12/31/2025
د منورې ولسوالي چې د کونړ مرکزي او هم سرحدي ولسوالي ده یادي ولسوالۍ ته تر اوسه د بیا رغونې هیڅ کار نه دی شوی. نه په تیرو رژیمونو کې او نه هم په اوسني امارت کې. منوري ولسوالي ته د امارت اسلامي تمرکز غواړ.
د منورې ولسوالۍ ستونزې او غوښتنې
دا یو تریخ حقیقت دی چې افغانستان له څلورو لسیزو راهیسې د جګړې ښکار دی، خو بیا هم په دې موده کې بېلابېلې واکمنۍ راغلې، که بدې وې که ښې، که کمزورې وې که پیاوړې. هر حکومت د خپلو خلکو پر وړاندې ځینې اساسي مسؤلیتونه لري، او خلک هم دنده لري چې له خپل حکومت سره همکاري وکړي.
کونړ یوه غرنی سیمه ده، او څرګنده ده چې غرنی ژوند د ښارونو په پرتله ډېر سخت وي. مروره ولسوالي د کونړ له ۱۵ ولسوالیو څخه یوه ده، موقعیت یې ستراتیژیک، مرکزي، او له سرحد سره نږدې دی، او له ټولو مهمه دا ده چې د اصلي لویې لارې پر غاړه پرته ده چې هر څوک یې ویني.
له تېرو څلورو لسیزو را پدې خوا د بیارغونې پروژې د مرورې ولسوالۍ ته هیڅ پام نه دی شوی، او دا سیمه له پامه غورځول شوې ده. د حکومت لومړۍ او تر ټولو مهمه دنده دا ده چې خپلو خلکو ته سړک، برېښنا، روغتیا، زدهکړه او پاکې اوبه برابرې کړي، ځکه دا د ژوند بنسټیزې اړتیاوې دي.
لکه څرنګه چې یادونه وشوه، مروره ولسوالي مرکزي، ستراتیژیکه او د اصلي لارې پر غاړه ده، نو باید تر نورو ډېره پاملرنه ورته شوې وای، خو له بده مرغه داسې نه ده شوې. موږ په ۲۲مه پېړۍ کې ژوند کوو، خو زموږ حالت لا هم د ۴۰۰ کاله پخوا خلکو ته ورته دی.
موږ له حکومت څخه په کلکه دا غوښتنې لرو:
۱. د غاخي پاس سړک باید په معیاري ډول جوړ شي، ځکه دا زموږ د ژوند یوه بنسټیزه اړتیا ده.
۲. مرورې ولسوالي ته باید برېښنا ورکړل شي، که د لمر انرژۍ له لارې هم وي، دا به د کارموندنې، کرنې او نورو برخو کې ډېره مرسته وکړي.
۳. یو لوی کانال باید له بچي تر سرکانو ولسوالۍ جوړ شي، لکه څنګه چې د طالبانو د پخواني حکومت په وخت (۱۹۹۸) کې د ماموند سیمې ته ژمنه شوې وه، خو تر اوسه نه ده عملي شوې. که اوسنی حکومت دا ژمنه پوره کړي، دا به نه یوازې د مرورې ولسوالي کرنه پیاوړې کړي، بلکې د ټول کونړ ولایت او شاوخوا سیمو لپاره به ګټوره وي، او موږ به د خوړو له پلوه په ځان بسیا شو.
۴. له مرورې ولسوالي څخه تر اسمار ولسوالۍ سړک باید په کانکریټي بڼه جوړ شي، دا به هم د حکومت او هم د خلکو لپاره ګټور وي.
۵. د پاکو اوبو زیرمو ته باید پام وشي او که اړتیا وي، نو په سیمه کې دې د اوبو د زېرمو جوړښتونه جوړ شي.
۶. د تعلیم ریاست ته باید جدي پاملرنه وشي، څو هم اسلامي او هم عصري زدهکړې په معیاري توګه وړاندې شي، ځکه دا د وخت اړتیا ده.
۷. زموږ ځوان تحصیلکړي کدرونه باید په بېلابېلو ادارو کې جذب شي، ځکه اوس بېروزګاره دي او خلک په مؤثره توګه له مالي بحران سره مخ دي.
۸. لاهور ډاګ ته د سيند پر سر د پل جوړولو اړتیا ده څو لاهور ډاګ له مرکز سره وتړل شي، له دې لارې به دواړه خواوې ګټه ترلاسه کړي.
۹. د یادي ولسوالی پورته دره کې هم رواني جاري اوبه شته او هم موسمي اوبه جمعه کيږي که واړه چېک ډېمونه جوړ شي بره دري کلو ته به ډېر په اسانې بجلي ور کړل شي.
۱۰. مروري سيرۍ کلي ته په خواړ پول جوړول .
موږ به د حکومت مننه وکړو که زموږ دغو بنسټیزو اړتیاوو ته پاملرنه وکړي او خپلو بېوزلو خلکو ته خدمت وکړي، ځکه خلک له نیمې پېړۍ راهیسې د سخت ژوند تېرولو سره سره لا هم د خوښۍ څېره نه ده لیدلې. هیله ده اوسنی حکومت د دوی پر خولو یو کوچنی مسکا راولي.
