Champa Muong Lao Newspaper

01/09/2026

01/09/2026

01/09/2026

01/09/2026

01/09/2026

ພັກເຮົາຍຶດໝັ້ນແນວທາງ ສັງຄົມນິຍົມ ປະຕິບັດ 11 ນະໂຍບາຍບັນລຸເປົ້າໝາຍ
ໂດຍ: ທິດດີ

ຫາກພວກເພື່ອນໄດ້ຕິດຕາມ ກອງປະຊຸມໃຫຍ່ຜູ້ແທນທົ່ວປະເທດຄັ້ງທີ XII ຂອງພັກປະຊາຊົນ ປະຕິ ວັດລາວຜ່ານມາແລ້ວນັ້ນ ຄົງຮັບຮູ້ ແລະ ເຂົ້າໃຈເນື້ອໃນສຳຄັນຜ່ານກອງປະຊຸມແດ່ແລ້ວນໍ, ເຊິ່ງລາຍລະອຽດແມ່ນມີໃນມະຕິ ທີ່ກອງປະຊຸມໄດ້ເຫັນດີເປັນເອກະພາບຮັບຮອງເອົາແລ້ວນັ້ນ, ແຕ່ໃນນາມສ່ວນຕົວ ທິດດີ ເຫັນວ່າ ໂຄງການການເມືອງສະບັບທີ III ທີ່ຜ່ານໃນກອງປະຊຸມນັ້ນແມ່ນເປັນໂຄງານທີ່ມີຄວາມສຳຄັັນຫຼາຍ, ຊຶ່ງໂຄງການການເມືອງສະບັບທີ III ເປັນໂຄງການການເມືອງທີ່ກຳນົດ ທິດທາງ ວິໄສທັດອັນລະອຽດໂດຍສະເພາະມີ 11 ນະໂຍບາຍໃຫຍ່ທີ່ກຳນົດອອກໃນໂຄງການການເມືອງແຕ່ນີ້ຈົນຮອດປີ 2055 ຖືວ່າໄດ້ກຳນົດຢ່າງຊັດເຈນແລະຈະແຈ້ງໃນແຕ່ລະນະໂຍບາຍ.

ໂຄງການການເມືອງສະບັບທີ III ວ່າດ້ວຍ ການບູລະນະລະບອບປະຊາທິປະໄຕປະຊາຊົນ ກ້າວຂຶ້ນສູ່ສັງຄົມນິຍົມ. ການສ້າງໂຄງການການເມືອງສະບັບທີ III ຂຶ້ນມາ ແມ່ນການສືບຕໍ່ປະຕິບັດແນວທາງປ່ຽນແປງໃໝ່ທີ່ ປະທານ ໄກສອນ ພົມວິຫານ ເປັນຜູ້ລິເລີ່ມ ແລະ ເປັນສະຖາປະນິກຕົ້ນຕໍທີ່ປະໄວ້ໃຫ້ພວກເຮົາສືບທອດຕໍ່ໄປຢ່າງບໍລິສຸດຜຸດຜ່ອງ ຈົງຮັກພັກດີຕໍ່ພັກ.

ທິດດີ ຂໍນຳສະເໜີໂດຍສັງເຂບ ເນື້ອໃນພື້ນຖານຂອງການບູລະນະ ລະບອບປະຊາທິປະໄຕປະຊາຊົນ ກ້າວຂຶ້ນສູ່ສັງຄົມນິຍົມຢູ່ປະເທດເຮົາທີ່ໄດ້ບັນຈຸເຂົ້າໃນໂຄງການການເມືອງສະບັບທີ III ເຊິ່ງມີດັ່ງນີ້:
1) ຈຸດໝາຍທິດທາງໃນການບູລະນະ ລະບອບປະຊາທິປະໄຕປະຊາຊົນກ້າວຂຶ້ນ ສັງຄົມນິຍົມ.
2) ສືບຕໍ່ຍູ້ແຮງການບູລະນະ ລະບອບປະຊາທິປະໄຕຊະຊາຊົນກ້າວຂຶ້ນສູ່ສັງຄົມນິຍົມ ເຊິງໄດ້ວາງ 11
ແຜນນະໂຍບາຍໃຫຍ່ຄື:
ໜຶ່ງ: ພັດທະນາເສດຖະກິດຕະຫຼາດຕາມທິດສັງຄົມນິຍົມໃຫ້ເປັນລະບົບ, ທັນສະໄໝ.
ສອງ: ຫັນເປັນອຸດສາຫະກຳ, ຫັນເປັນທັນສະໄໝ, ຫັນເປັນ ດີຈີຕອນ.
ສາມ: ການປົກປັກຮັກສາ ແລະ ຟື້ນຟູ ສິ່ງແວດລ້ອມ ຮັບມືກັບການປ່ຽນແປງດິນຟ້າອາກາດ.
ສີ່ : ພັດທະນາວັດທະນະທຳ - ສັງຄົມ.
ຫ້າ : ພັດທະນາຄົນລາວຢ່າງຮອບດ້ານ, ຕອບສະໜອງໄດ້ຕາມຄວາມຮຽກຮ້ອງຕ້ອງການຂອງການ
ພັດທະນາປະເທດຊາດໃນໄລຍະໃໝ່.
ຫົກ : ສ້າງເຫງົ້າພະລັງ ປ້ອງກັນຊາດ-ປ້ອງກັນຄວາມສະຫງົບທົ່ວປວງຊົນຮອບດ້ານ ທີ່ມີຄວາມໜັກ
ແໜ້ນ, ເຂັ້ມແຂງ ແລະ ມີແບບແຜນທັນສະໄໝ.
ເຈັດ : ຍຶດໝັ້ນແນວທາງຕ່າງປະເທດຂອງພັກ.
ແປດ: ສ້າງພັກໃຫ້ປອດໃສ, ເຂັ້ມແຂງ, ໜັ້ກແໜ້ນ ຮັບປະກັນການກຳອຳນາດຂອງພັກໃຫ້ມີຄວາມ
ໝັ້ນຄົງ.
ເກົ້າ : ສ້າງລັດປະຊາທິປະໄຕປະຊາຊົນທີ່ປົກຄອງດ້ວຍກົດໝາຍ.
ສິບ : ເສີມຂະຫຍາຍ ມະຫາສາມັກຄີທົ່ວປວງຊົນ.
ສິບເອັດ: ເສີມຂະຫຍາຍ ສິດເປັນເຈົ້າຂອງປະຊາຊົນ ຢ່າງບໍ່ຢຸດຢັ້ງ.

ທັງໝົດນີ້ແມ່ນ 11 ນະໂຍບາຍໃຫຍ່ ທັງແມ່ນ ຕັບ - ບີ ທີ່ກຳນົດອອກໃນໂຄງການການເມືອງສະບັບທີ III ແຕ່ນີ້ຈົນຮອດປີ 2055 ທີ່ຢາກນຳສະເໜີໃຫ້ ບັນດາທ່ານ ໄດ້ຮັບຊາບ! ສ່ວນລາຍລະອຽດນັ້ນຄົງຈະມີການຈັດຕັ້ງເຊື່ອມຊຶມຢ່າງເປັນຂະບວນກວ້າງຂວາງໃນທົ່ວປະເທດ.

https://laophattananews.com/250605/
#ໜັງສືພິມລາວພັດທະນາ #ບົດຄວາມ #ທິດດີ #03
_______________@_______________
ສະໜັບສະໜູນຂ່າວໂດຍ: ທະນາຄານການຄ້າຕ່າງປະເທດລາວມະຫາຊົນ BCEL
_______________@_______________
ຂ່າວອື່ນໆ >> www.laophattananews.com
Youtube: www.youtube.com/channel/UCfSwYXQ8r6NOMO_vlp7bZYw
Twitter: https://X.com/laophattana
Whatsapp: https://whatsapp.com/channel/0029Va9dcYjHFxPArwc63g17
Tiktok: https://www.tiktok.com/
ສົນໃຈລົງໂຄສະນາໂທ: 020 9999 7139
ຕິດຕໍ່ຫານັກຂ່າວໂທ: 020 2345 0088

01/09/2026

01/08/2026

01/08/2026

01/08/2026

01/08/2026

01/08/2026

01/08/2026