09/01/2025
Lè gang yo pran konsyans, yo refize kontinye sèvi kòz politisyen, boujwa ak malfetè lòt kote, kout bal sispann tire, ou retounen lakay ou menm si sa pa fin bon, men pou ki gwoup moun li pa bon👇
1) Gwoup vòlè, pitit manman vòlèz ak papa vòlò ki kache nan Canada, Etazini, Brezil, Chili, Sen Domeng, ki se gras a gang yo fin rich jodia. Kolonn kriminèl sa yo nan rezo sosyal yo ap retounen nan mizè si gen lapè an Ayiti.
2) ONG (Organisations Non-Gouvernementales). Se nan mizè w, nan san w, sou kadav ou, nan grangou w, pwomiskwite w, povrete w yo fè lajan. Se menm ONG sa yo ki pat vle nou sòti anba tant plis ke 5 an aprè tranbleman de tè 12 Janvye 2010 la. Se nan malè nou bonè pa yo ye.
3) Jounalis medya tradisyonèl krazèd peyi yo nan Pòtoprens. Sonje se sou do gang moun sa yo jwenn azil politik pou tèt yo ak fanmi yo nan peyi etranje tankou Etazini, Kanada ak la Frans. Sonje jounalis 10 medya tradisyonèl kr1m1nèl Pòtoprens ki pi mechan yo se lè n'ap mouri yo fè plis lajan ak lè grn tranzisyon. Ki vle di, yo nan grès yo depi 7 Jiyè 2021 sou kadav ou. Se chawonya yo ye.
4) Rejim kr1m1nèl an plas la. Pa bliye moun sa yo misyon yo se redwi popilasyon ayisyen an ak degèpi nou sou tout teritwa kote ki gen gwo richès anba tè nou yo pou mèt yo vin eksplwate sou san nou. Levye koripsyon an nan men yo, blan an fèmen je sou yo paske yo mete Ayiti jan l' mande l' la, y'ap piye, y'ap gagote. Rejim tew0ris sa yo mete ranplase Prezidan Jovenel Moïse aprè yo fin masakre l' jou ki te 7 Jiyè 2021 an, jan yo prezante fim nan, pat vini pou fè lapè, men pou mennen yon jen0sid ki sible sitou jenn fanm ak jenn gason nou yo, nan lide pou pa janm gen yon fòs revolisyon solid ki kanpe fas a sistèm n**i sa k'ap disparèt nasyon an. Pran chak grenn nan 9 debri sa yo sou pouvwa a, ki lage la Police Nationale d'Haiti - PNH, Brigad tew0ris, MMSS ak mèsenè etranje, ap masakre popilasyon nou yo, gade nan ki gwoup politik kriminèl yo sòti epi n'ap konprann pouki depi w di lapè tout gwoup kriminèl yo pouse grif yo.
5) Dwazimen. Sonje si pa gen konfli ame, masak, jen0sid, la fen, mizè, pa gen Dwazimen ak ONG. Se sak fè, menm lè nou pa vle nan konfli yo fòse nou antre nan konfli. Yo ba nou zam, bal, manchèt pou nou detwi youn lòt. Eske w janm wè bagay yo rele Dwazimen sou moun nan peyi kote ki gen jistis, eta de dwa ak bon jan gouvènans? Si nou fè lapè, otomatikman òganizasyon g@ng tankou RNDDH ak FJKL ap oblije fèmen dan yo nan tèt moun pou peyi a mache paske se yo menm ak jounalis kriminèl sistèm nan ki pwazon sosyete a ke kolon yo itilize pou divize nou, afebli la jistis, gouvennman nou yo ak leta a, an jeneral. Ou te konnen ONG yo ak rezo dwazimen yo se bon zanmi bandi yo? Si w pat konnen, aprann sa jodia.
6) Anbasad yo k'ap veye sou enstabilite a ak konfli sosyo-politik yo pou nou pa janm antann nou. Se misyon pa yo sa, paske objektif anbasad yon peyi nan yon lòt peyi se defann enterè lakay li. Ò, defann enterè vle di tou, nan ka Ayiti, asire yo ke nou toujou divize pou yo ka pi byen domine nou.
7) La polis ki se bra ame sistèm nan, ki se youn nan enstitisyon ki pi kòwonpi, ki anba kontwòl anbasad yo, boujwazi koupyon malonèt kriminèl la ki se alye oligachi lòtbò dlo k'ap domine tout richès peyi a ak pouvwa leta yo ansanm. Sonje gen tout kalite trafik ak koripsyon anndan polis la, tankou bal, dwòg, zam e latriye. Retounen pèp la lakay li se kraze antrepriz ilisit tout gwoup yo. Yo pa menm wont pou wè moun yo rele g@ng a sapat yo pi moun pase yo.
RL
