Khristian Thuthang

10/06/2025

Leitlun Huap Khristian Hremnak le Samaria Mitha
Kan dungk*m ah zumnak ruangih Khristian thahmi (4,476); Kawhhran le neihsiah siatsuahmi (7,679); Thawngthlak lole kaihkhih-kharkhum tuarmi (4,744) a si tiah Open Door cangantu pawlin an tarlang.

Kan ram, Myanmar ih Khristian hremnak thu hi leitlun media tumpipi pawl hin an pholang tuk lem lo. Curuangah himi cazin hi kan ramih zumtu hrem le thah, siatsuahnak pawl a telkim ding zum a um hrih lo- cuvek thotho in data (cazin) ih ngan lo, theihlomi an tampi ko ding.

Khristian hremnak nasabik ram (13) nak ah Myanmar a si. Leitlun ih biaknak phunphun lakah Khristian hi hrem le thah a tuarbikmi kan si ringring. Cumi lakah tulai cu Khristian mibur le kawhhran siatsuahnak hi Nigeria lamah a tamzet theu ti a siih a tlunih thahmi cazin lakih tambik khal anmah an si.

Bible ih in zirhmi Khristian unaupi pawl duhdawtnak, zawnruahnak, thil tha tuahsakawknak tivek lamah vei tampi kan daithlang rori ko. Neihsiah pek tengteng ti a si lo, kan thlacam le khuaruahnak hrimhrim ah leitlunhuap in Khristian pawl ziangtin kan um, ziang kan cang timi hi ramnuam le nunnuam Khristian pawlih thinlung ah a um tuk theu lo tluk a si.

A thu cun kan thei ko hmanah tuan taktaknak lamah duhdawt lainatnak hnatuan hi a takih tuahsuak kan mal ngaingai. U le nau pawl, thlacamnnak talin cingmang ringring cio hram uh si.
A taktak in Samaria mitha pai' hnatuan (Jesuh Khrih ih hnatuan) hi kan tuan ve theizat tuan ve ding kan si. A dam, a him le a thangso reromi Kawhhran-zumtu pawl hin himi duhdawt lainatnak hnatuan hi ziangtin hma ka lak thei deuh, thei sinsin pei?

Hebru 13:1-3
1_Khristian unau nan si bangtuk in pakhat le pakhat duhdaw aw ringring uh. 2_Nan innah mikhual tlunter uhla duhdaw uh. Cubangtuk a tuahtu pawl cu an theih loin an innah vancungmi an tlungter ṭheu. 3_Thawngtlami hngilh hlah uh; anmah thawn thawng a tla tlaang bangtuk in ruat aw uh. Harsatnak a tuartu pawl hngilh hlah uh; anmah thawn a tuar tlaang bangtuk in ruat aw uh.

Tu ah kan luat hrih nan, tuih hnu rei lo ah hrem dingih batmi (target mi) kan si ve thei ringring. Curuangah caan tha kan neih laiah thlacamnak le peknak le thazangpeknak kan titheimi ciar tuan tlang hram uhsi. Bawipa in a tuartu pawl hnem in umpi hram seh. Amen!

09/24/2025

09/24/2025

Dr. Charlie Kirk & Dr. Erika Kirk tei nupa thu ( #5): Mi Maksak An Si Hrimhrim!

Degree An Ngah Veve
Dr. Charlie Kirk cu 2019 ah Doctor of Humanities (D. Hum) honorary degree, Liberty University hnen in a rak ngah. College/University in degree a ngah lo timi tu degree lak tiang a kai lo, a thiam lo ruangah si loin hna a ṭuan duhsawn ruangah a si thei. A zirsuak lo nan a tlinnak in doctor degree cu a phu tuk.

Dr. Erika Kirk khal 2017 ah Liberty University a rak kai ih Juris Master degree le Doctorate in Christian Leadership (Dr) a rak ngah, tuk*m 2025 ah Biblical Study in doctorate a zir lai rero a si. A pasal ruak thlah khawmpi ni ih a thusim mi ropi zia khin mimak a si zia a langter taktak. Leknak lam khalah mi virvak zet a si.

thu / Bible thu ah An Ralțha
An nupa ṭongkam ngai le zoh rero tikah Zumtu/Christian an sinak hi hmaingal zetin le ralṭha zetin an sim, an phuang ih Jesuh hmin ah an ral ṭha hleice.

Kawhhran/Pawl (Denomination) mit in zoh cun kan uar lo zawng tla si men thei. Dr. Erika hi Catholic innsang ih ṭhanglian a siih Dr. Charlie cu Presbyterian innsang ah a thanglian nan Medthodist ah a rak cang, cule Jewish Sabbath tla a ul ringring ti a si.

Charlie hi Pathian thu, Bible a zumfektuk, LGBTQ le nauthlak thu, meithal policy, sakhua biaknak karlak tvp thu ah ruahdan dik lo le zirhnak dik lo pawl nasazet in a do ngam ih, mi thawn thuelawk ah tla cun zohman ih neh rualloin thu zongza tinkim sim thei mimak rori a si. Minung siardan cun Christian nationalist a rak si, biakinn sung ṭongfang cun Evangelist huaisen tak pakhat a si.

hmel bangawknak an nei
An nupa an hni dan zoh tikah an mithmai ah hmel bangawknak zawn a lang. Hihi leitlun dan si hmang, nupa hi mi tamsawn cu hmel bangawknak zawn kan nei cio. Erika cu a pasal Charlie hnakin k*m 5 rori a upa sawn. Lainat um za cu 2021 ah an neihawk ih faate 2 le a nupi thawn k*m 5 lawng an rak um tlang man.

Faate Hmel Duhduh in An Pholang Lo
Mi zaran menmen cun kan faate zuk/thlalak hi Social Media ah zohc**k lo tiangin duh le bang kan post hluahhlo men. Mi zaran siih nomnak le zalennak a si ve, nuam ve men ko. Sinan, an faate 2 ih hmel hi duhduh in an tar dah kel lo. An dunglam lawng an langter ṭheu. An faale ih privacy an kilhim sak thiam.

thu-Christian zumtupi sinak le a phuansuahmi thu pawl ruangah mi tamzet in kan uar nasa laiah khatlam ah mi tamzet, a hleice in mivai (refugee) tampi ih duh co lotu a si thotho. A ruangah cu 2023 lai ah US ram sungih mi vailut (refugee tla) titawp rori a ṭul tiih tlangautu pakhat a si.
A cabu nganmi thulu (title) pawl zoh ih ram thu ah ziangvek lungput a nei ticu ruah theih a si.
> 2016 ah "Time for a Turning Point: Setting a Course Toward Free Markets and Limited Government for Future Generations" (co-writer)
> 2016 ah "Campus Battlefield: How Conservatives Can WIN the Battle on Campus and Why It Matters"
> 2020 ah "The MAGA Doctrine: The Only Ideas That Will Win the Future"
> 2022 ah "The College Scam: How America's Universities Are Bankrupting and Brainwashing Away the Future of America's Youth"
> 2024 ah "Right Wing Revolution: How to Beat the Woke and Save the West"
> Tuihhnu rei loah suah dingmi "Stop, in the Name of God: Why Honoring the Sabbath Will Transform Your Life"

American mi (mino) tampi ih atcilhmi tlawng ih zirhawknak ṭha lo pawl a pholang ngammi hin a nun hmual a neihter cuang.

Pathian ih umpimi mi ropi pakhat a sinak cu a ruak vuinak khawmpi cu Gospel Concert / Camping Crusade le Revival rori tak ah a cang. Cule a hmun rori ih siar c**k lo mipi le Online ih thlir-ngaihventu million leng nikhat sungah a si cih ruah tikah mi cungcuang rori a sinak le Pathian thluasuahmi a sinak cu fiangten a lang.

Dr. Charlie Kirk a lei taksa nunnak cu thi hmansehla a thusim le zirhmi pawl cu a nung ringring. Tansanmi sungkuaza Bawipa in kilveng sak in TPUSA khal ṭhangso sinsin vivo hram seh.

Source: Wiki

09/20/2025

Nitin kan nun lamtluan ah harsatnak ziangtluk tam hmanseh Pathian in harnak phunzakip lakah thluasuah a phunphun in pek ringring a si.

06/14/2025

"PA NI hi"
Biakinn ah Pa Ni, Nu Ni tevek service kan tuahmi hin kan biakkhawmnak thlarau aiawhtu si hram hlah sehla, Pa pawl le Nu pawl hrangah thlacamsak ni, anmah ruangah lungawi thusim ni, anmai hrangah Pathian naih sinsin ni si thei ding hi a thupi zet.

1. Pa hi milian, mifim le a thiamthil tlintlaknak ruang lawngah upat si loin semnak, hringtu Pa a sinak ruang rori ahhin upat ding si. Cuti si lo sehla upat tlak lo mi Pa an tamtuk. Bible cun Thufim 23:22 ah (A lo hringtu na pa ih thu ngai aw; Amah um hlah sehla na seem lo ding) tiah in sim.

2. Nu le fa tampi cu Pa Ni ah lungkuai in an um. Pa an ṭih, pa an ngam lo, pa hmai ah an khur. Inn khat ahcun an umtlang nan an thinlung cu khur le ṭhia cingin an si. Pa Ni cu lungkuai thlacam ni a si; midang Pa vekin ṭha ve sehla, nupa-fa duhdawt ve sehla, innsang cawmtu si ve sehla, nupi fanau ih ṭihmi si nawn lo sehla tiah duhthusam Pa an hlam ni a si. Pa hmu duh lo, thei duh lo, biak ngam lo, relh rero nupi-fanu-fapa an mal lo pi! Pacang cubangtuk si cu Pa Ni hi nun thlengawk ni si ve hram seh.

3. Pa tampi ve cu nupi ih hmuhsuam, faale ih ziangsiarlo an si. Upat co lo cu a zia tuk lai, hmuhsuam mi Pa si hi ziangtluk a poi. Pa Ni ah pa tampi cu sunloih an si, upat an si, laksawng an d**g, rawlthaw an hilpi. Culai ah upat le sunloih a si lo mi Pa pawl teh ziangtin so, a tlingmi Pa pawl lawngih Pa Ni ti a si lo ahcun annih khal Pa an sinak ruangah Pa Ni ah lungawi ve hram seh!

4. Pa Ni ah biakinn sung ahcun sunloihmi Pa an tamzet. Culai ah Pa tampi cu thawnginn ah, siizung ah, riankhung ṭuannak hmun ah, hramlak ah, khualtlawnnak lamlak tvk in Pa Ni hi hlim in an lawm ve lo. Mi tampi cu Pa sinak petu Pathian ih zangfahnak khal thei loin tisa duhnak an thlun ve. Riahsiatza a si.

5. Pa Ni ah nu tampi cu pasal zuun ngai, fanu fapa tampi cu pa an hlam, pai' thihsan hnu ahcun! Fanu fapa tampi cu Pa an hawl; ka pa zo a si ti an thei lo, pai umnak an thei lo, pai dinhmun thi le nung ti an thei lo. Pa an hlam, an hawl. Cuticing cun Pa Ni hi sullam theih a har lonan cohlan a har fualfo.

6. Pa a si lomi pai' ṭuanvo a latu Nu pawl upat tlak an si. Pai' hnaṭuan a sawngtu zaten upat ding an si ve. Culosehla Pa Ni hi mikip hrang thil remcang lo mai a si. Mi tampi cu Pa veikhat khal hmu ngah lo, Pa ko dah lo, nui' vonlai pai' thihsan mi khawvel ah an tamtuk. Mi tampi cu sentet laiah pai' thihsan an si. Mi tampi cu Pa nung lai nan tong ngah hrih lo, pai' k*t veikhat khal kai hrih lo ralhla ih ṭhenawk an tamtuk. Mi hrekkhat phei cu Pa hman theih sian lo mi an um sisi. Hibangtuk fate hrangah Pa Ni cu ruahnak titamtu le thinlai kekkuai nak ni duhnung lo men a si.

7. Pa tampi cu sungsuak fa nei lo ruangah Pa ni hi... hmmm! A lang lomi tuarnak, thinnaunak le mi nun dawnak titamtu Ni a si. Culawng hman silo, k*m upa zo kop nei lo Pa pawl, Pa si laklawh pawl khal Pa Ni ziangtin an hmang? Pa Ni ah annih khal Pa dinhmun an laknak, ṭuanvo an laknak le pekawknak ruangah Pa tiih kawh Ni si ve sehla Pa Ni lungawi in hmang ve seh!

Pa Ni hi pa upat ni le sunloih ni a si. Pa Ni cu k*mkhat veikhat lawng a silo nitin zantin a si. Pa upat ni, Pa sunloih ni cu nikhiah a um lo. Bible in nu le pa upat a fialmi a si ruangah thilsual tuah a si thei lo. Leilung pumpuluk ah hringtu Pa le Pa ṭuanvo laktu zaten Pathian in thlawsuah hram seh!

Zumtu hmuahhmuah ih kan PA cu Pa Pathian a si. Amen!

04/15/2025

https://youtu.be/6Y-Ag_XXHtU?si=ZvPH94x8iAldeA2C

Hlasaktu- BCM Bethani Worship GroupSoprano- Pa Van Ro Sang - Tv. Za Uk FaiTenor -Pastor Kim Lian Piang Pa Van Lal Lia...

04/01/2025

Myanmar Linghnin (Earthquake 7.7magnitude) ruangih Lilawn le khuasung a siat dan - siat hlan le siat hnu zoh tikah a rapthlak ngaingai. Riahsiatza ngaingai a si.

Tutiang ah mithi hi 3,000 lenglo a si zo tiah ramsung thuthang pawl hrambun in theih a si zoih, US Geological mithiam pawl cun 10,000 leng a si thei tiah an rak zum a si. Hliamhma tuar le thi maw nung ti theih lo tla an tamtuak lai.

Hiti rori kan ram in siat a ton hi a luattu zozo khalin riahsiat loin kan um thei hrimhrim lo a si.

Ramkip ihsin bomnak pawl harsat tuartu pawl hnenih a thlen theinak dingah le ramsung mi bawmtu pawl tlain a thabik an tuan theinak dingah thlaza camsak ringring uhsi.

Leilungpi hi raldonak thawmvang, natsia le nikhua siatnak rapthlak a tam sinsin ding zum a um, Bible khalin a simcia mi a famkim reromi a si.

Zumtu pawl cu kan nung sung Pathian thu thawn ralring ten nung dingah le thihhnu hrang khal ruahsannak nung neitu kan si zia Bible thuthak thawn thazang lakin midang bawm theitawk bawmin thiltha tuahtu si dingah zuam ringring uhsi.

03/15/2025

US Christian tumsuk thuthang theih ding tampi lakah March 11 & 12 Christian thuthang vek asile thangphawknak revival nasatak a thleng rero ih lungawiza rori a si.

West Virginia University ah tlawngta 5,000 Jesuh hiarhalnak thawn an pan ih 1,000 lai cun nun hlannak an nei.

Ohio State revival ah tlawngta 6,500 lai an suakkhawm ih cumi sungin mi 2,000 lai in Jesuh cohlannak an nei.

University of Kentucky's Rupp Arena ah university tlawngta 8,000 lai biakkhawmnak an nei.
____________
Ethiopia ram Addis Ababa khuapi ah Rev. Franklin Graham hohami Pathian thuthangțha simphuannak cu March 8 ah minung 117,000 hrawng, cun March 9 ah minung 320,000 tiang an karh ih mi 4,000 lai Jesuh Khrih cohlang in nun apawknak an nei ti a si.

Source: CBS news & CP

03/13/2025

Christian Hremnak tambik ram (20)
Leiltun huap Christian hremnak nasabik ram 50 zoh tikah a tambik cu Asia khawmual ah a siih, cutheh cun Africa khawmual ah a si.
Myanmar cu no. 13 nak rori ah a si ve.

Zumnak ruangha, Pathian hnatuan ruangah, Pathian biakkhawm ruangha, Christian si ruangah hremnak a tuartu siar c**k lo k*mtin an um.

2024 Christian zumnak ruangih thatmi / thah tuarmi 4476 rori an um. Ziangtluk thinnatza so a si.

1. North Korea
2. Somalia
3. Yemen
4. Libya
5. Sudan
6. Eritrea
7. Nigeria
8. Pakistan
9. Iran
10. Afghanistan..13. Myanmar

Source: Open Doors

12/09/2024

Naga ram ih Sumi Baptist Church Diphupar biakinn Christmas ceimawinak zoh mawi dan hi a mak si.
2024 Merry Christmas cio uh.

11/06/2024

US president 47nak tuantu dingah a vei 2nk nehnak cotu Donal Trump in a neh ti men si lo, neh neknek in a neh ta rori.

US president zuamawknak ah term 2 pehzom loin vei 2 nehnak a cotu (cosaltu) pahnihnak a si.

A tuan hlan hmanin thawngthlak duhmi le kapthat dingah bat rero zomi a si ruangah a tuan taktak ding khal hi amai’ hrangah țihnungzet dinhmun a si thotho.

Zovek ram uktu hrang khalah thlacam ding kan si bangin US president thar Mr Donald Trump le cozah k*mpi hnatuantu zate hrangah thlacam tlang uhsi.

Congratulations!