https://www.facebook.com/279730528555995/

Men3TV, 6217 Greenlee Street, Fort Worth, TX (2025)

12/07/2025

သၟာတက်လက်ပၠုဲ ကောန်ဂကူချေင် Joshua Van ဂၠောင်ၜှ်ဂွံဏာတဆိပ် တက်လက်ပၠုဲကွတ်ဇဳသၠုင်အိုတ်ဂၠးတိ UFC

12/06/2025

ပ္ဍဲတွဵုရးမန် ဂကောံကွာန် (၁၄၀) ဟွံကၠောန်ပေါဲမာဲ ကမ္မယှေန်ပၞါန်ဗၟာဟီု

ပရိုင်အခေတ်မန် ၊ မြေက္ကသဵု (၂) စွေက်

ပ္ဍဲတွဵုရးမန် ဂကောံကွာန် (၁၄၀) တအ်ဂှ် ဟိုတ်နူကၠောန်ပေါဲရုဲမာဲဗွဲမသၠးပွးဟွံမာန်တုဲ ပ္ဍဲပေါဲရုဲမာဲ သ္ကုတ်ပထမ ကဵု ဒုတိယဂှ် ဟွံကၠောန်ပေါဲမာဲရောၚ် ပ္ဍဲဂိတုမြေက္ကသဵု (၁) စွေက်ဂှ် ကမ္မယှေန်ပေါဲရုဲမာဲပၞါန်ဗၟာ ပတိတ်လဝ်ပရိုၚ်ရ။

Photo - Credit
#ပရိုင်အခေတ်မန်

12/06/2025

ပရိုင်ဇမၠေံတ္ၚဲဏအ်(၁၂၊၀၆၊၂၀၂၅)

၁၊ ဒပ်ပၞာန်ရခေင်တအ် ပန်ပှော်ဒပ်ပၞာန်တၠအဝဵု ပ္ဍဲကဵုပွိုင်ဍုင် ကျောက်ဖြူဂှ် ပှ်ဇွဟွံမာန်ဂး

၂၊ ပရေင်ပန်ပှော် ဒၞာဲလီဠာန်သြန်တအ် ဆက်သကာတ်ဒၟံင်တုဲ ဟိုတ်နူဒးကမ်လွဟ်ဇၞော် တၠအဝဵုပၞာန်တအ်တုဲ ကောန်သေံၜါတၠ ဒးဝပ်သကာတ်

၃၊ ရဲပၠန်ဂတးတအ် အာတ်မိက်လဝ် ညးကွာန်တအ် ညံင်ဂွံထ္ၜးဆန္ဒ ရမျာင်ဟိတ် ပ္ဍဲကဵုစၟတ်တ္ၚဲ ၁၀ ဏံနွံ

၄၊ မန်ဍုင်သေံဒေသ ပထုမ်ဌာနဳ တိတ်ထ္ၜးဒြဟတ်လှ်ေသွက်မိဨကရာဇ် မစုတိအာလဝ်

12/06/2025

ဗီုပရေင်ချဳဒရာင် ဗစူမုက်ဂတဵုဇၞော် ဗော်ညဳသၟဟ်ဂကူမန် ဍုင်ကၟာဝက်
#တၠမူ(သွက်နန်ကောန်အပါ)

12/04/2025

ပရိုင်ဇမၠေံတ္ၚဲဏအ်(၁၂၊၀၄၊၂၀၂၅)

၁၊ ရဲလုပ်သေံ ၉ တၠ ချိုတ် ဟိုတ်နူညးပၠုပ်မၞိဟ်တအ် ဂွိင်ဖေက်ဗၠာဲသၟီသေံတုဲ ဒဳကွဳစက်ဒတုံစှ်ေအာဍာ်

၂၊ ကေင်ကာဗော်ညဳသၟဟ်ဂကူမန် နာဲအံင်မဵု အာတ်မိက်ဒုင်ဂုန် ညံင်ဟွံဂွံပပခက်ကဵု ပေါဲရုဲမာဲ

၃၊ ညးဍုင်ကွာန် မသုန်တၠ ဒးဒုင်ဂစိုတ်တုဲထောံလဝ် ပ္ဍဲကဵုဍာ်ၜဳ လ္ပာ်ရးသဂိုင်

၄၊ ဍုင်ဗၟာဒှ်ဍုင်ပတိတ်ဘိင်ဂၠိုင်အိုတ် ဂၠးတိ၊ သီုကဵုဂဥုဲၜူမာဲ

12/03/2025

ပရိုင်ဇမၠေံတ္ၚဲဏအ်(၁၂၊၀၃၊၂၀၂၅)

၁၊ ဒပ်ပၞာန်ဗၟာတအ်စကဵုညးကွာန်လတူဍုင်မတ်မလီုတအ် ဂၠံက်မာဲ သွက်ဂွံဒးတိုန်ဘာပၞာန် ဒှ်တိုန်ယျ

၂၊ အသိင်စန်ဒက်မာဲ ဗော်ညဳသၟဟ်မန်ကီု ဗော်ပရေင်ဍုင်ကွာန်ဂမၠိုင် ကၠေတ်တိုန်ညိ

၃၊ ပရေင်ပန်ပှော် ဒေသကွာန် မင်းလက်ပံ သကာတ်ဒၟံင်တုဲ သီုၜါလ္ပာ် ချိုတ်ဂျိုင်ဂၠိုင်ဂး

၄၊ ဒပ်ပၞာန်ဗၟာ ထောံဗမ်သကုတ်လဒေါဝ်ဍုင်ဗၟာ မၞိဟ်ချိုတ် ၜိုတ် ၁၀ တၠ နွံ

၅၊ ကၠတ်ထဝ်အမေရိကာန် သွက်ဂွံကၠောန်သၞောဝ် သွက်ဂွံထပိုတ်သြန်တၠအဝဵု ညံင်ဟွံဂွံလုပ် နွံ

12/02/2025

ဒပ်ပၠန်ဂတးဍုင်မန် ကၠောန်ဗဒှ်အသေအဟာန်ဖျေံဘာကွတ်ဗ္တောန်ပၞါန်သ္ဇိုင်လၟေင် (၃) ၊ ဘာကွတ်ဗ္တောန်ပၞါန်သ္ဇိုၚ်ဒပ်ပၞါန်ကောဒေံလၟေၚ်(၁)

ပရိုင်အခေတ်မန် ၊ မြေက္ကသဵု (၁၃) မံက်

ပ္ဍဲဂိတုမြေက္ကသဵု (၁၁) မံက်ဂှ် ဒပ်ပၠန်ဂတးဍုင်မန် ကၠောန်ဗဒှ်အသေအဟာန်ဖျေံဘာကွတ်ဗ္တောန်ပၞါန်သ္ဇိုင်လၟေင် (၃) ၊ ဘာကွတ်ဗ္တောန်ပၞါန်သ္ဇိုၚ်ဒပ်ပၞါန်ကောဒေံလၟေၚ်(၁) ရောၚ် ပ္ဍဲဂိတုမြေက္ကသဵု (၁၃) မံက်ဂှ် ပတိတ်လဝ်ပရိုၚ်ရ။

နူကဵုဒပ်ပၠန်ဂတးဍုၚ်မန်(MSRF) က္ဍိုက်က္ဍိုပ်တုဲ ပံက်ဗ္တောန်လဝ် ဘာကွတ်ပၞာန်သ္ဇိုၚ်လၟေၚ်(၃) ကောန်သဂံၚ်တၟိ နူ ဒပ်ပၠန်ဂတးဍုၚ်မန်(MSRF) ကေုာံ နဲဗျူဟာ(၃၃)၊ ဒပ်ပၞာန်စဵုဒၞါညးဍုၚ်ကွာန်(PDF) တံဗ္ကတ်ဗ္ကေၚ် ဗ္တောန်ဖျေံလဝ်ဘာ ဒပ်ပၞာန်ကောဒေံ လၟေၚ်(၁) ရောၚ် ဟီုရ။

အသေအဟာန်ဖျေံစှ်ေဘာဏံဂှ် ဂိတုနဝ်ဝေမ်ဘာ(၃၀) သၞာံ ၂၀၂၅ ကၠောန်ဗဒှ်လဝ် ပ္ဍဲတမ်ဒပ် ဒပ်ပၠန်ဂတးဍုၚ်မန်(MSRF)ရောၚ် ဟီုရ။

ကံၚ်ဖြဳဖေဝ်ဒရေဝ်ဍုၚ်မန်(MSFC)ကေုာံ အလဵုအသဳညဳသၟဟ်ကောန်ဂကူ၊ ဒုတိယ ဝန်ဇၞော်ပရေၚ်စဵုဒၞာ နာဲကောရတ်တံ ပလံင်ဗ္စိုပ်လဝ်လိခ်သဝဏ် ပ္ဍဲအသေအဟာန် ဖျေံဘာကွတ်ဗ္တောန်ပၞာန်သ္ဇိုၚ် ဒပ်ပၠန်ဂတးဍုၚ်မန်(MSRF)လၟေၚ်(၃)၊ ဘာလၟေၚ်(၁) ဒပ်ပၞာန်ကောဒေံလေဝ်ဒှ်ရောၚ် ဟီုရ။

ပ္ဍဲအသေအဟာန်ဖျေံဘာဏံဂှ် ဥက္ကဋ္ဌ ကမ္မတဳအုပ်ဓုပ် ကံင်ဇြဳဖေဝ်ဒရေဝ်ဍုင်မန် MSFC နာဲကသုမန်၊ သ္ကိုပ်တံဒပ် ဒပ်ပၠန်ဂတးဍုၚ်မန်(MSRF) သ္ကိုပ်ဗိုလ်ဇၞော် နာဲဒြဂန်၊ ဒပ်ပၞာန်စဵုဒၞာညးဍုၚ်ကွာန် သ္ကိုပ်နဲဗျူဟာ(၃၃) သ္ကိုပ်ဗျူဟာသဝ်ဒါကို ကေုာံ သ္ကိုပ်ဗိုလ်ဇၞော် ဒပ်မည်ရာမည(R.M.A) နာဲသိုဝ်ဝေန် တအ်တိုန်စိုပ်ဟီုမြော်လဝ်ဂလာန်ရောၚ် ဟီုရ။

အပ္ဍဲအသေအဟာန်ဖျေံဘာကွတ်ဗ္တောန်ပၞာန်သ္ဇိုၚ် ဒပ်ပၠန်ဂတးဍုၚ်မန် လၟေၚ်(၃) ၊ ဘာလၟေၚ်(၁) ဒပ်ပၞာန်ကောဒေံ ဂှ် ဒပ်ပၠန်ဂတးဍုၚ်မန်(MSRF) ၊ နဲဗျူဟာ(၃၃) ကေုာံ တံဒပ်သၟဝ် နဲဗျူဟာ(၃၃) ဒပ်ပၞာန်စဵုဒၞာညးဍုၚ်ကွာန်၊ KNLA တံဒပ်လၟိဟ်(၂၇) ၊ဒပ်မည်ရာမည(R.M.A) ကေုာံ တံဒပ်Molecules လၟိဟ်(၁၈၁၅) ညးမၞုံတာလျိုၚ်ဒပ် ကေုာံ ကောန်သ္ဂံၚ်ဂမၠိုၚ်တိုန်စိုပ်လဝ်အိုတ်ရောၚ် ဟီုရ။

Photo - Credit
#ပရိုင်အခေတ်မန်

12/02/2025

ပရိုင်ဇမၠေံတ္ၚဲဏအ်(၁၂၊၀၁၊၂၀၂၅)

၁၊ ရဲပၠန်ဂတး ရးသဂိုင် လ္ပာ်ဍုင် ရွှေဘို တေံ ကြတ်ပန်ကရောင်ပၞာန်တၠအဝဵုတုဲ ကောန်ပၞာန်တၠအဝဵု ၃၀ ပြင်ချိုတ် ဂွံသီုလွဟ်

၂၊ ဒပ်ပၞာန်တအံင်တအ် ဆုတ်တိတ်နူ ဍုင် မိုးကုတ် ရးအဝ တုဲဂှ် ပရေင်ပန်ပှော် လတူဍုင်မိုးကုတ်တုဲ ဒပ်ပၞာန်ဗၟာတအ် စံင်ထောံသ္ၚိညးကွာန်

၃၊ ပရေင်ပန်ပှော် ဒၞာဲလီဠာန်သြန် ဒပ်ပၞာန်ကရေင် KNU လုပ်သီလဝ်ဂှ် သကာတ်မြဟ်ဒၟံင်တုဲ ညးဒေသတအ် ပါဲဒဴပၞာန်

၄၊ ဍာ်ဇၞော်ဍုင် အေန်ဒဝ်နဳယှာ မွဲအဆက်ကဵုဍုင်သေံဂှ် မၞိဟ်ချိုတ် ၁၁၀၀ တၠ ပြင်အာ

12/01/2025

အခိင်မုဟ်ကျာ ဥတုၜိုဟ်သၞာံဏံ ရာသဳဥတု ဟွံဒှ်ပကတိ ရာသဳဠာနဳညာ La Niña ဆက်ကတဵုဒှ်မာန် ဗြဲဂူညိညမာန်

ပရိုင်အခေတ်မန် ၊ မြေက္ကသဵု (၁၂) မံက်

ဟိုတ်နူ အသိင်လပှ်ကျာ ပ္ဍဲၜဳမှာသၟိတ် Pacific တုဲ အခိင်မုဟ်ကျာ ဥတုၜိုဟ်သၞာံဏံ ပ္ဍဲ‌ဒေသအာယှ သီုဍုင်ဗၟာ ရာသဳဥတု ဠာနဳညာ La Niña ဆက်ကတဵုဒှ်မာန်ရောင် ဌာနစမ်ၜတ်အကာဲအရာဗြဲကျာတံ ကဵုလဝ်သတိရ။

ပ္ဍဲဂိတုၜိုဟ်ဂံက် မြေက္ကသဵု - ပုဟ် (December) ဏံ ဗၞတ်ဗ္ၜတ် အသိင်ရာသဳဥတု ဠာနဳညာ သ္ကာတ်မြဟ်ကတဵုဒှ်ဂှ် နူကဆံင်ညိည (Weak) စဵုၜိုတ်ကဆံင်ထေက်ကြိုက် (Moderate) ကတဵုဒှ်မာန်ကီု အကြာ (၇) တ္ၚဲ ဗြဲဂူမာန်ရောင် ဌာနစမ်ၜတ်အကာဲအရာဗြဲကျာ ဟီုရ။

ဟိုတ်နူ အသိင်ရာသဳ La Niña တုဲ အခိင်မုဟ်ကျာ ဥတုၜိုဟ်ဂံက် ဥတုသ္ကတ် သၞာံဏံဂှ် ဂမ္တဴယအ်စ်ှေကီု ၊ ဂံက်ဂၠိုင်တိုန်နူပကတိကီု ၊ မတ်ဗြဲဒှ်ဂၠိုင်ကီု ၊ ကျာဒိုဟ်ဗၟံက်သ္ကာတ်ကီု ၊ ဗြဲဂူ ဟွံသေင်ကဵုအခိင်အခါတံ ကတဵုဒှ်မာန်ရ။

ပ္ဍဲအခိင်အသိင်ရာသဳဥတု La Niña ကတဵုဒှ်ဏံ ကျာဂမ္တဴ နူၜဳမှာသၟိတ် တိုန်ကၠုင်တုဲ ကောံအာကဵုကျာဂံက်က်စှ်ေနူဍုင်ကြုက်တေံဂှ် ဍေံကတဵုဗဒှ်မတ်ဗြဲတုဲ ပ္ဍဲအခိင်လဒေါဝ်တ္ၚဲဂှ် ဂမ္တဴသၠုင်တိုန်တုဲ အခိင်သဝ်သဝ်တ္ၚဲဂှ် ဗြဲဂူစ်ှေဂှ်ရ ကျာသကာတ်ကီု ဗက်ကဵုဒေသတုဲ ဗြဲသကာတ်ကီု ဂဂဵုတးပန်တအ် ကတဵုဒှ်လေပ်ရ။

ပ္ဍဲဂိတုမြေက္ကသဵု , ပုဟ် , မာ် အခိင်ကာလရာသဳ ဠာနဳညာ La Niña ဂှ် ဟိုတ်နူအကာဲအရာဗြဲဂူမာန်ဂှ်ရ နကဵုတၠဝါဗ္ၚတံ ရတ်ဩောံကီု , ရတ်လ္ၚဴကီု , ရတ်ၜဲကီုတံ သွက်ဂွံပလေဝ်ပလေတ်လဝ် ပရေၚ်ဗၠးဘဲဗြဲမာန်ဂှ် ဌာနစမ်ၜတ်အကာဲအရာဗြဲကျာတံ ကဵုလဝ်သတိရ။

အပ္ဍဲအခိင်ကာလဏံ ဟိုတ်နူရာသဳပြံင်သၠာဲပြဟ်လောန်တုဲ ကောန်ၚာ်အဝဲဍောတ်သၟတ်တံကီု , ညးအယုက်ဇၞော်တံကီု , ညးနွံကဵုယဲဍာ်ဇမၠိင်တံကီု သွက်ဂွံပသတိကဵု ပရေင်ထတ်ယုက်ဂှ် ဌာနစမ်ၜတ်အကာဲအရာဗြဲကျာတံ ကဵုလဝ်သတိရ။

#ပရိုင်အခေတ်မန်

11/30/2025

ကြဴနူ အလဵုအသဳပၞါန် ပ္တိတ်အမိၚ် ရပ်ယာန်စက် ဟၟဲကဵုဠာၚ်ဇြေန် ၊ ယာန်စက်သၠာဲလဝ်ဗီုပြၚ်တအ်တုဲ ပ္ဍဲတွဵုရးမန် ရပ်ဒၟံၚ်ယာန်စက် ၜက်နူသၞောဝ်

ပရိုၚ်အခေတ်မန် ၊ မြေက္ကသဵု (၁၁) မံက်

ပ္ဍဲတွဵုရးမန် ကြဴနူ အလဵုအသဳပၞါန် ပ္တိတ်အမိၚ် ရပ်ယာန်စက် ဟၟဲကဵုဠာၚ်ဇြေန်( Licence ) ကေုာံ ယာန်စက်သၠာဲလဝ်ဗီုပြၚ် တအ်တုဲ ညးဒုၚ်ကာအလဵုအသဳပၞါန်ဗၟာတအ် ရပ်ဒၟံၚ်ယာန်စက်ညးဍုၚ်ကွာန်တအ် ၜက်ဒၟံၚ်နူသၞောဝ်ရောၚ် ညးဒဳကွဳစက်တအ်ဟီုရ။

ပရေၚ်ရပ်စပ် ကွဳစက် ဟၟဲကဵုဠာၚ်ဇြေန်ကီု စၟဳစၟတ်ကပေါတ်ဟွံမွဲကဵုအကံက်အခေါန်ကီု ကပေါတ်ဟွံလုပ်ကဵုသၞောဝ်ကီု တအ်ဂှ် နွံဒၟံၚ်ရရ လၟုဟ်ဂှ် အမိၚ်နူတေံကၠုၚ်တုဲ ဗက်အာတ်ဒၟံၚ်သြန် ရပ်ဒၟံၚ်ကွဳလိုန်ဓါတ် ကွဳစက်နာနာ တအ်ဂှ် ဒှ်ဒၟံၚ်ကြာန်ကြာန်လောန်ၜက်ဒၟံၚ်နူသၞောဝ်ရောၚ် ဟီုရ။

ကွဳလိုန်ဓါတ် သွံဒၟံၚ်ပ္ဍဲဆေၚ်တအ်ဂှ် ကဵုလဝ်အကံက်တုဲတုဲမံၚ်ရ ကွဳလိုန်ဓါတ် ရာန်နူဆေၚ်သွံတအ်ဂှ် ဟိုတ်နူပၞါန်ဗၟာတအ် ကၠောန်ကဵုဠာၚ်ဇြေန်ဟွံမာန်တုဲ နူဆေၚ်တအ်ဂှ် ပတိတ်ကဵုလဝ်တၞးလိက်ထံက်ဂလာန် လိက်ထံက်ဂလာန်ဏံဂှ် နူဌာနပလံၚ်ဗစိုပ်ပၞာန်ဗၟာတအ်ရ ကဵုလဝ်အခေါၚ် ဆ္ဂး ကာလဂဗကဵုဂကောံစၟဳစၟတ်တအ်ဂှ် ဒးကဵုသြန်တုဲမှ ဂွံဗၠး သၟတ်မွဲတၠဟီုရ။

အပ္ဍဲဏံ သွက်ညးထ္ၜးလိက်ဠာၚ်ဇြေန်ဟွံမာန်တအ်ဂှ် ဒးဒုၚ်သီကေတ်ထောံ ကွဳစက် ကွဳလိုန်ဓါတ်တအ်တုဲ သီုဒးဒုၚ်စောဲဂဗုတ် အမှုကၠတ်ပၠောပ် ကပေါတ်ဟွံလုပ်သၞောဝ် ကေုာံ သီုအမှုဗတိုက်သရိုဟ်ပရေၚ်ပကီုပရာပ် ( ၅၀။ ည)တအ်ရောၚ် သၟတ်တအ်ဟီုရ။

ပ္ဍဲဂိတုမြေက္ကသဵု (၆) မံက်ဂှ် အလဵုအသဳပၞါန် ပတိတ်လဝ်အမိၚ် သွက်ဂွံရပ်ကွဳစက် ဟၟဲကဵုဠာၚ်ဇြေန်တအ်တုဲ ပရေၚ်ရပ်စပ်ကြာန်န်နွံကၠုၚ်ဒၟံၚ်ရောၚ် ညးဒေသ ပွိုၚ်ဍုၚ်မုဟ်တအ် ဟီုလဝ်ရ။

Photo - Credit (ဗီုတြေံ)
#ပရိုင်အခေတ်မန်

11/30/2025

ပရိုင်ဇမၠေံတ္ၚဲဏအ်(၁၁၊၃၀၊၂၀၂၅)

၁၊ ပရေင်ပန်ပှော် ဒေသရေဝ်သၟဝ်ကျာ မွဲဟူဏအ် ကောန်ပၞာန်တၠအဝဵု ၇ တၠ ချိုတ် ရဲပၠန်ဂတး ဒေသတအ်ဟီု

၂၊ ဒပ်ပၞာန်သေံဇၞော်ကဵု ဒပ်ပၞာန်ဗၟာ ပရေင်ပန်ပှော် ဟိုတ်နူဒပ်ပၞာန်ဗၟာ ဟွံကဵုအခေါင် ဒပ်ပၞာန်သေံဇၞော် အုပ်ဓုပ်ကွာန်လ္ၚဵု

၃၊ ဗော်ညဳသၟဟ်မန် စှ်ေစန်ဒက် ပွိုင်ဍုင်ပိပွိုင်ဍုင်နွံကၠာလေဝ် အသိင်ဍိုန်လျဒၟံင်

၄၊ မွဲဒမြိပ်ကျာဗိုတ်ဍာ်ဇၞော်ဏအ် အောန်အိုတ် ဍုင်သေံ မၞိဟ်ချိုတ် ၁၆၀ ပြင်၊ အေန်ဒေါ ၃၀၀ တၠပြင်၊ သဳရိလင်ကာ ၁၅၀ ပြင်

11/29/2025

ဟိုတ်နူရာသဳဥတုဠာနဳညာတုဲ ပ္ဍဲပွိုၚ် (၂) သတ္တဟ အသိၚ်ဂံက် ဂၠိုၚ်ဒၟံၚ်

ပရိုင်အခေတ်မန် ၊ မြေက္ကသဵု (၁၀) မံက်

ဟိုတ်နူရာသဳဥတုဠာနဳညာတုဲ ပ္ဍဲပွိုၚ် (၂) သတ္တဟဏံ အပ္ဍဲကၟိန်ဍုၚ် အသိၚ်ဂံက် ဂၠိုၚ်ဒၟံၚ်ကီု အသိၚ်ရာသဳဥတုသကာတ်မြဟ်ဒၟံၚ်ရောၚ် ဌာနစမ်ၜတ်အကာဲအရာဗြဲကျာ ဟီုလဝ်ရ။

အသိၚ်ဂံက်ဏံဂှ် ဗွဲတၟေၚ် ကၟိန်ဍုၚ် သ္ကုတ်လတူ သ္ကုတ်လဒေါဝ်တေံ ကတဵုဒှ်ဂၠိုၚ်တုဲ ကၟိန်ဍုၚ် သ္ကုတ်သၟဝ် ကဵု ဒေသ မန် ကရေၚ် တနၚ်သြဳ တအ်ဂှ် အသိၚ်ဂံက်သကာတ်မြဟ်ညိည ကတဵုဒှ်မာန်ရ။

ပ္ဍဲဒေသမၞုံလတူဒဵုသၠုၚ်တအ်ကီု ဒေသသ္ၚောဲကဵု ၜဳမှာသၟိတ်တအ်ဂှ် အသိၚ်ဂံက်ဂၠိုၚ်နူကဵု ဒေသဗလး ဒေသကြပ်ကဵုၜဳမှာသၟိတ်တအ်ဏီရောၚ် ဟီုရ။

အသိၚ်ရာသဳဥတုဠာနဳညာ(လပှ်ဂံက်) ဏံဂှ် အသိၚ်သကာတ်မြဟ်ဒၟံၚ်တုဲ ဗွဲတၟေၚ် အသိၚ်ဂံက်ဂၠိုၚ်ကီု ဗြဲဟွံသေၚ်ကဵုအခိၚ်တရိုပ်ဂူလောန်တအ် ကတဵုဒှ်လေပ်ရ။

ရာသဳဥတုဠာနဳညာ (လပှ်ဂံက်) ဏံဂှ် စဵုဂိတုမာ် အသိၚ်ခိုဟ်မာန်တုဲ ပ္ဍဲဂိတု ဖဝ်ရဂိုန်တေံမ္ဂး အသိၚ်ကလေၚ်ဍိုန်စှ်ေ သိုက်သိုက်မာန်ရောၚ် ဟီုရ။

ဟိုတ်နူအသိၚ်ရာသဳဥတုဠာနဳညာ(လပှ်ဂံက်)ဏံ သကာတ်မြဟ်ဒၟံၚ်တုဲ နကဵုမိမညးဍုၚ်ကွာန်တအ် သွက်ဂွံသတိကဵု ပရေၚ်ထတ်ယုက်ဂှ်လေဝ် ဌာနဝန်ဇၞော်ထတ်ယုက် ဆဝ်မ္ၚုဟ်လဝ်ရ။

Photo - Credit (ဗီုတြေံ)
#ပရိုင်အခေတ်မန်

Men3TV

12/07/2025

12/06/2025

12/06/2025

12/06/2025

12/04/2025

12/03/2025

12/02/2025

12/02/2025

12/01/2025

11/30/2025

11/30/2025

11/29/2025

Address

Website

Alerts

Shortcuts

Share

Category