Saothainer

08/06/2026

#ຜົວໃຈໂຫດ
ເຫດການໂສກເສົ້າທີ່ສ້າງຄວາມສະເທືອນໃຈ ເກີດຂຶ້ນຢູ່ເມືອງກຣອງດ໌ຮາເວນ ສະຫະລັດອາເມລິກາ ເມື່ອຜົວໄດ້ໄປມີຄວາມສຳພັນກັບນັກຝຶກງານ ຈົນເປັນສາເຫດໃຫ້ຄອບຄົວຢ່າຮ້າງ.
ຫຼັງຈາກພັນລະຍາໄດ້ໂພສເລື່ອງລາວລົງໃນສື່ສັງຄົມ ເຮັດໃຫ້ຜົວຖືກອອກຈາກວຽກ. ດ້ວຍຄວາມບໍ່ພໍໃຈ ລາວຈຶ່ງກໍ່ເຫດສັງຫານພັນລະຍາ ແລະ ລູກໆອີກ 6 ຄົນ ກ່ອນຈະຈູດເຜົາເຮືອນ ແລະ ປິດຊີວິດຕົນເອງຕາມ ລວມຜູ້ເສຍຊີວິດ 8 ຄົນ 🥲
ຄວາມຮັກທີ່ດີ ຄືການບໍ່ນອກໃຈ. ຖ້ານອກໃຈໄປແລ້ວ ກໍບໍ່ຄວນກັບມາທຳຮ້າຍຄອບຄົວ ແລະ ລູກໆຂອງຕົນເອງ.
#ຂ່າວຕ່າງປະເທດ

08/04/2026

ຕຳຫລວດໄທ ຈັບແຮງງານລາວ ຂາຍເປັດພະໂລ້ ຢູ່ຕະຫລາດຊຽງໃໝ່ ມີຄວາມຜິດຂໍ້ຫາຍາດອາຊີບຄົນໄທ

ວັນທີ 3 ສິງຫາ 2026ນີ້ ເຈົ້າໜ້າທີ່ຕຳຫລວດກວດຄົນເຂົ້າເມືອງ (ຕມ) ຈັງຫວັດຊຽງໃໝ່ ປະເທດໄທ ໄດ້ລົງພື້ນທີ່ກວດກາ ແລະ ຈັບກຸມແຮງງານ ຍິງສັນຊາດລາວ 1 ລາຍ ຫລັງໄດ້ຮັບແຈ້ງຂໍ້ມູນວ່າມີການລັກລອບຈ້າງແຮງງານຕ່າງດ້າວຜິດກົດໝາຍຢູ່ຕະຫລາດໃນເຂດຕຳບົນ ແມ່ເຫັຍະ ອຳເພີເມືອງ ຈັງຫວັດຊຽງໃໝ່.

ຜົນການກວດກາພົບວ່າ ຜູ້ຕ້ອງຫາເປັນຄົນລາວ ທີ່ໄດ້ຮັບອະນຸຍາດໃຫ້ຢູ່ໃນຣາຊະອານາຈັກເປັນການຊົ່ວຄາວ, ແຕ່ໄດ້ລັກລອບປະກອບອາຊີບ ຫລື ຮັບຈ້າງຂາຍເປັດພະໂລ້ ໂດຍບໍ່ມີໃບອະນຸ ຍາດເຮັດວຽກທີ່ຖືກຕ້ອງ, ພ້ອມທັງບໍ່ໄດ້ແຈ້ງໃຫ້ນາຍທະບຽນຮັບຮູ້ພາຍໃນ 15 ວັນ ນັບຕັ້ງແຕ່ເລີ່ມເຂົ້າເຮັດວຽກ ເຊິ່ງເຂົ້າຂ່າຍການຍາດອາຊີບຂອງຄົນໄທ.

ຈາກການສອບສວນ, ຜູ້ຕ້ອງຫາໄດ້ຮັບສາລະພາບວ່າໄດ້ເຮັດວຽກຂາຍເຄື່ອງຢູ່ຮ້ານດັ່ງກ່າວມາເປັນເວລາປະມານ 3 ປີແລ້ວ ໂດຍບໍ່ມີໃບອະນຸຍາດເຮັດວຽກທີ່ຖືກຕ້ອງ.

ເບື້ອງຕົ້ນ, ເຈົ້າໜ້າທີ່ໄດ້ຄວບຄຸມຕົວສົ່ງໃຫ້ພະນັກງານສອບສວນ ສະຖານີຕຳຫລວດພູທອນເມືອງຊຽງໃໝ່ ເພື່ອດຳເນີນຄະດີຕາມກົດໝາຍຕໍ່ໄປ.
#ບໍ່ໃບອານຸຍາດ

08/04/2026

ຄົນເມົາຢາອາລະວາດທຳລາຍພຸດທະຮູບ
ເວລາປະມານ 3 ໂມງກາງເດິກວັນທີ 4 ສິງຫາ 2026 ເກີດເຫດຄົນເມົາຢາບ້າ ເຂົ້າມາທຳລາຍພຣະພຸດທະຮູບປະຈຳວັນເກີດ ທີ່ວັດແອກຊ້າງ ເມືອງໂພນໂຮງ ແຂວງວຽງຈັນ ພຣະພຸດທະຮູບໄດ້ຮັບຄວາມເສຍຫາຍຫລາຍອົງ.

ຊາຍໜຸ່ມຜູ້ກໍ່ເຫດແມ່ນຖືກຈັບຕົວສົ່ງໃຫ້ເຈົ້າໜ້າທີ່ແລ້ວ #ຄົນເມົາ

08/04/2026