TFA Khmer

08/25/2026

គណបក្ស​នយោបាយ​ចំនួន​៥ ដាក់​លិខិត​ទៅ​លោក ហ៊ុន សែន ឲ្យ​ច្រាន​សេចក្តី​ព្រាង​ច្បាប់​​គ្រប់គ្រង​ឃុំ​សង្កាត់​ថ្មី
---
គណបក្ស​នយោបាយ​ចំនួន​៥ ដាក់​លិខិត​ទៅ​ប្រធាន​ព្រឹទ្ធសភា លោក ហ៊ុន សែន ឲ្យ​ពិចារណា និង​រុញ​សេចក្តី​ព្រាងច្បាប់​ស្តីពី​ការគ្រប់គ្រង​ឃុំ​សង្កាត់​ថ្មី​ទៅ​រដ្ឋសភា​វិញ​។ គណបក្ស​នយោបាយ​ទាំងនោះ​យល់ឃើញ​ថា វិសោធនកម្ម​ច្បាប់​ថ្មី​នោះ ប៉ះពាល់​ដល់​លទ្ធិប្រជាធិបតេយ្យ និង​អភិបាលកិច្ច​មូលដ្ឋាន​។ ការ​លើកឡើង​នេះ គឺ​ក្រោយពេល​រដ្ឋសភា​កម្ពុជា បាន​អនុម័ត​ច្បាប់​វិសោធនកម្ម​ថ្មី​ចំនួន ៤ មាត្រា​ស្ដីពី​ការគ្រប់គ្រង​ឃុំ​សង្កាត់​កាលពី​ថ្ងៃទី ២០ សីហា។

#ទូរទស្សន៍អាស៊ីសេរី #កម្ពុជា #ច្បាប់បោះឆ្នោត #ហ៊ុនសែន #បោះឆ្នោត២០២៧

ការ​លើកឡើង​នេះ គឺ​ក្រោយពេល​រដ្ឋសភា​កម្ពុជា បាន​អនុម័ត​ច្បាប់​វិសោធនកម្ម​ថ្មី​ចំនួន ៤ មាត្រា​ស្ដីពី​ការ.....

08/25/2026

កិច្ចពិភាក្សា​ពិសេស​ជាមួយ​ក្រុមការងារ​របស់​រដ្ឋាភិបាល​ឯករាជ្យ ២៣ តុលា ក្រោយ​ផ្ដល់​សក្ខីកម្ម​ដល់​តុលាការ ICC
---
នៅ​ថ្ងៃ​ចន្ទ ទី​២៤ ខែសីហា ក្រុមការងារ​របស់​រដ្ឋាភិបាល​ឯករាជ្យ ២៣ តុលា បាន​ជួប​ជាមួយ​ការិយាល័យ​រដ្ឋអាជ្ញា​នៃ​តុលាការ​ព្រហ្មទណ្ឌ​អន្តរជាតិ (ICC) នៅ​ទី​ក្រុង​ឡាអេ ប្រទេស​ហូឡង់ ដើម្បី​ដាក់​ជូន​ព័ត៌មាន និង​ឯកសារ​ក្រោម​មាត្រា ១៥ នៃ​លក្ខន្តិកៈ​ទីក្រុង​រ៉ូម។

ការ​ដាក់​ព័ត៌មាន​ក្រោម​មាត្រា ១៥ មិន​មានន័យថា ICC បាន​ទទួលយក​សំណុំរឿង ឬ​សម្រេច​បើក​ការស៊ើបអង្កេត​រួចហើយ​នោះ​ទេ​។ វា​ជា​ការ​ផ្តល់​ព័ត៌មាន​ជូន​ការិយាល័យ​រដ្ឋអាជ្ញា ដើម្បី​ធ្វើការ​ពិនិត្យ និង​វាយតម្លៃ​ដោយ​ឯករាជ្យ​ថា តើ​មាន​មូលដ្ឋាន​សម​ហេតុផល​សម្រាប់​ចាត់វិធានការ​បន្ត​ដែរឬទេ​។​

ប៉ុន្តែ​តើ​មាត្រា ១៥ មានន័យ​ដូចម្តេច​? តើ​ការ​ដាក់​ព័ត៌មាន​ជូន ICC មាន​សារៈសំខាន់​យ៉ាងណា​ចំពោះ​ការស្វែងរក​យុត្តិធម៌​ជូន​ជនរងគ្រោះ​? តើ​ដំណើរការ​នេះ​អាច​វិវត្ត​ទៅមុខ​យ៉ាង​ដូចម្តេច​? ហើយ​តើ​ជំហាន​បន្ទាប់​របស់​ក្រុមការងារ​មាន​អ្វីខ្លះ?

សូម​រង់ចាំ​តាមដាន​ពិភាក្សា​ពិសេស​ជាមួយ​តំណាង​ក្រុមការងារ​របស់​រដ្ឋាភិបាល​ឯករាជ្យ ២៣ តុលា ដែល​រួមមាន លោក អ៊ុំ សំអាន អ្នកស្រី ធិត គឹមហ៊ុន លោក អ៊ូ សាមឌី និង​អ្នកស្រី អ៊ូ លីនដា នៅ​យប់​ថ្ងៃ​អង្គារ ទី២៥ សីហា តាមរយៈ​ទូរទស្សន៍​អាស៊ីសេរី (TFA Khmer) កុំ​បី​ខាន​ឡើយ។

កម្មវិធី​សម្របសម្រួល​ដោយ​លោក ជុន ច័ន្ទបុត្រ

08/25/2026

អ្នកឃ្លាំមើល​ទទូច​ឱ្យ​បារាំង​លុប​កិច្ចប្រជុំ​កំពូល​ហ្វ្រង់កូហ្វូនី បើ​លោក ហ៊ុន ម៉ាណែត មិន​អើពើ​ករណី​លោក លិម គិមយ៉ា
---
អ្នកឃ្លាំមើល​ទាមទារ​ឱ្យ​ប្រធានាធិបតី​បារាំង លោក អេម៉ានុយអែល ម៉ាក្រុង (Emmanyel Macron) លុបចោល​កិច្ចប្រជុំ​កំពូល​ហ្វ្រង់កូហ្វូនី (Francophonie Summit) ដែល​គ្រោង​ធ្វើ​នៅ​កម្ពុជា​នៅក្នុង​ខែវិច្ឆិកា​ខាងមុខ ប្រសិនបើ​លោក ហ៊ុន ម៉ា​ណែ​ត មិន​ចាត់​វិធានការ​ច្បាប់​លើ​អ្នក​នៅ​ពីក្រោយ​ឃាតកម្ម​លើ​អតីត​តំណាងរាស្ត្រ​គណបក្ស​សង្គ្រោះ​ជាតិ​លោក លិម គិមយ៉ា ក្នុង​នោះ​ក៏​មាន​លោក លី រតនរស្មី និង​លោគ ពេជ្រ គឹមស្រ៊ីន ដែល​គេ​សង្ស័យ​ថា កំពុង​រស់នៅ​ក្នុង​ប្រទេស​កម្ពុជា​។ ពួកគេ​ក៏​ទាមទារ​ឱ្យ​បារាំង​ដាក់​សម្ពាធ​លើ​កម្ពុជា​ឱ្យ​ដោះលែង​អ្នក​ទោស​នយោបាយ និង​អ្នកទោស​មនសិការ​ផង​ដែរ។

#ទូរទស្សន៍អាស៊ីសេរី #កម្ពុជា #ហ៊ុនម៉ាណែត #លិមគិមយ៉ា #លីរតនរស្មី #ពេជ្រគឹមស្រ៊ីន

ពួកគេ​ក៏​ទាមទារ​ឱ្យ​បារាំង​ដាក់​សម្ពាធ​លើ​កម្ពុជា​ឱ្យ​ដោះលែង​អ្នក​ទោស​នយោបាយ និង​អ្នកទោស​មនសិការ​ផង​.....

08/24/2026

ទឹកជន់លិចខេត្តចំនួន៤ ជម្លៀសជាង១ពាន់គ្រួសារ ខណៈរាប់ពាន់គ្រួសាររងផលប៉ះពាល់
---
ពលរដ្ឋ នៅតាមបណ្ដោយទន្លេមេគង្គ ស្ថិតក្នុងខេត្តក្រចេះ ស្ទឹងត្រែង កំពង់ចាម និងខេត្តត្បូងឃ្មុំ កំពុងតែ រងប៉ះពាល់ធ្ងន់ធ្ងរ ដោយសារទឹកជំនន់ ជន់លិចផ្ទះសម្បែង វត្តអារាម សាលារៀន និងផលដំណាំ រាប់ពាន់ហិកតារ ក្នុងនោះពលរដ្ឋជាង១ម៉ឺននាក់ កំពុងរងប៉ះពាល់ ហើយពលរដ្ឋជាង១ពាន់គ្រួសារ ត្រូវបង្ខំជម្លៀសចេញពីលំនៅឋាន ទៅរកទីទួលសុវត្ថិភាព។ មន្ត្រីសង្គមស៊ីវិល ជំរុញឱ្យរដ្ឋាភិបាល ត្រូវដោះស្រាយ ទុក្ខលំបាករបស់ ពលរដ្ឋឱ្យបានត្រឹមត្រូវ។
---
#ទូរទស្សន៍អាស៊ីសេរី #កម្ពុជា #បរិស្ថាន #ទឹកជំនន់ #ជំនន់ទឹកភ្លៀង

08/24/2026

បទសម្ភាសន៍ជាមួយលោក សុន ឆ័យ ជុំវិញការកែប្រែច្បាប់ ស្តីពីការគ្រប់គ្រងរដ្ឋបាលឃុំ-សង្កាត់
---
#ទូរទស្សន៍អាស៊ីសេរី #កម្ពុជា #នយោបាយ

08/24/2026

លោក សម រង្ស៊ី លើកឡើងពីលោក កឹម សុខា

08/24/2026

មាតិកាព័ត៌មានយប់ថ្ងៃច័ន្ទ ទី២៤ ខែសីហា ឆ្នាំ២០២៦
១. គណបក្សចំនួន៥ ស្នើសុំឲ្យលោក ហ៊ុន សែន ជួយកែសម្រួលឡើងវិញនូវសេចក្តីព្រាងច្បាប់ស្តីពីការគ្រប់គ្រងរដ្ឋបាលឃុំ-សង្កាត់
២. អ្នកឃ្លាំមើល ជំរុញឱ្យបារាំងដាក់សម្ពាធលើរដ្ឋាភិបាលលោក ហ៊ុន ម៉ាណែត ឲ្យចាត់វិធានការច្បាប់លើអ្នកនៅពីក្រោយឃាតកម្មលោក លិម គិមយ៉ា
៣. មេដឹកនាំថៃប្រកាសត្រៀមកម្លាំងទ័ព មុនការបោះឆ្នោតនៅកម្ពុជា ខណៈជម្លោះព្រំដែនកាន់តែតានតឹង
៤. បទសម្ភាសន៍ជាមួយលោក សុន ឆ័យ ជុំវិញការកែប្រែច្បាប់ស្តីពីការគ្រប់គ្រងរដ្ឋបាលឃុំ-សង្កាត់...រួមនឹងព័ត៌មានសំខាន់ៗមួយចំនួនទៀត!

08/24/2026

គណបក្សចំនួន៥ ស្នើសុំឲ្យលោក ហ៊ុន សែន ជួយកែសម្រួលឡើងវិញនូវសេចក្តីព្រាងច្បាប់ស្តីពីការគ្រប់គ្រងរដ្ឋបាលឃុំ-សង្កាត់

លម្អិតនៅយប់២៤ សីហា

08/24/2026

អាជ្ញាធរ​បន្ត​បង្ក្រាប​ទីតាំង​ឆបោក​តាម​អនឡាញ​ដោយ​ឃាត់ខ្លួន​មនុស្ស​ជាង​១០០​នាក់
---
កាលពី​ថ្ងៃទី​២០​ខែសីហា​អាជ្ញាធរ​ខេត្ត​ស្វាយរៀង ត្បូងឃ្មុំ និង​ក្រុងភ្នំពេញ ចុះ​បង្ក្រាប​ទីតាំង​ឆបោក​តាម​អនឡាញ និង​បាន​ឃាត់ខ្លួន​ជនសង្ស័យ​បាន​ជាង​១០០​នាក់ ក្នុង​នោះ អាជ្ញាធរ​ខេត្ត​ស្វាយរៀង ចុះ​បង្ក្រាប​នៅផ្ទះ​ជួល​មួយ​កន្លែង ស្ថិតនៅ​ឃុំ​សំរោង ស្រុក​ចន្ទ្រា ឃាត់ខ្លួន​បាន​ជនបរទេស​១១០​នាក់​ភាគច្រើន​ជា​ជន​ជាតិចិន និង​វៀតណាម ។​ដោយឡែក អាជ្ញាធរ​ខណ្ឌ​ចំការមន ឃាត់ខ្លួន​បាន​បរទេស និង​ខ្មែរ​ដោយ​បាន​ដកហូត​ឧបករណ៍​ប្រើប្រាស់ ដូចជា កុំព្យូទ័រ​យួរដៃ និង​ទូរស័ព្ទ​ជាច្រើន​គ្រឿង​។ ចំណែក​នៅ​ខេត្ត​ត្បូងឃ្មុំ វិញ អាជ្ញាធរ បាន​រក​ឃើញ​ជនបរទេស​២០​នាក់ និង​មនុស្ស​៤​នាក់ ពាក់ព័ន្ធ​នឹង​ការ​រក្សា​ទុក និង​ប្រើប្រាស់​គ្រឿងញៀន ស្ថិតនៅ​ឃុំ​ត្រពាំង​ផ្លុង ស្រុក​ពញាក្រែក។

#ទូរទស្សន៍អាស៊ីសេរី #កម្ពុជា #ឆបោកអនឡាញ #ហ៊ុនម៉ាណែត #ហ៊ុនតូ

អ្នកឃ្លាំមើល​យល់ឃើញ​ថា ឧក្រិដ្ឋកម្ម​ឆបោក​តាម​អនឡាញ​មិនអាច​លុបបំបាត់​នោះ​ទេ ប្រសិនបើ​អាជ្ញាធរ​បង្ក្រាប....

08/24/2026

រឿងអាស្រូវ​សន្លឹក​ទិដ្ឋាការ​បង្ហាញ​ពី​ចន្លោះប្រហោង​ក្នុង​ប្រព័ន្ធ​ប្រឆាំង​អំពើពុករលួយ​របស់​កម្ពុជា
---
អ្នកឃ្លាំមើល​សង្គម បាន​រិះគន់​ការ​ដោះស្រាយ​របស់​រដ្ឋាភិបាល​ចំពោះ​អតីតមន្ត្រី​ជាន់ខ្ពស់​ក្រសួងការបរទេស លោក ថូ សំណាង ដែល​ត្រូវ​បាន​ចោទ​ប្រកាន់​ថា បាន​យក​សន្លឹក​ទិដ្ឋាការ​រាប់ពាន់​សន្លឹក​ទៅ​ប្រើ​ប្រាស់​ខុសច្បាប់​ពាក់ព័ន្ធ​នឹង​បទល្មើស​ឆបោក​តាម​អន​ឡាញ គឺ​បង្ហាញ​ពី​ភាព​ខ្សោយ​ធ្ងន់ធ្ងរ​នៃ​ប្រព័ន្ធ​ត្រួតពិនិត្យ និង​ការអនុវត្ត​ច្បាប់​ប្រឆាំង​អំពើពុករលួយ​នៅ​កម្ពុជា។

#ទូរទស្សន៍អាស៊ីសេរី #កម្ពុជា #ពុករលួយ #ថូសំណាង #ឆបោកអនឡាញ

អ្នក​តាមដាន​ភូមិសាស្ត្រ​នយោបាយ​កម្ពុជា លោក សេង វណ្ណ​លី បាន​ប្រាប់​ទូរទស្សន៍​អាស៊ីសេរី​ថា ករណី​អតីតមន្ត្....