JAYC TV

JAYC TV JAYC TV PUBLISH NEWS TRUE STORY AND EVENTS WE PUT PEOPLE FIRST WE CARE ABOUT YOUR PRIVACY IN JAYC TV

🔴Burundi: Hagaragajwe ingene amafaranga arenga imiriyaridi 250 yakoreshejwe mu kurwanya umugera wa SIDA mu myaka itatu i...
10/01/2025

🔴Burundi: Hagaragajwe ingene amafaranga arenga imiriyaridi 250 yakoreshejwe mu kurwanya umugera wa SIDA mu myaka itatu iheze
==================
Kuri uyu wa 30 Nyakanga 2025, ubushikiranganji bw’amagara y’abantu bubicishije ku kigo c’igihugu kijejwe kurwanya umugera wa SIDA (CNLS), bwaratunganije uruganda , mu ntumbero yo gushikiriza icegeranyo ca nyuma c’icigwa REDES (Estimation des Flux de Ressources et Dépenses liées au VIH/SIDA), gikubiyemwo uko uburyo bw’amafaranga bwakoreshejwe mu kurwanya umugera wa SIDA mu Burundi mu myaka ya 2021, 2022 na 2023.

Mu gusigurira abari bitavye urwo iyo nama, Jean Baptiste Nzorironkankuze, Umunyamabanga Nshingwabikorwa wa CNLS, yamenyesheje ko ico cigwa cerekanye aho amafaranga yavuye, ingene yagenze n’uko yakoreshejwe gushikira umwenegihugu. Avuga ko mu 2021 hakoreshejwe imiriyaridi 65 z’amarundi, mu 2022 imiriyaridi 83, mu gihe mu 2023 hakoreshwa imiriyaridi 103.

Ayo mafaranga menshi ngo yagiye mu bikorwa vyo gutanga imiti ku barwayi, gupima urugero rw’umugera mu mubiri no kubakurikirana. Yamara, Nzorironkankuze yavuze ko hakiri intege nke mu bijanye no gukinga no gupima umugera, aho amafaranga yajayo ari make cane, nyamara ari intambwe nyamukuru mu gukumira ikwiragira ryawo.

Ku bijanye n’amakuru avuga ibura ry’imiti, Nzorironkankuze yabeshuje ivyo vyagiriji, avuga ko amafaranga menshi aboneka yihutirwa aja mu kugura imiti n’ugukurikirana abamaze kwandura.

Marie-Margarète Molnar, aserukira ONU mu Burundi mu bijanye n’urugamba rwo kurwanya umugera wa SIDA, yashimye Reta y’Uburundi ku gutsimbataza ubushakashatsi nk’ubu. Yibukije ko ubu bwa nyuma bwaheruka gukorwa mu 2014, anavuga ko ivyavuye muri iki cigwa bizofasha gufata ingingo zishingiye ku bimenyetso, kugira urugamba rwo kurwanya SIDA rukomeze gutera imbere.

⚽️ :Flambeau du Centre Fc yakiriwe n’umukuru wayo Kazohera Vénérand, abashikiriza agashimwe ku ntsinzi yabonetse muri CA...
09/30/2025

⚽️ :Flambeau du Centre Fc yakiriwe n’umukuru wayo Kazohera Vénérand, abashikiriza agashimwe ku ntsinzi yabonetse muri CAF Confederation Cup🤔🥳🥳
=================⤵️⤵️
Kuri uyu wa mbere, ku kibuga c’indege citiriwe Melchior Ndadaye, ni ho Kazohera Vénérand, arongoye umugwi Flambeau du Centre FC, yakira n’akanyamuneza abakinyi n’abaherekeje uwo mugwi basubiye mu gihugu bavuye muri Libye, aho bari bahanganye na Al Akhdar SC mu rukino rwo gusubiriza rwa CAF Confederation Cup.

Mw' ijambo yashikirije, Kazohera ntiyatevye kubashimira ku mukino mwiza bagaragaje, hamwe n’intsinzi yabahaye amahirwe yo kurengana mu gice gikurikira.

🎙️ Vénérand yagize ati:

"Aka ni agashimwe ndabahaye. Igihe mwari mugiye, narababwiye ko nimutsinda Libye nzobaha imiriyoni 50 z’amarundi. Ngaka rero agashimwe nabemereye. Aka gatoyi nako, ni amafaranga asanzwe atangwa n’Ubushikiranganji bujejwe inkino: umukinyi wese aronka amadorari 300 $."

Yaboneyeho n’akaryo ko kubasaba kubandanya bitegura n’akarenge ku kandi:

"Twimirije urukino rukomeye n'ababanyi bacu bo muri Tanzanie. Ndabasavye discipline no gukorera hamwe. Kandi ntimwibagire ko ku munsi w’Imana, itariki 5 Gitugutu 2025, muzohura na Aigle Noir CS kuri stade Intwari. Ni akaryo keza ko kwerekana ko Flambeau du Centre ari umugwi wa mbere mu Burundi."

Uwo murwi uheruka kwitwara neza hanze y’igihugu, uritegura gutana mu mitwe na Singida Black Stars yo muri Tanzanie mu rukino rukurikira rwa CAF Confederation Cup, no gusubira mu nkino za Ligue A Burundi.

Musomyi muhihire urindiye iki kuja mu mwuga wo gukina umupira nk'abandi!🤣

⚽️CAF Confederation Cup: Flambeau du Centre FC yamaze gushika mu Burundi inyuma yo kuronka itike yo mu gice gikurikiraB...
09/30/2025

⚽️CAF Confederation Cup: Flambeau du Centre FC yamaze gushika mu Burundi inyuma yo kuronka itike yo mu gice gikurikira

Bujumbura, 30 Nyakanga 2025,Umugwi Flambeau du Centre FC, wahagarariye Uburundi mu nkino za CAF Confederation Cup, wamaze gushika i Bujumbura kuri uyu wa mbere isaha umunani z’umuhingamo, uvuye muri Libiya.

Uwo mugwi wanganije na Al-Akhdar SC yo muri Libiya ibitsindo 2 kuri 2 mu rukino rwo gusubiriza, ariko urengana mu gice gikurikira kuko wari watsinze ibitsindo 2 kuri 1 mu rukino rwabanjirije urwo.

Ni intsinzi ishoboye gushimisha abakunzi b’umupira w’amaguru mu Burundi, vyerekana intambwe Flambeau du Centre iguma itera ku rwego mpuzamakungu.

Uwo mugwi ugiye kubandanya imyimenyerezo ugamije gutegura inkino za Ligue A Burundi 2025–2026, hamwe n’urukino rukurikira rwo mu mahiganwa ya CAF, aho uzohura na Singida Big Stars yo muri Tanzaniya.

🕊️ Urumuri rw’Amahoro ku ncuro ya 19: Umukuru w’Inama Nkenguzamateka yifatikanije n’izindi ndongozi mu kwugurura ico gik...
09/30/2025

🕊️ Urumuri rw’Amahoro ku ncuro ya 19: Umukuru w’Inama Nkenguzamateka yifatikanije n’izindi ndongozi mu kwugurura ico gikorwa c’igihugu

Kw’igenekerezo rya 29 Nyakanga 2025, Umukuru w’Inama Nkenguzamateka, Nyeniteka Gervais Ndirakobuca, ari kumwe n’icegera ciwe ca mbere hamwe n’ica kabiri, yitabiriye ibirori vyo kwugurura icese ibikorwa vy’urumuri rw’amahoro ku ncuro ya 19.

🎤 Ivyo birori vyabereye mu ntara ya Buhumuza, komine Cankuzo, bikaba vyari bihagarariwe na Nyenicubahiro Umukuru w’igihugu c’Uburundi, Evariste Ndayishimiye. Insanganyamatsiko y’uyu mwaka ni: "Indongozi, Rumuri rw'abenegihugu mu nzira ituroresha ku gihugu giteye imbere."

🗣️ Mu butumwa yashikirije, Umukuru w’igihugu yasavye indongozi zose, zaba izitowe n’iza genywe, kuba akarorero keza mu kubungabunga amahoro, umutekano, no kurwanya ubunebwe aho bari hose. Yashimangiye ko ari ngombwa ko abenegihugu babona indongozi zabo nk’urumuri, ziberekera inzira ijana ku Burundi bushasha, butekanye kandi buteye imbere.

✨ Ico gikorwa c’urumuri rw’amahoro gitegekanya ibikorwa bitandukanye mu ntumbero yo gusasagaza amahoro, gukomeza ubumwe bw’Abarundi no gushigikira imigambi y’iterambere.







🌧️ Burunga: Abarongoye amashure baratabaza inyuma y’isambuka ryatewe n’imvura ivanze n’umuyaga.Kuri uyu wa 27 Nyakang...
09/30/2025

🌧️ Burunga: Abarongoye amashure baratabaza inyuma y’isambuka ryatewe n’imvura ivanze n’umuyaga.

Kuri uyu wa 27 Nyakanga 2025, imvura nyinshi ivanze n’umuyaga mwinshi yaguye mu ntara ya Burunga i Makamba, isambura amashure no kwonona ibikoresho vy’ishure, ivyatumye uburongozi bw’amashure bugaragaza impungenge zikomeye.

🏚️ Ishure rya Makamba 4, riri ku murwa mukuru wa komine Makamba, ryatakaje ibirasi 2, ibisakazo vyayo bigurukanwa n’umuyaga. Umuyobozi waryo yateye akamo ubuyobozi bujejwe indero hamwe n’abajejwe intwaro kubashigikira, kuko abanyeshure bigira muri ivyo vyumba ata handi basubiriye kwiga.

🏫 Muri komine Nyanza, ishure Ecofo Ndoba II ryatakaje ibirasi 3 navyo nyene vyasambuwe n’iyo mvura. Ibikoresho vy’ishure vyinshi vyarononekaye, bigatuma abanyeshure barungikwa kwiga ku rindi shure baritije ibirasi.

🎙️ Abarongoye ayo mashure barasaba ko hokwihutirwa gufasha ayo mashure gusubira mu bikorwa, kugira abanyeshure ntibabandanye guhomba ivyigwa.

💬 Ikibazo:Aho muherereye, iyo mvura yaraguye? Hari ibindi vyangiritse?

🎙Burundi: Umukuru w’Igihugu Evariste Ndayishimiye yaraye atanguje icese Urumuri rw’Amahoro ku ncuro ya 19 i Buhumuza, as...
09/30/2025

🎙Burundi: Umukuru w’Igihugu Evariste Ndayishimiye yaraye atanguje icese Urumuri rw’Amahoro ku ncuro ya 19 i Buhumuza, asaba Intwararumuri gushikana uwo muco ku ndongozi zose
================
Buhumuza, 29 Nyakanga 2025, Mu birori vyo gutangura ku mugaragaro icese Urumuri rw’Amahoro ku ncuro ya 19, vyabereye ku kibuga c’umupira w’amaguru c’intara ya Buhumuza, Nyenicubahiro Umukuru w’igihugu Evariste Ndayishimiye yahamagariye Intwararumuri gukora ibishoboka vyose kugira ngo indongozi zose z’igihugu, kuva ku mukuru w’umutumba gushika kuri Musitanteri, zikorakore ku Rumuri rw’Amahoro.

Mu butumwa bwiwe, Umukuru w’igihugu yagaragaje ko Urumuri rw’Amahoro ari umuco w’ukuri, uje gukomeza amahoro yavuye mu biganiro no mu rugamba rw’ubumwe, kandi ko ukeneye gusasagazwa mu ntara zose, mu makomine no mu mitumba, kugira ngo wongere kwibutsa Abarundi aho bavuye n’iyo baja.

“Ndabasavye ko ata ndongozi n’imwe yokwisanga itarukorako. Urumuri rugiye kuba umuyobozi wacu mu rugendo rugana ku gihugu giteye imbere”, niko Umukuru w’igihugu yabishikirije.

Yongeye guhamagarira Intwararumuri gukora nk’intumwa z’amahoro, ziheza zikabwira Abarundi bose amahoro, umugisha n’iterambere, maze Imana ikaba ari yo yovuga irakwiye ikabaha umugisha.

Mu kubasaba gukomeza uwo murongo, Umukuru w’igihugu yanasavye indongozi ziheruka gutorwa kuba akarorero, umwizero n’umuco mu nzego barongoye.

Ku ruhande rw’ishirahamwe Intwararumuri, umuyobozi waryo Epipode Baranyikwa yamenyesheje ko ibikorwa bari biyemeje kurangura mu mwaka uheze vyagezweko, uretse icibutso c’Urumuri rw’Amahoro categerezwa kwubakwa kikaba kitarashirwa mu ngiro, hamwe n’itegeko ry’Umukuru w’igihugu rigenga ico gikorwa bakirindiriye.

Mu kurangiza ivyo birori, Umukuru w’igihugu yashikirije icese Urumuri rw’amahoro Intwararumuri, inyuma yo kuruhezagiza mu masengesho yatanzwe na Musenyeri wa Diyoseze ya Muyinga.

Abenegihugu bo mu ntara ya Buhumuza, barongowe na Buramatari w’iyo ntara, baha Umukuru w’igihugu akaganuke kagizwe n’inka n’intama mu kumushimira uruhara rwiwe mu gukomeza amahoro n’iterambere.

IPHOTO:RTNB

Intara ya Bujumbura: Buramatari asaba abanyabubanza gukomeza kubumbatira amahoro no gushigikira indero y’akaroreroBujumb...
09/25/2025

Intara ya Bujumbura: Buramatari asaba abanyabubanza gukomeza kubumbatira amahoro no gushigikira indero y’akarorero

Bujumbura, 25 Nyakanga 2025,Mu birori vyo gushikiriza Musitanteri mushasha wa Komine Bubanza, Buramatari w’intara ya Bujumbura, Général-Major Aloys Ndayikengurukiye, yasavye abanyagihugu kubandanya inzira nziza yo kubungabunga amahoro n’umutekano, nk’uko babandanije kubigaragaza mu bihe vyahera.

Mu gihe umwaka w’ishure 2025–2026 umaze gutangura, Buramatari yibukije abavyeyi ko bategerezwa guhimiriza abana babo kuja kw’ishure, ariko aragabisha abo bose bafise ingeso yo gukoresha nabi abana, canke abarezi babahumbisha, ko bazohanwa bimwe vy’akarorero.

Yaboneyeho akaryo ko guhamagarira indongozi mu nzego zose gukoresha neza amatunga ya Reta, kugira ntihagire irisesagurirwa ubusa.

Ibirori vyitabwe n’indongozi zitandukanye, harimwo n’uwurongoye umugambwe PARTI APDR.



🎙Umukuru w’igihugu yash*tse i Bubanza mu gikorwa co gushikiriza Musitanteri mushashaBubanza, kuri uyu wa 25 Nyakanga 202...
09/25/2025

🎙Umukuru w’igihugu yash*tse i Bubanza mu gikorwa co gushikiriza Musitanteri mushasha

Bubanza, kuri uyu wa 25 Nyakanga 2025 , Nyenicubahiro Umukuru w’igihugu c’Uburundi Evariste Ndayishimiye yash*tse ku kibuga c’umupira w’amaguru ca Komine Bubanza, mu ntara ya Bujumbura, aho aje gushikiriza icese Abenegihugu Musitanteri mushasha w’iyo Komine.

Abanyagihugu bava mu mazone 8 agize Komine Bubanza bari bitavye ico gikorwa ku bwinshi, basidukanye n’iyonka mu kwerekana ko bashigikiye ico gikorwa c’intwaro.

🎙Urumuri rw’Amahoro rugarutse ku ncuro ya 19.✨️==============================Mukiganiro n'abamenyeshamakuru ,Ishirahamwe...
09/23/2025

🎙Urumuri rw’Amahoro rugarutse ku ncuro ya 19.✨️
==============================
Mukiganiro n'abamenyeshamakuru ,Ishirahamwe Intwararumuri, rimenyesha ko ibikorwa vy’Urumuri rw’Amahoro vy’uyu mwaka wa 2025 bigiye gutangura icese kw’igenekerezo rya 29 Nyakanga, ku kibuga c’umupira kiri mu ntara ya Buhumuza, komine Cankuzo, kikazoherahezwa kw’igenekerezo rya 25 Gitugutu 2025, mu ntara ya Butanyerera, ku kibuga citiriwe Agasaka ka Inarunyonga, mu ntara ya Butanyerera commune Ngozi.

Nk’uko vyashikirijwe na Epipode Baranyikwa, Umukuru w’ishirahamwe Intwararumuri, ibikorwa vy’uyu mwaka bizotanguzwa n’Umukuru w’Igihugu, Evariste Ndayishimiye, mu birori bitegekanijwe kuba bihambaye.

Mwomenya ko Icivugo c’uyu mwaka ari:
"Indongozi, Rumuri rw'Abanegihugu mu nzira ituroresha ku gihugu giteye imbere."

Epipode Baranyikwa ashimangira ko Intwararumuri zizogendera amakomine 42 agize Uburundi, aho zizoba zifise ibikoresho bitandukanye, nk’isima, mu ntumbero yo gushigikira ibikorwa vy’iterambere rusangi. Intara zose uko ari zitanu: Bujumbura, Gitega, Burunga, Buhumuza na Butanyerera zizasangwako ibikorwa vy’ico gikorwa.

Epipode Baranyikwa arangiza asaba abarundi bose, ariko na cane cane indongozi ziri mu nzego zitandukanye, kwitaba ico gikorwa gihambaye, akavuga ko ari akaryo kadasanzwe ko kuba urumuri rutanga icizere ku muryango nyarucari.

Tubibutseko Urumuri rw'Amahoro rwatanguye mu Burundi kuva mu mwaka w’2006

Aho hose urumuri ruciye rukaba rugenda rurashigikira ibikorwa vy'iterambere rusangi, rwongera rusasagaza amahoro, umwumvikano no guhimiriza
umuvuduko mu mbonakazoza y’Uburundi y’2040-2060.

PHOTO:RTNB

🌍 : Paul-Simon Handy avuga ko Inama Nshingwabikorwa ya ONU uko imeze ubu idashobora gukemura ibibazo vy’isi🗓 Itariki: 2...
09/22/2025

🌍 : Paul-Simon Handy avuga ko Inama Nshingwabikorwa ya ONU uko imeze ubu idashobora gukemura ibibazo vy’isi

🗓 Itariki: 22 Nyakanga 2025
📍 New York, Leta Zunze Ubumwe za Amerika

👉Ihuriro rikuru ry' Inama nkuru y'ishirahamwe mpuzamakungu ONU yatanguye uno musi i New York, mu gihe Ishirahamwe Mpuzamakungu ONU rihimbaza imyaka 80 rimaze rishinzwe. Iyi nama isanzwe iba rimwe mu mwaka, ikaba ihuza abakuru b'ibihugu, intumwa mpuzamakungu hamwe n’abahinga mu bisata bitandukanye. Mu kibanza c’ibiganiro vyimbitse, hagiye haragaruka cane ikibazo c’ihinduka ry’Inama Nshingwabikorwa ya ONU (Conseil de sécurité).


🗣️Paul-Simon Handy, umuyobozi w’ishami ry’Ubushakashatsi ku Mutekano mu Buseruko bw' Afrika (Institute for Security Studies - ISS), yamenyesheje ko igihe ari kirekire kugira Inama Nshingwabikorwa ihindurwe. Mu kiganiro yahaye umumenyeshamakuru Florence Morice wa RFI, yavuze ko:

“Inama Nshingwabikorwa ya ONU uko imeze ubu, ntishobora gukemura ibibazo bikomeye isi irimwo. Arerekana uburyo idahuye n’ivyiyumviro vy’abanyagihugu n’ukwiyongera kw’ivyago bishingiye ku mutekano, iterabwoba n’indyane.”

Handy yibukije ko Afrika ari umugabane uri ku murongo w’inyuma mu bagize Inama Nshingwabikorwa ya ONU, kandi ari ho hama impari nyinshi mu kubungabunga amahoro.

🌍 Imvo nyamukuru y’iyo ngingo ni uko ibihugu bikiri mu nzira y’amajambere, cane cane ivyo muri Afurika, vyama ari vyo bikunda kwinjira mu bibazo vy’intambara, amacakubiri canke impari za politike, ariko bikabura ijambo mu gufata ingingo zira afrika.

🟢 Ikiyago ca Biden kitashizwe mu ngiro:
=====================================
Umwaka uheze, uwahoze ari Perezida wa Amerika Joe Biden yari yasezeranye gushigikira ko Afrika ihabwa intebe zibiri burundu mu Nama Nshingwabikorwa ya ONU. Ariko gushika ubu, nta ntambwe ifatika iraterwa, ivyatumye benshi bibaza nimba ico ciyemezo catanzwe ari ic’amajambo gusa,

Handy ati:

“Ni nko gutumira umuntu mu bukwe ukamwima intebe. Ntushobora kwama utegeka umuntu kugira ico akora ariko ntumwumve, canke ngo umwime uburenganzira bwo kugira ico avuga.”

🛑 Paul-Simon yamenyesheje ko kugira isi yemerere ONU kwitwaza uburenganzira bwo gucungera amahoro kw’isi, bikenewe ko ivyiyumviro vyayo n’ishirahamwe biba bihagarariwe n’abagize ishirahamwe bose, hatibagiwe umugabane w' Afrika.

Inkomoko:RFI

Musomyi muhire w'akiye gute ivyiyumviro vyuyu munyafrika???





⚽️Aigle Noir CS vs ASAS Djibouti Telecom: Ikibuga Intwari utevye usanga c'uzuye kuko kiriko cakira abantu, isinzi ry’aba...
09/21/2025

⚽️Aigle Noir CS vs ASAS Djibouti Telecom: Ikibuga Intwari utevye usanga c'uzuye kuko kiriko cakira abantu, isinzi ry’abafana

Mugihe hasigaye umwanya muto urukino rutangure ,hari isinzi ry'abantu benshi barindiranye urwo rukino amatsiko

Abantu barenga benshi indani mu kibuga
,harangwa abandi bantu ibihumbi batararonka ingene binjira. Bamwe bari batambaye imipira y’umugwi kubera basanze yaheze . Abo nabo basaba ko bokwemererwa kwinjira n’aho batambaye imyambaro y’umugwi, kuko bishura amahera.




🚨 Uburyo bwo Gutsinda Ubwoba Bukubuza Iterambere: Mbega woba warashikiwe no kudashika kuri succes ubitewe n'ubwoba😭=====...
09/21/2025

🚨 Uburyo bwo Gutsinda Ubwoba Bukubuza Iterambere: Mbega woba warashikiwe no kudashika kuri succes ubitewe n'ubwoba😭
====================
🔁Nimba vyaragushikiye ngwino gato tube turayaga,uyu munsi umwanditsi wa JAYCTV ,aratuyagira zimwe munyimfato umuntu yogira kugira atsinde ubwoba:

⏰️ Akenshi wa vyemera canke ntuvyemere ubwoba bukunze kuvugwa nk’inzitizi ya benshi mu kudatera imbere, kuko budutera gushidikanya, kudashinga imizi y'intumbero shasha n’ugutinya ibizoshika mu buzima. Ariko, mu nyigisho z’abahinga mu bijanye n'ukwiyumvira kwu muntu hamwe n’iterambere mu bice bigize ubuzima.,

👉Hari inzira zifatika zerekana ukuntu umuntu ashobora gutsinda ubwo bwoba maze agatera intambwe iganisha ku kuzana impinduka nziza mu buzima.

🎯 Ivyo wokora kugira utsinde ubwoba:

1.Kumenya ubwoba bwawe:
Nk'uko umuhinga w' umunyamerika Dr. Susan Jeffers, mu gitabo ciwe yanditse yise "Feel the Fear and Do It Anyway”bisobanurwa ngo (Tinya ariko ubikore nyene) avuga ko intambwe ya mbere ari kwemera ubwoba aho kubwihisha. Kubimenya neza, kugira ugire umutima wo gusuzuma impamvu yubwo bwoba, birafasha kugabanya ukuntu bukwinjirira.

2.Gutera intambwe nto, ariko ziboneka zi gushikana kw'iterambere:

Uyu Tony Robbins na Nelson Mandela bompi barashimangira ko Guhitamo ibikorwa bito ushoboye, nk’ugutangaza iciyumviro mu murwi wa bantu benshi canke gukora ikintu gishasha gito, bizotuma utangura kw'igirira icizere

3. Shiraho intumbero ifise ishingiro mu buzima:
Abashakashatsi bavuga ko kutagira intumbero bisigura kumenya ico ushaka mu buzima. Iyo ufise ivyo wihaye, urashobora kubona imbaraga zo kunanirwa, kuko ibintu ubona ukomereje kubona.

4.Gutsindira aho abandi babona ko bidashoboka :
Nivyiza kumenyereza ubwenge ko niyo wotsindwa arivyiza kuko ushobora kubikuramwo icirwa (gufata gutsindwa nk'ishure),Kumenya ko kandi gutsindwa biri mw' nzira y’iterambere birafasha umuntu gukomeza intambwe no kudacika intege.

Musomyi muhire woba wari geze kugira ubwoba??




Address

2117 Wingate Place
High Point, NC
27260

Opening Hours

Monday 8am - 5pm
Tuesday 8am - 5pm
Wednesday 8am - 5pm
Thursday 8am - 5pm
Friday 8am - 5pm
Sunday 8am - 5pm

Telephone

+13368583527

Website

Alerts

Be the first to know and let us send you an email when JAYC TV posts news and promotions. Your email address will not be used for any other purpose, and you can unsubscribe at any time.

Contact The Business

Send a message to JAYC TV:

Shortcuts

Share

Category