KN, Elkridge, MD (2025)

11/04/2025

អបអរសាទរ ព្រះរាជពិធីបុណ្យអុំទូក បណ្តែតប្រទីប សំពះព្រះខែ និងអកអំបុក ឆ្នាំ២០២៥

ថ្វីត្បិតតែឆ្នាំនេះ រាជរដ្ឋាភិបាល មិនបានប្រារព្ធព្រះរាជពិធីបុណ្យអុំទូក បណ្តែតប្រទីប សំពះព្រះខែ និងអកអំបុក នៅក្នុងរាជធានីភ្នំពេញ តែបងប្អូនប្រជាពលរដ្ឋអាចសប្បាយរីករាយព្រះរាជពិធីបុណ្យនេះបាននៅតាមបណ្តាខេត្តនានា។

កម្ពុជាសូមស្វាគមន៍បណ្ដាភ្ញៀវទេសចរណ៍ជាតិ និងអន្តរជាតិមកពីគ្រប់ទិសទីនៅក្នុងឱកាសថ្ងៃឈប់សម្រាក០៣ថ្ងៃនេះ និងសូមជូនពរជួបតែសេចក្តីសុខ សេចក្តីចម្រើន គ្រប់ៗគ្នា៕

#អរគុណសន្តិភាព
#កម្ពុជា #ខ្មែរ

10/31/2025

សម្ដេចតេជោ ហ៊ុន សែន អញ្ជើញ
ក្នុងព្រះរាជពិធីបួងសួងចម្រើនសេចក្តីសុខជូនព្រះរាជាណាចក្រកម្ពុជា នៅព្រះបរមរាជវាំង

នៅព្រឹកថ្ងៃសុក្រ ១០កើតខែកត្តិក ឆ្នាំម្សាញ់ សប្តស័ក ព.ស. ២៥៦៩ ត្រូវនឹង ថ្ងៃទី៣១ ខែតុលា ឆ្នាំ២០២៥ សម្ដេចអគ្គមហាសេនាបតីតេជោ ហ៊ុន សែន ប្រធានក្រុមឧត្តមប្រឹក្សាផ្ទាល់ព្រះមហាក្សត្រ និងជាប្រធានព្រឹទ្ធសភានៃព្រះរាជាណាចក្រកម្ពុជា បានអញ្ជើញដង្ហែ សម្ដេចព្រះមហាក្សត្រី នរោត្ដម មុនិនាថ សីហនុ ព្រះវររាជមាតាជាតិខ្មែរ ក្នុងសេរីភាព សេចក្តីថ្លៃថ្នូរ និងសុភមង្គល ព្រះរាជតំណាងដ៏ខ្ពង់ខ្ពស់បំផុត របស់ព្រះករុណាព្រះបាទសម្ដេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា ក្នុងព្រះរាជពិធីចម្រើនសេចក្តីសុខជូនព្រះរាជាណាចក្រកម្ពុជា នៅព្រះបរមរាជវាំង។

យាង និមន្ត និងអញ្ជើញចូលរួមក្នុងព្រះរាជពិធីនេះ រួមមាន សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា សម្ដេច ព្រះអង្គម្ចាស់ អ្នកអង្គម្ចាស់ ឯកឧត្ដម ជាឧត្ដមប្រឹក្សាផ្ទាល់ព្រះមហាក្សត្រ បណ្តាអង្គទូតប្រចាំព្រះរាជាណាចក្រកម្ពុជា ថ្នាក់ដឹកនាំសង្ឃទាំងពីរគណៈ និងមន្ត្រីរាជការជាច្រើនរូបទៀត។

ព្រះរាជពិធីបួងសួងចម្រើនសេចក្តីសុខជូនព្រះរាជាណាចក្រកម្ពុជា បានប្រព្រឹត្តទៅតាមគន្លងប្រពៃណីព្រះពុទ្ធសាសនា និងបានផ្តល់នូវការប្រោះព្រំសព្ទសាធុការពរជ័យ សិរីបវរថ្លៃថ្លា មហាប្រសើរ ដល់ទឹកដីព្រះរាជាណាចក្រកម្ពុជា ក្រោមម្លប់ព្រះបារមីនៃ ព្រះករុណាអម្ចាស់ជីវិតលើត្បូង ដែលនឹងផ្ដល់នូវសេចក្តីសុខចម្រើន ដល់ប្រជារាស្រ្ត ជាកូនចៅ ចៅទួត របស់ព្រះអង្គជារៀងដរាបតរៀងទៅ៕

#អរគុណសន្តិភាព
#កម្ពុជា #ខ្មែរ

10/31/2025

សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា និងថ្នាក់ដឹកនាំរាជរដ្ឋាភិបាលបានចូលរួមដង្ហែ សម្តេចព្រះមហាក្សត្រី នរោត្តម មុនីនាថ សីហនុ ព្រះវររាជមាតាជាតិខ្មែរ ជាទីគោរពសក្ការៈ ដ៏ខ្ពង់ខ្ពស់បំផុត ក្នុងព្រះរាជពិធីបួងសួងសូមចម្រើនសេចក្តីសុខ និងភាពសម្បូរសប្បាយដល់ព្រះរាជាណាចក្រកម្ពុជា នៅមុខព្រះមហាចេតិយ ព្រះករុណាព្រះបរមរតនកោដ្ឋ នៃព្រះបរមរាជវាំង។

រាជធានីភ្នំពេញ ព្រឹកថ្ងៃសុក្រ ទី៣១ តុលា ២០២៥

#អរគុណសន្តិភាព
#កម្ពុជា #ខ្មែរ

10/30/2025

វីដេអូសង្ខេបសកម្មភាពរបស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា អញ្ជើញចូលរួមកិច្ចប្រជុំកំពូលអាស៊ាន លើកទី៤៧ និងកិច្ចប្រជុំកំពូលពាក់ព័ន្ធ នៅប្រទេសម៉ាឡេស៊ី ពីថ្ងៃទី២៥-២៨ តុលា ២០២៥ ។

#អរគុណសន្តិភាព
#កម្ពុជា #ខ្មែរ

10/28/2025

សូមក្រាបបង្គំទូលថ្វាយព្រះពរ

សូមបួងសួងដល់គុណព្រះរតនត្រ័យ កែវទាំងបី វត្ថុស័ក្តិសិទ្ធិក្នុងលោក និងទេវតាព្រះមហាស្វេតច្ឆ័ត្រនៃព្រះរាជាណាចក្រកម្ពុជា ប្រោសប្រទានពរជ័យ សិរីមង្គល ថ្វាយព្រះករុណាជាអម្ចាស់ជិវិតលើត្បូងព្រះបាទសម្ដេចព្រះបរមនាថ នរោត្តម សីហមុនីព្រះមហាក្សត្រនៃព្រះរាជាណាចក្រកម្ពុជា

ក្នុងឱកាសព្រះរាជពិធីខួបលើកទ២១នៃការយាងគ្រងព្រះបរមសិរីរាជសម្បត្តិ

ថ្ងៃទ២៩ ខែតុលា ឆ្នាំ២០២៥

#អរគុណសន្តិភាព
#កម្ពុជា #ខ្មែរ

10/28/2025

កិច្ចព្រមព្រៀងសន្តិភាព(២៦ តុលា ២០២៥)
កម្ពុជា ថៃ ជាថ្ងៃប្រវត្តិសាស្ត្រ

#អរគុណសន្តិភាព
#កម្ពុជា #ខ្មែរ

10/28/2025

សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ឆ្លៀតជួបសំណេះសំណាលជាមួយ ឯកឧត្ដម Ferdinand Marcos Jr ប្រធានាធិបតីសាធារណរដ្ឋហ្វីលីពីន និង ឯកឧត្តម Sonexay Siphandone នាយករដ្ឋមន្ត្រី នៃសាធារណរដ្ឋប្រជាធិបតេយ្យប្រជាមានិតឡាវ ក្នុងឱកាសចូលរួមពិធីចុះហត្ថលេខា លើការដំឡើងកម្រិតតំបន់ពាណិជ្ជកម្មសេរី អាស៊ាន-ចិន ៣.០ ។

ទីក្រុងគូឡាឡាំពួ ព្រឹកថ្ងៃអង្គារ ទី២៨ តុលា ២០២៥

Had a brief conversation with His Excellency Ferdinand Marcos Jr, President of the Republic of Philippines, and His Excellency Sonexay Siphandone, Prime Minsiter of the Lao People's Democratic Republic, on the sidelines of the signing ceremony of the ASEAN-China Free Trade Area (ACFTA) 3.0.

Kuala Lumpur, Tuesday Morning, 28 October 2025

#អរគុណសន្តិភាព
#កម្ពុជា #ខ្មែរ

10/28/2025

សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ចូលរួមកិច្ចប្រជុំកំពូលរំលឹកខួបអនុស្សាវរីយ៍អាស៊ាន-នូវែលហ្សេឡង់ ដើម្បីអបអរសាទរខួបទី ៥០ នៃទំនាក់ទំនងដៃគូសន្ទនាអាស៊ាន-នូវែលហ្សេឡង់។

ទីក្រុងគូឡាឡាំពួ រសៀលថ្ងៃអង្គារ ទី២៨ តុលា ២០២៥

Attending the ASEAN-New Zealand Commemorative Summit to mark the 50th anniversary of ASEAN-New Zealand Dialogue Relations.

Kuala Lumpur, Tuesday afternoon, 28 October 202

#អរគុណសន្តិភាព
#កម្ពុជា #ខ្មែរ

10/27/2025

លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត ស្រ្តីទី១ នៃព្រះរាជាណាចក្រកម្ពុជា ក៏ដូចលោកជំទាវភរិយាប្រមុខរដ្ឋ ប្រមុខរដ្ឋាភិបាល នៃប្រទេសសមាជិកអាស៊ាន និងប្រទេសដៃគូសន្ទនារបស់អាស៊ាន អញ្ជើញទស្សនាមជ្ឈមណ្ឌលវប្បធម៌ Seri Negara(សេរីណេហ្គារ៉ា) និងទស្សនាការតាំងពិព័រណ៌ Kebaya Exhibition នៅរដ្ឋធានីគូឡាឡាំពួរ ប្រទេសម៉ាឡេស៊ី កាលពីព្រឹកថ្ងៃទី27 ខែតុលា ឆ្នាំ2025។

វត្តមាននៃការអញ្ជើញដល់របស់លោកជំទាវបណ្ឌិត និងលោកជំទាវភរិយាប្រមុខរដ្ឋ ប្រមុខរដ្ឋាភិបាលនៃប្រទេសអាស៊ាន និងដៃគូសន្ទនា អាស៊ាន ត្រូវបានធ្វើគារវកិច្ចស្វាគមន៍យ៉ាងកក់ក្តៅពី លោកជំទាវ Dato Seri Wan Isamil ភរិយាឯកឧត្តមនាយករដ្ឋមន្រ្តីម៉ាឡេស៊ី លោកជំទាវ Sri Hajah Nancy Shukri រដ្ឋមន្រ្តីក្រសួងកិច្ចការនារី អភិវឌ្ឍន៍គ្រួសារ និងសហគមន៍ ព្រមទាំងលោកជំទាវភរិយាថ្នាក់ដឹកនាំរដ្ឋាភិបាលម៉ាឡេស៊ី ជាច្រើនរូប។

សូមបញ្ជាក់ថា Seri Negara(សេរីណេហ្គារ៉ា)សំដៅលើ កាកូសា សេរីណេហ្គារ៉ា ដែលជាអគារវិមានអាណានិគមប្រវត្តិសាស្ត្រមួយនៅទីក្រុងគូឡាឡាំពួរ ប្រទេសម៉ាឡេស៊ី ដែលជាផ្នែកមួយនៃសួនរុក្ខសាស្ត្រ Perdana។ ដើមឡើយត្រូវបានសាងសង់ជាលំនៅដ្ឋានផ្លូវការរបស់ឧត្តមស្នងការអង់គ្លេស និងជាផ្ទះសំណាក់ ឥឡូវនេះ ក្លាយជាសណ្ឋាគារប្រណីត និងជាទីតាំងប្រវត្តិសាស្ត្រដ៏សំខាន់មួយដែលត្រូវបានគេស្គាល់ដោយសារស្ថាបត្យកម្មរចនាបថ Tudor របស់វា ដើរតួនាទីក្នុងចលនាឯករាជ្យ និងប្រើប្រាស់ជាទីតាំងថតរឿង Crazy Rich Asians។

សារៈសំខាន់ខាងប្រវត្តិសាស្ត្រ
លំនៅដ្ឋានផ្លូវការ៖ ដើមឡើយត្រូវបានសាងសង់ជាលំនៅដ្ឋានផ្លូវការ និងជាផ្ទះសំណាក់សម្រាប់ឧត្តមស្នងការអង់គ្លេសប្រចាំប្រទេសម៉ាឡាយ៉ា។
ចលនាឯករាជ្យ៖ បានដើរតួនាទីយ៉ាងសំខាន់ក្នុងឯករាជ្យភាពរបស់ប្រទេសម៉ាឡេស៊ី ដោយសាររដ្ឋធម្មនុញ្ញរបស់ប្រទេសត្រូវបានព្រាងនៅទីនោះ ហើយកិច្ចព្រមព្រៀងសហព័ន្ធម៉ាឡាយ៉ាត្រូវបានចុះហត្ថលេខានៅទីនោះក្នុងឆ្នាំ 1957។

តំបន់បេតិកភណ្ឌជាតិ៖ វិមានទាំងពីរគឺ Carcosa និង Seri Negara ត្រូវបានប្រកាសជាតំបន់បេតិកភណ្ឌជាតិ។
លក្ខណៈពិសេសគួរឱ្យកត់សម្គាល់
ស្ថាបត្យកម្ម៖ មានស្ថាបត្យកម្ម Tudor Revival ដ៏ប្លែក។

ទីតាំង៖ ស្ថិតនៅលើភ្នំពីរជាប់គ្នានៅក្នុងសួនរុក្ខសាស្ត្រ Perdana។
ទីតាំងថត៖ ទទួលបានកិត្តិនាមអន្តរជាតិជាទីតាំងថតសម្រាប់ខ្សែភាពយន្ត Crazy Rich Asians។

ស្ថានភាពបច្ចុប្បន្ន និងភាពងាយស្រួល
សណ្ឋាគារប្រណីត៖ ដំណើរការជាសណ្ឋាគារផ្កាយ ៥ ជាមួយនឹងបន្ទប់ប្រណីត និងសេវាកម្មអ្នកបម្រើផ្ទាល់ខ្លួន។

ការទទួលទានអាហារ៖ ផ្តល់ជូននូវជម្រើសទទួលទានអាហារជាច្រើនប្រភេទ រួមទាំងតែរសៀលបែបអង់គ្លេសដ៏ល្បីល្បាញនៅ The Drawing Room។

ព្រឹត្តិការណ៍៖ ប្រើប្រាស់សម្រាប់កម្មវិធីសាជីវកម្ម ព្រឹត្តិការណ៍ និងពិធីមង្គលការ។

ការជួសជុលជាបន្តបន្ទាប់៖ កំពុងស្ថិតក្នុងការជួសជុលឡើងវិញ ជាមួយនឹងផែនការដើម្បីជួសជុលវាឡើងវិញទាំងស្រុងសម្រាប់គំនិតផ្តួចផ្តើមទេសចរណ៍ដូចជា Visit Malaysia 2026។

នៅក្នុងនៃការអញ្ជើញទស្សនា មជ្ឈមណ្ឌលវប្បធម៌ និងទីតាំងពិព័រណ៌របស់ម៉ាឡេស៊ី លោកជំទាវបណ្ឌិត ក៏ដូចលោកជំទាវភរិយាមេដឹកនាំអាស៊ាន បានថ្លែងអំណរគុណ ជូនចំពោះលោកជំទាវ Dato Seri Wan Isamil ភរិយាឯកឧត្តមនាយករដ្ឋមន្រ្តីម៉ាឡេស៊ី ដែលបានរៀបចំឱ្យមានកម្មវិធីទស្សនកិច្ចមជ្ឈមណ្ឌលជាប្រវត្តិសាស្រ្ត ក្នុងប្រទេសម៉ាឡេស៊ី ពិសេសបានស្គាល់ និងយល់ដឹងពីវប្បធម៌ប្រពៃណីរបស់ប្រទេសម៉ាឡេស៊ី ពីអតីតកាល និងរហូតមកដល់សម័យទំនើបយើងនេះ។

ទីក្រុងគូឡាឡាំពួ ព្រឹកថ្ងៃចន្ទ ទី២៧ តុលា ២០២៥

10/27/2025

កម្ពុជា-សាធារណរដ្ឋកូរ៉េ ប្ដេជ្ញាពង្រឹងកិច្ចសហប្រតិបត្តិការ សំដៅបង្ការ ទប់ស្កាត់ និងប្រយុទ្ធប្រឆាំងនឹងបទឧក្រិដ្ឋនានា
នាព្រឹកថ្ងៃទី២៧ ខែតុលា ឆ្នាំ២០២៥, សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា និង ឯកឧត្តម Lee Jae-Myung ប្រធានាធិបតីសាធារណរដ្ឋកូរ៉េ បានជួបពិភាក្សាការងារទ្វេភាគី ក្នុងឱកាសចូលរួមកិច្ចប្រជុំកំពូលអាស៊ាន លើកទី៤៧ និងកិច្ចប្រជុំកំពូលពាក់ព័ន្ធ នៅទីក្រុងគូឡាឡាំពួ ប្រទេសម៉ាឡេស៊ី នៅថ្ងៃទី២៦-២៨ ខែតុលា ឆ្នាំ២០២៥។

ក្នុងឱកាសនៃជំនួប, សម្ដេចបវរធិបតីបានអបអរសាទរចំពោះឯកឧត្តម Lee Jae-Myung ដែលបាន ក្លាយជាប្រធានាធិបតីនៃសាធារណរដ្ឋកូរ៉េ។ សម្តេចបវរធិបតី បានវាយតម្លៃខ្ពស់ ចំពោះទំនាក់ទំនងកម្ពុជា-សាធារណរដ្ឋកូរ៉េ ដែលត្រូវបានភ្ជាប់ឡើងវិញនៅឆ្នាំ១៩៩៧ និងត្រូវបានដំឡើងកម្រិតដល់ភាពជាដៃគូយុទ្ធសាស្ត្រ នៅឆ្នាំ២០២៤ ដែលបានធ្វើឱ្យទំនាក់ទំនងទ្វេភាគីកាន់តែមានភាពរឹងមាំ និងស៊ីជម្រៅ ហើយកិច្ចសហប្រតិបត្តិការក៏កាន់តែរីកចម្រើនគួរឱ្យកត់សម្គាល់ ស្ទើរគ្រប់វិស័យ។

ថ្នាក់ដឹកនាំទាំងពីរបានពិភាក្សា និងផ្លាស់ប្ដូរយោបល់គ្នាលើវិស័យសំខាន់ៗមួយចំនួន ដូចជាវិស័យការពារជាតិ និងសន្តិសុខ ពិសេស ការប្រយុទ្ធប្រឆាំងនឹងឧក្រិដ្ឋកម្មឆ្លងដែន និងការប្រយុទ្ធប្រឆាំងនឹងឆបោកតាមប្រព័ន្ធបច្ចេកវិទ្យា។ ថ្នាក់ដឹកនាំទាំងពីរបានចាត់ទុកថាវិស័យសន្តិសុខក្លាយជាវិស័យដែលមានភាពប្រទាក់ក្រឡា និងមានចរិតលក្ខណៈជាតំបន់ និងសកល ដែលទាមទារនូវកិច្ចសហប្រតិបត្តិការយ៉ាងខ្លាំងក្លាពីបណ្តាប្រទេសជាច្រើន។ ទន្ទឹមនឹងការទទួលស្គាល់នូវកិច្ចសហប្រតិបត្តិការជាច្រើនឆ្នាំកន្លងមក រវាងអាជ្ញាធរនៃប្រទេសទាំងពីរ ដែលបានសម្រេចនូវលទ្ធផលជាផ្លែផ្កាជាច្រើន, ថ្នាក់ដឹកនាំទាំងពីរ ក៏បានពិភាក្សា និងផ្លាស់ប្ដូរទស្សនៈគ្នាទៅវិញទៅមក សំដៅធានាបាននូវសុខសុវត្ថិភាពដល់ប្រជាជននៃប្រទេសទាំងពីរ ជាពិសេស ភ្ញៀវទេសចរ វិនិយោគិន ក៏ដូចជាសហគមកម្ពុជាដែលកំពុងបម្រើការងារ និងស្នាក់នៅប្រទេសកូរ៉េ និងសហគមកូរ៉េ ដែលកំពុងបម្រើការងារ និងស្នាក់នៅប្រទេសកម្ពុជា។ ក្នុងន័យនេះ កម្ពុជា និងសាធារណរដ្ឋកូរ៉េ នឹងបន្តពង្រឹងកិច្ចសហប្រតិបត្តិការរួមគ្នាដើម្បីបង្ការ, ទប់ស្កាត់ និងប្រយុទ្ធប្រឆាំងនឹងបទឧក្រិដ្ឋនានាដែលពាក់ព័ន្ធជាមួយជនជាតិកូរ៉េនៅកម្ពុជា ឱ្យកាន់មានប្រសិទ្ធភាពខ្ពស់ សំដៅចូលរួមចំណែកថែរក្សា, ការពារសន្តិសុខ, សណ្តាប់ធ្នាប់សាធារណៈ និងសុវត្ថិភាពសង្គម។ លេីសពីនេះ កម្ពុជា-សាធារណរដ្ឋកូរ៉េ នឹងបន្តពង្រឹងការផ្សព្វផ្សាយព័ត៌មាន និងកិច្ចសហប្រតិបត្តិការឱ្យបានច្រើន ធ្វើយ៉ាងណាបញ្ចៀសការភាន់ច្រឡំពីសំណាក់សាធារណជន ដែលបង្កជាការព្រួយបារម្ភនានាពាក់ព័ន្ធនឹងសុវត្ថិភាពនៃការធ្វើដំណើរ និងការ រស់នៅ។

ថ្នាក់ដឹកនាំទាំងពីរក៏បានឯកភាពជាមួយនឹងគំនិតផ្ដួចផ្ដើមបង្កើតក្រុមការងារចំពោះកិច្ចចម្រុះកម្ពុជា-កូរ៉េ ក្នុងខែវិច្ឆិកាខាងមុខនេះ ដើម្បីបង្កើនកិច្ចសហប្រតិបត្តិការរវាងសមត្ថកិច្ចនៃប្រទេសទាំងពីរ ក្នុងការប្រយុទ្ធប្រឆាំងនឹងបទឧក្រិដ្ឋនានាដែលពាក់ព័ន្ធជាមួយជនជាតិកូរ៉េនៅកម្ពុជា រួមទាំងការឆបោកតាមប្រព័ន្ធបច្ចេកវិទ្យា ដោយផ្ដោតលើការផ្សព្វផ្សាយឱ្យបានទូលំទូលាយនូវព័ត៌មានអំពីលទ្ធផលវិជ្ជមាននៃកិច្ចសហប្រតិបត្តិការកម្ពុជា-កូរ៉េ។ សម្ដេចបវរធិបតីបានសង្កត់ធ្ងន់ថា ការប្រយុទ្ធប្រឆាំងនឹងការឆបោកតាមប្រព័ន្ធបច្ចេកវិទ្យាគឺជាអាទិភាពរបស់រាជរដ្ឋាភិបាល តាំងពីអាណត្តិកន្លងទៅ និងបន្តរហូតមកទល់នឹងពេលបច្ចុប្បន្ន ហើយកម្ពុជាជឿជាក់ថា កិច្ចសហប្រតិបត្តិការរវាងប្រទេសទាំងពីរនឹងផ្ដល់ជាកម្លាំងដ៏មុតស្រួច និងមានប្រសិទ្ធភាព ដែលនឹងធានាបាននូវសុវត្ថិភាពជូនប្រជាជននៃប្រទេសទាំងពីរ។

10/20/2025

សម្ដេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃព្រះរាជាណាចក្រកម្ពុជា និងលោកជំទាវបណ្ឌិត ពេជ ចន្ទមុន្នី ហ៊ុន ម៉ាណែត ចូលរួមសម្ពោធដាក់ឱ្យប្រើប្រាស់ជាផ្លូវការអាកាសយានដ្ឋានអន្តរជាតិតេជោ (TECHO INTERNATIONAL AIRPORT)
នេះជាសមិទ្ធផលថ្មីមួយទៀតដែលជាការអភិវឌ្ឍហេដ្ឋារចនាសម្ព័ន្ធអាកាសយានដ្ឋាន និងតភ្ជាប់ជើងហោះហើរទៅកាន់ពិភពលោក កាន់តែធំ និងទូលាយជាងមុន, ជានិម្មិតរូបនៃការរីកចម្រើនរបស់ព្រះរាជាណាចក្រកម្ពុជា ដែលកើតចេញពីគំនិតផ្តួចផ្តើមប្រកបដោយចក្ខុវិស័យវែងឆ្ងាយរបស់ សម្តេចអគ្គមហាសេនាបតីតេជោ ហ៊ុន សែន អតីតនាយករដ្ឋមន្ត្រី បច្ចុប្បន្នជាប្រធានព្រឹទ្ធសភានៃព្រះរាជាណាចក្រកម្ពុជា ដែលនឹងក្លាយជាកម្លាំងចលករដ៏សំខាន់ជំរុញកំណើនសេដ្ឋកិច្ចជាតិ លើកស្ទួយវិស័យអាកាសចរណ៍ ទេសចរណ៍ វិនិយោគ វិស័យដឹកជញ្ជូន និងឡូជីស្ទីក (Logistic) របស់កម្ពុជា។
អាកាសយានដ្ឋានអន្តរជាតិតេជោ ជាអាកាសយានដ្ឋានលំដាប់ថ្នាក់ 4F រួមទាំងហេដ្ឋារចនាសម្ព័ន្ធគាំទ្រ ត្រូវបានចំណាយទុនវិនិយោគសរុប ២,៣០០ លានដុល្លារអាមេរិក និងបានសាងសង់នៅលើផ្ទៃដីសរុប ទំហំ ២,៦០០ ហិកតា ដោយចំណាយពេលសាងសង់ចំនួនជាង ៥ឆ្នាំ ដែលចាប់ផ្តើមនៅថ្ងៃទី០៧ ខែមករា ឆ្នាំ២០២០ និងបញ្ចប់នៅថ្ងៃទី៣១ ខែកក្កដា ឆ្នាំ២០២៥។ អាកាសយានដ្ឋានអន្តរជាតិតេជោ មានហេដ្ឋារចនាសម្ព័ន្ធគ្រប់លក្ខខណ្ឌតាមស្តង់ដាអន្តរជាតិ ដែលអាចបម្រើការហោះហើរបានដល់យន្តហោះគ្រប់ប្រភេទ ទាំងជើងហោះហើរក្នុងតំបន់ និងជើងហោះហើររយៈចម្ងាយឆ្ងាយ (Long-haul Flights) ដែលអាចចុះចតបានដោយសុវត្ថិភាព។ ការសាងសង់អាកាសយានដ្ឋាននេះ ត្រូវបានបែងចែកជា៣ដំណាក់កាល គឺ៖ ដំណាក់កាលទី១ ពីឆ្នាំ២០២០ ដល់២០៣០ ដែលអាចទទួលអ្នកដំណើរ១៥លាននាក់ក្នុងមួយឆ្នាំ។ ដំណាក់កាលទី២ ពីឆ្នាំ២០៣០ ដល់ឆ្នាំ២០៥០ ដែលអាចទទួលអ្នកដំណើរចំនួន៣០លាននាក់ក្នុង១ឆ្នាំ និងដំណាក់កាលទី៣ ក្រោយឆ្នាំ២០៥០ សម្រាប់ទទួលអ្នកដំណើរ ៥០លាននាក់ក្នុងមួយឆ្នាំ។

ខេត្តកណ្តាល ព្រឹកថ្ងៃចន្ទ ទី២០ តុលា ២០២៥

#អរគុណសន្តិភាព
#សម្តេចហ៊ុនសែន
#សម្តេចហ៊ុនម៉ាណែត
#កម្ពុជា
#ខ្មែរ
#សន្តិភាពនៅកម្ពុជា

KN

11/04/2025

10/31/2025

10/31/2025

10/30/2025

10/28/2025

10/28/2025

10/28/2025

10/28/2025

10/27/2025

10/27/2025

10/20/2025

Address

Website

Alerts

Shortcuts

Share

Category

Krong Clip