YES YES YES MEDIA

01/07/2026

Administrasyon Trump lan lanse yon gwo operasyon federal nan Minneapolis, Minnesota, kote plis pase 2,000 ajan ICE ap patisipe. Objektif operasyon an se mete men sou etranje ilegal ki enplike nan krim oswa fwod, espesyalman nan sèvis sosyal yo. Daprè DHS, si w se migran ilegal epi w angaje nan zak ilegal, ICE kapab vizite w nenpòt ki lè.

01/06/2026

Daprè New York Times ak Washington Post, otorite ameriken yo rekonèt yo p ap kapab bay ase prèv pou pwouve egzistans katèl "Los Soles" la devan tribinal. Akizasyon sa te soti nan administrasyon Prezidan Donald Trump lan ki te mete Maduro kòm tèt rezo trafik dwòg sa. Desizyon sa soulve anpil kesyon sou solidite dosye jidisyè Etazini kont lidè Venezyelyen an.

01/06/2026

Gouvènè Bank Santral la, Ronald Gabriel, fè konnen transfè lajan ki sòti aletranje pou rive Ayiti monte jiska 5 milya dola ameriken an 2025, sa ki reprezante yon ogmantasyon 20% konpare ak ane anvan. Sepandan, li panse kantite lajan an ka pi wo toujou si yo te konte transfè ki fèt deyò sistèm bankè a, tankou "pockets transferts".

01/06/2026

Ansyen Senatè Andris Riché, ki kouche sou kabann lopital voye yon mesaj fò bay nasyon an. Sou yon vizaj febli men ki toujou gen lespri analiz. Li rekonèt echèk kolektif peyi a lè li di : "Nou pa fè bagay yo jan yo te dwe fèt." Nan entèvansyon li, li mande pou tout moun ki angaje pou Ayiti mete enterè pèsonèl sou kote, epi aji ak lanmou pou peyi a, sou baz prensip.

01/05/2026

01/05/2026

Prezidan Kolonbyen an Gustavo Petro fè konnen jodi lendi 5 janvye 2026 la ke li ka reprann zam pou defann peyi li kòm repons a sa li konsidere kòm menas dirèk ki fèt pa prezidan ameriken an Donald Trump, aprè operasyon militè Ameriken an te lanse nan peyi Venezyela.

01/05/2026

Lendi 5 janvye 2026, ansyen Prezidan Venezyela Nicolás Maduro ak madanm li, Cilia Flores, te prezante pou premye fwa devan yon tribinal federal nan New York. Yo tou 2 plede "non koupab" sou akizasyon ki gen rapò ak nako-teyoris, trafik zam ak dwòg. Jij Alvin Hellerstein tande deklarasyon yo, pandan Maduro te parèt konfyan selon jounalis CNN yo epi li te pale klè. Avoka li Barry Pollack di yo poko mande liberasyon sou kosyon, men sa ka fèt pita. Pwochen odyans lan fikse pou 17 mas 2026.

01/05/2026

Lendi 5 janvye 2026 la, plizyè videyo ki soti sou Fox News montre ansyen prezidan Venezyelyen an, Nicolás Maduro, ansanm ak madanm li, Cilia Flores, pandan yo t ap mennen yo nan yon tribinal nan vil New York anba gwo mezi sekirite. Prezans sa yo fè pati yon seri pwosedi jidisyè Etazini lanse kont yo aprè arestasyon yo.

01/05/2026

Depatman Sekirite Enteryè Etazini (DHS) fè konnen sitiyasyon politik ak sekirite a ap amelyore nan peyi Venezyela, sa ki fè plizyè Venezyelyen ka retounen lakay yo. Daprè otorite Amerikèn yo, sa posib gras ak entèvansyon Prezidan Donald Trump ki mete diktatè Nicolás Maduro anba kòd. Deklarasyon sa yo sòti sou kont ofisyèl DHS sou rezo sosyal X.

01/05/2026

I got over 400 reactions on one of my posts last week! Thanks everyone for your support! 🎉

01/04/2026

Prezidan ameriken an Donald Trump voye yon avètisman sevè bay vis-prezidant Venezyela a, Delcy Rodriguez. Daprè sa jounal The Atlantic ak CBS News rapòte, Trump deklare li pral fè Delcy peye yon pi gwo pri pase Nicolás Maduro si li pa egzekite egzakteman sa Etazini mande an. Deklarasyon sa a vin ogmante tansyon ki deja la nan sitiyasyon politik aktyèl la.

01/04/2026

Prezidan Ikrenyen an Volodymyr Zelensky reaji aprè arestasyon Nicolás Maduro pa gwoup Delta Force la. Nan yon deklarasyon sou Fox News, li fè lwanj pou operasyon an epi li di si Etazini ka mete men sou yon diktatè konsa, sa montre Prezidan Donald Trump deja konnen kiyès li pral mete pwochen sou lis la. Deklarasyon sa a parèt tankou yon avètisman kont lòt lidè otoritè atravè mond lan.