08/02/2025
ប្រធានបទក្តៅពីថៃ ៖ ហេតុអ្វីថៃរកឃើញគ្រាប់ BM-21 ដែលចោទថាជាគ្រាប់កម្ពុជាបាញ់ធ្លាក់ក្បែរភូមិអ្នកស្រុក ហេតុអីបែរជាបំផ្ទុះចោល មិនឱ្យជំនាញរក្សាទុកដើម្បីជាភស្តុតាង ឬមួយជាការរៀបចំឆាកសម្ដែងទេ?
នៅល្ងាចថ្ងៃទី២ ខែសីហា នេះ សារព័ត៌មាន ថៃរ៉ាត់ បានផ្សាយថា មន្ត្រី EOD របស់ខ្លួនបានបំផ្ទុះគ្រាប់នៅវេលាម៉ោង ១៤:៣៥ មន្ត្រីក្រុម EOD បានចូលបំផ្ទុះគ្រាប់បែក BM-21 របស់កម្ពុជាជាលើកទី១ ដែលបានធ្លាក់ចំកណ្តាលផ្លូវ ខេត្តស៊ីសាកែត ដែលនៅចម្ងាយមិនដល់ ៥០០ ម៉ែត្រពីស្ថានីយ៍ប្រេងឥន្ធនៈ PTT ដែលត្រូវគ្រាប់បែក BM-21 ធ្លាក់ចំ និងបណ្តាលឱ្យមនុស្ស ៨ នាក់ស្លាប់។
មន្ត្រីបានបិទផ្លូវជុំវិញតំបន់ក្នុងរង្វង់ ១ គីឡូម៉ែត្រ ដើម្បីរៀបចំសម្រាប់ការបំផ្ទុះគ្រាប់បែកនោះ។ បន្ទាប់មក ពួកគេបានសម្អាតតំបន់ និងប្រមូលភស្តុតាងបំណែកគ្រាប់បែកចេញពីកណ្តាលផ្លូវ។
យ៉ាងណាមិញជាចម្ងល់ពីមហាជន ប្រសិនបើគ្រាប់បែកនោះមានពិតមែន ហើយធ្លាក់កណ្ដាលផ្លូវម្ដេចក៏ទើបតែមករកឃើញថ្ងៃនេះ រូបភាពដែលបង្ហាញឃើញមានតែការ៉ុងខ្សាច់ព័ទ្ធជុំវិញ មួយទៀតបើមានភស្តុតាងបែបនេះ ម្ដេចមិនទុកដើម្បីជាឯកសារ ចាំបាច់អីទៅបំផ្ទុះចោលទៅវិញ? #ប្រភព Maha TV
