T Media

09/24/2025

ယနေ့ မလေးရှားနိုင်ငံ ၊ ကွာလာလမ်ပူမြို့ Jalan ipoh Mutiara kompleks ဈေးဝယ်စင်တာတွင် ယနေ့ စက်တင်ဘာလ ၂၄ ရက် ညနေပိုင်းကအော်ပရာစီဝင်ရောက်ဖမ်းဆီးသွားသည့် မြင်ကွင်းဖြစ်ပါသည်။

စက်တင်ဘာ ၂၄ ၊ ၂၀၂၅။

09/24/2025

09/24/2025

ယနေ့ မလေးရှားနိုင်ငံ ၊ ကွာလာလမ်ပူမြို့ Jalan ipoh Mutiara kompleks ဈေးဝယ်စင်တာတွင် ယနေ့ စက်တင်ဘာလ ၂၄ ရက် ညနေပိုင်းကအော်ပရာစီဝင်ရောက်ဖမ်းဆီးသွားသည့် မြင်ကွင်းဖြစ်ပါသည်။

စက်တင်ဘာ ၂၄ ၊ ၂၀၂၅။

09/24/2025

ကြောက်ဖို့ကောင်းလိုက်တာ။ ယနေ့ မနက်ထိုင်းနိုင်ငံ ဘန်ကောက်မြို့မှာ ဖြစ်တဲ့ခဲ့ မြေပြိုမှု မြင်ကွင်းဖြစ်ပါတယ်။

09/24/2025

ထိုင်းနိုင်ငံ ဘန်ကောက်မြို့ရှိ Vajira ဆေးရုံရှေ့လမ်းလယ်ခေါင်မှာ မြေပြိုပြီး လှိုင်ခေါင်းကြီးတစ်ခုကို ယနေ့ စက်တင်လာလ ၂၄ ရက် မနက်မှာ ဖြစ်ပေါ်ခဲ့ပါတယ်။

အကျယ်က မီတာ ၃၀ ပတ်‌လည်ရှိပည အနက်က ၅၀ မီတာလောက်ရှိတယ်လို့ ဒေသတွင် သတင်းမီဒီယာများက ဆိုပါတယ်။

09/23/2025

အစိုးရခွင့်ပြုချက်မရှိပဲ ကျားကိုဖမ်းဆီးသည့် အမျိုးသား ၃ဦးကို ထောင်ဒဏ်ချ။

စက်တင်ဘာ ၂၃ ၊ ၂၀၂၅။

အစိုးရခွင့်ပြုချက်မရှိပဲ ကျားကိုဖမ်းဆီးသည့် အမျိုးသား ၃ဦးကို မလေးရှားနိုင်ငံ၊ကိုတာတိမ်ဂီးတရားရုံးမှခွင့်ပြုမရှိပဲ ကျားဖမ်းဆီးမူဖြင့်နိုင်ငံသားသုံးဦးအားယနေ့ဆက်ရှင်တရားရုံးမှထောင်ဒဏ် ခုနှစ်နှစ်နှင့် ဒဏ်ငွေရင်းဂစ် နှစ်သိန်းခွဲအမိန့်ချမှတ်ထားကြောင်းမလေးသတင်းဌာနကဖော်ပြထားသည်။

09/22/2025

စစ်ကိုင်းတိုင်း ခင်ဦးတိုက်ပွဲ စစ်တပ်က ဒုတိယဗိုလ်မှူးကြီးအဆင့်နဲ့ ဗိုလ်ကြီးတစ်ဦး အပါအဝင် အများအပြားသေဆုံးပြီး အရှင်နှစ်ဦးဖမ်းမိကာ လက်နက်ငယ် ၁၃ လက် သိမ်းဆည်းရမိ

စက်တင်ဘာ ၂၂၊၂၀၂၅

စစ်ကိုင်းတိုင်း၊ ခင်ဦးမြို့နယ်မှာ ဒီကနေ့ ဖြစ်ပွားခဲ့တဲ့ တိုက်ပွဲအတွင်း အကြမ်းဖက်စစ်တပ်က ဒုတိယ ဗိုလ်မှူးကြီးအဆင့်တစ်ဦး၊ ဗိုလ်ကြီးတစ်ဦး၊ တပ်ကြပ်ကြီးနဲ့ တပ်ကြပ်တွေ အပါအဝင် အများပြားသေဆုံး၊ ဒဏ်ရာရရှိသွားပြီး အရှင် (၂)ဦး လက်ရဖမ်းမိခဲ့သလို လက်နက် (၁၃) လက်ကိုလည်း သိမ်းဆည်းရမိခဲ့တယ်လို့ ခင်ဦးမြို့နယ်၊ မြို့နယ်ပြည်သူ့ကာကွယ်ရေးအဖွဲ့က စက်တင်ဘာ ၂၂ ရက် ဒီကနေ့မှာ သတင်းထုတ်ပြန်ပါတယ်။

အကြမ်းဖက်စစ်တပ်၏ စစ်ကြောင်းတစ်ခုကို ပြည်သူ့ကာကွယ်ရေး ( PDF)အင်အားစုတွေက ခင်ဦး-ရွှေဘိုရဲ့ နယ်စပ်တစ်နေရာမှာ ပူးပေါင်း၍ ကြားဖြတ် ပိတ်ဆို့ တိုက်ခိုက်ရာကနေ ခုလို စစ်တပ်ဘက်က အကျအဆုံးများသွားခဲ့တာလို့ ဆိုပါတယ်။

ဒီစစ်ကြောင်းဟာ အင်အား ၉၀ လောက်ပါပြီး ခင်ဦးမြို့နယ်စစ်တပ်စခန်း မှ ရွှေဘိုလေ့ကျင့်ရေး (၈) နှင့် ဘုတ်ကုန်း (ပျူရွာ)သို့ ထွက်လာတဲ့ စစ်ကြောင်းဖြစ်ပြီး တိုက်ပွဲမှာ အထိနာကာ တပ်ပျက်သွားတဲ့ အဆင့်ကို ရောက်ရှိသွားခဲ့တယ်လို့ ထုတ်ပြန်ချက်မှာ ဖော်ပြပါတယ်။

တိုက်ပွဲအတွင်း သိမ်းဆည်းရမိတဲ့ လက်နက်တွေကတော့ - MA-3 အမျိုးအစား လက်နက်ငယ် (၄) လက်၊ MA-1 အမျိုးအစား (၅) လက်၊ BA-63/ G3 အမျိုးအစား (၁) လက်၊ ကာဘိုင် (၁)လက်၊ BA 100/ 60MM ကွန်မန်ဒို စိန်ပြောင်း (တို) (၁) လက်၊ MA-5/ ပစ္စတို (၁) လက်၊ MA ကျည်ဘောက် (သံ) (၃) ခု၊ MA ကျည်ဘောက်(ကော်) (၆) ခု၊ BA-63/ G3 ကျည်ဘောက် (၃)ခု၊ MA-5/ ပစ္စတို ကျည်ဘောက် (၁)ခု၊ ရှေ့ထွက်မိုင်း (၄)လုံး၊ နင်းမိုင်း (၂)လုံး၊ 60MM ဗုံးသီး (၄)လုံး၊ RPG ဗုံးသီး (၁)လုံး၊ အီနာဂါ (၂)လုံး၊ ကျည်ကာ ဦးထုပ် (၆)လုံး၊ 5.56 ကျည် (၂၈၆) တောင့်၊ 9mm ကျည် (၇) တောင့်နဲ့ ငွေကျပ် (၅,၂၉၀,၀၀၀) ကျပ် သိမ်းဆည်း ရမိခဲ့သည်ဟု ဖော်ပြထားပါတယ်။

တော်လှန်ရေး အင်အားစုများဘက်မှ ထိခိုက်မှု (လုံးဝ) အလျင်းမရှိခဲ့လို့ ဆိုပါတယ်။

အဲဒီ အကြမ်းဖက် စစ်ကြောင်းကို တိုက်ခိုက်ရာမှာ ပြည်သူ့ကာကွယ်ရေးတပ်ဘက်မှ အမှတ်(၂) ရွှေဘိုခရိုင်၊ အမှတ် (၃)တပ်ရင်း၊ ခင်ဦးမြို့နယ် ပြည်သူ့ကာကွယ်ရေးအဖွဲ့ (မြို့နယ် ပကဖ) ၊ တိုက်နယ် (၁)(၂)(၃)(၄)(၅) ပကဖတွေနဲ့ ခင်ဦးမြို့နယ် ပလဖ တို့ ပူးပေါင်း ပါဝင်ခဲ့တယ်လို့ သိရပါတယ်။

ဒီရက်ပိုင်းအတွင်း စစ်ကိုင်းတိုင်းက ပြည်သူ့ကာကွယ်ရေးတပ်ဖွဲ့ (PDF)တွေက လက်စောင်းထက်နေပြီး စက်တင်ဘာ ၂၀ ရက်နေ့ ညနေပိုင်းကလည်း စစ်ကိုင်းတိုင်း၊ ကသာခရိုင်၊ ဗန်းမောက်မြို့ကို အပြီးသတ် သိမ်းပိုက်ခဲ့သလို စက်တင်ဘာ ၁၇ ရက်နေ့ မွန်းလွဲ ၃ နာရီက စစ်ကိုင်းတိုင်း၊ ကန့်ဘလူမြို့နယ်၊ ဇီးကုန်းမြို့ရဲစခန်းကို စီးနင်းတိုက်ခိုက်သိမ်းပိုက်ခဲ့ပါတယ်။

09/18/2025

ဂါဇာစီးတီးကို အစ္စရေး မြေပြင်ထိုးစစ် စတင်

စက်တင်ဘာ ၁၈၊ ၂၀၂၅။

အစ္စရေးက ခြိမ်းခြောက်ထားတာကြာပြီဖြစ်တဲ့ ဂါဇာစီးတီးအပေါ် မြေပြင်ထိုးစစ်ဆင်မှုကို စက်တင်ဘာ ၁၆ ရက်က စတင်လိုက်ပြီး ဂါဇာ မီးလောင်မြိုက်နေပြီလို့ ကြေညာပါတယ်။

အစ္စရေးရဲ့မြေပြင်ထိုးစစ် စတင်ချိန် ပါလက်စတိုင်းသား ထောင်ပေါင်းများစွာ ထွက်ပြေးသွားခဲ့ပြီး နှစ်နှစ်ကြာ စစ်ပွဲအတွင်း အပြင်ထန်ဆုံး ဗုံးကြဲတိုက်ခိုက်မှုတွေနဲ့ ကြုံတွေ့နေရတယ်လို့ သူတို့က ပြောပါတယ်။

ဂါဇာကမ်းမြောင်ဒေသရဲ့ အဓိက မြို့ဖြစ်တဲ့ ဂါဇာစီးတီး အတွင်းနက်နက်ထဲ တပ်ဖွဲ့ဝင်တွေ ဝင်ရောက်နေပြီလို့ အစ္စရေး စစ်ဖက်ဆိုင်ရာ အရာရှိ တစ်ဦးက ပြောကြားပြီး အဲဒီ မြို့မှာ ရှိနေတဲ့ ဟားမာ့စ် တပ်ဖွဲ့ဝင် ၃၀၀၀ လောက်ကို ချေမှုန်းရေး လာမယ့် ရက်ပိုင်းအတွင်း အင်အား ထပ်ဖြည့်သွားမယ်လို့ ပြောပါတယ်။

ဂါဇာ မီးလောင်မြိုက်နေပါပြီလို့ အစ္စရေး ကာကွယ်ရေးဝန်ကြီး အစ္စရေးကာ့ဇ်က လူမှုမီဒီယာမှာ ရေးပါတယ်။

အစ္စရေးတပ်ဖွဲ့ဝင်တွေဟာ ဓားစာခံတွေ ပြန်လည်လွတ်မြောက်ရေး၊ ဟားမာ့စ်အဖွဲ့ကို ချေမှုန်းရေး သတ္တိရှိရှိ တိုက်ပွဲဝင်နေကြတယ်လို့လည်း ဝန်ကြီး ကာ့ဇ်က ပြောပါတယ်။

အစ္စရေးက ဂါဇာစီးတီးကို လေကြောင်း၊ ရေကြောင်းနဲ့ ကုန်းကြောင်းကနေ အရှိန်မြှင့် တိုက်ခိုက်နေချိန် အနီးအနားဒေသတွေမှာ ကြီးမားတဲ့ ပေါက်ကွဲမှုတွေ ဖြစ်ပေါ်နေတယ်လို့ မျက်မြင်သက်သေတွေက ပြောပါတယ်။

ဂါဇာမှာ ဖြစ်ပွားနေတဲ့ အခြေအနေတွေ အလွန်အမင်းဆိုးရွားပြီး နိုင်ငံရေးအရရော ဥပဒေအရပါ သည်းမခံနိုင်တဲ့ အခြေအနေ ဖြစ်တယ်လို့ ကုလသမဂ္ဂ အတွင်းရေးမှူးချုပ် အန်တိုနီယို ဂူတာရက်စ်က ပြောပါတယ်။

ကုလသမဂ္ဂ စုံစမ်းစစ်ဆေးရေး ကော်မရှင်တစ်ရပ်က ဂါဇာမှာ အစ္စရေးဟာ လူမျိုးတုန်းသတ်ဖြတ်မှု ကျူးလွန်နေတယ်လို့ ပြောထားပေမယ့် အစ္စရေးက ပယ်ချထားပါတယ်။

ဂါဇာစီးတီးကို မြေပြင်ထိုးစစ်ဆင်ရင် ဓားစာခံတွေ အန္တရာယ်ကျရောက်နိုင်ပြီး အစ္စရေးတပ်ဖွဲ့ဝင်တွေအတွက် သေမင်းထောင်ချောက် ဖြစ်လာနိုင်တယ်လို့ အစ္စရေးတပ်မှူး တချို့က သတိပေးထားပြီး ဒဏ်ခတ်ပိတ်ဆို့မှုတွေ ပြုလုပ်မယ်လို့ ဥရောပခေါင်းဆောင်တွေက သတိပေးထားပေမယ့်လည်း အစ္စရေးက အခုလို မြေပြင်ထိုးစစ် စတင်လိုက်တာ ဖြစ်ပါတယ်။

အမေရိကန် သမ္မတ ဒေါ်နယ် ထရန့်ကတော့ အစ္စရေးဖက်က ရပ်တည်ပြီး ဟားမာ့စ်အနေနဲ့ ဓားစာခံတွေကို လူသားဒိုင်းအဖြစ် အသုံးချမယ်ဆိုရင် ငရဲကျသလို ပေးဆပ်ရလိမ့်မယ်လို့ ခြိမ်းခြောက်ထားပါတယ်။

Ref:Reuters

09/17/2025

ကဒ်သိမ်းခံပြီးအသနားခံစာပြန်တင်ထားသော်လည်း UNHCR card နှင့် ရက်ချိန်း များ ပြန်လည်ရရှိခြင်းမရှိ‌သေးသောချင်းဒုက္ခသည်များထံ ACR မှအ‌ရေးကြီးအသိပေးအပ်ခြင်း
**********************************************************************************
၂၀၁၇၊ ၂၀၁၈ နှင့် ၂၀၁၉ ခုနှစ်များအတွင်း UNHCR ကဒ် အသိမ်းခံရပြီးနောက် ကဒ်ပြန်လည်ရရှိရန်မိမိအဖွဲ့စည်းမှအသနားခံစာပြန်လည်တင်ထားသောချင်းဒုက္ခသည်များတွင် UNHCR မှ ရက်ချိန်းအတွက်ဆက်သွယ်မရဖြစ်နေသူများစွာရှိနေသည့်အတွက် ထိုကဲ့သို့ ကဒ်သိမ်းခံပြီးနောက်အသနားခံစာပြန်တင်ထားသော်လည်း UNHCR ကဒ် နှင့် ရက်ချိန်း များ ပြန်လည်ရရှိခြင်းမရှိ‌သေးသော (13C - UNHCR ကဒ်ကိုင်) မလေးရှားရောက်ချင်းဒုက္ခသည်များအနေဖြင့် အမည်စာရင်းနှင့် လက်ရှိကိုင်ဆောင်ထားသောဖုန်းနံများကို ACR ရုံးသို့ အမြန်ဆုံးလာရောက်ပေးအပ်ရန် အရေးပေါ်အသိပေးပါသည်။

အမည်စာရင်ပေးအပ်ချိန်လိုအပ်သောအချက်လက်များ -

၁။ အမည် -

၂။ UNHCR ဖိုင်နံပါတ် -

၃။ UNHCR ကိုယ်ပိုင်နံပါတ် -

၄။ လက်ရှိဖုန်းနံပါတ် -

၅။ လက်ရှိနေထိုင်သည့်ပြည်နယ် -

လေးစားစွာဖြင့်

Credit - ACR

09/12/2025

နီပေါနိုင်ငံ၏ ဝန်ကြီးချုပ်သစ်အဖြင့် ဆူရှီလာ အရွေးခံရ။

စက်တင်ဘာ ၁၂၊ ၂၀၂၅

နီပေါတရားသူကြီးချုပ်ဟောင်း ဆူရှီလာ ကာကီသည် ကြားဖြတ် အစိုးရတွင် နီပေါဝန်ကြီးချုပ်သစ်ဖြင့် တာဝန်ယူတော့မှာ ဖြစ်ပါတယ်။

လာမည့်သောကြာနေ့မွန်းလွဲပိုင်းတွင် ဆူရှီလာသည် ယာယီဝန်ကြီးချုပ်အဖြစ် ကျမ်းသစ္စာ ကျိန်ဆိုဖွယ်ရှိနေပြီး ၎င်းအား ကြိုဆိုရန် သမ္မတရုံးမှ ဝန်ထမ်းများကို ညွှန်ကြားထားကြောင်းလည်း သိရသည်။

နီပေါအစိုးရ၏အကျင့်ပျက်ခြစားမှုကို ဆန့်ကျင်သော Gen Z များက ဦးဆောင်ကာ နိုင်ငံလုံးဆိုင်ရာ ဆန္ဒပြပွဲများ ပြင်းထန်ခဲ့အပြီး ဝန်ကြီးချုပ်အပါအဝင် အစိုးရ တာဝန်ရှိသူများ နုတ်ထွက်ခဲ့ရ၍ ယာယီအစိုးရဖွဲ့ရန် ပြင်ဆင်နေကြခြင်း ဖြစ်သည်။

Gen Z တက်ကြွလှုပ်ရှားသူများသည် ပါလီမန်ကို ဖျက်သိမ်းရေး၊ ဖွဲ့စည်းပုံပြင်ဆင်ရေး တောင်းဆိုခဲ့ကြသည်။

09/12/2025

ကျောက်တော် ပညာပန်းခင်း အထက်တန်းကျောင်း စစ်ကောင်စီ ဗုံးကြဲမှု ကျောင်းသူ/ သား ၁၈ ဦးသေဆုံး

စက်တင်ဘာ ၁၂ ၊ ၂၀၂၅။

ရခိုင်ပြည်၊ ကျောက်တော်မြို့နယ်၊ သရက်တစ်ပင်ကျေးရွာရှိ ပညာပန်းခင်းကိုယ်ပိုင်ကျောင်း အထက်တန်းကို စစ်ကောင်စီက လေကြောင်းက နေပစ်ခတ်မှုကြောင့် ကျောင်းသူ/ ကျောင်းသာ ၁၈ ဦး သေဆုံးသွားကြောင်း သိရသည်။

စက်တင်ဘာ ၁၂ ရက်နေ့ ညဉ့် ၁ နာရီ ဝန်းကျင်လောက် စစ်ကောင်စီကနေ လေကြောင်းကနေတဆင့် ဗုံးကြဲ တိုက်ခိုက်ခဲ့ခြင်းဖြစ်တယ်လို့သိရပါသည်။

"၁၈ ယောက် သေဆုံးပါတယ်။ ၂၀ ကျော် ခိုက်ဒဏ်ရာရပါတယ်။ Grade ၁၁တန်း၊ ၁၂ တန်း ကျောင်းသားတွေပါ။ စိုးရိမ်ရတဲ့ သူတွေပါသေးတယ်ဟု ဒေသခံများက ပြောပါသည်။

ပညာပန်းခင်းသည် ကိုယ်ပိုင် အထက်တန်း စစ်ကောင်စီ ဗုံးကြဲမှုကြောင့် သေဆုံးသူ ဦးရေ ယခုထက်တိုင်များနိုင်ကြောင်း ထိခိုက်ဒဏ်ရာသူများမှာလည်း စိုးရိမ်ရကြောင်း ဒေသခံများက ပြောသည်။ သရက်တစ်ပင်ကျေးရွာရှိ ပညာပန်းခင်းသည် ကိုယ်ပိုင် အထက်တန်း ကျောင်းတစ်ကျောင်းဖြစ်ကြောင်း သိရသည်။

ပုံစာ- ကျောက်တော်မြို့နယ်၊ သရက်တစ်ပင်ကျေးရွာရှိ ပညာပန်းခင်းကိုယ်ပိုင်ကျောင်း ဗုံးကြဲခံရမှုကြောင့် သေဆုံးသွားသူများ။

09/12/2025

ဟားမာ့စ် ခေါင်းဆောင်တွေကို နှင်မထုတ်ရင် ထပ်မံ တိုက်ခိုက်မယ်လို့ ကာတာကို အစ္စရေး သတိပေး

စက်တင်ဘာ ၁၂၊ ၂၀၂၅။

ဒိုဟာ အစိုးရအနေနဲ့ ဟားမာ့စ်အဖွဲ့ ထိပ်တန်းအရာရှိတွေကို နှင်မထုတ်ရင် ကာတာရှိ ဟားမာ့စ် ခေါင်းဆောင်ပိုင်းတွေရှိတဲ့ နေရာတွေကို ထပ်မံတိုက်ခိုက်သွားမှာ ဖြစ်ကြောင်း အစ္စရေးဝန်ကြီးချုပ် ဘင်ဂျမင် နေတန်ညာဟုက ခြိမ်းခြောက်လိုက်ပါတယ်။

ကာတာနိုင်ငံ မြို့တော် ဒိုဟာကို တိုက်ခိုက်မှုကြောင့် နိုင်ငံတကာက ကန့်ကွက် ရှုတ်ချထားပေမယ့် ဝန်ကြီးချုပ် နေတန်ညာဟု အရှေ့အလယ်ပိုင်းတဝန်း အစ္စရေးရဲ့ တိုက်ခိုက်မှုတွေကို နိုင်ငံအများက ချီးကျူးသင့်တယ်လို့ စက်တင်ဘာ ၁၀ ရက်မှာ ပြောပါတယ်။

စက်တင်ဘာ ၉ ရက်မှာ အစ္စရေးရဲ့ လေကြောင်း တိုက်ခိုက်မှုအတွင်း ကာတာရှိ ဟားမာ့စ် ခေါင်းဆောင်တွေ အသက်ရှင် လွတ်မြောက်ခဲ့တယ်ဆိုရင် ထပ်မံ တိုက်ခိုက်သွားမှာ ဖြစ်ကြောင်း ကုလသမဂ္ဂဆိုင်ရာ အစ္စရေး သံအမတ်ကလည်း ပြောထားပါတယ်။

ဟားမာ့စ်အဖွဲ့ရဲ့ နိုင်ငံရေးခေါင်းဆောင်တွေကို ရှင်းလင်းဖို့ ရည်ရွယ်ချက်နဲ့ အစ္စရေးက အဲဒီ စစ်ဆင်ရေးကို ပြုလုပ်ခဲ့တာ ဖြစ်ပေမယ့် ဟားမာ့စ်အဖွဲ့က မိမိတို့ အဖွဲ့ဝင် ၅ ဦး သေဆုံးပြီး ခေါင်းဆောင်ပိုင်း လွတ်မြောက်ခဲ့တယ်လို့ ကြေညာထားပါတယ်။

အဲဒီလို တစ်ဖက်သတ် တိုက်ခိုက်မှုကြောင့် အမေရိကန်နဲ့အစ္စရေးရဲ့ အကျိုးစီးပွား တိုးတက်လာမှု မရှိဘူးလို့ အမေရိကန်က ပြောထားပါတယ်။

ပြင်သစ်သမ္မတ မက်ကရွမ် အပါအဝင် နိုင်ငံခေါင်းဆောင် အများစုက အစ္စရေးရဲ့ အဲဒီ တိုက်ခိုက်မှုကို ကန့်ကွက် ရှုတ်ချထားတာပါ။

အကြမ်းဖက်သမားတွေကို လက်ခံထားတဲ့ ကာတာနဲ့ တခြား နိုင်ငံတွေအနေနဲ့ သူတို့ကို နှင်ထုတ်ရင်ထုတ်၊ မဟုတ်ရင် တရားဥပဒေ ရှေ့မှောက် ပို့ဆောင်ရမှာ ဖြစ်ကြောင်းနဲ့ အဲဒီလို မလုပ်ဆောင်ဘူးဆိုရင် မိမိတို့က လုပ်ဆောင်ရမှာ ဖြစ်ကြောင်း ဝန်ကြီးချုပ် နေတန်ညာဟုက ဆိုတာပါ။

ဂါဇာကမ်းမြောင်ဒေသမှာ အပစ်အခတ် ရပ်စဲရေး အမေရိကန် ဦးဆောင်ပြီး ဆွေးနွေးမှုတွေ ပြုလုပ်နေချိန်မှာ အစ္စရေးက ဒိုဟာရှိ ဟားမာ့စ် ခေါင်းဆောင်ပိုင်းကို ရှင်းလင်းဖို့ ကြိုးပမ်းခဲ့တာ ဖြစ်ပါတယ်။

အစ္စရေးရဲ့ တိုက်ခိုက်မှုဟာ သရဲဘောကြောင်တဲ့ လုပ်ရပ်ဖြစ်ပြီး နိုင်ငံတကာ ဥပဒေကို ချိုးဖောက်မှု ဖြစ်တယ်လို့ ကာတာ နိုင်ငံခြားရေးဝန်ကြီးဌာနက ပြောထားပါတယ်။

အစ္စရေးအနေနဲ့ ဂါဇာစစ်ပွဲကို မရပ်တန့်ဘူးဆိုရင် ပါလက်စတိုင်းကို နိုင်ငံအဖြစ် အသိအမှတ်ပြုမယ်လို့ ပြင်သစ်နဲ့ ဗြိတိန် အပါအဝင် နိုင်ငံတချို့က သတိပေးထားပါတယ်။

အဲဒီလို အသိအမှတ်ပြုရင် မိမိတို့အနေနဲ့ တစ်ဖက်သတ် တုံ့ပြန်မှုတွေ လုပ်ဆောင်သွားမှာ ဖြစ်ကြောင်း အစ္စရေးဝန်ကြီးချုပ်က သတိပေးပြီးနောက် ဒိုဟာ စစ်ဆင်ရေး ထွက်ပေါ်လာတာ ဖြစ်ပါတယ်။