi.
​Talada oo go'doon ah: Duqu wuxuu meesha ka saaray doorkii golaha fulinta iyo ku-xigeenkiisa, isagoo noqday go'aan-qaataha kaliya ee maamulka.​Mashaariicda: Bixinta iyo qandaraasyada mashaariicda magaalada ma maraan nidaam hufan, balse waxaa isku koobay Duqa magaalada isagoo aan cidna kala tashan.

Waxaa jira farqi weyn oo u dhexeeya nolosha shaqalaha maamulka iyo hantida uu urursaday Duqa magaalada:​Daryeel la'aanta Mas'uuliyiinta: Iyadoo mas'uuliyiintii kale ee maamulku ay la dhibtoonayaan bixinta kirada guryaha ay degan yihiin, haddana waxaa muuqata inaan xuquuqdoodii la siin.​Tajirnimo aan la sharxi karin: Maxamed Waaberi wuxuu muddo kooban gudaheed ku noqday maal-qabeen weyn, isagoo hantidii dadweynaha u beddelay hanti gaar ah.

Maamul-xumadu kaliya maaha mid dhaqaale, balse waxay saamayn toos ah ku yeelatay amniga qaranka:​Dambiyada Abaabulan: Ku takri-falidda xuduudda ee ujeeddooyinka shakhsiga ah waxay dhabaha u xaadhaysaar ganacsiga sharci-darrada ah iyo falalka dambiyada ah.​Dayacaadda Shaqada: Xafiiskii loogu talagalay adeegga bulshada wuxuu isu beddelay goob ganacsi iyo hanti urursi, taas oo daciifisay ilaalintii xuduudda muhiimka ah.

Markay cadaatay in maamulka hadda jira uu yahay mid u adeega dano shakhsi, lagana weecday wadadii sharciga, waxaan soo jeedinaynaa:
​Xil-ka-qaadis Degdeg ah: In Xukuumadda Deegaanka Soomaalidu ay xilka ka qaaddo Maxamed Waaberi si loo badbaadiyo sharafta maamulka.

​Baadhitaan Rasmi ah: In hay’adaha baadhista iyo hantidhawrku ay baadhitaan dhab ah ku sameeyaan hantida dadweynaha ee la lunsaday iyo sida loo maareeyey dakhligii xuduudda.

​Sugidda Amniga: In si degdeg ah loo soo celiyo nidaamkii xuduudda si looga hortago khataraha amniga ee ka dhalan kara maamul xumadan.

Lasocoqaybahadambe. MADER MEDIA

Ra’iisul Wasaaraha Itoobiya, Abiy Ahmed, ayaa markii ugu horreysay taariikhda dalkaas Af-fur waddareed ballaaran gudaha ...
02/03/2026

Ra’iisul Wasaaraha Itoobiya, Abiy Ahmed, ayaa markii ugu horreysay taariikhda dalkaas Af-fur waddareed ballaaran gudaha madaxtooyada ugu sameeyay boqolaal dadka barakacayaasha ah. Waxay ahayd dhacdo cajiib ah oo muujinaysa isbeddel weyn ee ku dhacay siyaasada Itoobiya ee dhanka Muslimiinta ah, maadaama madaxtooyada Itoobiya aysan h**ey uga dhici jirin in salaad lagu oogo ama munaasabado Islaami ah oo heerkan oo kale ah lagu qabto. Tallaabadan ayaa loo arkaa mid kor u qaadaysa aqoonsiga iyo fagaarayaasha ay Muslimiinta dalkaas ku leeyihiin.

Abiy Ahmed ayaa xasuusiyay dunida in Itoobiya iyo dhulka Ardul-Xabasha ay leeyihiin taariikh fog oo soo dhoweynta Islaamka ah, isagoo tusaale u soo qaatay Boqorkii Najaashi oo magangalyo siiyay Saxaabadii ugu horreysay ee soo haajirtay. Wuxuu carrabka ku adkeeyay in dhulkan uu yahay mid barakaysan oo uu u duceeyay Nabiga (NNKH), isagoo tilmaamay in dhaqanka soo dhoweynta martida iyo dadka dhibaataysan uu yahay mid hiddaha iyo taariikhda dalkaas ka mid ah.

Tog-Wajaale oo u dhaxaysa Musuqmaasuq Baahsan iyo Biyo-la’aan Ba’anMagaalo ganacsiga ee Tog-Wajaale waxay hadda wajahays...
02/03/2026

Tog-Wajaale oo u dhaxaysa Musuqmaasuq Baahsan iyo Biyo-la’aan Ba’an

Magaalo ganacsiga ee Tog-Wajaale waxay hadda wajahaysaa xaalad cakiran oo isugu jirta maamul-xumo xididdo qoto dheer leh iyo adeegyo bulsho oo gebi ahaanba duntay. Waxaa soo baxaya xogta fashilka ku yimid mashaariicdii qaranka ee loogu talagalay nolosha bulshada.

Xaaladda biyo-la’aanta ee Tog-Wajaale ayaa gaartay heer halis ah, iyadoo bulshadu ay wajahayso dhibaato nololeed oo ba’an. Arrintan ayaa layaab ku noqotay dadweynaha marka loo eego xaqiiqooyinka soo socda:

Mashruucii Mustafe Cagjar: Waxaa wax ka yar hal sano laga joogaa markii Madaxweynaha Deegaanka, Mustafe Muxumed Cumer, uu xarigga ka jaray mashruuca biyo-gelinta magaalada. Mashruucaas oo ahaa kii ugu weynaa ee deegaanka laga hirgeliyo, loona qorsheeyay inuu daboolo baahida 10-ka sano ee soo socda.
Fashilka Sannadkii Koowaad: Waa nasiib-darro weyn in sannadkii u horreeyayba ay magaaladu biyo-la’aan noqoto. Tani ma aha oo kaliya fashil ku yimid Xafiiska Biyaha, balse waa mas’uuliyad darro dhabarka u saaran Maamulka Magaalada iyo Duqa magaalada, oo ku fashilmay ilaalinta iyo maamulidda mashruucaas muhiimka ah.

Baadhitaanno lagu sameeyay maamulka Duqa magaalada, Maxamed Waaberi, ayaa kashifay in xafiiskii loogu adeegi lahaa dadweynaha loo beddelay goob hanti-urursi:
* Boobka Dhulka Danta Guud: Dhulkii loogu talagalay dhismaha xafiisyada dawladda iyo goobaha adeegga bulshada ayaa si sharcidarro ah looga iibiyay ganacsato gaar ah, iyadoo lacagahaas ay ku dhaceen jeebka maamulka.
* Shabakadda Koontarabaanka: Waxaa jira eedaymo culus oo muujinaya in Duqa magaaladu uu sahalay marinka baabuurta koontarabaanka iyo ganacsiga dahabka ee sharci-darrada ah, isagoo adeegsanaya awooddiisa si uu uga dhuunto kormeerka amniga.

Khatarta Amniga iyo Maamul-xumada
Tog-Wajaale oo ah halbowlaha dhaqaale ee u dhexeeya Itoobiya iyo Somaliland, waxay maanta ku jirtaa dayac amni. Maamul-xumada iyo u adeegsiga xuduudda dano shakhsi ah waxay dhiirigelinaysaa dambiyada abaabulan, waxayna wiiqaysaa kalsoonida lagu qabi karo nidaamka dawladnimada.

GABAGABO IYO BAAQ DEGDEG AH
Biyuhu waa nolol – lagamana aqbali karo in mashruuc weyn oo dawladdu maalgelisay uu ku fashilmo hal sano gudihiis, halka madaxdii magaaladuna ay ku mashquulsan yihiin boobka dhulka iyo xoolaha dadweynaha.

Waxaan ugu baaqaynaa Xukuumadda Deegaanka Soomaalida:

🔷️In si degdeg ah baadhitaan madax-bannaan loogu sameeyo fashilka mashruuca biyaha iyo halka ay martay miisaaniyadii loogu talagalay socodsiintiisa.
🔷️In xilka laga qaado Maxamed Waaberi, lana horkeeno caddaaladda si looga xisaabiyo boobka hantida dadweynaha iyo dayacaadda adeegyada muhiimka ah.
🔷️In bulshada Tog-Wajaale loo helo xal degdeg ah oo ku saabsan biyo-la’aanta ka hor intaanay xaaladdu isu beddelin masiibo bini-aadanimo.

Lasoco qaybaha dambe MADER MEDIA

Alle ha u naxariisto Marxuum Yaxye Muxumad oo caawa fiidkii ay meleeshiyada Gobolka Faafan ku toogteen xaafadda Dudahida...
22/02/2026

Alle ha u naxariisto Marxuum Yaxye Muxumad oo caawa fiidkii ay meleeshiyada Gobolka Faafan ku toogteen xaafadda Dudahida ee magaalada Jigjiga.

Ilaahay samir iyo iimaan ha ka siiyo qoyskiisa uu ka baxay. Amin

Farriintan hoose, waxa ay naga soo gaadhay bulshada uu metelo Xildhibaan Maxamed Sugulle 👇👇Matalaada Xildhibaan Maxamed ...
12/02/2026

Farriintan hoose, waxa ay naga soo gaadhay bulshada uu metelo Xildhibaan Maxamed Sugulle 👇👇

Matalaada Xildhibaan Maxamed Sugulle iyo Cabashada bulshada uu matalo.

Muddo 8 sano ah oo uu hortaagnaa bulshada waxaa iswaydiin mudan muxuu soo kordhiyay? Waxyeelo se ma gaystay?

Wuxuu yeelay mooyee wuxuu qabtay lama soo sheegi karo marka laga yimaado in Qabale hoosaadka Koorcelista uu ka dhigay Center iyo in walaaladii ilma Sugulle uu maamulka Dhagaxbuur Qandaraas ka siiyay (k**a hadlayo shilimaad uu caruurta kabaha uga soo qaada masaajidka baalashlihiisa uu siiyo) laakiin muddada intaa le'eg hal ceel biyood k**a qodin tuulooyinka 80 ka ah ee uu kursiga ku matalo hormar kale iyo adeeg bixina ha sheegin!

Waxyeeladiisa:

Waa ninka Saldanadii faca weynayd ee tolkii baabi'iyay ee gaadh siiyay heerka iyo meeqaamka ay maanta ka joogaan gobolka Jarar iyo Dhagaxbuurba isaga oo bulshada qabyaalad iyo nin jeclaysi dhex keenay una qaybiyay jufooyin hoose.

Waa ninka isaga oo Mw Mustafe ugu manno sheeganaya in uu Nairobi ku soo dhaweeyay yidhi; Mustafoow system-ka ka saar, Khadiir Cabdiraxmaan, Wasiir kuxigeenkii h**e ee Xafiiska Ganacsiga iyo Gaadiidka deegaanka oo ahaa nin bulshada isku wada kagana war haya darajo kasta oo dhaqaale, isaga oo ka duulayay in Khadiir ka galaangal roonaa, raadinayayna Xildhibaannada Dhagaxbuur.(doorashadii h**e)

Waa ninka ka dambeeyay in qaab-dhismeedka bahdilaada ah ee ay ka cabanaysaa dhalinyarada uu matalo ku joogaan maamulka magaalada Dhagaxbuur iyo tan gobolka Jarar ba sababteeda lahaa.

Waa ninka dhalinyarada uu matalo inta shaqaalaha dawlada ah ka shaqeeya sidii loo naafayn lahaa ee hoos loogu dhigi lahaa hormar na u diidan isaga oo masuuliyiintooda la xidhiidhaya ee propaganda ku wada.

Mar labaad oo ay isku shaandhay jirtay, Waa ninka yidhi haddii aadan Mustafoow booska la iiga saarin C/risaaq Cadhays, wasiir kuxigeenkii h**e ee xafiiska Dhaqanka Iyo Dalxiiska, oo aadan la igu badalin, Nairobi baan u guuri! Manno sheegashadii baa sii socota!

Dad baa mooda in uu damiir Bini’adantinimo leeyahay oo ku sirmay:

Waxaa jira nin ay ehel dhaw yihiin oo muddo 20 bilood ah Hospitalka Referral-ka Jigjiga qaybta ICU-ga kujira oo lacag loo badan haysto, ahna Aabe 12 caruura haysta aan waligii xil iska saarin. Beri dhawayd ayuu Dr. Xuseen Qaasim, Wasiirka Xafiiska madaxweynaha oo kormeer ku tagay Hospitalka Referral-ka ayaa ka bixiyay dhaqaalihii markuu gartay kadibna, u sheegay in ay u yimaadaan xafiiskiisa si looga caawiyo in hospital dibadda ah loogu qaado, kadibna intay Xildhibaan Sugulle xafiiskiisa tageen dheheen kaalay noo gee ee siduu u warwareejinayay 5 bilood xafiiskiina loo diiday kadib markay xaafadiisa tageen intuu kuwo yaryar oo ciidana usoo diray yidhi guriga iiga hor kaxeeya dadkan!

Bulshooy ninka noocaas ahi sidee buu mar labaad dad ku hortagi karaa?

Karamara TV

Madaxweynaha Jamhuuriyadda Tansaaniya ayaa soo gaadhay Addis AbabaMadaxweynaha Jamhuuriyadda Tansaaniya, Samia Suluhu Ha...
12/02/2026

Madaxweynaha Jamhuuriyadda Tansaaniya ayaa soo gaadhay Addis Ababa

Madaxweynaha Jamhuuriyadda Tansaaniya, Samia Suluhu Hassan, ayaa timid Addis Ababa si ay uga qayb gasho Shir Madaxeedka 39-aad ee Hoggaamiyeyaasha Midowga Afrika.

Markii ay ka soo degtay Garoonka Diyaaradaha Caalamiga ah ee Bole, waxaa si heer sare ah u soo dhaweeyay Wasiirka Shaqada iyo Xirfadaha, Muferihat Kamil, iyo Wasiiru-dowlaha Arrimaha Dibadd

DEG DEG Warbahinta oo la dhacsan hadalkii Madaxweyne Cabdiraxmaan Cirro ayaa baahisay nuxurka hadalkii Ahaa haddii 5so...
09/02/2026

DEG DEG Warbahinta oo la dhacsan hadalkii Madaxweyne Cabdiraxmaan Cirro ayaa baahisay nuxurka hadalkii Ahaa

haddii 5somaliyeed la doonayo Djibouti haloo yeedho,NFD haloo yeedho somali galbeed halo yeedho miyanu hadalkasi ka Turjumayn waqiciga jira?

Fashilka maamul xumada iyo musuqmaasuqa katagan maamulka magaalada Wajaale waxaa cadaynaysaa shax lagu xusay darajooyink...
06/02/2026

Fashilka maamul xumada iyo musuqmaasuqa katagan maamulka magaalada Wajaale waxaa cadaynaysaa shax lagu xusay darajooyinka waxqabadka 6-da billood ee sannadkan 2018 .

Darajooyinka maamulka magaalada Wajaale halka ay kaga jirto watan hoos kamuqtaa halkaa cidda magaalada gaadhsiisay, waa Duqa maamulka magaalada Wajaale Mohamed wabarri

Waxaa muuqata in halkii looga fadhiyay maamul fidiya adeeg bulsho, uu xafiisku isu beddelay goob ganacsi iyo hanti urursi.Xaqiiqada jirta awgeed: Waxaan ugu baaqaynaa Xukuumadda Deegaanka Soomaalida iyo hay’adaha baadhista inay si degdeg ah xilka uga qaadaan Maxamed Waaberi, baadhitaan rasmi ahna lagu sameeyo hantida dadweynaha ee la lunsaday, si looga badbaadiyo xuduudda khataraha amniga ee ka dhalan kara ganacsiga sharci-darrada ah.

Address

Togwajale
Jijiga

Telephone

+13033580177

Website

Alerts

Be the first to know and let us send you an email when MADER MEDIA posts news and promotions. Your email address will not be used for any other purpose, and you can unsubscribe at any time.

Shortcuts

Share

Category