01/02/2026
၂၀၂၆ မှာ Apple ချပြမယ့် အရာအားလုံး - iPhone Fold၊ LLM Siri၊ ဈေးသက်သာတဲ့ MacBook နဲ့ တခြားအရာများ
သတင်းတွေသာ မှန်မယ်ဆိုရင် ၂၀၂၆ ခုနှစ်ဟာ Apple အတွက် အကြီးကျယ်ဆုံး နှစ်တစ်နှစ် ဖြစ်လာပါလိမ့်မယ်။
ကျွန်တော်တို့တွေ ပထမဆုံး ခေါက်လို့ရတဲ့ iPhone (foldable iPhone)၊ အိမ်သုံး Smart Hub အသစ်စက်စက်၊ ပိုကောင်းလာတဲ့ Display တွေနဲ့အတူ OLED MacBook Pro နဲ့ AI
Smart Glasses တွေကိုပါ မြင်တွေ့ရဖို့ ရှိနေပါတယ်။
Apple ဟာ iPhone ထုတ်လုပ်ပုံကို အပြောင်းအလဲလုပ်မယ်၊ ဈေးသက်သာတဲ့ MacBook တစ်မျိုးကို မိတ်ဆက်မယ်၊ ပြီးတော့ ပိုပြီး စမတ်ကျတဲ့ LLM (Large Language Model) အခြေခံ Siri ကိုလည်း ထုတ်ပေးဦးမှာပါ။ လက်ရှိထွက်ပေါ်နေတဲ့ သတင်းတွေအရ ၂၀၂၆ မှာ ထွက်လာမယ့် Apple Product တွေအကြောင်း အသေးစိတ် ကြည့်လိုက်ရအောင်။
iPhones 📱
၂၀၂၆ အစောပိုင်းမှာ ဈေးသက်သာတဲ့ iPhone 17e ကို မြင်ရမှာဖြစ်ပေမဲ့၊ ပုံမှန် Pro မော်ဒယ်တွေနဲ့အတူ ထွက်လေ့ရှိတဲ့ iPhone 18 ကတော့ ၂၀၂၇ အထိ နောက်ဆုတ်သွားတယ်လို့ သိရပါတယ်။ ဒါကြောင့် ၂၀၂၆ မှာ Standard iPhone 18 ဆိုတာ ရှိမှာမဟုတ်ပါဘူး။ စက်တင်ဘာလမှာတော့ Foldable iPhone နဲ့ iPhone 18 Pro မော်ဒယ်တွေကိုပဲ မိတ်ဆက်မှာဖြစ်လို့ iPhone အသစ်ကိုမှ ကိုင်ချင်တယ်ဆိုရင်တော့ ပိုက်ဆံ အတော်လေး စုထားဖို့ လိုပါလိမ့်မယ်။
iPhone 17e (၂၀၂၆ အစောပိုင်း)
iPhone 17e ကို ၂၀၂၆ အစပိုင်းမှာ မျှော်လင့်ထားပါတယ်။ Design ပိုင်းမှာ ဘောင်တွေ ပိုပါးလာပြီး Notch အစား Dynamic Island ပါဝင်လာနိုင်တာကြောင့် iPhone 17 Lineup နဲ့ ပိုတူသွားမှာပါ။ သတင်းအချို့အရတော့ Dynamic Island မပါဘဲ ဘောင်ပဲ ပါးလာမယ်လို့လည်း ဆိုကြတဲ့အတွက် Notch ဆက်ပါမလား၊ Dynamic Island ဖြစ်သွားမလားဆိုတာကတော့ စောင့်ကြည့်ရဦးမှာပါ။ iPhone 16e မှာ MagSafe မပါခဲ့ပေမဲ့ 17e မှာတော့ MagSafe ပါဝင်လာဖို့ ရှိပါတယ်။
iPhone 18 Pro (စက်တင်ဘာ ၂၀၂၆)
iPhone 18 Pro ကတော့ 17 Pro နဲ့ ပုံစံချင်း ဆင်တူမှာဖြစ်ပေမဲ့ Face ID နည်းပညာအသစ်ကြောင့် Display မှာ အပြောင်းအလဲ ရှိနိုင်ပါတယ်။ မျက်နှာပြင် အရွယ်အစား 6.3 လက်မနဲ့ 6.9 လက်မ ဆက်သွားမှာဖြစ်ပြီး၊ ကင်မရာပိုင်းမှာလည်း ၂၀၂၅ က ပုံစံအတိုင်းပဲ ရှိနေဦးမှာပါ။
ထူးခြားချက် ၁ - Face ID အပြောင်းအလဲ
Apple ဟာ Screen အောက်မှာ မြှုပ်ထားတဲ့ Under-screen Face ID ကို အောင်မြင်အောင် လုပ်နိုင်ခဲ့ပြီ ဖြစ်တဲ့အတွက် ၂၀၂၆ မှာ Dynamic Island ပျောက်သွားနိုင်ပါတယ်။ Dynamic Island အစား ဘယ်ဘက်ထောင့်မှာ Hole-punch ကင်မရာပေါက်လေးပဲ ပါတော့မှာပါ။ Dynamic Island ပျောက်သွားရင် Live Activities နဲ့ Notification ကြည့်ရတဲ့ ပုံစံတွေ ပြောင်းလဲသွားမှာဖြစ်ပါတယ်။
ထူးခြားချက် ၂ - Design နဲ့ အရောင်
iPhone 18 Pro Max က 17 Pro Max ထက် နည်းနည်း ပိုထူလာနိုင်ပါတယ်။ အရောင်အနေနဲ့ Burgundy (ဝိုင်နီရောင်)၊ Brown (အညိုရောင်) နဲ့ Purple (ခရမ်းရောင်) တွေထဲက တစ်ခုကို ရွေးချယ်လာနိုင်ပါတယ်။
ထူးခြားချက် ၃ - A20 Chip (2nm)
ပထမဆုံး 2-nanometer နည်းပညာသုံး A20 Chip ကို သုံးလာမှာပါ။ A19 ထက် ၁၅ ရာခိုင်နှုန်း ပိုမြန်ပြီး ပါဝါချွေတာမှု ၃၀ ရာခိုင်နှုန်း ပိုကောင်းလာမှာဖြစ်လို့ ဘက်ထရီ ပိုခံမှာ သေချာပါတယ်။ WL-MCM လို့ခေါ်တဲ့ နည်းပညာအသစ်ကြောင့် RAM နဲ့ Chip ကြား ဆက်သွယ်မှု ပိုမြန်လာပြီး Performance သိသိသာသာ တက်လာမှာပါ။
ထူးခြားချက် ၄ - Variable Aperture ကင်မရာ
Main Camera မှာ အလင်းဝင်ပေါက်ကို စိတ်ကြိုက်ချိန်နိုင်တဲ့ Variable Aperture ပါဝင်လာမှာပါ။ ဒါဟာ iPhone သမိုင်းမှာ ပထမဆုံးဖြစ်ပြီး အလင်းနည်းတဲ့နေရာတွေမှာ ဓာတ်ပုံရိုက်တာနဲ့ Depth of field (နောက်ဝါး) ကို ထိန်းချုပ်တဲ့နေရာမှာ ပိုကောင်းလာမှာပါ။
ထူးခြားချက် ၅ - Camera Control Button
Camera Control Button မှာ Swipe လုပ်တဲ့ Gesture တွေကို ဖယ်ရှားပြီး ရိုးရိုး Button အဖြစ် ပြန်ပြောင်းနိုင်ပါတယ်။ Swipe လုပ်တဲ့အခါ မှားမှားနှိပ်မိလို့ User တွေ စောဒကတက်တာကြောင့် Apple က ဒီလို ပြင်ဆင်လာတာပါ။
Foldable iPhone (စက်တင်ဘာ ၂၀၂၆)
Samsung ခေါက်ဖုန်း ထွက်ပြီး ၇ နှစ်အကြာမှာ Apple ရဲ့ ပထမဆုံး "iPhone Fold" ထွက်လာတော့မှာပါ။
* Design: စာအုပ်လို ဘေးတိုက်ခေါက်ရတဲ့ပုံစံ။ ဖွင့်လိုက်ရင် ၇.၆ လက်မ (iPad mini နီးပါး) ရှိပြီး ပိတ်ထားရင် ၅.၃ လက်မ ရှိမှာပါ။
* Thinness: အလွန်ပါးလွှာအောင် လုပ်ထားပြီး ဖွင့်ထားရင် ၄.၅ မီလီမီတာပဲ ရှိမှာဖြစ်လို့ Apple ရဲ့ အပါးဆုံး Product ဖြစ်လာပါလိမ့်မယ်။
* Biometrics: Face ID မပါဘဲ iPad တွေလို ဘေးဘောင်က Power Button မှာ Touch ID သုံးလာနိုင်ပါတယ်။
* Crease (အရာထင်မှု): Liquidmetal နဲ့ ပြုလုပ်ထားတဲ့ ပတ္တာ (Hinge) ကြောင့် မျက်နှာပြင်မှာ အရာထင်တာ လုံးဝနီးပါး မရှိအောင် လုပ်ထားတယ်လို့ သိရပါတယ်။
* ဈေးနှုန်း: ဒေါ်လာ ၂,၀၀၀ ကနေ ၂,၅၀၀ ကြား (အရမ်းဈေးကြီးမှာပါ)။
iPads
၂၀၂၆ မှာ iPad အများစု Update ဖြစ်လာမှာပါ။ အဓိက အပြောင်းအလဲကတော့ iPad mini ဖြစ်ပါတယ်။
* Standard iPad (၂၀၂၆ နွေဦး): ဒီဇိုင်းပိုင်း အပြောင်းအလဲ မရှိဘဲ A19 Chip ကို ပြောင်းသုံးမှာပါ။ 8GB RAM ပါဝင်လာမှာဖြစ်လို့ Apple Intelligence နဲ့ Siri အသစ်ကို ကောင်းကောင်း သုံးနိုင်မှာ ဖြစ်ပါတယ်။
* iPad Air (၂၀၂၆ နွေဦး): M4 Chip ကို Upgrade လုပ်မှာပါ။ အားသွင်းစနစ် ပိုမြန်လာနိုင်ပြီး N1 Networking Chip ကြောင့် Wi-Fi 7 ကို Support လုပ်လာမှာပါ။
* iPad mini (၂၀၂၆): ဒါကတော့ အကြီးကြီးပြောင်းမှာပါ။ OLED Display သုံးလာမှာဖြစ်ပြီး Speaker အပေါက်တွေမပါဘဲ Screen တစ်ခုလုံး တုန်ခါပြီး အသံထွက်တဲ့ စနစ်ကို သုံးလာနိုင်တာကြောင့် Water Resistant (ရေစိုခံမှု) ပိုကောင်းလာပါမယ်။ Chip ကတော့ A20 Pro ဖြစ်ဖို့ များပါတယ်။
Macs
၂၀၂၆ ဟာ Mac တွေအတွက် M5 Chip ပြောင်းလဲမယ့်နှစ် ဖြစ်ပါတယ်။
* Low-Cost MacBook: Apple ဟာ Chromebook တွေနဲ့ ယှဉ်ဖို့ ဒေါ်လာ ၉၉၉ ထက် သက်သာတဲ့ MacBook တစ်မျိုးကို ထုတ်ပါလိမ့်မယ်။ ၁၃ လက်မ အရွယ်ရှိပြီး A18 Pro Chip ကို သုံးထားမှာပါ။ အရောင်စုံ ထွက်လာနိုင်ပါတယ်။
* MacBook Air (M5): ၂၀၂၆ အစောပိုင်းမှာ ထွက်လာမှာဖြစ်ပြီး ဒီဇိုင်းမပြောင်းဘဲ Chip ပဲ မြှင့်မှာပါ။
* MacBook Pro (M5 Pro/Max): ၂၀၂၆ အစောပိုင်းမှာ M5 Pro နဲ့ M5 Max Chip တွေနဲ့ ထွက်လာမှာပါ။ SSD တွေ ပိုမြန်လာပါမယ်။
* OLED MacBook Pro (၂၀၂၆ အကုန်): ဒါကတော့ တကယ်ကို အလန်းကြီးပါ။ Display က OLED ဖြစ်သွားမယ့်အပြင် Touchscreen ပါဝင်လာနိုင်ပါတယ်။ ဒီဇိုင်းက ပိုပါးပြီး ပိုပေါ့လာမှာပါ။
Home Products (အိမ်သုံးပစ္စည်းများ)
၂၀၂၅ မှာ HomePod mini နဲ့ Apple TV အသစ်တွေ မထွက်ခဲ့တာကြောင့် ၂၀၂၆ မှာတော့ သေချာပေါက် မြင်ရဖို့ ရှိနေပါတယ်။ ဒါ့အပြင် Apple က အိမ်သုံး "Command Center" တစ်ခုကိုလည်း အသစ်တီထွင်နေပါတယ်။
Home Hub (၂၀၂၆ မတ်/ဧပြီ)
Apple ဟာ Smart Home ပစ္စည်းတွေကို ထိန်းချုပ်ဖို့၊ သီချင်းနားထောင်ဖို့၊ Video Call ခေါ်ဖို့နဲ့ ရာသီဥတုကြည့်တာ၊ Siri နဲ့ အချက်အလက်ရှာတာတွေ လုပ်နိုင်မယ့် Home Hub ကို ထုတ်လာမှာပါ။
* Design: ၇ လက်မ Display ပါဝင်ပြီး iPad နဲ့ ဆင်တူပါတယ်။ iPhone နှစ်လုံး ဘေးတိုက်ယှဉ်ထားတဲ့ အရွယ်အစားလောက် ရှိမှာပါ။
* Variants: နှစ်မျိုးလာပါမယ်။ တစ်မျိုးက နံရံမှာ ကပ်သုံးဖို့ဖြစ်ပြီး၊ နောက်တစ်မျိုးကတော့ HomePod mini လိုမျိုး Speaker Base ပါဝင်တဲ့အတွက် စားပွဲတင် သုံးလို့ရမှာပါ။
* Features: ကိုယ်ပိုင် OS ပါဝင်မှာဖြစ်ပြီး App Store မပါပေမဲ့ Widget တွေနဲ့ သုံးရမှာပါ။ လူရှိမရှိ သိနိုင်တဲ့ Sensor တွေပါတဲ့အတွက် လူနားရောက်လာရင် Interface က အလိုအလျောက် ပြောင်းလဲပေးနိုင်ပါတယ်။ ဈေးနှုန်းကတော့ ဒေါ်လာ ၃၅၀ ဝန်းကျင် ဖြစ်နိုင်ပါတယ်။
HomePod mini (၂၀၂၆ အစောပိုင်း)
HomePod mini 2 ထွက်လာဖို့ အသင့်ဖြစ်နေပါပြီ။ Apple Watch S10 ကို အခြေခံထားတဲ့ S-series chip အသစ်နဲ့အတူ အရောင်သစ်တွေ ပါလာမှာပါ။ ဒီဇိုင်းကတော့ အရင်အတိုင်းပဲ ဖြစ်ဖို့များပါတယ်။
Apple TV (၂၀၂၆ အစောပိုင်း)
Apple TV 4K အသစ်မှာ A17 Pro သို့မဟုတ် A18 Chip ပါဝင်လာမှာဖြစ်လို့ Apple Intelligence ကို ကောင်းကောင်း Support လုပ်နိုင်တော့မှာပါ။ Wi-Fi 7 နဲ့ Bluetooth 6 ပါဝင်တဲ့ N1 Networking Chip လည်း ပါလာဖို့ ရှိပါတယ်။
AirTag 2 (၂၀၂၆ အစောပိုင်း)
ဒုတိယမျိုးဆက် AirTag မှာ ဒီဇိုင်းမပြောင်းပေမဲ့ Ultra Wideband Chip အသစ်ကြောင့် Tracking ပိုတိကျလာမယ်၊ ပြီးတော့ တခြားသူတွေ အလွယ်တကူ ဖြုတ်မရအောင် Speaker ပိုင်းကို ပိုလုံခြုံအောင် လုပ်ထားပါလိမ့်မယ်။
Apple Security Cameras (၂၀၂၆ အကုန်)
Apple က ကိုယ်ပိုင် Indoor Security ကင်မရာတွေကိုလည်း ဒီဇိုင်းထုတ်နေပါတယ်။ Privacy ကို အဓိကထားတဲ့အတွက် တခြား Brand တွေထက် ပိုစိတ်ချရမှာဖြစ်ပြီး Home Hub နဲ့လည်း ချိတ်ဆက်အသုံးပြုနိုင်မှာပါ။
Wearables (ဝတ်ဆင်နိုင်သော ပစ္စည်းများ)
Apple Watch Series 12 (စက်တင်ဘာ ၂၀၂၆)
ဒီဇိုင်းပိုင်း အပြောင်းအလဲ ကြီးကြီးမားမား မရှိသေးဘဲ S12 Chip ကြောင့် Speed ပိုမြန်လာဖို့ပဲ ရှိပါတယ်။ သွေးတွင်း သကြားဓာတ်တိုင်းတာတဲ့ (Blood Glucose Monitoring) စနစ်ကို Apple က ကြိုးစားနေပေမဲ့ ၂၀၂၆ မှာ ပါလာဖို့တော့ မသေချာသေးပါဘူး။
Apple Watch Ultra & Apple Watch SE (၂၀၂၆ အခြေအနေ)
Apple ဟာ Ultra နဲ့ SE မော်ဒယ်တွေကို ပုံမှန် Series တွေလို နှစ်တိုင်း Update မလုပ်တတ်တာကြောင့် ၂၀၂၆ မှာ မော်ဒယ်သစ် ထွက်၊ မထွက်ဆိုတာက အခုထိတော့ မသေချာသေးပါဘူး။
Apple Watch Ultra 3 (လက်ရှိနောက်ဆုံးပေါ်)
၂၀၂၅ စက်တင်ဘာမှာ ထွက်ထားတဲ့ Ultra 3 မှာ S10 Chip နဲ့ 5G စနစ်၊ ပြီးတော့ Satellite Connectivity (ဂြိုဟ်တု ဆက်သွယ်ရေး) တွေ ပါဝင်လာခဲ့ပါတယ်။ ဘက်ထရီကလည်း ၄၂ နာရီအထိ ခံလာတာကြောင့် တော်တော်လေး ပြည့်စုံနေပါပြီ။ ၂၀၂၆ မှာ အသစ်မထွက်ခဲ့ရင်တောင် Apple က Ultra 3 အတွက် အရောင်သစ် (Colorway) တစ်မျိုးမျိုး ထပ်တိုးပေးလာဖို့ ရှိပါတယ်။
Apple Watch SE 3 (လက်ရှိနောက်ဆုံးပေါ်)
SE 3 ကလည်း ၂၀၂၅ မှာမှ Update ဖြစ်ထားတာပါ။ အဓိက အပြောင်းအလဲကတော့ User တွေ စောင့်နေကြတဲ့ Always-on Display ပါဝင်လာတာနဲ့ အသံထွက်နိုင်တဲ့ Speaker အသစ် ပါလာတာပါ။ ၂၀၂၆ မှာတော့ SE အသစ်ထွက်ဖို့ မရှိသလောက် နည်းပေမဲ့ ဈေးနှုန်းကိုတော့ ပိုပြီး သက်သာအောင် Apple က ချိန်ညှိလာနိုင်ပါတယ်။
AI Smart Glasses (၂၀၂၆ အကုန်တွင် မိတ်ဆက်မည်)
Meta ရဲ့ Ray-Bans ကို ပြိုင်ဖို့ Apple က AI Smart Glasses ကို ထုတ်လာပါမယ်။ Screen မပါဘဲ ကင်မရာ၊ Speaker နဲ့ Sensor တွေပဲ ပါမှာပါ။ ဓာတ်ပုံရိုက်တာ၊ ဖုန်းပြောတာနဲ့ Siri ကို မေးခွန်းမေးတာတွေ လုပ်နိုင်မှာဖြစ်ပြီး iPhone နဲ့ ချိတ်ဆက် လုပ်ဆောင်မှာပါ။
AirPods Pro (၂၀၂၆ အကုန်)
AirPods Pro 3 ထွက်ပြီး တစ်နှစ်အတွင်းမှာပဲ Update တစ်ခု ထပ်လာနိုင်ပါတယ်။ Vision Pro နဲ့ ပိုချိတ်ဆက်မိအောင် Infrared Camera တွေ ပါလာနိုင်သလို လက်ဟန်ခြေဟန် (In-air gestures) နဲ့ ထိန်းချုပ်တဲ့စနစ်တွေ ပါလာနိုင်ပါ
တယ်။
Software (ဆော့ဖ်ဝဲလ်)
iOS 26.4 နဲ့ LLM Siri (၂၀၂၆ မတ်/ဧပြီ)
ဒါကတော့ တကယ့်ကို Game Changer ပါ။ Apple ဟာ LLM (Large Language Model) အခြေခံတဲ့ ပိုစမတ်ကျတဲ့ Siri ကို
iOS 26.4 မှာ ထည့်ပေးလာမှာပါ။
* Personal Context: ကိုယ့်ရဲ့ Email တွေ၊ ဖိုင်တွေ၊ ဓာတ်ပုံတွေကို Siri က နားလည်ပြီး "Eric ပို့ထားတဲ့ ဖိုင်ပြပါ" ဆိုတာမျိုး ခိုင်းလို့ရပါပြီ။
* Onscreen Awareness: Screen ပေါ်မှာ ဘာရှိလဲဆိုတာ Siri က မြင်ရတဲ့အတွက် "ဒီလိပ်စာကို Contact ထဲ ထည့်ပေးပါ" ဆိုတာမျိုး လုပ်နိုင်လာမှာပါ။
* App Integration: App တစ်ခုကနေ တစ်ခုကို ဖိုင်ရွှေ့တာ၊ ဓာတ်ပုံပြင်ပြီး တစ်ခါတည်း ပို့ခိုင်းတာမျိုးတွေကို Siri က လုပ်ပေးနိုင်တော့မှာပါ။
* Siri အသစ်ကို Google ရဲ့ Gemini နည်းပညာအချို့နဲ့ ပေါင်းစပ်ထားမှာဖြစ်ပေမဲ့ Apple ရဲ့ ကိုယ်ပိုင် Private Cloud မှာပဲ လုပ်ဆောင်မှာ ဖြစ်ပါတယ်။
iOS 27 နဲ့ နောက်ထပ် အသစ်များ (၂၀၂၆ စက်တင်ဘာ)
iOS 27 မှာတော့ Siri ရဲ့ Interface ဒီဇိုင်းသစ်ကို မြင်ရနိုင်ပါတယ်။ ပြီးတော့ ဂြိုဟ်တု (Satellite) ကတစ်ဆင့် Apple Maps ကြည့်တာ၊ Message ထဲမှာ ပုံပို့တာ စတဲ့ Features အသစ်တွေလည်း ပါဝင်လာဖို့ ရှိပါတယ်။ Foldable iPhone အတွက် သီးသန့် Interface တွေလည်း ပါလာမှာပါ။
Mark Gurman ရဲ့ အဆိုအရ iOS 27 ဟာ Features အသစ်တွေထက် Quality နဲ့ Performance ကို ပိုဦးစားပေးတဲ့ "Snow Leopard" Update မျိုး ဖြစ်မယ်လို့ သိရပါတယ်။
