29/07/2025
EUROPE AH FALAM CHIN MIPI CONFERENCE NEI
A Vei 6 Nak ECFC ih Europe Chin (Falam) Conference pi cu Frankfurt khua, Germany ram ah July 23 in July 26 tiang hlunghlai zet in tuah a si. Tutum ah Europe ram pawl sungin Chinmi ram sarih luan lai ihsin mipum 130 hnaktam an ra suak khawm. Cumi ram pawl tla cu, Germany, Switzerland, Netherland, Norway, Denmark, Sweden, Finland le khual lian an sawmmi U.S. lam in an telpi thei.
"Tutum ah nasa zet in miphun duhdawtnak, tanlaknak le thazaang thar tampi kan ngah", ti'n conference a ra hmangtu pakhat nih a sim. Kan bangzet lai le an tha a nau zik lai caan asina'n, minung hizat tong aw khawm in miphun le ram hrangah thuhla ruah khawm aw, caan hmang tlang le pawlkom aw ih kan um thei cu thazaang a tlungtuk tiah mi tampi nih an sim.
Tutum ah Europe ram ih Lai mino tampi an tel thei ih, ruahsan dingmi tamzet kan miphun in a nei tiah hmuh a si. Tutum ah USA in CBANA G.S Rev. Dr. Biak Lian Thang, GCO President Pu Thawm Hlei Mang, Hope For Tomorrow CEO le Chin TV Executive Producer Justin Thang le Dr. Salai Tawna pawl cu khual lian ih sawm an si. Khual lian Dr. Salai Tawna cu damlonak ruang Ah a ra tel thei lo a si.
A Vei 7 Nak ECFC Conference pi cu Norway ramah 2027 ah tuah a si ding. Europe ram ih Chin hnahtlak pawl le leitlun hmun dangdang ih unau pawl khal in a tu ihsin timlaam aw in, in ra telpi cio hram uh tiah ECFC hruaitu pawl nih sawmnak an nei.
Zuk: Justin Thang & Efariam Piang.
