TawNaw FM

TawNaw FM TawNaw Radio Station
(1)

တောနော်အသံလွှင့်ဌာန သည် လူမှုကွန်ယက် facebook ပေါ်တွင် နိုင်ငံတစ်ဝန်း သတင်းများကို ဖလုံ၊ စှော်(စကော) စတဲ့ ကရင်ဘာသာစကားများ ဖြင့် နေ့စဥ်တင်ဆက်ပေးနေသည့် အပြင် အခြားစိတ်ဝင်စားဖွယ်ရာ အစီအစဥ်များကိုလည်း တင်ဆက်ပေးလျက်ရှိသည့် အသံလွှင့်ဌာနတစ်ခုဖြစ်ပါသည်။ ညနေ (၄) နာရီ တွင် ဖလုံဘာသာစကား သတင်းအစီအစဥ်၊ ည(၇) နာရီတွင် စှော် (စကော) ဘာသာစကားအစီအစဥ်ကို တောနော် အသံလွှင့်ဌာန page မှ နေ့စဥ်တင်ဆက်ပေးနေပါသည်။



တောနော် အသံလွှင့်ဌာနမှ တင်ဆင်ပေးနေတဲ့ သတင်းတွေ၊ ဗီဒီယိုတွေမှာ မိမိရဲ့ သဘောထားမှတ်ချက်တွေကို လွတ်လပ်စွာ ရေးသားဖော်ပြနိုင်သော်လည်း ရုန့်ရင်းကြမ်းတမ်းသော စကားလုံးအသုံးအနှုန်းများကို ရေးသားဖော်ပြခြင်းမပြုကြပါရန် မေတ္တာရပ်ခံအပ်ပါသည်။

မြစ်ခြေရဲစခန်းကို PDF တိုက်ခိုက်သိမ်းပိုက်စစ်ရာဇဝတ်မှုကျူးလွန်ခဲ့တဲ့ စစ်ကောင်စီကို လက်တုံ့ပြန် တိုက်ခိုက်ချေမှုန်းခဲ့ကြေ...
06/10/2026

မြစ်ခြေရဲစခန်းကို PDF တိုက်ခိုက်သိမ်းပိုက်

စစ်ရာဇဝတ်မှုကျူးလွန်ခဲ့တဲ့ စစ်ကောင်စီကို လက်တုံ့ပြန် တိုက်ခိုက်ချေမှုန်းခဲ့ကြောင်း PDF စစ်ရုံးချုပ်ထုတ်ပြန်

ဇွန် - ၁၀၊ ၂၀၂၆ / TawNaw FM

မကွေးတိုင်း၊ ပခုက္ကူခရိုင်မြို့နယ်၊ မြစ်ခြေရဲစခန်းကို ပြည်သူ့ကာကွယ်ရေးတပ်မတော်-PDF က ဒီကနေ့မှာ တိုက်ခိုက်သိမ်းပိုက်လိုက်ပြီး စစ်ကောင်စီတပ်တပ်ဖွဲ့ဝင် ၁၄ ဦး စစ်သုံ့ပန်းအဖြစ် ဖမ်းဆီးရရှိခဲ့တယ်လို့ PDF စစ်ရုံးချုပ်က သတင်းထုတ်ပြန်ပါတယ်။

စစ်ကောင်စီဟာ မေလ ၁၀ ရက်ကနေ ဇွန်လ ၂ ရက်နေ့အထိ ပခုက္ကူခရိုင်၊ မြစ်ခြေမြို့ရှိ ပြည်သူလူထုပိုင် နေအိမ်အဆောက်အဦးပေါင်း ၁၀၀၀ ကျော်ကို မီးရှို့ဖျက်ဆီးပြီး အတည်ပြုနိုင်သော ပြည်သူ ၂၄ ဦးကို ရက်ရက်စက်စက် မီးရှို့သတ်ဖြတ်ကာ စစ်ရာဇဝတ်မှု ကျူးလွန်ခဲ့တယ်လို့ ထုတ်ပြန်ချက်မှာ ဖော်ပြထားပါတယ်။

ပြည်သူ့ကာကွယ်ရေးတပ်မတော်-PDF ဟာ ဒီကနေ့ ဇွန်လ ၁၀ ရက်နေ့မှာ မြစ်ခြေရဲစခန်းကို အပြီးတိုင် ထိုးစစ်ဆင်သိမ်းပိုက်ပြီး စစ်ရာဇဝတ်မှုကျူးလွန်ခဲ့တဲ့ စစ်ကောင်စီကို လက်တုံ့ပြန်တိုက်ခိုက်ချေမှုန်းခဲ့တယ်လို့ ထုတ်ပြန်ချက်မှာ ဆိုထားပါတယ်။

ဒီကနေ့ မနက် ၄ နာရီမှာ မြစ်ခြေရဲစခန်းကို မကွေးတိုင်းစစ်ဌာနကွပ်ကဲမှုအောက်ရှိ၊ ပခုက္ကူခရိုင်စစ်ဌာနရဲ့ ဦးဆောင်ကွပ်ကဲမှုနဲ့ ဝင်ရောက်တိုက်ခိုက်ခဲ့ရာ မနက် ၅ နာရီမှာ ရဲစခန်းကို အပြီးသတ်ချေမှုန်းတိုက်ခိုက်သိမ်းပိုက်နိုင်ခဲ့တယ်လို့ ဖော်ပြပါတယ်။

တိုက်ပွဲအတွင်း စစ်ကောင်စီထံမှ G-3 (၁၈)လက်၊ 79 (၁)လက်၊ ခြောက်လုံးပြူး (၂)လက်၊ ၆၀ မမ ကွန်မန်ဒိုစိန်ပြောင်း(၁)လက်၊ G-3ကျည်ဘောက် (၂၇)ဘောက်၊ လက်လုပ်သေနတ်(၁)လက်၊ ကျည်ကာဦးထုပ်(၇)လုံး၊ G-3 ကျည်(၁၉၀၈)တောင့် သိမ်းဆည်းရရှိခဲ့တယ်လို့ ထုတ်ပြန်ထားပါတယ်။

အဆိုပါတိုက်ပွဲမှာ စစ်ကောင်စီတပ်သား ၂ ဦး သေဆုံးပြီး ၁၄ ဦး စစ်သုံ့ပန်းအဖြစ် လက်နက်ချအညံ့ခံခဲ့တယ်လို့ ဆိုပါတယ်။ စစ်သုံ့ပန်းတွေကို နိုင်ငံတကာ စစ်ဥပဒေတွေနဲ့အညီ ထိန်းသိမ်းထားရှိပြီး စစ်ရာဇဝတ်မှု ကျူးလွန်သူတွေကို စစ်ဘက်ဆိုင်ရာ ဥပဒေတွေနဲ့အညီ စိစစ်ဖော်ထုတ်ကာ စစ်တရားရုံးတင် စစ်ဆေးအရေးယူဆောင်ရွက်သွားမယ်လို့ PDF စစ်ရုံးချုပ်က ဆိုထားပါတယ်။

စစ်ကောင်စီတပ်ရဲ့ အကြမ်းဖက်နှိပ်စက်သတ်ဖြတ်မှုတွေကြောင့် ကျဆုံးသွားခဲ့ရတဲ့ မြစ်ခြေဒေသခံ ပြည်သူတွေ ကောင်းမြတ်ရာဘုံဘ၀သို့ ရောက်ရှိပါစေကြောင်း ဆုတောင်းမေတ္တာပို့သအပ်တယ်လို့ သတင်းထုတ်ပြန်ချက်မှာ ဖော်ပြထားပါတယ်။

ဓာတ်ပုံ - ပြည်သူ့ကာကွယ်ရေးတပ်မတော်-PDF စစ်ရုံးချုပ်

"ဧရာ၀တီ(မြစ်၀ကျွန်းပေါ်) ကရင်လူငယ် ရန်ပုံငွေရှာဖွေခြင်း အစီအစဉ်"မှာ ပါဝင်ကူညီပံ့ပိုးနိုင်ဖို့ ဧရာ၀တီကရင်လူငယ် ဖိတ်ခေါ်ဇွ...
06/09/2026

"ဧရာ၀တီ(မြစ်၀ကျွန်းပေါ်) ကရင်လူငယ် ရန်ပုံငွေရှာဖွေခြင်း အစီအစဉ်"မှာ ပါဝင်ကူညီပံ့ပိုးနိုင်ဖို့ ဧရာ၀တီကရင်လူငယ် ဖိတ်ခေါ်

ဇွန် - ၉၊ ၂၀၂၆ / TawNaw FM

ဧရာ၀တီကရင်လူငယ်တွေရဲ့ ရေရှည်လှုပ်ရှားဆောင်ရွက်မှုတွေကို အထောက်အကူပြုနိုင်ဖို့အတွက် ဧရာ၀တီ(မြစ်၀ကျွန်းပေါ်)ကရင်လူငယ် ရန်ပုံငွေရှာဖွေခြင်း အစီအစဉ်မှာ ပါဝင်ကူညီထောက်ပံ့ပေးဖို့ ဧရာ၀တီကရင်လူငယ်က အသိပေးထုတ်ပြန်ပါတယ်။

ဧရာ၀တီ(မြစ်၀ကျွန်းပေါ်)ဒေသအတွင်းရှိ ကရင်တစ်မျိုးသားလုံးဟာ လူမျိုးတစ်မျိုးရဲ့ လက္ခဏာနဲ့ လူ့ဂုဏ်သိက္ခာ အပြည့်အ၀ရှိပြီး အေးချမ်းသာယာမှု၊ ဖွံ့ဖြိုးတိုးတက်မှုရှိစွာနဲ့ ရှင်သန်ရပ်တည်နိုင်စေဖို့ မျှော်မှန်းကာ ဧရာ၀တီကရင်လူငယ်ဦးဆောင်ကော်မတီကို ၂၀၂၀ ခုနှစ်၊ မေလ ၈ ရက်နေ့က စတင်ဖွဲ့စည်းခဲ့တာပါ။

ဧရာ၀တီကရင်လူငယ်တွေဟာ ဧရာ၀တီ(မြစ်၀ကျွန်းပေါ်)ဒေသရှိ ကရင်လူငယ်တွေနဲ့ ကရင်လူထုအတွက် အသိပညာ စွမ်းဆောင်ရည်မြှင့်တင်မှုအစီအစဉ်တွေနဲ့ ကရင်ရိုးရာယဉ်ကျေးမှု ထိန်းသိမ်းမြှင့်တင်မှုတွေကို အကောင်အထည်ဖော် လှုပ်ရှားဆောင်ရွက်လျက်ရှိပါတယ်။

ဒီလိုလုပ်ဆောင်ရာမှာ ငွေကြေးဆိုင်ရာလိုအပ်ချက်တွေ၊ အကူအညီတွေ လိုအပ်လျက်ရှိတာကြောင့် ဧရာ၀တီကရင်လူငယ်ဦးဆောင်ကော်မတီရဲ့အောက်မှာ "ဧရာ၀တီ(မြစ်၀ကျွန်းပေါ်) ကရင်လူငယ် ရန်ပုံငွေရှာဖွေခြင်း အစီအစဉ်"ကို ထားရှိပြီး ရေရှည်လုပ်ငန်းတွေအတွက် အထောက်အကူပြုနိုင်ဖို့ စီစဉ်ဆောင်ရွက်သွားမယ်လို့ ထုတ်ပြန်ထားပါတယ်။

"ဧရာ၀တီ(မြစ်၀ကျွန်းပေါ်) ကရင်လူငယ် ရန်ပုံငွေရှာဖွေခြင်း အစီအစဉ်"ရဲ့ ရည်ရွယ်ချက်ကတော့ ကရင်လူထုကနေ ကရင်လူထုဆီသို့ ကူညီမှုအနှစ်သာရကို ဖော်ဆောင်ဖို့၊ ပြည်တွင်းပြည်ပ ဧရာ၀တီကရင်လူငယ် အင်အားစုတွေကို စုစည်းနိုင်ဖို့၊ ဧရာ၀တီကရင်လူငယ်တွေရဲ့ ရေရှည်လှုပ်ရှားဆောင်ရွက်မှုတွေကို လုပ်ဆောင်ရာမှာ လိုအပ်တဲ့ငွေကြေး အထောက်အကူဖြစ်နိုင်ဖို့အတွက် ဖြစ်တယ်လို့ ဖော်ပြပါတယ်။

ဧရာ၀တီကရင်လူငယ်တွေရဲ့ ရေရှည်လှုပ်ရှားဆောင်ရွက်မှုတွေကို အထောက်အကူပြုနိုင်ဖို့အတွက် ဒီရန်ပုံငွေအစီအစဉ်မှာ လူကြီးမင်းတို့ရဲ့ ပါဝင်မှု၊ ကူညီထောက်ပံ့မှုဟာ အလွန်အရေးကြီးတာကြောင့် မိမိတို့ကို ဆက်သွယ်ပါဝင်ကူညီပံ့ပိုးနိုင်ဖို့ ဧရာ၀တီကရင်လူငယ်က ဖိတ်ခေါ်လိုက်ပါတယ်။

ဓာတ်ပုံ - ဧရာ၀တီကရင်လူငယ်

လေပွေလှိုင်းကြောင့် ပြည်နဲ့တိုင်း အနှံ့အပြားမှာ နေရာကွက်မိုးကြီးနိုင်လေပြင်းတိုက်ခတ်ခြင်း၊ လျှပ်တပြက်ရေလွှမ်းမိုးခြင်း၊ ...
06/09/2026

လေပွေလှိုင်းကြောင့် ပြည်နဲ့တိုင်း အနှံ့အပြားမှာ နေရာကွက်မိုးကြီးနိုင်

လေပြင်းတိုက်ခတ်ခြင်း၊ လျှပ်တပြက်ရေလွှမ်းမိုးခြင်း၊ မိုးကြိုးပစ်ခြင်း စတဲ့ သဘာ၀ဘေးကို အထူးသတိပြုနေထိုင်ဖို့ MSLHA က အသိပေး

ဇွန် - ၉၊ ၂၀၂၆ / TawNaw FM

ကပ္ပလီပင်လယ်ပြင်အနီးမှာ လေပွေလှိုင်းတစ်ခုဖြစ်ပေါ်နေပြီး လေပွေလှိုင်းအရှိန်ကြောင့် ဒီတစ်ပတ်အတွင်း ပြည်နယ်နဲ့တိုင်း အနှံ့အပြားမှာ နေရာကွက်မိုးကြီးနိုင်တယ်လို့ NUG ရဲ့ လူမှုရေးရာ၊ အလုပ်သမားနဲ့ လူသားချင်းစာနာထောက်ထားရေဝန်ကြီးဌာန-MSLHA က ဇွန်လ ၈ ရက်နေ့က သတင်းထုတ်ပြန်ပါတယ်။

အခုတစ်ပတ်အတွင်း ကပ္ပလီပင်လယ်ပြင်နဲ့ ဘင်္ဂလားပင်လယ်အော်တို့မှာ တိမ်အသင့်အတင့်မှ တိမ်ထူထပ်နိုင်ပြီး မြန်မာ့ကမ်းရိုးတန်းဒေသတွေနဲ့ ကမ်းလွန်ပင်လယ်ပြင်တို့မှာ အနောက်တောင်မုတ်သုံလေဟာ အားကောင်းရာမှ အားအလွန်ကောင်းနိုင်တယ်လို့ MSLHA က ဆိုပါတယ်။

မြန်မာ့ပင်လယ်ပြင်နဲ့ ဆက်စပ်လျက်ရှိတဲ့ ကပ္ပလီပင်လယ်ပြင်အနီးမှာ လေပွေလှိုင်းတစ်ခုဖြစ်ပေါ်နေတယ်လို့ MSLHA က တင်ပြထားပါတယ်။

လေပွေလှိုင်းအရှိန်ကြောင့် ကချင်၊ ချင်း၊ ရခိုင်၊ ကရင်နီ၊ ရှမ်း၊ ကရင်၊ မွန်ပြည်နယ်နဲ့ တနင်္သာရီ၊ ဧရာ၀တီ၊ ရန်ကုန်၊ ပဲခူး၊ မန္တလေးတို့င်းတို့မှာ နေရာကွက်မိုးကြီးနိုင်ပြီး စစ်ကိုင်းနဲ့ မကွေးတိုင်းတို့မှာတော့ နေရာအနှံ့အပြား မိုးထစ်ချုန်းရွာသွန်းနိုင်တယ်လို့ ထုတ်ပြန်ချက်မှာ ဖော်ပြပါတယ်။

အခုရက်သတ္တပတ်အတွင်း ပြည်နယ်နဲ့တိုင်း အနှံ့အပြားမှာ နေရာကွက်မိုးကြီးနိုင်တဲ့ အခြေအနေရှိတဲ့အတွက် လေပြင်းတိုက်ခတ်တာ၊ လျှပ်တပြက် ရေလွှမ်းမိုးတာ၊ မိုးကြိုးပစ်တာ၊ မြေပြိုတာ၊ တောင်ပြိုတာနဲ့ ကမ်းပါးပြိုတာတွေ ဖြစ်ပေါ်နိုင်တာကြောင့် အထူးသတိပြုနေထိုင်သင့်ကြောင့် MSLHA က အသိပေးထားပါတယ်။

ရှမ်းပြည်နယ်၊ တန့်ယန်းမြို့မှာ ဇွန်လ ၈ ရက်နေ့က မိုးကြီးလို့ မြေပြိုပြီး လူတစ်ဦး သေဆုံးသွားတယ်လို့ သိရပါတယ်။ ဒါ့အပြင် ပြီးခဲ့တဲ့ရက်ပိုင်းက ရန်ကုန်အပါအဝင် မြို့နယ်တစ်ချို့မှာ နေရာကွက်မိုးကြီးပြီး ရေလျှံတာ၊ လေပြင်းတိုက်ခိုက်တာကြောင့် သစ်ပင်တွေလဲပြိုတာ၊ မိုးကြီးပစ်တာတွေ ဖြစ်ပေါ်ခဲ့တာဖြစ်ပါတယ်။

ဓာတ်ပုံ - Chu Chu

ကော်သူးလေဥပဒေကျောင်း အပတ်စဉ်(၂) ကျောင်းဆင်းပွဲ ကေအဲန်ယူဥက္ကဌ တက်ရောက်တရားရေးစနစ် လူထု ပိုနားလည်သဘောပေါက်လာစေရန် ဆက်ကြိုး...
06/06/2026

ကော်သူးလေဥပဒေကျောင်း အပတ်စဉ်(၂) ကျောင်းဆင်းပွဲ ကေအဲန်ယူဥက္ကဌ တက်ရောက်

တရားရေးစနစ် လူထု ပိုနားလည်သဘောပေါက်လာစေရန် ဆက်ကြိုးပမ်းဆောင်ရွက်သွားမယ်လို့ ကျောင်းတာဝန်ရှိသူတစ်ဦး ပြော

ဇွန်-၆၊ ၂၀၂၆ / TawNaw FM

ကော်သူးလေဥပဒေကျောင်း အပတ်စဉ်(၂) ကျောင်းဆင်းပွဲအခမ်းအနားကို မေလ ၃၀ ရက်နေ့က ကျင်းပပြုလုပ်ခဲ့တယ်လို့ ကေအဲန်ယူ-ကရင်အမျိုးသားအစည်းအရုံးက သတင်းထုတ်ပြန်ပါတယ်။

ကော်သူးလေဒေသအတွင်း ဥပဒေနဲ့ တရားရေးဆိုင်ရာ ကျွမ်းကျင်သူတွေ ပိုမိုပေါ်ထွန်းလာစေဖို့ ရည်ရွယ်ပြီး ကေအဲန်ယူ-ဗဟိုတရားရေးဌာနဲ့ ကရင်ဥပဒေအထောက်အကူပြုအဖွဲ့ (KLAC) တို့က ဦးဆောင်ကာ ကော်သူလေးဥပဒေကျောင်းကို ဖွင့်လှစ်သင်ကြားခဲ့တာပါ။

အဆိုပါ သင်တန်းကျောင်းမှာ ကော်သူးလေဒေသအတွင်း ပြည်သူတွေအနေနဲ့ တရားရေးဆိုင်ရာ သတင်းအချက်အလက်တွေနဲ့ အရင်းအမြစ်တွေ ပိုမိုလက်လှမ်းမီရရှိလာစေဖို့၊ ဒေသတွင်း တရားရေး ဝန်ဆောင်မှုလုပ်ငန်းတွေမှာ ထိရောက်သော ပံ့ပိုးကူညီမှုတွေနဲ့ ဝန်ဆောင်မှုပေးနိုင်ဖို့ ရည်ရွယ်ပြီး ဖွင့်လှစ်တာလို့ ကေအဲန်ယူက ဆိုထားပါတယ်။

ဒါ့အပြင် ပြည်သူတွေ တရားမျှတမှုကို ပိုမိုရရှိခံစားနိုင်စေဖို့နဲ့ ဒေသအခြေအနေတွေအပြင် ပြည်သူတွေရဲ့ အမှန်တကယ်လိုအပ်ချက်တွေကို အခြေခံတဲ့ ထိရောက်တဲ့ တရားရေးစနစ်တစ်ရပ် ပေါ်ပေါက်လာစေဖို့ ရည်ရွယ်ပြီး ဖွင့်လှစ်ခဲ့တာဖြစ်တယ်လို့ ပြောပါတယ်။

ကော်သူးလေဥပဒေကျောင်း အပတ်စဉ်(၂)ကို ၅ လတာ သင်ကြားပို့ချခဲ့ပြီး စာတွေ့သင်ကြားမှု ၄ လ၊ လက်တွေ့လုပ်ငန်းခွင် အတွေ့အကြုံ ၁ လ ပါဝင်ခဲ့တာပါ။ သင်တန်းမှာ အမျိုးသမီး ၁၄ ဦး၊ အမျိုးသား ၁၆ ဦး စုစုပေါင်း သင်တန်းသူ၊ သင်တန်းသား ၃၀ ဦး အောင်မြင်ပြီးစီးတဲ့အထိ တက်ရောက်သင်ကြားနိုင်ခဲ့ပါတယ်။

ကေအဲန်ယူအုပ်ချုပ်မှုအောက်ရှိ ခရိုင်(၇)ခုအတွင်း ဥပဒေနဲ့ တရားရေးဆိုင်ရာ ကျွမ်းကျင်သူတွေ ပေါ်ထွက်လာကာ ကေအဲန်ယူရဲ့ တရားရေးစနစ်ကို ပံ့ပိုးနိုင်စေဖို့ ရည်ရွယ်ပြီး ကော်သူးလေဥပဒေကျောင်းကို ဖွင့်လှစ်ခဲ့ခြင်းဖြစ်တယ်လို့ ကျောင်းတာဝန်ရှိသူတစ်ဦးက ကျောင်းဆင်းပွဲအခမ်းအနားမှာ ထည့်သွင်းပြောကြားခဲ့ပါတယ်။

"အများအားဖြင့် အခြေခံဝန်ဆောင်မှုများဟု ဆိုရာတွင် ပညာရေးနှင့် ကျန်းမာရေးကဏ္ဍများကိုသာ အဓိကထား မြင်တွေ့ကြသော်လည်း တရားရေးစနစ်သည်လည်း ပြည်သူများအတွက် မရှိမဖြစ်လိုအပ်သော အခြေခံဝန်ဆောင်မှုတစ်ရပ်ဖြစ်ကြောင်း လူထုများ ပိုမိုနားလည်သဘောပေါက်လာစေရန် ဆက်လက်ကြိုးပမ်းဆောင်ရွက်သွားမည်ဖြစ်သည်" လို့ ကျောင်းတာဝန်ရှိသူရဲ့ ပြောကြားချက်ကို ထုတ်ပြန်ချက်မှာ ​ဖော်ပြပါတယ်။

ကော်သူးလေဥပဒေကျောင်းဟာ ဒေသတွင်း တရားရေးဆိုင်ရာ လူ့စွမ်းအားအရင်းအမြစ်တွေ ဖွံ့ဖြိုးတိုးတက်လာစေဖို့နဲ့ ပြည်သူလူထုအတွက် ပိုမိုကောင်းမွန်သော တရားရေးဝန်ဆောင်မှုတွေကို ပံ့ပိုးနိုင်ဖို့ ရည်ရွယ်ပြီး ဆက်လက်အကောင်အထည်ဖော်ဆောင်ရွက်သွားမယ်လို့ ထုတ်ပြန်ထားပါတယ်။

ကော်သူးလေဥပဒေကျောင်း အပတ်စဉ်(၂)ကျောင်းဆင်းပွဲ အခမ်းအနားကို ကေအဲန်ယူ-ကရင်အမျိုးသားအစည်းအရုံး(ဗဟို) ဥက္ကဌ ပဒိုစောကွယ်ထူးဝင်း တက်ရောက်ပြီး မိန့်ခွန်းပြောကြားခဲ့ပါတယ်။

ဓာတ်ပုံ-ကေအဲန်ယူ(ဗဟို)

သဘာ၀ပတ်ဝန်းကျင်ကို ကာကွယ်စောင့်ရှောက်ဖို့ လိုအပ်ကြောင်း ကော်သူးလေသစ်တောဌာန ပြောဇွန်လ - ၅၊ ၂၀၂၆ / TawNaw FMသဘာ၀ပတ်ဝန်းကျင...
06/05/2026

သဘာ၀ပတ်ဝန်းကျင်ကို ကာကွယ်စောင့်ရှောက်ဖို့ လိုအပ်ကြောင်း ကော်သူးလေသစ်တောဌာန ပြော

ဇွန်လ - ၅၊ ၂၀၂၆ / TawNaw FM

သဘာ၀ပတ်ဝန်းကျင်ကို တတ်အားသရွေ့ ထိန်းသိမ်းစောင့်ရှောက်ကြဖို့ ကေအဲန်ယူ-ကရင်အမျိုးသားအစည်းအရုံး ကော်သူးလေသစ်တောဌာနက ဒီနေ့ ဇွန်လ ၅ ရက်နေ့မှာ ကျရောက်တဲ့ သဘာ၀ပတ်ဝန်းကျင်ထိန်းသိမ်းရေးနေ့မှာ တိုက်တွန်းနှိုးဆော်လိုက်ပါတယ်။

သဘာ၀ပတ်ဝန်းကျင်ဟာ သက်ရှိအားလုံးရဲ့ အသက်ရှင်သန်နေထိုင်မှုအတွက်အလွန်အရေးကြီးတဲ့ အခြေခံအရင်းအမြစ်ဖြစ်ပြီး သစ်တောပြုန်းတီးမှု၊ လေထုနဲ့ ရေထုညစ်ညမ်းမှု၊ သဘာ၀အရင်းအမြစ်တွေ အလွန်အကျွံ ထုတ်ယူသုံးစွဲမှု၊ အမှိုက်စွန့်ပစ်မှုတွေကြောင့် သဘာ၀ပတ်ဝန်းကျင်ဟာ ပိုမိုပျက်စီးလျက်ရှိတယ်လို့ ကော်သူးလေသစ်တောဌာနက ထုတ်ပြန်ပါတယ်။

ဒီလိုပျက်စီးလာမှုကြောင့် ရာသီဥတုဖောက်ပြန်တာ၊ သဘာ၀ဘေးအန္တရာယ်တွေ တိုးပွားလာတာနဲ့ လူသားတို့ရဲ့ ကျန်းမာရေးနဲ့ ရှင်သန်နေထိုင်မှုတွေကို ထိခိုက်စေတယ်လို့ ဆိုထားပါတယ်။

ဒါကြောင့် လက်ရှိနဲ့ အနာဂတ်မျိုးဆက်တွေအတွက် ကောင်းမွန်သောနေထိုင်မှု ပတ်ဝန်းကျင်ကို ထိန်းသိမ်းနိုင်ဖို့ သဘာ၀ပတ်ဝန်းကျင်ကို ကာကွယ်စောင့်ရှောက်ဖို့ လိုအပ်ကြောင်း ကော်သူးလေသစ်တောဌာနက ပြောပါတယ်။

သဘာ၀ပတ်ဝန်းကျင်ကို ကာကွယ်ထိန်းသိမ်းတာဟာ သဘာ၀အတွက်သာမက ကျွန်ုပ်တို့ရဲ့ လူမှုအသိုက်အဝန်းတွေနဲ့ အနာဂတ်မျိုးဆက်တွေအတွက် မရှိမဖြစ်လိုအပ်တဲ့ တာဝန်တစ်ရပ်ဖြစ်တာကြောင့် မိမိတို့ တတ်အားသရွေ့ ထိန်းသိမ်းစောင့်ရှောက်ကြဖို့ ကော်သူးလေသစ်တောဌာနက တိုက်တွန်းနှိုးဆော်လိုက်ပါတယ်။

ဓာတ်ပုံ - ကော်သူးလေသစ်တောဌာန

KYO က ဦးဆောင်ပြီး နွေရာသီလူငယ်စခန်းသွင်းသင်တန်း ခရိုင် ၅ ခုမှာ အောင်မြင်စွာပြုလုပ်ပြီးစီးဇွန်လ - ၂ ၊ ၂၀၂၆ / TawNaw FMနွေ...
06/02/2026

KYO က ဦးဆောင်ပြီး နွေရာသီလူငယ်စခန်းသွင်းသင်တန်း ခရိုင် ၅ ခုမှာ အောင်မြင်စွာပြုလုပ်ပြီးစီး

ဇွန်လ - ၂ ၊ ၂၀၂၆ / TawNaw FM

နွေရာသီလူငယ်စခန်းသွင်းသင်တန်း(Summer Youth Camp)ကို ခရိုင် ၅ ခုမှာ အောင်မြင်စွာ လုပ်ဆောင်ခဲ့ပြီးဖြစ်တယ်လို့ ကရင်လူငယ်အစည်းအရုံး-KYO က ဒီနေ့ ဇွန်လ ၂ ရက်နေ့မှာ ထုတ်ပြန်ပါတယ်။

ကရင်လူငယ်အစည်းအရုံး-KYO က ဦးဆောင်ပြီး ၂၀၂၆ ခုနှစ်၊ မတ်လကနေ မေလအထိ နွေရာသီလူငယ်စခန်းသွင်းသင်တန်း(Summer Youth Camp)ကို ဒူးသထူခရိုင်၊ ခလယ်လွီထူခရိုင်၊ ဘိတ်-ထားဝယ်ခရိုင်၊ ဒူးပလာယာခရိုင်နဲ့ ဖားအံခရိုင်တို့မှာ အောင်မြင်စွာလုပ်ဆောင်ခဲ့တာပါ။

အဆိုပါသင်တန်းမှာ သင်တန်းသူ(၁၄၅)ဦး၊ သင်တန်းသား(၂၀၃)ဦး စုစုပေါင်း(၃၄၈)ဦး သင်တန်းအောင်မြင်စွာ ပြီးခဲ့တယ်လို့ KYO က ဆိုပါတယ်။

နွေရာသီလူငယ်စခန်းသွင်းသင်တန်းမှာ ကရင်လူငယ်တွေအပါအဝင် မွန်လူငယ်၊ ပအိုဝ်းလူငယ်၊ နယ်စပ်ဒေသရှိ ဒုက္ခသည်စခန်းက လူငယ်တွေနဲ့ အခြားဒေသရှိ လူငယ်တွေလည်း ပါဝင်တက်ရောက်ခဲ့ကြတယ်လို့ ထုတ်ပြန်ချက်မှာ ဖော်ပြပါတယ်။

ဒီသင်တန်းမှာ ကိုယ်ကာယ ကျန်းမာကြံ့ခိုင်ရေးနဲ့ အခြေခံစစ်သင်တန်း၊ ကရင်အမျိုးသားရေး ရုန်းကန်လှုပ်ရှားမှုဆိုင်ရာ သမိုင်းကြောင်း၊ ကေအဲန်ယူရဲ့ ဖွဲ့စည်းပုံအခြေခံဥပဒေ၊ နည်းဥပဒေ၊ အခြေခံလမ်းစဉ် လုပ်ငန်းစဉ်၊ Federalism ၊ Bottom-up Federalism ၊ KawThooLei Charter ၊ Good Governance ၊ Essential Leadership ၊ Critical Thinking၊ မိုင်းအမျိုးမျိုးဆိုင်ရာ အသိပညာပေးတာနဲ့ Panel Discussion ၊ Guest Speaker တွေက တော်လှန်ရေးအတွေ့အကြုံ မျှဝေတာတွေ ပါဝင်ခဲ့ပါတယ်။

ဓာတ်ပုံ - KYO

တနင်္သာရီချောင်းမကြီးနံဘေးရှိ လယ်ဖဒို(ကျောက်လုံးကြီး)စခန်းကို KNLA တပ်မဟာ(၄)ပူးပေါင်းတပ်ဖွဲ့ သိမ်းပိုက်စခန်းသိမ်းတိုက်ပွ...
05/30/2026

တနင်္သာရီချောင်းမကြီးနံဘေးရှိ လယ်ဖဒို(ကျောက်လုံးကြီး)စခန်းကို KNLA တပ်မဟာ(၄)ပူးပေါင်းတပ်ဖွဲ့ သိမ်းပိုက်

စခန်းသိမ်းတိုက်ပွဲမှာ ပါဝင်တဲ့ ခေါင်းဆောင်အရာရှိ စစ်သည်တော်တွေကို အသိအမှတ်ပြု တန်ဖိုးထားဂုဏ်ပြုကြောင်း ကေအဲန်ယူ-မြိတ်ထားဝယ်ခရိုင် ထုတ်ပြန်

မေလ - ၃၀၊ ၂၀၂၆ / TawNaw FM

ကေအဲန်ယူ-လယ်မူလားမြို့နယ်၊ တနင်္သာရီချောင်းမကြီးနံဘေးရှိ လယ်ဖဒို(ကျောက်လုံးကြီး)စစ်တပ်စခန်းကို KNLA တပ်မဟာ(၄)နဲ့ မဟာမိတ်တော်လှန်ရေးပူးပေါင်းတပ်ဖွဲ့တို့က မနေ့က တိုက်ခိုက်သိမ်းပိုက်ရရှိခဲ့တယ်လို့ ကေအဲန်ယူ-မြိတ်ထားဝယ်ခရိုင်က သတင်းထုတ်ပြန်ပါတယ်။

ကျောက်လုံးကြီးတပ်စခန်းဟာ ကော်သူးလေအုပ်ချုပ်နယ်မှုနယ်မြေ၊ မြိတ်-ထားဝယ်ခရိုင်၊ လယ်မူလားမြို့နယ်၊ တနင်္သာရီချောင်းမကြီးနံဘေးရှိ ကျောက်လုံးကြီးကျေးရွာအတွင်း တည်ရှိတာဖြစ်ပြီး နှစ်ပေါင်း ၂၀ ကျော် အခြေချတပ်စွဲထားပြီဖြစ်တယ်လို့ ထုတ်ပြန်ချက်မှာ ဖော်ပြပါတယ်။

ကျောက်လုံးကြီးစခန်းကို မေလ ၂၉ ရက်နေ့ ညနေ ၄ နာရီအချိန်မှာ ကရင်အမျိုးသားလွတ်မြောက်ရေးတပ်မတော် KNLA တပ်မဟာ(၄) ဗျူဟာ အမှတ်(၁)ဦးဆောင်မှုနဲ့ KNDO တပ်ရင်း(၇)နဲ့ တော်လှန်ရေးပူးပေါင်းတပ်ဖွဲ့တို့က တိုက်ခိုက်သိမ်းပိုက်ရရှိတာပါ။

အဆိုပါစခန်းကို မေလ ၂၉ ရက်နေ့ မနက် ၇ နာရီအချိန်မှာ စတင်တိုက်ခိုက်ခဲ့ပြီး ညနေ ၄ နာရီမှာ အပြီးသိမ်းပိုက်နိုင်ခဲ့တာလို့ ကေအဲန်ယူ-မြိတ်ထားဝယ်ခရိုင်က ထုတ်ပြန်ပါတယ်။ ထုတ်ပြန်ချက်ဓာတ်ပုံမှာ စစ်တပ်ထံက သိမ်းဆည်းရရှိတဲ့ လက်နက်ခဲယမ်းဗုံးသီးတွေ၊ စစ်သုံးပစ္စည်းတွေကိုလည်း ဖော်ပြထားပါတယ်။

ကျောက်လုံးကြီးတပ်စခန်းဟာ ကမ်းရိုးတန်းတိုင်းစစ်ဌာနချုပ်၊ အမှတ်(၂)ဗျူဟာက နှစ်ပေါင်း ၂၀ ကျော် တပ်စွဲထားပြီး ၂၀၂၄ ခုနှစ် ဇွန်လအတွင်းက KNLA တပ်မဟာ(၄)နဲ့ တော်လှန်ရေးမဟာမိတ်ပူးပေါင်းတပ်က အောင်သာ၀ရတပ်စခန်း သိမ်းပိုက်ရရှိစဉ်အတွင်း အဆိုပါစစ်ဗျူဟာစခန်းဟာ စခန်းကို စွန့်ခွာပြီး ထွက်ပြေးတိမ်းရှောင်သွားခဲ့တာပါ။ ဒါပေမယ့် နောက်ပိုင်းမှာ ကျောက်လုံးကြီးစခန်းမှာ စစ်ကောင်စီရဲ့ ခမရ(၄၃၃)တပ်ရင်းက အင်အား ၈၀ ကျော်နဲ့ ဗျူဟာကာကင်းတစ်ခုအနေနဲ့ ပြန်လည်ဝင်ရောက်တပ်စွဲအခြေပြုခဲ့တာ ဖြစ်ပါတယ်။

ကေအဲန်ယူ-မြိတ်ထားဝယ်ခရိုင် ကရင်အမျိုးသားလွတ်မြောက်ရေးတပ်မတော် ဗျူဟာအမှတ်(၁)လက်အောက်ခံတပ်ရင်းတွေနဲ့ မဟာမိတ်တော်လှန်ရေးပူးပေါင်းတပ်ဖွဲ့တွေရဲ့ ရဲရဲရင့်ရင့် စွမ်းစွမ်းတမံကြိုးစားအားထုတ်ပေးကြတဲ့ ခေါင်းဆောင်အရာရှိတွေ၊ စစ်သည်တော်တွေအားလုံးနဲ့ မဟာမိတ်အဖွဲ့တွေအားလုံးကို အသိအမှတ်ပြု တန်ဖိုးထားဂုဏ်ပြုအပ်ကြောင်း ထုတ်ပြန်ထားပါတယ်။

ဓာတ်ပုံ - ကေအဲန်ယူ-မြိတ်ထားဝယ်ခရိုင်

လေပွေလှိုင်းတွေကြောင့် လာမယ့်ရက်ပိုင်း မိုးသည်းထန်စွာ ရွာသွန်းနိုင်ပြီး နေရာကွက်မိုးကြီးနိုင်မြစ်ရေကြီးမှု၊ တောင်ကျချောင...
05/29/2026

လေပွေလှိုင်းတွေကြောင့် လာမယ့်ရက်ပိုင်း မိုးသည်းထန်စွာ ရွာသွန်းနိုင်ပြီး နေရာကွက်မိုးကြီးနိုင်

မြစ်ရေကြီးမှု၊ တောင်ကျချောင်းရေလျှံမှု၊ မြေပြိုမှု သတိပြုဖို့ NUG ရဲ့ MSLHA ဝန်ကြီးဌာနက အသိပေး

မေလ - ၂၉၊ ၂၀၂၆ / TawNaw FM

လေပွေလှိုင်းအရှိန်ကြောင့် မိုးသည်းထန်စွာရွာသွန်းတာ၊ နေရာကွက်မိုးကြီးတာနဲ့ လေပြင်းတိုက်ခိုက်တာတွေ ဖြစ်ပေါ်နိုင်ပြီး မြစ်ရေကြီးတာနဲ့ တောင်ကျချောင်းရေလျှံတာ၊ လျှပ်တပြက်ရေကြီးတာနဲ့ မြေပြိုတာတွေ ဖြစ်ပွားနိုင်တာကြောင့် သတိပြုနေထိုင်ဖို့ NUG ရဲ့ MSLHA ဝန်ကြီးဌာနက အသိပေးထုတ်ပြန်ပါတယ်။

မိုးကြီးမယ့်အခြေအနေသတိပေးချက်ကို အမျိုးသားညီညွတ်ရေးအစိုးရ NUG ရဲ့ လူမှုရေးရာ၊ အလုပ်သမားနဲ့ လူသားချင်းစာနာထောက်ထားရေးဝန်ကြီးဌာန-MSLHA က ဒီနေ့ မေလ ၂၉ မှာ ထုတ်ပြန်ထားတာပါ။

ဘင်္ဂလားပင်လယ်အော် အရှေ့အလယ်ပိုင်းနဲ့ ယင်းနဲ့ဆက်စပ်လျက်ရှိတဲ့ ဘင်္ဂလားပင်လယ်အော်အရှေ့တောင်ပိုင်းမှာ လေပွေလှိုင်းတစ်ခု ဖြစ်ပေါ်လျက်ရှိပြီး ဘင်္ဂလားပင်လယ်အော်အနောက်တောင်ပိုင်းနဲ့ ဆက်စပ်လျက်ရှိတဲ့ တာမီးလ်နာဒူးကမ်းခြေအနီးမှာ လေပွေလှိုင်းတစ်ခု ဖြစ်ပေါ်လျက်ရှိတာပါ။

ဒါ့အပြင် ဖိလစ်ပိုင်သမုဒ္ဒရာမှာ ဖြစ်ပေါ်နေတဲ့ အပူပိုင်းမုန်တိုင်းမှ လွင့်စင်လာတဲ့ လေပွေလှိုင်းတွေကြောင့် လာမယ့် ၃ ရက်အတွင်း မြန်မာနိုင်ငံတစ်ဝန်းလုံးမှာ နေရာစိပ်စိပ်မှ နေရာအနှံ့အပြား မိုးသည်းထန်စွာ ရွာသွန်းတာ၊ နေရာကွက်မိုးကြီးတာနဲ့ လေပြင်းတိုက်ခတ်တာတွေ ဖြစ်ပေါ်နိုင်တယ်လို့ NUG ရဲ့ MSLHA ဝန်ကြီးဌာနက ထုတ်ပြန်ထားပါတယ်။

အထူးသဖြင့် ကချင်၊ ချင်း၊ ရခိုင်၊ ရှမ်း၊ ကရင်၊ မွန်ပြည်နယ်နဲ့ စစ်ကိုင်း၊ မကွေး၊ ပဲခူး၊ မန္တလေး၊ ဧရာ၀တီတိုင်းတို့မှာ နေရာကွက်ကျား မိုးထစ်ချုန်းရွာသွန်းနိုင်ပြီး ရွာရန်ရွာနှုန်း ၈၀ ရှိတယ်လို့ ဆိုပါတယ်။ မြန်မာနိုင်ငံ မြစ်၀ကျွန်းပေါ်နဲ့ ကမ်းရိုးတန်းဒေသတွေ၊ မြန်မာနိုင်ငံအလယ်ပိုင်းဒေသတွေမှာ မိုးသည်းထန်တာနဲ့ လေပြင်းကျရောက်တာတွေ ဖြစ်ပေါ်နိုင်တယ်လို့ MSLHA ဝန်ကြီးဌာနက ခန့်မှန်းပါတယ်။

မိုးသည်းထန်စွာရွာသွန်းမှုကြောင့် မြစ်ရေကြီးတာ၊ တောင်ကျချောင်းရေလျှံတာ၊ မြို့ပြဒေသတွေမှာ လျှပ်တပြက်ရေကြီးတာနဲ့ ကမ်းပါးမြေပြိုတာတွေ၊ ကုန်းမြင့်ဒေသတွေမှာ မြေပြိုတာတွေ ဖြစ်ပွားနိုင်တာကြောင့် မြေနိမ့်ပိုင်းရေဝင်နိုင်တဲ့ နေရာတွေမှာ နေထိုင်သူတွေ၊ စစ်ရှောင်ပြည်သူတွေနဲ့ တောင်ကုန်း၊ မြစ်ကမ်းပါးအနီး နေထိုင်သူတွေအနေနဲ့ မိုးလေဝသခန့်မှန်းချက်တွေကို သတိပြုကာ လိုအပ်ပါက ယာယီရွှေ့ပြောင်းနေထိုင်တာတွေ ပြုလုပ်နိုင်ဖို့ MSLHA ဝန်ကြီးဌာနက အသိပေးထုတ်ပြန်ထားပါတယ်။

ဓာတ်ပုံ - MSLHA

မင်းဘူးမြို့နယ်မှာ စစ်တပ်ထောက်ပို့ကားကို တော်လှန်ရေးပူးပေါင်းတပ် မိုင်းဆွဲတိုက်ခိုက်စစ်ကောင်စီတပ်သား သေဆုံးမှုရှိပြီး လက...
05/29/2026

မင်းဘူးမြို့နယ်မှာ စစ်တပ်ထောက်ပို့ကားကို တော်လှန်ရေးပူးပေါင်းတပ် မိုင်းဆွဲတိုက်ခိုက်

စစ်ကောင်စီတပ်သား သေဆုံးမှုရှိပြီး လက်နက်ခဲယမ်း သိမ်းဆည်းရရှိ

မေလ - ၂၉ ၊ ၂၀၂၆ / TawNaw FM

မကွေးတိုင်း၊ မင်းဘူးမြို့နယ်၊ မင်းဘူး-အမ်း လမ်းပိုင်းပေါ်မှာ မေလ ၂၈ ရက်နေ့က စစ်တပ် ထောက်ပို့ကားတစ်စီးကို ပြည်သူ့ကာကွယ်ရေး(ပကဖ)နဲ့ ပူးပေါင်းတပ်ဖွဲ့တို့က မိုင်းဆွဲတိုက်ခိုက်ခဲ့ရာ စစ်ကောင်စီတပ်သား ၆ ဦး သေဆုံးပြီး လက်နက်ခဲယမ်းတွေ သိမ်းဆည်းရရှိခဲ့တယ်လို့ NUG ကာကွယ်ရေးဝန်ကြီးဌာနက သတင်းထုတ်ပြန်ပါတယ်။

မင်းဘူးမြို့နယ်၊ မင်းဘူး-အမ်း လမ်းပိုင်းပေါ်မှာ စစ်ကောင်စီတပ် ထောက်ပို့ကားတစ်စီးကို မေလ ၂၈ ရက်နေ့က NUG ကာကွယ်ရေးဝန်ကြီးဌာန၊ မင်းဘူးမြို့နယ် ပကဖ၊ CDF-Asho၊ NSA လူ့ဘောင်သစ်တပ်မတော်တို့က မိုင်းဆွဲတိုက်ခိုက်ရာ စစ်ကောင်စီတပ်သား ၆ ဦး သေဆုံးပြီး ၃ ဦး ဖမ်းဆီးရမိကာ လက်နက်ခဲယမ်းတွေ သိမ်းဆည်းရရှိခဲ့တယ်လို့ ထုတ်ပြန်ထားပါတယ်။

မိုင်းဆွဲတိုက်ခိုက်ပြီးနောက် ထိတွေ့ပစ်ခတ်မှု မိနစ် ၂၀ ကြာ ဖြစ်ပွားခဲ့ပြီး စစ်ကောင်စီတပ်ထံက အူဇီ ၃ လက်၊ MA-1 ၂ လက်၊ MA-2 ၁ လက်၊ ၅.၅၆ ကျည် လက်ဆွဲဘောက် ၁ လုံး၊ ၁၂၂ မမ MLRS ရော့ကတ်ပို့ယမ်း သေတ္တာ ၆ လုံးနဲ့ ၁၂၂ မမ MLRS ရော့ကတ် ၂၈ လုံး သိမ်းဆည်းရရှိခဲ့တယ်လို့ ဖော်ပြပါတယ်။

အဆိုပါတိုက်ခိုက်မှုကို စစ်ကောင်စီ စိုးမိုးနယ်မြေအတွင်း စစ်တပ်အနီးမှာ လုပ်ဆောင်ခဲ့ခြင်းဖြစ်ပြီး ပြည်သူ့ကာကွယ်ရေးအဖွဲ့(ပကဖ)နဲ့ ပူးပေါင်းတပ်ဖွဲ့တွေရဲ့ တိုက်ခိုက်ရေးစွမ်းရည်ကို ပြသနိုင်ခဲ့တယ်လို့ NUG ကာကွယ်ရေးဝန်ကြီးဌာနက ဆိုပါတယ်။

ဓာတ်ပုံ - NUG ကာကွယ်ရေးဝန်ကြီးဌာန

RCSS ဥက္ကဌ ဗိုလ်ချုပ်ကြီးယွက်စစ် စစ်တပ်တိုက်လေယာဉ်နဲ့ ခြိမ်းခြောက်ခံရငြိမ်းချမ်းရေးတည်ဆောက်မှုနဲ့ မကိုက်ညီတဲ့ လုပ်ရပ်ကြေ...
05/28/2026

RCSS ဥက္ကဌ ဗိုလ်ချုပ်ကြီးယွက်စစ် စစ်တပ်တိုက်လေယာဉ်နဲ့ ခြိမ်းခြောက်ခံရ

ငြိမ်းချမ်းရေးတည်ဆောက်မှုနဲ့ မကိုက်ညီတဲ့ လုပ်ရပ်ကြောင့် နှစ်ဖက် ယုံကြည်နားလည်မှု ထိခိုက်ပျက်စီးစေနိုင်ကြောင်း ဗိုလ်ချုပ်ကြီးယွက်စစ် ပြော

မေလ - ၂၈ ၊ ၂၀၂၆ / TawNaw FM

တိုက်လေယာဉ်နဲ့ အနီးကပ်ပျံသန်းပြီး ခြိမ်းခြောက်မှုတွေပြုလုပ်တာဟာ ငြိမ်းချမ်းရေးတည်ဆောက်မှုနဲ့ မကိုက်ညီတဲ့ လုပ်ရပ်တွေဖြစ်ပြီး ဒီလုပ်ရပ်တွေကြောင့် နှစ်ဦးနှစ်ဖက်အကြား ယုံကြည်နားလည်မှုကို ထိခိုက်ပျက်စီးစေနိုင်ကြောင်း RCSS ဥက္ကဌ ဗိုလ်ချုပ်ကြီးယွက်စစ်က ပြောပါတယ်။

မေလ ၂၇ ရက်မနက်က ဒေသခံပြည်သူလူထုတွေနဲ့ တွေ့ဆုံဖို့ ရှမ်းပြည်နယ်တောင်ပိုင်း၊ ခိုလမ်မြို့နယ်၊ ဝမ့်နန်းကျေးရွာမှာ ရောက်ရှိနေတဲ့ သျှမ်းပြည်ပြန်လည်ထူထောင်ရေးကောင်စီ RCSS ဥက္ကဌ ဗိုလ်ချုပ်ကြီးယွက်စစ်နဲ့ အဖွဲ့ကို စစ်ကောင်စီက တိုက်လေယာဉ်တစ်စီးနဲ့ အနီးကပ်ပျံသန်းခြိမ်းခြောက်မှု ပြုလုပ်ခဲ့တယ်လို့ RCSS သတင်းထုတ်ပြန်ထားပါတယ်။

ဗိုလ်ချုပ်ကြီးယွက်စစ်ဟာ မိုင်းပန်မြို့နယ်၊ နားဝွမ်ကျေးရွာမှာ စေတီထီးတော်တင်ပွဲ ပြုလုပ်အပြီး ထိန်းချုပ်နယ်မြေဒေသအတွင်းရှိ ဒေသခံပြည်သူလူထုတွေနဲ့ တွေ့ဆုံဖို့အတွက် ခိုလမ်မြို့နယ်၊ ဝမ့်နန်းကျေးရွာမှာ မေလ ၂၆ ရက်နေ့က ရောက်ရှိလာခဲ့တာဖြစ်ပါတယ်။

မေလ ၂၇ ရက်နေ့ မနက် ၁၀ နာရီအချိန်ခန့်မှာ နမ့်စပ်လေတပ်က ယူဆရတဲ့ စစ်ကောင်စီတိုက်လေယာဉ်တစ်စီးက ဝမ့်နန်းကျေးရွာအနီးကို ခြောက်ကြိမ်တိုင်တိုင် အနီးကပ်ပျံသန်းမှုပြုလုပ်သွားခဲ့တယ်လို့ RCSS က ဆိုထားပါတယ်။

တိုက်လေယာဉ်က အစပိုင်းမှာ ဝမ့်နန်းရွာအထက် ဝေဟင်က ခပ်လှမ်းလှမ်းလှည့်ပတ်ပျံသန်းပေမယ့် နောက်ပိုင်းမှာတော့ တဖြည်းဖြည်း အနီးကပ်ချဉ်းကပ်ပျံသန်းပြီး ခြိမ်းခြောက်မှုလက္ခဏာတွေကို ပြသသွားခဲ့တယ်လို့ RCSS က ထုတ်ပြန်ပါတယ်။

စစ်ကောင်စီက လေ့ကျင့်ပျံသန်းမှုလို့ ပြန်လည်ချေပပြောဆိုချက်တွေ ကြားသိရပေမယ့်လည်း လက်တွေ့မှာ လေ့ကျင့်ပျံသန်းမှု ပုံသဏ္ဍာန်လုံး၀မရှိပဲ စော်ကားပျံသန်းမှုတစ်ရပ်မျှသာဖြစ်ကြောင်း မျက်မြင်တွေက ပြောကြားခဲ့တယ်လို့ ထုတ်ပြန်ချက်မှာ ဖော်ပြပါတယ်။

တိုက်လေယာဉ်နဲ့ ခြိမ်းခြောက်ပြလုပ်မှုနဲ့ ပတ်သက်ပြီး နိုင်ငံတော်အဆင့်ငြိမ်းချမ်းရေး သဘောတူညီချက်တွေကို ထောက်ရှုကာ အခုခရီးစဉ်မှာ မိမိတို့အုပ်ချုပ်ရေးနယ်မြေအတွင်း ဒေသခံတိုင်းရင်းသားပြည်သူတွေကို တွေ့ဆုံဆွေးနွေးရေး ခရီးစဉ်သာဖြစ်တဲ့အတွက် ဘယ်စစ်ရေးပြင်ဆင်ချက်မျှ ပြုလုပ်မထားခြင်းတို့ကြောင့် စစ်ကောင်စီရဲ့ ခြိမ်းခြောက်မှုကို တစ်စုံတစ်ရာတုံ့ပြန်ခဲ့ခြင်းမရှိကြောင်း RCSS ဥက္ကဌ ဗိုလ်ချုပ်ကြီးယွက်စစ်က ပြောကြားသွားခဲ့ပါတယ်။

ဦးမင်းအောင်လှိုင်က ရက် ၁၀၀ ငြိမ်းချမ်းရေးစီမံချက်ကို တရားဝင်ကမ်းလှမ်းထားသော်လည်း အခုလို ငြိမ်းချမ်းရေးတည်ဆောက်မှုနဲ့ မကိုက်ညီတဲ့လုပ်ရပ်တွေကြောင့် နှစ်ဦးနှစ်ဖက်အကြား ယုံကြည်နားလည်မှုတွေကိုပါ ထိခိုက်ပျက်စီးစေနိုင်ကြောင်း RCSS ဥက္ကဌ ဗိုလ်ချုပ်ကြီးယွက်စစ်က ဖြည့်စွက်ပြောဆိုသွားခဲ့တယ်လို့ ထုတ်ပြန်ထားပါတယ်။

ဓာတ်ပုံ - RCSS

Address

1940 Oakwood Drive
Fort Collins, CO
80521

Website

Alerts

Be the first to know and let us send you an email when TawNaw FM posts news and promotions. Your email address will not be used for any other purpose, and you can unsubscribe at any time.

Contact The Business

Send a message to TawNaw FM:

Shortcuts

Share

Category