24/07/2025
Mahlio caan hi khirh țhân khawh sehlaw ka huam ti la lo! A duh zong ka duh fawn lo!
Ka fanu chun zân in a țah tawn lio, vava kan tum lio caan a si.
Mahtluk kan tleilo le kan sivangh lio ah cun kan nufa in Covid kan rak i mih hoi cuh!
Emergency kan phân , suimillam 2 hrawng kan rak hngak chap.
Ka hrom fahtuk ah hin thisen lawng te a rak chuak.
Rawl cu chim hlah, ti zong ka rak lemh ngam lo.
Kan nufa in kan taklinh a rak dai kho lo.
Kan nufa zawmi thlopbul he, Matthew zohkhenh le inn chungkhar cawlcangh, rawlchuan kan pa k*t lawng te a rak si.
Ka zaang maw fak deuh, a hmai ka khah lo deuh hmanh ka rak i fiang lo.
A tuah ding, a rian a si ve ko nain pa ca cun a fawi lo ti ka theihtuk cu mu. zeihmanh tak tak kha zarkhat chung cu ka bawm kho lo.
Asinain, a hmai a panh peng. A tha a tho peng.
Zarhkhat hnu cun Pathian dawtnak in Covid zawtnak in kan dam le ka Sharon zong a țah tukmi a țhinh ve colh!
Tutiang hin runh ngai in a țap bal ti lo!
Kha lio har kan tonmi kha a harbak ko nain Pathian nih kan ca țhabik khua a khânmi a rak si.
Ka fanu țap tawnmi a rak damnak caah a si!
Muinak in ceunak kan hmuh lio caan a si tik ah ka thih hlanlo ka philh kho lai lo. Asinain mahlio caan bantuk kha ton țhân cu ka duh ti lo!
