Voice of Pakistan

08/04/2026

07/09/2026

پوڈ کاسٹر ریحان طارق کو حراست میں لیے جانے کی اندرونی کہانی سامنے آ گئی
ریحان طارق نے اپنا آخری پوڈ کاسٹ معروف عالمِ دین علامہ جواد نقوی کے ساتھ کیا تھا اور اس کے فوراً بعد وہ چھٹیاں گزارنے کے لیے برطانیہ چلے گئے تھے
ریحان طارق کو ان کے آخری پوڈ کاسٹ کے مواد کی وجہ سے این سی سی آئی اے کو موصول ہونے والی شکایات پر حراست میں لیا گیا، جب ریحان طارق رات ایک بجے لاہور ایئرپورٹ پر لینڈ ہوئے تو انہیں وفاقی تحقیقاتی ادارے (ایف آئی اے) نے روک لیا، ریحان طارق نے علی حمزہ سے فون پر رابطہ کرکے بتایا کہ ایف آئی اے والوں نے انہیں روکا ہے اور کہا کہ "آپ این سی سی آئی اے کو مطلوب ہیں، جو آپ کو لینے کے لیے ایئرپورٹ آ رہی ہے"۔
رپورٹس میں دعویٰ کیا گیا ہے کہ ریحان طارق کو ایئرپورٹ سے نامعلوم مقام پر منتقل کیا گیا، تاہم ان کی حراست یا ممکنہ گرفتاری کی وجوہات کے بارے میں کوئی سرکاری تفصیل جاری نہیں کی گئی۔
دوسری جانب قومی سائبر کرائم تحقیقاتی ایجنسی کی جانب سے اب تک اس معاملے پر کوئی باضابطہ بیان جاری نہیں کیا گیا، جس کے باعث سوشل میڈیا پر مختلف قیاس آرائیاں کی جا رہی ہیں۔