https://www.facebook.com/606091792596433/

Wah Latt, 7926 Hearthstone Way, Indianapolis, IN (2025)

10/15/2025

အားလုံးဘဲ မတွေ့ရတာကြာပြီဗျာ။ ဝါလက်သားတွေလည်း ကိုယ်စီအလုပ်ရှုပ်နေကြတဲ့ ကာလပေါ့ဗျာ။ ဒီလိုဘဲ အချိန်ရတုန်းလေး ဝါလက်သားနှစ်ယောက် လက်ရှိကာလမှာ ဘာတွေခံစားနေကြရလဲ၊ ဘာတွေလုပ်နေကြလဲ ဆိုတာကို အချိန်ခဏပြောဖြစ်ကြတယ်။ နားထောင်ကြည့်ရင်းနဲ့ အတွေးတူတာလေးတွေလည်း ရှိကြမယ်ထင်ပါတယ်။

08/20/2025

လူငယ်တွေ နိုင်ငံရေးဆိုတဲ့ အရာဆိုရင် မထိသင့်၊ မထိအပ်တဲ့ အရာလိုမျိုး ထင်နေကြတဲ့အချိန်၊ ဒီလိုမျိုးမျိုးဖြစ်အောင်လည်း ခေတ်အဆက်ဆက် ဖိနှိပ်ခဲ့ခံကြရတယ်။ လူကြီးတွေရဲ့ အကြောက်တရားက လူငယ်တွေဆီ ကူးဆက်ခံခဲ့ကြရတယ်။ သို့ပေမယ့် လက်ရှိ အကြောက်တရားကို ကျော်လွန်ပြီး အာဏာရှင်တော်လှန်နေကြတဲ့ လူငယ်တွေလည်း ရှိနေကြတာဖြစ်တယ်။ ကျွန်တော်တို့ရဲ့ ထင်ရာမြင်ရာ အပိုင်းအစလေးတွေကိုလည်း နားဆင်ကြည့်ကြပေါ့ဗျာ။

08/11/2025

Sexual Harassment (လိင်ပိုင်းဆိုင်ရာ စော်ကားမှု) အကြောင်းလေး ကျွန်တော်တို့ အဖွဲ့သားတွေ ထပ်ပြီး ဆွေးနွေးထားကြပါတယ်။ ပုံစံအမျိုးမျိုးနဲ့ နေရာပေါင်းစုံမှာ ဖြစ်ပျက်နေတာတွေကို မအိန်ဂျယ်ကနေ ဦးဆောင်ဆွေးနွေးပေးထားတာပါ။ ကျွန်တော်တို့ သိချင်တာတွေမေး၊ သူကရှင်းပြဆွေးနွေးထားတဲ့ ပုံစံလေးပါ။

08/09/2025

၈ လေးလုံး (၃၇) နှစ်ပြည့် နှစ်ပါတ်လည်နေ့မှာ ဝါလက်သား (၃) ယောက်ဆုံပြီး ၈၈တုန်းက အကြောင်းတွေ (မမှီလိုက်ရပေမယ့်) အဲ့တုန်းက ဖြစ်ပျက်တွေကို စဉ်းစားကြပြီး လက်ရှိဖြစ်နေတဲ့ အခင်းအကျင်းတွေနဲ့ တီးမိခေါက်မိလေး စကားပြောဖြစ်ခဲ့ကြတယ်။ ခေတ်အဆက်ဆက်ကနေ ယနေ့ထိ အာဏာရှင်ကျဆုံးရေးမှာ ပါဝင်နေခဲ့ကြ၊ ပါဝင်နေဆဲ လူများကို လေးစားဂုဏ်ယူကြောင်းပါဗျာ

08/09/2025

ရှစ်လေးလုံး (၃၇) နှစ်မြောက်ဖြစ်တဲ့နေ့မှာ ကျွန်တော်တို့ ဝါလက်သား (၃) ယောက်လည်း အမှတ်တရနဲ့ စကားပြောဖြစ်ခဲ့ကြတယ်။ ၈၈ တုန်းက အခြေအနေတွေ တွေးကြည့်ရင်း လက်ရှိအခြေအနေတွေကိုလည်း ချိန်ထိုးရင်းပေါ့ဗျာ။ မြန်မာပြည်မှာ အာဏာရှင်စနစ်ပျက်သုဉ်းသွားအောင် ခေတ်အဆက်ဆက်တော်လှန်ခဲ့ကြတဲ့ ပြည်သူတွေအားလုံးကို လေးစားလျက်ပါ။

07/30/2025

လိင်ပိုင်းဆိုင်ရာ စော်ကားမှု (Sexual Harrassment) အကြောင်းကို ကျွန်တော်တို့ ဝါလက်အဖွဲ့သားတွေ ဝိုင်းပြီးဆွေးနွေးထားပါတယ်။ လက်တလော ကျယ်ကျယ်လောင်လောင်ကြားနေရတဲ့ အကြောင်းတွေကို ဘာကြောင့်ဖြစ်ရသလဲ၊ ဘယ်လိုတွေက အခြေတည်ပြီးဖြစ်လာရတလဲ စတာတွေကို ပွင့်ပွင့်လင်းလင်းဘဲ ပြောဖြစ်ခဲ့ကြတယ်။ သတိထားမိကြရအောင်ပါ။ အချိန်ရရင် နားထောင်ပေးကြပါဗျ။

07/26/2025

ဒီနေ့ကတော့ ကျွန်တော်တို့ ဝါလက်သား အဖွဲ့သားအသစ် ညီငယ်တစ်ယောက်နဲ့ မိတ်ဆက်ပေးလိုက်ပါတယ်။ ကျွန်တော်တို့နဲ့အတူ ၂၀၂၁ ခုနှစ် အာဏာသိမ်းမှု စကြုံကတည်းက အတူရှိလာခဲ့တဲ့ ညီလေးတစ်ယောက်ပါ။ လူငယ်ပီပီ ပြတ်သားတဲ့ သူရဲ့ ထင်မြင်ချက်တွေ၊ သဘောထားတွေကို ကျွန်တော်တို့ နားထောင်ရမှာပါ။ ဒီနေ့ကတော့ သူနဲ့ စတင်မိတ်ဆက်ပေးတာဖြစ်ပြီးတော့ နောက်ပိုင်းကျွန်တော်တို့ ဝါလက်သားတွေ လှေပေါ်မှာ လက်ရှိဖြစ်ပေါ်နေတဲ့ တိုင်းရေးပြည်ရေးအကြောင်းတွေကို ဝိုင်းဖွဲ့ဆွေးနွေးသွားကြမှာပါ။ စောင့်မျှော်ကြည့်ရှုပေးကြဖို့လည်း ဖိတ်ခေါ်ပါတယ်။

07/24/2025

ရင်းနှီးမိသော နရသိန်နှောင်ကြိုးများ (တိုက်သို့ အလည်သွားခြင်း)

လွတ်ရက်ကလည်း ရက်ပိုင်းလောက်ပဲလိုတဲ့အချိန်လဲဖြစ်တယ်။ နှစ်နဲ့ချီပြီး နံရံတွေကြားထဲ၊ ဘောင်တွေကြားထဲ အတူနေခဲ့ကြတဲ့ မိတ်ဆွေတွေ၊ သူငယ်ချင်းတွေနဲ့ ခွဲခွာရမယ့်အချိန်လည်းဖြစ်ခဲ့တယ်။ နှစ်ကြီးတွေကတော့ ငါတို့ကတော့ ဒီပွဲပြီးမှ ပြန်မယ်ဆိုတဲ့ ယုံကြည်ချက်တော့ ရှိနေကြတယ်။ ကျွန်တော်တို့ဘယ်လောက်ဘဲ ပြောပြောပါ အပြင်ပြန်ထွက်ရတော့မယ်ဆိုတဲ့ ခံစားချက်အရတော့ ဟန်မဆောင်နိုင်ခဲ့ကြပါဘူး။ စိတ်မကောင်းတာကတော့ တပိုင်းပေါ့။ ကျွန်တော့်သူငယ်ချင်းကတော့ မင်းတို့ လုပ်နိုင်တာရှိလုပ်ကြပေါ့ကွာဆိုပြီးဘဲ မှာတယ်။ ဒိုက်ဦးအကိုကြီးကတော့ ငါတို့ထွက်တာထက်စာရင် မင်းတို့လွတ်တာ ငါတို့ပိုကြိုက်တယ်ပြောတယ်။ တချို့သူငယ်ချင်းတွေဆို ကျွန်တော်တို့နဲ့ မျက်နှာချင်းမဆိုင်ကြတော့ဘူး။ သူတို့အခြားအလုပ်တွေလုပ်နေတဲ့ ပုံစံနဲ့ ရှောင်နေကြတော့တယ်။

လွတ်ရက်နီးလာတဲ့အမျှ ကျွန်တော်တွေ့ချင်တဲ့ လူတယောက်ရှိတယ်။ ပဲခူးနိုင်ငံရေးသမားဘဲ။ သူက တိုက်ထဲမှာ နေရတာ။ ကျွန်တော် ပဲခူးမှာကတည်းက သူ့ကို တွေ့ခဲ့တယ်။ သူ့ကို နိုင်ငံရေးသမားစစ်စစ်လို့ ကျွန်တော်သတ်မှတ်တယ်။ ပဲခူးအချုပ်ထောင်မှာတုန်းကဆို အမြဲ စကားပြောဖြစ်ခဲ့ကြတယ်။ ပဲခူးမှာတုန်းက ကျွန်တော်တို့ ကဗျာရွတ်တဲ့ အဖွဲ့လေးဆီ သူလာနားထောင်ပေးတယ်။ ကျွန်တော်မေးတဲ့ မေးခွန်းတွေကို သူအကောင်းဆုံးဖြေခဲ့တယ်။ ပါတီခေါင်းဆောင်တယောက်အနေနဲ့ ကျွန်တော်ရဲ့ စံပြပုဂ္ဂိုလ်တယောက်ဖြစ်ခဲ့ပါတယ်။ ပဲခူးဝန်ကြီးချုပ်တလွဲလုပ်ခဲ့တာတွေက ကျွန်တော်တို့ ရယ်စရာဖြစ်ခဲ့ရတာကိုး။ ၂၀၁၅ မှာ အကြောင်းကြောင်းကြောင့် သူက ဝန်ကြီးချုပ်မဖြစ်ခဲ့ပါဘူး။ ၂၀၂၀ ကျမှ ဖြစ်မယ့်လူပေါ့ဗျာ။ သို့ပေမယ့် အာဏာသိမ်းတော့ သူလည်း ထောင်ထဲရောက်နေရတာပေါ့။ သူနဲ့အတူ ဆုံတွေ့ရတာဟာ ကျွန်တော်အတွက် အဖိုးတန်တဲ့ အသိပညာတွေ အများကြီးရခဲ့ရပါတယ်။ အဓိကက လူငယ်တွေရဲ့ အားကို ယုံကြည်တဲ့ လူတယောက်ပေါ့ဗျာ။ ပဲခူးမှာကတည်းက ဆုံခဲ့၊ ရင်းနှီးခဲ့ရတော့ ဒိုက်ဦးရောက်တော့လည်း သွားနှုတ်ဆက်ချင်တာပေါ့။ လွတ်ခါနီး တခေါက်တော့ ရောက်အောင်သွားမယ်ဆိုပြီး ကြံနေခဲ့တယ်။

တရက်ဖိုကြီးကို ဖွဲထမ်းရမယ်ဆိုပြီးလူထုတ်တော့ ခပ်တည်တည် ဝင်တန်းစီလိုက်တယ်။ လမ်းကြောင်းတွေ ဘာတွေနဲ့ မဟုတ်တော့ ပထမတော့ လိုက်ခိုင်းဖို့ကို အင်တင်တင်နဲ့ဖြစ်နေတာ။ ဖိုကြီးက မျက်မှန်းတန်းမိတဲ့ လူတယောက်ပါတော့ လိုက်လိုက်ရတယ်။ ကားပေါ်ကဖွဲအိတ်တွေကို မီးဖိုကြီးကို ထမ်းရတာ။ အဲဒီကတဆင့် တိုက်ထဲဝင်ဖို့ချောင်းရတာ။ ဝန်ထမ်းကလည်း ဆရာရခိုင်ဆိုတော့ နဲနဲတော့အဆင်ပြေတယ်။ သူကတော့ မဝင်ခိုင်းဘူး။ ဝင်လို့ တခုခုဖြစ်ရင် သူနဲ့မဆိုင်ဘူးဆိုပြီးပြောတယ်။ ဒီလိုနဲ့ ကိုယ့်ဘာသာကို ချောင်းရတာပေါ့။ သုံးခေါက်မြောက် လစ်တာနဲ့ တိုက်ဝင်းထဲကို ခပ်တည်တည်ဝင်သွားပြီး တိုက်ထဲကလူတွေလိုက်မေးလိုက်တယ်။ သူ့အခန်းလည်းသိရော အရောက်သွားခဲ့လိုက်တယ်။ အခန်းဘေးမှာ ကတော့ ကျွန်တော်နဲ့ ပဲခူးမှာ ချက်ထိုးနေကျ ဝန်ကြီးတပါးရှိတယ်။ ချက်ထိုးနေကြတယ်။ ကျွန်တော့်ကို ချက်ထိုးရအောင်လှမ်းအော်ရင်း နှုတ်ဆက်ခဲ့တယ်။ ကျွန်တော်လည်းခဏဘဲ နှုတ်ဆက်ရင်း အခန်းထဲကို ဝင်လိုက်တော့ ဦးလေးကို ပြန်တွေ့လိုက်တယ်။ နဲနဲတော့ အမ်းတန်းတန်းတော့ ဖြစ်ခဲ့ပါတယ်။ သူလည်း ရုတ်တရက်ဆိုတော့ လာထိုင်ပြောရင်းနဲ့ မုန့်ချကျွေးလိုက်တယ်။ ကျွန်တော်လည်း မုန့်စားရင်း နေကောင်းကျန်းမာ သာကြောင်းမာကြောင်းမေး၊ နောက်မှ သူ့ကို စကားပြောခဲ့မိတယ်။ ကျွန်တော်တို့ ပြန်လွတ်ခါနီးပြီဖြစ်ကြောင်း၊ နိုင်ငံရေးအခြေအနေအရတော့ ကျွန်တော်တို့လည်း တခုခုလုပ်ရဦးမယ်လို့ ပြောပြီး တနင်္သာရီတိုင်းဘက်ကဖြစ်တော့ အဲ့ဖက်ကို ရောက်ပြီး လုပ်ဖြစ်မယ်ထင်တယ်လို့တော့ သူ့ကို ပြောဖြစ်လိုက်တယ်။ သိပ်မကြာပါဘူး။ ဆရာရခိုင်ကတော့ ကျွန်တော်တို့ နှစ်ယောက်သုံးယောက်ပျောက်သွားတော့ ခေါင်းကြီးနေကြပြီ။ မိန်းဂျေးကတဆင့် အဆောင်မှူးဆီကို သတင်းရောက်သွားပြီး ဝန်ထမ်းတွေကတဆင့် ပြန်ခေါ်ခိုင်းတယ်။ ဦးလေးကို နှုတ်ဆက်ရင်း ကျွန်တော်တို့ကို ဂရုစိုက်တဲ့ လူတွေရှိတယ်၊ ဦးလေးရေ တခုခုဆို မျက်စိအောက်က အပျောက်ခံကြတာမဟုတ်ဘူး ဆိုပြီး ပြန်ထွက်လာခဲ့ရတယ်။ တိုက်ထဲက ထွက်ခါနည်းမှာ တောင်ဒဂုံက အကိုတယောက်နဲ့ ဆုံဖြစ်တယ်။ သူက သေဒဏ်ကျနေတာ။ သူက ရန်ကုန်ကဘဲ ဆိုပြီး မိတ်ဆက်တယ်။ ဘယ်ကလဲဆိုတော့ တောင်ဒဂုံဖြစ်နေတော့ ဆွေးမျိုးဆက်ဖြစ်ခဲ့ကြတာပေါ့။ ကျွန်တော်တို့ ရပ်ကွက်ကဘဲ။ အချိန်အကြာကြီးရေလိုက်ရဘူး။ သူ့မိန်းမနဲ့ ကလေးကို ဆက်သွယ်လို့ရရင် ဆက်သွယ်ပေးဖို့ရယ်။ သူအဆင်ပြေကြောင်းရယ် မှာလိုက်တယ်။ သူကလည်းမခေပါဘူး။ သေဒဏ်ချတဲ့နေ့မှာ စိုးဝင်းကို လက်ခတ်ထားတဲ့ သံကြိုးနဲ့ လှမ်းရိုက်လိုက်တာ။ စိုးဝင်းဆီမရောက်ခင်ဘဲ။ ဘယ်ကနေထွက်လာမှန်းမသိတဲ့ လက်တွေ မျက်နှာနဲ့ မိတ်ဆက်ခံလိုက်တာဘဲ သတိရလိုက်တယ်တဲ့။ သူသတိရတော့ ထောင်က အခန်းထဲပြန်ရောက်နေပြီပြောတယ်။ ဒီလိုနဲ့ဘဲ ဝန်းထမ်းတွေကိုယ်တိုင် ကျွန်တော့်ကို လာရောက်ပင့်ဆောင်ကြတော့ အဆောင်ပြန်ခဲ့လိုက်ရတယ်။ အဆောင်ပြန်ရောက်တော့ ရုံးခန်းခေါ်ခံထိရောပေါ့။

ဆက်ပါဦးမယ်
အာကာ (ဝါလက်သား)

Wah Latt

10/15/2025

08/20/2025

08/11/2025

08/09/2025

08/09/2025

07/30/2025

07/26/2025

07/24/2025

Address

Website

Alerts

Shortcuts

Share

Category