09/18/2026
Dominique Dupuy pour une nouvelle Haïti: NON NON, SE PA POSIB! PEYI A POKO PARE POU YON KANTIDA KONSA.
Nan moman peyi a ap antre nan yon nouvo s*k elektoral, non Dominique Dupuy ap s*kile kòm yon posib chwa politik. Men kesyon ki merite poze a senp: sou ki baz konkrè elektè a ta dwe evalye evantyèl kandidati li?
Dominique Dupuy te pase kèk mwa kòm minis Afè Etranjè an 2024, kote li te mete devan plizyè pwojè refòm ak mezi administratif. Men yon eksperyans ministè, sitou lè li kout, pa nesesèman bay yon repons sou kapasite yon moun pou dirije yon depatman kòm senatè, reprezante yon s*konskripsyon kòm depite, oswa menm aspire dirije peyi a.
Se la kesyon politik la vin enteresan: ki rezilta konkrè Dominique Dupuy ta pote nan lavi elektè a, ki vizyon li genyen pou Nò a, epi ki pwojè li ta kapab defann ak mezire devan popilasyon an?
Poze kesyon sa yo pa vle di derèspèkte Dupuy ni moun ki apresye li. Okontrè, se mande pou nenpòt moun k ap mande vòt popilasyon an prezante plis pase repitasyon, diplomasi ak bèl diskou: li dwe prezante yon bilan, yon vizyon ak rezilta moun ka verifye.
Nan yon peyi oprime tankou Ayiti, kote elektè yo deja peye chè pou eksperyans politik ki pa t bay rezilta yo te espere, yon kandidati pa ta dwe mande konfyans davans; li ta dwe merite konfyans atravè travay, bilan ak pwopozisyon klè! Wè Dupuy kòm nouvo souf pou Ayiti, se kontinye antere peyi a plis nan twou li ye la.
CG Média ✍️
