08/18/2025
𝗕𝗟𝗘𝗡𝗗𝗘𝗥𝗜𝗔 𝗜𝗗𝗜𝗢𝗧𝗘𝗦𝗜𝗦𝗛𝗧 𝗧𝗘 𝗟𝗨𝗠𝗧𝗨𝗥
Nga Ylli PANGO
..Në një episod plot humor tek "Ushtari i mirë Shvejk",rrëfehet për kolonelin Cilergut që u servirte or e çast ushtarëve njohuritë e tij "të thella" të çdo fushe.....kështu për shembull tek marshonin nëpër rrugë, u spjegonte se ç'ishte rruga dhe me atë rast u fliste edhe për trotuarin...u spjegonte se "trotuari ishte një pjesë më e ngritur se rruga"...e më pas u spjegonte se "vetë rruga na ishte një pjesë më e ulët se trotuari..."
..pas sa e sa spjegimeve të këtij lloji, çdo ditë e orë e çast, ishte e natyrshme që një pjesë e ushtarëve të fillonin të shfaqnin shenjat e para të çmendurisë...(Cilerguti natyrshëm duhet të kishte qenë vetë i çmendur, para tyre...)
..unë mendoj se veç atyre që çmendeshin, duhet të ketë pasur a*o kohe, edhe ca ushtarë që ndjeheshin mirë, idiotësisht të lumtur, që e dinin se ç'ishte trotuari apo rruga...përpara se tua spjegonte komandanti...
..me këtë rast më erdhën ndër mend të tjera raste të tilla, këndej nga ne, ndofta edhe më të kripura...idiotësie të lumtur...e sidomos sepse na vinë sot...edhe 100 e kusur vjet pas ngjarjeve të kohës së Shvejkut të famshëm të Hashekut...
..një të re me të ardhme të shkëlqyer politike, dikur studente e pesës, e shoh ca vjet më parë, me dorën ngritur lart në një auditor studentësh....mes mjaft duarve të tjera të ngritura...dukej sikur i lutej me përgjërim prof-it ti përgjigjej ajo pyetjes së tij: ..."ta them...unë ta them unë... presor" .....kur ndofta rastësisht profi i dha fjalën, ajo lëshoi një si gaz..të fikur."...iiii prof..e harrova.. "( kish shpresuar ndofta të mos ja jepnin fjalën e thjesht të dukej edhe ajo me dorën lart..."ta them unë, ta them unë..")..Më pas ajo u bë një lidere fort e njohur e një partie politike...kurdoherë rrethuar nga gazetarë të etur të dëgjonin fjalën e saj ...përgjigje të thjeshta vërtet... por veç përgjigjej..."idiotësisht e lumtur..." ajo, e jo pak nga ata..që ja përpinin fjalën përreth...
..në Japoni, në Tokio, këtu e 20 vjet më parë, takuam ca djem të rinj shqiptarë, kryesisht inginierë gjeofizikë, shkuar dikur për specializim...e mbetur atje ndofta për jetë.....na ftuan në ca si qebaptore të vogla ku na treguan veç të tjerash për ca përvoja origjinale që kishin formuar me kohën, për karakteret e kolegëve të tyre japonezë..."
"...kur u rastiste të njiheshin me dikë që fillonte e u spjegonte gjëra elementare a donte tu vinte në dukje i fryré "vlerat" e veta intelektuale a kulturore, japonezët e dëgjonin si fillim me vëmendje...një herë..., pastaj një herë të dytë...bënin edhe :"...oooo..."si shumë të habitur deri në mrekullim"...pastaj të tretën herë inskenonin ndonjë takim me ndonja dy-tre japonezë të tjerë kinse për ti paraqitur edhe atyre "gjeniun" dhe ja nisnin:"...
"...a e di se kush është ky...?" pyesnin sho-shokun ...dhe tregonin nga idioti i lumtur..."ky është ai që ka zbuluar sa bëjnë dy dhe dy..." a ai " qé zbuloi se toka është e rrumbullakët..."
..oooo" ja bënte me "mrekullim" japonezi i tretë....si, si?..ooo " mrekullohej dhe japonezi tjetër..." e ndërkohë si e patén futur në kllapë viktimën e e patën bërë të ndjehej idiotisht i lumtur për mrekullitë që rrëfente...japonezët pohonin me kokë edhe disa herë për ç'u pat treguar viktima, fjala vjen për Shqipërinë... e progresin atje...pastaj ja këputnin një gazi të papërmbajtur me "hi hi hi" e iknin.....natyrisht patén "mësuar" gjithshka...ç'ta takonin më të diturin ...idiotësisht të lumturin në "diturinë" e tij...
..po akoma më ndryshe qëndrojnë punët e diturisë me ...blendin fjala vjen... ma ndryshoi krejt ditën sot...e kam fjalën për mirë..se nuk isha fare në formë.....e ja tek mu shfaq që në mëngjes në fb, në podcastin e tij dhe aty...pasi pashë e dëgjova nja dy perla mu kthye krejt humori...për së mbari...
..blendi e kishte aq seriozisht përpara kamerave tek rrekej tu mbushte mendjen ca shqiptarëve se gabonin kur "ngulnin këmbë që toka është e sheshtë si tepsi e se duhet të besonin atë Blendin se Toka është e rrumbullakët..."
..pastaj së dyti blendi i sqaronte me duar e me këmbë ndjekësit, se ajo diçka e papërcaktuar si kuti që mbante në dorë, në një foto, mbreti Zog, nuk ishte asesi telefon celular. Se celular nuk kishte atehere..sqaronte ai...
..Ai e di prej kohësh se fansat kanë besim tek ai e natyrisht që do ta besojnë edhe kesaj rradhe...madje edhe "verbërisht" ...se toka është e rrumbullakët e se mbreti Zog nuk kishte celular...
...ata natyrisht ndjehen idiotësisht të lumtur madje shumë më tepër se po tua kish thënë vetë Aristoteli....atë punën e Tokës ...e unë mendoj se po kaq i lumtur nëmos më shumë i lumtur...është sidomos vetë blendi që e di kaq mirë e me bindje që toka është e rrumbullakët dhe që mbreti Zog nuk ka pasur kurrë celular...ai është gjithmonë në sinkron me fansat...
..po aq i lumtur sa edhe çdo herë që zbulon shqiptarë nëpër botë... e i paraqet në kamera..e kur flet me ta, i pyet e ...mrekullohet që ata punojnë atje,madje dhe hanë e jashtëqesin atje prej vitesh..."uaaaa 10 vjet që jashtëqet këtu...?!" dhe kthehet nga blendëria që e ndjek këndej deri atje tej në Afrikë..."apo jo?.."
..po ku eshte problemi këtu do thoni? Askund...mjafton që populli të ndjehet gjithnjë kështu ai vetë, si edhe të preferuarit e tij...në media, rrjete sociale...podcaste, ..gjithnjë e më të lumtur, idiotësisht...të lumtur, në dituritë e tyre të thella...
...I lumtur jam dhe unë...ndonëse desh u infektova të ndjehem edhe unë idiotësisht i lumtur ...tek ju shkruaja këto gjëra të thjeshta...nga majat e maleve të Myzeqesë a nga brigjet e detrave blu në të kaltër të Korabit a Tomorrit...merrni ké të doni...
.. ndofta lajthita...pak...me Myzeqenë, me Korabin a me Tomorrin... ama thjesht krijova edhe unë një mundësi që paskëtaj, me gjasë, blendi në podcastin e tij, të mund tu provojë fansave, me argumenta shkencore, që...nuku ka as male në Myzeqe e as dete në Korab..a Tomorr...e që unë ja fus kot...dhe unë pas kësaj natyrisht që do tërhiqem duke sakrifikuar... dituritë e mia...vetëm që sërish e sërish ju të dashur fansa dhe idhulli juaj...të ndjeheni të lumtur...idiotësisht...të lumtur...në thellësitë e diturive tuaja oqeanike...
