06/09/2026
“لا تَتوقّع كثير، وخَلّي اللّي يجيك أجمل من اللّي رسمته بمخيّلتك.”
مرّات إحنا بنتعب حالنا مش من الواقع نفسه، بس من التوقّعات اللي بنبنيها براسنا. بنتوقّع من الناس يتصرّفوا بطريقة معيّنة، أو يعاملونا بنفس القدر اللي بنعاملهم فيه، ولمّا ما يصير هالحكي بننصدم وبننخذل.
مع الوقت بتكتشف إن الراحة مش إنّه كل إشي يمشي زي ما بدّك، الراحة إنّك تترك مساحة للأمور تمشي بطريقتها. مش كل إشي لازم يكون متوقّع، ومش كل إشي لازم يكون تحت سيطرتك.
لمّا تخفّف توقّعاتك، بتصير تِقدّر الأشياء الحلوة اللي بتجيك بدون ما تكون منتظرها، وبتقلّ خيبات الأمل اللي سببها أفكار رسمناها لحالنا وما كان إلها وجود إلا بعقولنا. ✨
