01/06/2026
ក្នុងចំណោមមេដឹកនាំប្រទេសផ្តាច់ការ ឬ របបកុម្មុយនិស្តនានា មានតែគាត់ម្នាក់នេះគត់ដែលមានវាសនាខ្ពស់រួចពីការតាមចាប់ខ្លួននិងតាមសម្លាប់បែបចារកម្មពីអាមេរិក ។ លោកអ្នកក៏ប្រហែលស្គាល់គាត់ គឺ ហ្វ៊ីដែលកាស្រ្តូ អតីតប្រធានាធិបតីគុយបា ដែលជារដ្ឋកុម្មុយនិស្តស្ថិតនៅកៀកបង្កើយនឹងទឹកដីអាមេរិក ។ ហ្វ៊ីដែលកាស្រ្តូ បានឡើងកាន់អំណាចតាមរយ:រដ្ឋប្រហារយោធាមួយនៅឆ្នាំ១៩៥៩ ដោយផ្តួលរំលំមេដឹកនាំគុយបាជំនាន់នោះ ហើយប្រកាសជារដ្ឋកុម្មុយនិស្តដោយយកសហភាពសូវៀតជាបង្អែក ខណ:សម័យនោះពិភពលោកស្ថិតក្នុងយុគសង្គ្រាមត្រជាក់រវាងអាមេរិកនិងសូវៀត ។ កាលនោះដោយសារគុយបានេះ អាមេរិកនុងសូវៀតវិះតែផ្ទុះសង្គ្រាមនុយក្លេអ៊ែរនឹងគ្នាទៀតផង ហើយសឹងតែក្លាយជាសង្គ្រាមលោកលើកទី៣នៅទ-វឆ្នាំ ១៩៦០ ។ ដោយសារចង់កំចាត់ហ្វ៊ីដែលកាស្រ្តូ អាមេរិកប្រើចារកម្មច្រើនលើកច្រើនសារ បូកទាំងវិធីដាក់ថ្នាំពុលក្នុងអាហារ បាញ់ស៊ីប និងផែនការសម្ងាត់នានាដោយក្រុមCIA ក្នុងចំនួនជិត៦០០ដង តែហ្វ៊ីដែលកាស្រ្តូ គេចរួចរហូត គឺគាត់រស់ដល់វ័យចាស់ក្នុងឆ្នាំ 2016 (កើតឆ្នាំ 1926) ។ មកដល់ពេលនេះ គុយបាមានការកែប្រែរបៀបដឹកនាំច្រើនដោយមានការផ្លាស់ប្តូរមេដឹកនាំបន្តបន្ទាប់ មិនកាន់អំណាចដុះស្លែធ្វើឲ្យប្រជាជនជ្រិញមុខដូចជំនាន់មុនទេ ទើបអាមេរិកលែងរករឿងដូចមុន តែក៏ស្ថិតក្រោមការឃ្លាំមើលពីអាមេរិកជាប់ដដែល ។ គេអាចចែវទូកឆ្លងសមុទ្រពីគុយបាទៅអាមេរិកបាន ព្រោះនៅមិនឆ្ងាយពីគ្នាទេ ទើបគុយបាតែងតែប្រយ័ត្នជានិច្ចនូវការប៉ុនប៉ងណាមួយពីអាមេរិកកំទេចគុយបា ។ ដោយឡែកកម្ពុជានីទ-វទី៦០ មានទំនាក់ទំនងល្អជាមួយគុយបាដែរ ទើបក្រោយមកនៅទ-វទី៧០ កវីយ៉ង់ ឈៀង ហៅសំនៀងរឹទ្ធី ដែលជាកវីស្អប់ស្តេចដល់ឆ្អឹងបាននិពន្ធនិងច្រៀងចម្រៀង១បទមានចំណងជើងថា «សឹង្ហឯងសាសន៍អី ?» ដែលឃ្លាដំបូងច្រៀងថា សឹង្ហឯងសាសន៍អីបានជាឪឈ្មោះម៉ៅ សេទុង បងប្អូនផាមវ៉ាន់ដុង ជីដូនមួយហ្វ៊ីដែលកាស្រ្តូ...សរសេរប៉ុណ្ណឹងចុះខ្លាចលោកអ្នកខ្ជិលអាន ទៅបង់ធនាគារនិងសំបុត្រទឹក-ភ្លើងសិន ហួស២ថ្ងៃហើយ….
