Utica Prosaw Buddhist Association

05/19/2025

05/19/2025

တောင်ကျွန်း သမ္ဗုဒ္ဓေ ဂါထာတော်

05/16/2025

ဓနသိဒ္ဓိဂါထာ
အရဟံ ဗဟိအန္တဇယံ သုဂတံ၊ အမိတံ ဝိရဟံ လလိတံအတုလံ။ စရဏံ တိဘဝူပသမံ ယမကံ၊ သုခဒံ သရဏံ ပဏမာမိ ဇိနံ။
၁•အရဟံ = ပူဇော်အထူးကိုခံယူတော်မူတိုက်သော မြတ်စွာဘုရားကို ပဏမာမိ-ရှိခိုးပါ၏
၂•ဗဟိအန္တဇယံ = အတွင်းအပ ရန်ကိုအောင်တော်မူသောမြတ်စွာဘုရားကို ပဏမာမိ-ရှိခိုးပါ၏
၃•သုဂတံ = ကောင်းသောစကားကိုဟောပြောတတ်သောမြတ်စွာဘုရားကို ပဏမာမိ-ရှိခိုးပါ၏
၄•အမိတံ = မနှိုင်းယှဉ်နိုင်သည့်တန်ခိုးပြာဋိဟာရှိတော်မူသော မြတ်စွာဘုရားကို ပဏမာမိ-ရှိခိုးပါ၏
၅•ဝိရဟံ = ကိလေသာမြူကင်းတော်မူသောမြတ်စွာဘုရားကို ပဏမာမိ-ရှိခိုးပါ၏
၆•လလိတံ = တင့်တယ်သပ္ပါယ်တော်မူသောမြတ်စွာဘုရားကို ပဏမာမိ-ရှိခိုးပါ၏
၇•အတုလံ = အတုမရှိသော မြတ်စွာဘုရားကို
ပဏမာမိ-ရှိခိုးပါ၏
၈•စရဏံ = အကျင့်စရဏနှင့်ပြည့်စုံတော်မူသော မြတ်စွာဘုရားကို ပဏမာမိ-ရှိခိုးပါ၏
၉•တိဘဝူးပသမံ = ဘုံသုံးပါး၌ကိလေသာငြိမ်းအေးသောမြတ်စွာဘုရားကို ပဏမာမိ-ရှိခိုးပါ၏
၁၀•ယမကံ = ရေမီးအစုံအစုံတန်ခိုးပြာဋိဟာနှင့်ပြည့်စုံတော်မူသောမြတ်စွာဘုရားကို ပဏမာမိ-ရှိခိုးပါ၏
၁၁• သုခဒံ = ချမ်းသာကိုပေးစွမ်းနိုင်သော မြတ်စွာဘုရားကို ပဏမာမိ-ရှိခိုးပါ၏
၁၂•သရဏံ = ကိုးကွယ်အားထားရာဖြစ်သော မြတ်စွာဘုရားကို ပဏမာမိ-ရှိခိုးပါ၏
၁၃•ဇိနံ = မာရ်ငါးပါးက်ိုအောင်မြင်သော မြတ်စွာဘုရားကို ပဏမာမိ-ရှိခိုးပါ၏

05/15/2025

ဓမ္မဆိုင်ရာစကားလုံးတို့၏
အဓိပ္ပါယ်များ(၁၀၀)

၁။ ဒါန = ပေးကမ်းစွန့်ကြဲလှူ ဒါန်းခြင်း

၂။ သီလ = ကိုယ်မှု ၊ နှုတ်မှု များကို စောင့်ထိန်းခြင်း

၃။ ဘာ၀နာ = ကောင်းမှုကုသိုလ်များကို တိုးပွားအောင် ပြုလုပ်ခြင်း

၄။ သိက္ခာ = အကျင့်

၅။ တဏွာ = တပ်မက်ခြင်း၊ သာယာခြင်း၊ စွဲလန်းခြင်း၊ တောင့်တခြင်း (သို့မဟုတ်) ဆာတတ်သော တရား

၆။ဓါတ်လေးပါး = ပထဝီ၊ တေဇော၊ အာပေါ၊ ဝါယော

၇။ သာသနပ = ဘုရား အဆုံးအမ မရှိသည့် ကာလ

၈။ သာသနတွင်း = ဘုရား အဆုံးအမ ရှိနေသည့် ကာလ

၉။ စုတိကျသည် = သေသည်

၁၀။ သံသရာ = အဖန် တလဲလဲ ပဋိသန္ဓေနေရ၊ သေရခြင်းတို့ကြောင့် အဆက်မပြတ် လည်နေသော

၁၁။ သဒ်ဓါ = ယုံကြည်မှု

၁၂။ ဒုစရိုတ် = မကောင်းသောအကျင့်

၁၃။ ပရိယေသနဒုက္ခ = ရှာဖွေရခြင်းဆင်းရဲ

၁၄။ ပညတ် = မရှိမှုတရား (မောင်ဖြူ၊ မဝါ၊ တော၊ တောင်၊ ရေ၊ မြေစသည်ဖြင့်)

၁၅။ ပရမတ္တရား = အမှန်ရှိမှုတရား (စိတ်၊ စေတသိတ်၊ ရုပ်၊ နာမ်)

၁၆။ မိစ္ဆာပဋိပဒါ = မှားသောအကျင့်

၁၇။ ဘ၀ = အားထုတ်ခြင်း

၁၈။လောက = ရုပ်၊ နာမ်တို့၏အစုအဝေး

၁၉။ လောဘ = ရလိုမှု

၂၀။ ဒေါသ = ခက်ထန်မှု

၂၁။ မောဟ = တွေဝေမှု

၂၂။ ဇာတိ = ဖြစ်ခြင်း

၂၃။ ဇရာ = ရင့်ရော်ခြင်း

၂၄။ မရဏ = ပျက်ဆီးခြင်း

၂၅။သောက = စိုးရိမ်မှု

၂၆။ ပရိဒေ၀ = ငိုကြွေးမှု

၂၇။ ဒုက္ခ = ဆင်းရဲမှု

၂၈။ ဒေါမနဿ = နှလုံးမသာယာမှု

၂၉။ ဥပါယာသ = ပူဆွေးမှု

၃၀။ သိလောက = ထင်ပေါ်ကျော်ကြားမှု

၃၁။ အနာထပိဏ္ဏိက = ကိုးကွယ်ရာမဲ့တို့အား ပေးကမ်းစွန့်ကြဲသူ (အနာထပိဏ်သူဌေးကြီး)

၃၂။ အနာဂါမ် = မဂ်ဖိုလ်၏ တတိယအဆင့် ရောက်ရှိသွားသူ

၃၃။ သြကာသ = ခွင့်တောင်းခြင်း

၃၄။ ကာယကမ္မ = ကိုယ်ဖြင့်ပြုလုပ်ခြင်း

၃၅။ ၀စိကမ်မ = နှုတ်ဖြင့်ပြောဆိုမှု

၃၆။ မနောကမ္မ = စိတ်ဖြင့်ကြံစည်မှု

၃၇။ ရတနာသုံးပါး = ဘုရား၊ တရား၊ သံဃာ

၃၈။ ငရဲ = ချမ်းသားမှု မရှိသောအရပ်

၃၉။ ကပ်(ကပ္ပ) = ပျက်စီးခြင်း

၄၀။ ရပ်ပြစ် = မကောင်းသောအရပ်၊ မနေအပ်သောအရပ်

၄၁။ ဗြဟ္မစရိယ = မြတ်သောအကျင့်

၄၂။ မိစ္ဆာဒိဌိ = အယူမှားခြင်း

၄၃။ ရန်သူမျိုးငါးပါး = မင်းဆိုးမင်းယုတ်၊ မီး၊ ရေ၊ ခိုးသူ၊ မချစ်မနှစ်သက်သူ ။

၄၄။ ဗ်သန = ပျက်စီးဆုံးရှုံးခြင်း

၄၅။ ပညာ = အကောင်းအဆိုး၊ အကြောင်းအကျိုး၊အမှားအမှန်ကို ဝေဖန်ပိုင်းခြားနိုင်သော တရား

၄၆။ ဉာဏ် = အကောင်းဆိုး၊အကြောင်းအကျိုး၊ အမှားမှန်ကိုပိုင်းခြားသိနိုင်သောတရား

၄၇။ ဝီရိ = ကြိုးစားအားထုတ်ခြင်း

၄၈။ ခန္တီ = သည်းခံခြင်း

၄၉။ သစ္စာ = မဖောက်မပြန် အမြဲမှန်ကန်သော

၅၀။ မေတ္တာ = သတ္တဝါတို့၏ အကျိုးစီးပွားကိုလိုလားခြင်း

၅၁။ ဥပေက္ခာ = ချစ်ခြင်း၊ မုန်းခြင်းမရှိဘဲ သတ္တဝါတို့ အပေါ် မျှမျှတတရှုမြင်ခြင်း

၅၂။ စာဂ = စွန့်ခြင်း

၅၃။ အနိစ္စ = မမြဲခြင်း

၅၄။ ဒုက္ခ = ဆင်းရဲခြင်း

၅၅။ အနတ္တ = အစိုးမရခြင်း

၅၆။ သတိ = အောက်မေ့အမှတ်ရခြင်း

၅၇။ သမာဓိ = တည်ကြည်ခြင်း

၅၈။ မဂ္ဂင်ရှစ်ပါး = အလယ်လတ်လမ်းစဉ်

၅၉။ ကုသိုလ် = လောဘ၊ ဒေါသ၊ မောဟ မပါသော အလုပ်ကောင်းမှု

၆၀။ အကုသိုလ် = လောဘ၊ ဒေါသ၊ မောဟ ပါသော မကောင်းမှု

၆၁။ ဗုဒ္ဓဘာသာ၀င် = ဘုရား အဆုံးအမ အတိုင်း လိုက်နာကျင့်သုံးသူ

၆၂။ ၀ဋျ = လည်ခြင်း

၆၃။ သမ္မာသမေ္ဗာဓိဉာဏ် = မဖောက်မပြန် ကိုယ်တော်တိုင် သိမြင်တော်မူသော(ဝါ) ဘုရားဉာဏ်တော်

၆၄။ အစိန္တယျေ = လူသာမန်တို့၏ စိတ်ဖြင့် ကြံစည် တွေးဆ၍ မရနိုင်မှု ။

၆၅။ သင်္ဂါယနာ = စုပေါင်း၍ရွှတ်ဆိုခြင်း

၆၆။ သမ္မာအာဇီ၀ = မှန်စွာအသက်မွေးခြင်း

၆၇။ ဗ်ာပါဒ = သူတစ်ပါး ပျက်စီးစေလိုသော စိတ်ဖြစ်ပေါ်ခြင်း

၆၈။ ဖရုသဝါစာ = ကြမ်းကြမ်းတမ်းတမ်း ဆဲရေးတိုင်းထွာ ပြောဆိုခြင်း

၆၉။ စိတ် = အာရုံကို သိတတ်သော သဘော

၇၀။စေတသိတ် = စေ့ဆော် တိုက်တွန်းတတ်သော သဘော

၇၁။ ရုပ် = အပူအေအး စသည့်ဆန့်ကျင်ဘက် အကြောင်းများကြောင့် ဖောက်ပြန်တတ်သည့် သဘော

၇၂။ နိဗ္ဗာန် = ဒုက္ခခပ်သိမ်းချုပ်ငြိမ်းရာ သဘော

၇၃။ ဓမ္မ = မြတ်စွာဘုရား၏ အဆုံးအမ တရားမ်ား အာလုံး (သို့မဟုတ်)မဖောက်မပြန် အမြဲမှန်ကန်သောတရား

၇၄။ ပညာတတ် = သင်ထား၍ တတ်သော အတတ္ပညာ၊ မောက်မာ ထောင်လွှားခြင်း သဘောရှိသော ပညာ

၇၅။ ပညာရွိ = ကိုယ်တိုင်ဆင်ခြင်၍ သိသောပညာ၊ ကိုယ်ပိုင်ပညာ ရှိခြင်းသဘော

၇၆။ အဝိဇ္ဇာ = မသိမှု

၇၇။ ဥပါဒါန် = စွဲလန်းမှု

၇၈။ ပီတိ = အာရုံကို နှစ်သက်ခြင်းသဘော

၇၉။ ဆန္ဒ = အာရုံကို လိုချင်တောင့်တခြင်း သဘော

၈၀။ မာန = ထောင်လွှားမောက်မာခြင်း

၈၁။ ဒိဌိ = မှားမှားယွင်းယွင်းသိမြင်ခြင်း

၈၂။ ဝိစိကိစ္ဆာ = ယုံမှားခြင်းသဘော၊ မယုံတစ်၀က် ယုံတစ်၀က်

၈၃။ ထိန =စိတ်ရောကိုယ်ပါ သွက်လက်ခြင်း မရွိဘဲ ထိုင်းတိုင်းတိုင်းဖြစ်နေခြင်း၊

၈၄။ မိဒ္ဓ = မှိုင်းတိုင်းတိုင်းဖြစ်နေခြင်း၊ ထိုသိုကိစ္စ တို့၏ စိတ်နှင့် စေတသိတ်တို့ ထက်ထက်သန်သန် မရှိခြင်း

၈၅။ ဥဒ္ဓစ္စ = ပျံ့လွင့်ခြင်း

၈၆။ အဟိရိက = မကောင်းမှုပြုရန် မရှက်ခြင်းသဘော

၈၇။ အနောတ္တပ္ပ = မကောင်းမှု ပြုရန် မကြောက်ခြင်းသဘော

၈၈။ က္ကဿာ = ငြူ စူခြင်း၊ မနာလိုခြင်း

၈၉။ မစ္ဆရိယ = ၀နျတိုးခွငျး

၉၀။ ကုက္ကစ္စ = နောင်တရ၍ တဖန်ပူပန်ခြင်း

၉၁။ ကရုဏာ = သနားခြင်း၊ ကြင်နာခြင်း သဘော

၉၂။ မုဒိတာ = ၀မျးမွောကျခွငျးသဘော

၉၃။ ပထဝီ = မာခြင်း၊ နူးညံ့ခြင်း၊ အစိုင်အခဲသဘော

၉၄။ အာပေါ = စွတ်စိုခြင်း၊ စေးကပ်ခြင်း၊ ယိုစီးခြင်း၊ ပေါင်းဖွဲ့ခြင်း သဘော

၉၅။ ဝါယော = လှုပ်ရှားခြင်း၊ တွန်းကန်ခြင်း သေဘာ

၉၆။ တေဇော = ပူခြင်း၊ အေးခြင်းသဘော

၉၇။ သင်္ခါရ = ပျက်စီးခြင်းသဘော

၉၈။ ဘိက္ခု = ရဟန်း

၉၉။ ဘိက္ခုနီ = ရဟန်းမ

၁၀၀။ သုခ = ချမ်းသာခြင်း

သတ္တဝါခပ်သိမ်းတရားကိန်း အေးငြိမ်းနိုင်ကြပါစေ။

နန်းရွှေလီကြိုင်(မိုင်းပန်) ၏ =
လူငယ်များအတွက်အခြေခံအဆင့် ဗုဒ္ဓဘာသာကျင့်ထုံး ဓမ္မဆိုင်ရာအမေးအဖြေများ စာအုပ်မှ -credit

05/15/2025

ဘုရားအဆူဆူ
ဖူးပြီးတာတောင်
ခါးမြဲခါးနေတဲ့
"ကြက်ဟင်းခါးသီး"

အိန္ဒိယနိုင်ငံ မြို့ငယ်လေးတစ်မြို့မှာ
ဘာသာရေးဂိုဏ်းဆရာ ဂုရုကြီး
တစ်ယောက် ရှိပါတယ်။

သူ့မှာ တပည့်များစွာလည်းရှိပါတယ်
မကြာခဏ ဆရာကြီးကို လာတွေ့ပြီး
တရားဆွေးနွေးကြပါတယ်။

တစ်နေ့မှာတော့ တပည့်တချို့
လာတွေ့ပြီး သူတို့ ဘုရားဖူးသွားမည့်အကြောင်း
လာပြောကြပါတယ်။

ဂုရုကြီးက သူတို့ကို ပြုံးပြုံးကြီးကြည့်ပြီး
မေးလိုက်ပါတယ်။

"ဘာဖြစ်လို့ ဘုရားဖူးသွားချင်ကြတာလဲ"...?

"ဘုရားပေါ် ယုံကြည်မှုတွေ ပိုတိုး
လာအောင်လို့ပါ"

"ဒါဆို ငါ့အတွက်တစ်ခုလောက်
လုပ်ပေးလို့ရမလား"

"ရပါတယ် ဆရာကြီး"

"ဟော့ဒီ ကြက်ဟင်းခါးသီးတစ်လုံးကို
မင်းတို့နဲ့ အတူ ယူသွားပေးပါ"

"ဘယ်ဘုရားဖူးဖူး အဲ့ဒီ ကြက်ဟင်းခါးသီး
ပါပါစေမင်းတို့ ပြန်လာတဲ့အခါ ငါ့ဆီကို
ပြန်ယူလာပေးပါလို့ပြောပြီး...
အနားမှာ ရှိတဲ့ကြက်ဟင်းခါးသီးတစ်လုံး
ကိုတပည့်တွေပေးလိုက်ပါတယ်"

ဒီလိုနဲ့ တပည့်တွေလည်း ဆရာကြီး
မှာတဲ့အတိုင်း ကြက်ဟင်းခါးသီးနဲ့
အတူဘုရားအဆူဆူဖူးပါသတဲ့။

ပြန်ရောက်တော့ ဆရာကြီးဆီ သွားပြီး
ဘုရားဖူးလာတဲ့ ကြက်ဟင်းခါးသီးကို
ပြန်ပေးလိုက်ပါတယ်။

"အတော်ပဲ မင်းတို့ရောက်တုန်း အဲ့ဒီ
ကြက်ဟင်းခါးသီးနဲ့ ငါ့ကို ဟင်းတစ်ခွက်
ချက်ကျွေးကြပါလား" လို့ ဆရာကြီးက
ခိုင်းလိုက်ပါတယ်

တပည့်တွေကလည်း ဆရာကြီးခိုင်း
တဲ့အတိုင်းချက်ကျွေးကြပါတယ်။

ဂုရုဆရာကြီးက ကြက်ဟင်းခါးသီး
ဟင်းကိုတစ်ဇွန်းလောက် ခပ်စားပြီး
တဲ့အခါ
"အံ့သြဖို့ကောင်းလိုက်တာ"လို့
ပြောလိုက်ပါသတဲ့။

တပည့်တွေကလည်း စိုးထိတ်သွားပြီး
"ဘာများဖြစ်လို့ပါလဲ ဆရာကြီး" လို့
ပြန်မေးလိုက်ပါတယ်။

"ဒီကြက်ဟင်းခါးသီးက ဘုရားအဆူဆူ
ဖူးပြီးတာတောင် ခါးနေတုန်းပဲကိုး"

"ဒါကတော့ ကြက်ဟင်းခါးသီးရဲ့
ပင်ကိုယ်သဘာဝပဲကိုး ဆရာကြီး"

"အေး...ငါပြောချင်တာ..အဲ့ဒါပဲ"

"ကြက်ဟင်းခါးသီးဟာ ဘုရားအဆူဆူ
ဖူးခဲ့ပေမဲ့လည်း သူရဲ့ပင်ကိုယ် အခါး
သဘာဝကိုမပြောင်းနိုင်တော့ ခါးမြဲ
ခါးဆဲပဲ မဟုတ်လား..."

"အိမ်း...ဒီလိုပဲ...မင်းတို့ရဲ့ ပင်ကိုယ်
အကျင့်စရိုက်ကို မပြောင်းလဲဘဲ
ဘယ်ဘုရားသွားဖူးဖူး ဘာမှ ထူးခြားလာမှာ
မဟုတ်ဘူး"

"မင်းတို့ရဲ့ ပင်ကိုယ် သဘာဝထဲမှာ ရှိနေတဲ့
မကောင်းတဲ့ အကျင့်စရိုက်တွေ လောဘ
ဒေါသ မာန်မာနတွေ လွှမ်းမိုးနေတဲ့
စိတ်နေစိတ်ထားတွေ"

"သူတစ်ပါးအပေါ် မကောင်းမြင်
မကောင်းထင်ပြီး အထင်
သေး အပြစ်တင်ချင်တဲ့ စိတ်တွေကို
မပြုပြင်ဘဲ ဘယ်ဘုရားသွားဖူးဖူး
အကျိုးထူးလိမ့်မယ်လို့ ငါမထင်ဘူး..."

"ဒါ့ကြောင့်...နောင်ကို ဘုရားသွားဖူးရင်
ကိုယ့်ရဲ့မကောင်းတဲ့အမူအကျင့်တွေ ၊
စိတ်နေသဘောထားတွေကို"....

"ပြု ပြင်ပြောင်းလဲနိုင်အောင်
အတတ်နိုင်ဆုံးကြိုးစားပြီးမှ
သွားဖူးသင့်တယ်"

"ဒါမှလည်း အဓိပ္ပါယ်ရှိပြီး
ကုသိုလ်ရမှာပေါ့.

crd