Jay Fun

Jay Fun Fun😊

09/23/2025

Slt DG! Mw gen yon bagay ki rivem mw bezwen yon ti konsèy svp

Dimanch lan mw ale nan anivèsè yon zanmim, lèm rive anpil zye te brake sou mw gen yon gran frè zanmim lan lè li wèm li pa gen kote poul mete kò li, misye apwochem poul dim kijan mw atirel mw te kontan tande mo flatri sa yo epi nap bwè nap bay blag mizik ap jwe li mandem danse mw pat vrèman sou sa paskem se yon moun ki timid, zanmim lan dim pa enkyetem rilaks mw, epi nan danse an li kòmanse dim kèk bagay ke zòrèy mw te anvi tande pandan kèk mwa paskem selibatè depi 8 mwa epi feeling monte nou vin deside ale pi lwen, onètman se pa kleren mw tap bwè an mw te vle sa epi mesye ki te anfas mw an se yon bon flannè santi bon, malerezman mw kouche avèk li menm sware sa a men yè lendi maten map mandem kisam fè la e mw santim renmen misye, sam vle konnen eskem ka mandel si li gen menaj e si li ta dim wi kisak pral pase? Mw santim pèdi nan pansem mw santim wont tèt mw, mw bezwen yon konsèy tanpri

09/22/2025

Hello DG! Mw espere ou anfòm, mw pran yon desepsyon la nan yon relasyon bagay sa fèm tankou yon chanm kay ki vid

Mw te nan 3e segondè mw rankontre yon demwazèl ki te nan 9e ane, nou vin zanmi apre sa vin chanje nou vin gen yon relasyon, mw vin arive fini li menm li ale nan egzamen filo ane sa a menm li bon, men etandone mw kapte byen lekòl, depi nan 9e ane an se mw kap travay ak demwazèl la lakay li, relasyon nou an te ofisyèl sèlman pou lakay mw men fanmi demwazèl la te konprann men nou pat fèl ofisyèl men yo te apresyem tou

Demwazèl la gen yon parrain li ki fè yon demach pou li, li jwenn yon viza etidyan pou li ale nan yon lòt peyi poul kapab etidye, li dim jan peyi an ye an li ka ale li pa retounen pou nou pase yon acte sivil nap marye san nou pa bezwen fè lòbi, epi nenpòt avantaj li ta jwenn lan mw ta benefisye tou, mw aksepte e sa vin fèm konprann li renmenm menmjan mw renmen li an, nou vin deside ofisyalize relasyon an devan paran demwazèl la mezanmi nou pa mandem kont paran demwazèl la fè kòmsi yo pat janm rekonèt mw, yo di se pwofite map pwofite okazyon an, yo kanpe yo dim sa a nan figim mw rete bouch louvri, mw menm ak yon gran frèm nou vire retounen lakay nou

Demwazèl la pa tande li pa wè li dim nap fèl an kachèt paske se mw li vle, sa metem nan gwo refleksyon mw pa konn kisa poum fè, kite yon konsèy pou mw svp fans yo

09/21/2025

Slt DG! Slt Fans Amora 509, publier mesaj sa a pou mw svp, mw tap viv tigwav mw rankontre yon mesye li gen 3 pitit e mw gen 2 pitit nou tap viv byen okontrè se li ki te boss mw leve tèt mw devan fanmim yo, papam tap viv etazini depi prèske 30 lane li te metem sou rezidans anyen pat janm tonbe epi pandanm rankontre mesye an sa pa menm pran 1 an edmi mw jwenn rezidans lan, mw te di sa se nèg chans mw an, mw monte etazini mw kitel ayiti, aprè 7 mwa mw antre vin marye avèk li se te yon bèl bagay e jou map retounen etazini an se ak dlo nan zye paskem pat anvi nou separe, fanmim fè anpil tole pou relasyon sa a

Chans pou nou progam biden lan vin tonbe mw aplike pou marim lan ak yon ti frè li san pran tan yo apwouve mw pat ka tann poum wè mw nan kay ak mesye an etazini, menm semèn lan mw peye tikè fèl antre vin jwenn mw

Aprè maryaj la mw te metel sou rezidans chans ankò pou nou rezidans lan tonbe ebyen se la mw pral kòmanse dekouvri vrè vizaj mesye an, li plen fanm ayiti lap pale, yon fanmim wè video yon fanm ayiti fè ak marim sou tiktok kole foto yo ansanm, mw pa dil anyen, mw tèlman pa curious mw pa konn tcheke tlf li, yon jou idem dim fèl pandan li nan douch ap benyen, lèm pran tlf mw jwenn anpil video ak foto fanm sou li e pati entim marim li voye bay lòt fanm

Depi lè sa a map chache konnen kisa ki fèl nan eta sa a mw paka jwenn repons lan paskem bal tout atansyon ak afeksyon, dènye kou ki touyem lan li te dim li pral fè yon travay nan abitasyon li poutan se sendomeng li al pase 8 jou ak yon jèn fanm

Franchman mw regrèt mw te fè misye antre america, poutan anpil moun wè map souri poutan sa kap pase anndan kèm se hummm, mw just bezwen konsèy nou please guys🙏🙏🙏

09/14/2025

Hello Amora509! mw se yon prof lekòl e antreprenè tou mw rankontre yon mesye sou rezo sosyal la ( facebook ) li te montrem anpil senserite nan li, li te banm tout verite li gen 2 pitit li menm ak manman timoun yo separe depi 4 lane, mw pat twò vle antre nan sijè li menm ak manman pitit li paskem konnen kanmenm 2 moun sa yo menmke se apre 10 ans yap pale kanmenm, li esplike tout rezon ki fè li pa ansanm avèk dam lan ankò paske dam lan te twonpe li ak pwòp konpè li

Mw vin deside antre al viv nan kay mesye an, mw pa konn si se yon fyète marim genyen epi li pran plezi chak bon moman nou pase ansanm li fè foto lage sou rezo an pou montre kijan lanmou nou soude, depi lè sa a nou kòmanse resevwa kèk vye mesaj de yon seri numero enkoni, dam lan vle gen aksè ak anndan kay la, mw oblije paka di anyen e marim lan gen yon pwoblèm gason se pa yon moun ki ka pale di tankou gason, mw dil solisyon an se kay la pou nou kite, marim lan dim non lap jere tout bagay, mw santim gen yon jan enkyete se tankou manman pitit la bezwen retounen ak mesye an mw vin parèt kòm yon obstak, onètman relasyon an ap byen mache mesye an respektem e li renmenm tou mw ni pou mw, men sak parèt pwoblèm lan se dam lan ki toujou ap vire nan zòn lan pase devan kay la vire tounen li gen yon sijè timoun yo lap rele marim lan, tanpri kite yon konsèy pou mw paskem santim pèdi nan pansem🙏

09/13/2025

Bonswa DG! mw abite Okap se ak yon kè ki fann an 2 map ekriw mesaj sa a, mèsi pou travay sa wap fè an,
mw te rankontre ak yon dam nan ane 2020 nan mache Okap la se yon bèl dam li tap vann lwil nan po ti bokit bè men nan pale plizyè fwa avèk li mw vin estime sim angajem avèk li nou ka fè sa petèt mw pat menm kapab imajine, mw koze avèk li malgre kèk zanmim te dim desann twò ba men sa pat anpechem renmenl, nou vin antann nou byen, nou antre nan kay men onètman mw renmen li men mw te di map fè plizyè ane ap viv nan kay avèk li avan menm mw marye avèk li, li aksepte mw vin dil map ba li yon pi gwo komès paske si se pou jesyon mw paka repwochel anyen de sa jiskounya.
li vin ap ht 1 bal pèpè lap degajel san pèdi tan li vin pran 2 e mw te dil sa lap fè an li pa bezwen retire anyen nan benefis lan tout bagay sou kont mw nan kay la paskem te wè yon vi meyè e mw te vle fè zanmim yo wont tou paske yo tap kritikem pou nivo dam lan

Janm di nou an li konn jere li vin ap pran plizyè bal pèpè li vin tonbe nan trelè pèpè ane ,2023 a, li pran plizyè moun pou travay avèk li, li vin parèt boss la kounya paske li antre plis kòb pasem ebyen depi lè dam lan wè li gen moun kap travay avèk li an li chanje konplètman avèk mw li pa banm atansyon pafwa li soti nan soirÊe mw pa menm konn kotel fè poutan tout moun wèm map byen viv poutan sa kap pase anndan lakay mw se twòp, mw fè sanblan paskem pè pou moun pa jijem, dam lan gen gwo relasyon nan vil la vire tounen lap jwenn envitasyon se tankou tèt li vin gwo li pat panse vi li te ka chanje a plizyè repriz mw eseye pale avèk li li fè tankou li konprann apre yon ti tan li retounen menmjan an ankò, mw pa konn kisa poum fè tanpri fans yo kite yon konsèy pou mw svp

Address

Jacksonville, FL

Telephone

+50937550394

Website

Alerts

Be the first to know and let us send you an email when Jay Fun posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Jay Fun:

Shortcuts

Share

Category