03/12/2025
*Eske BI gen dwa rantre nan yon Lekòl maspinen direktè a ak tout yon pitit li epi san manda arete moun yo epi mennen yo nan komisarya?*
_Gonayiv 11 Mas 2025_
Li te nan anviwon 1h nan aprè midi konsa, kèk Ajan *BI* sou lòd yon Pastè ki se Mercidieu Dorléan, vyole Espas Lokal IMPED kisa *Institution Mixte le Pédagogue* pou l arete pwopriyetè, direktè lekòl sa a ki se Enjenyè Romual Cazalès ke tout moun Gonayiv konnen sou non *Bos Kazo*. Ajan BI yo maspinen, maletrete direktè a ak tout premye pitit Gason epi mennen yo nan komisarya Gonayiv la pou tèt Pastè Dorléan ke direktè a te prete espas la pou tè met legliz li, vagabondaj *Pastè Dorléan* tap fè nan Lekòl la Kotel te vle met men sou kèk elèv minè nan 8è ak nan 9èm Ane, *Direktè Kazo* te oblije pa prete Pastè espas la pou te fè legliz ankò.
Aprè plizyè mwa depi Legliz Dorléan pa fonksyone nan espas la, Direktè Kazo ki se yon Evanjelis tou, nan sousi pou fasilite levanjil kontinye preche ta pral prete yon lòt Pastè Job ensikoni espas la pou met Legliz pa.
Ebyen byen bonè maten madi 11 Mas swadizan Pastè Dorléan debake nan Lekòl la vin fè ditektè Kazo esplikasyon kòm kwa li pat bay pastè Job espas la pou fè legliz. Poutèt Pastè Dorléan pouse Kazo 2 Gagann. Direktè a ki deja malad pat ka reyaji.
Moun nan katye a ki tap asiste oblije pase Pastè Dorléan kèk Pataswèl. Saw tande a Pastè a ki se L’ami de Lapolis, debake ak Ajan BI yo, vyole espas Lakòl la, san manda, yo savonnen Direktè Kazo ak kout kòf Zam ak tout ton pitit li ki te prezan epi arete yo mennen yon nan komisarya.
*Nap raplew ke Kazo se yon enjenyè elektronik ki travay pou anpil radyo nan vil la tankou nan tout peyi. Kazo se teknisyen Radyo MEGA, EVASION, SOURCE SPIRITUELLE, ak anpil nou pa site la yo nan Gonayiv.*
*_Nap egzije liberasyon direktè a prese prese_*
_Direksyon IMPED_
