10/04/2025
Siapa Pastor PL Thlenga Thungetna ah Phawkciatni...Seplah aneilo T**a hi.
THUNGET CIALNA
(Mizo paua ka at a tel lo tampi om i hih manin Zo pau tawh hong at kik hing ei maw)
U leh naute leh Pasian’ na kasepih ka lawmhoihte, FB lawm khempuehte aw..
I biak T**a min tawh hong Nohset masa ing.
Ka damlohna vai pawlkhat in na thei khin ding vua, a thei nailo Leitung mun tuamtuam a omte in hong d**g thei zel a hih manin ka damlohna thu hih a nuai a bangin thungetna ah nong phawksak na ding un kong gelh khia ding hi.
Kei pen Pasian Thupha tawh ka Cidam mah mah hi. Ka neulai a sidek lianga khat vei kanat ngei sim loh zato lum ding zah d**ga ka nat ka thei nai kei hi. Ka gilpi bang pen a nat lam ka thei nai kei hi. An pen ka nawh nek ngei kei a, dam takin ka nei hithiat hi.
Pasian hehpihna tawh ka ci dam mah mah hi.
Nektheih tuamtuam muamkhum cihte zong ka ne ngei kei hi. An nek pongman takin ka ne den zaw hi. Pasian tungah zong hih bangin mun Tampi ạh Ama thu gen hi mah leng ka gilpi leh ka sung lam damlohna om lo a, hong kem Pasian tungah zong Lungdam ka ko pha pha hi.
Hi mah leh July,2025 in Tulsa khuapi, USA ah crusade ah thu ka gen khít, crusade ka zawh a kipan ka Gil sung pen hong nuam pha lo đến a, ka gikna( weight) zong hong kiam han han hi. Siavuante kiang ah pai in a thu ka gen ciangin CT scan lak kul ding hi ong ci uh hi. Tua CT scan pen nung kaal in ka la uh a, a result zong ka thei khin ta uh hi.
Doctor in “Na gilpi ah a bawk om a, na gilzang zong sak in tua ban ah tui pai lai hi. “
Hih pen a hang bang hiam cih ih thei nai kei a, a sa nen lain datkhuaikhan a et ding ( biopsy) kul ding hi hong ci uh hi.
Tua bangin Biopsy Siavuan pa mu ding in ka pai uh hi. Tua siavuanpa in ka CT scan result teng hong lah khit ciangin , ‘ na gilpi pen bawk ( swellen) hangin a sah a hi hi. Tua mah bangin na gilzang zong bawk in tui om hi. Na gihna( weight) zong nak kiam lua a hih manin hih pen na dang hang hilo in cancer hang hi pelmawh ding hi cih ka um hi. Zing ciangin endoscopy leh biopsy la leng a kician zaw in ki theikhia ding hi “ hong ci hi.
Tua bangin September 31 ni in biopsy ka la uh hi. Ka gilpi pan zong tui litre khat leh alang bang hup khia uh hi. Ka biopsy result a hih leh Friday or Monday ciang ki thei ta ding hi.
Doctor kiangah cancer bang hi zenzen leng ong bangci bawl ding na hi uh hiam ka cih ka d**g hi. Doctor in bel cancer dingin um pah a, US doctor te pen thu ip zong nei lo uh hi.
Doctor in hong dawnnkikna ‘ na cancer pen mun tuamtuam kilawh khin a hih manin ki at(operation) ngam năwn lo ding hi. Stage 4 ciang bang tung ta hi. Chemo khai ding cih loh buang Bangmah ki bawl thei năwn lo hi. ‘ tua pen Doctor hong hilhcian dan hi. Hi niiBang bang hileh Pasian tungah Lungdamna ka ko hi. Hih Natna pan dam khia zolo hi leng zong ka khamuang mah mah hi. Ka lungsim buai lo in, zong ka patau kei hi.
Ka Tangval no k*m 18 ka phak a kipan Lai Siangtho sangkah kah in Pasian thu sin in Ama na sem to to ka hi hi. Tu in k*m 60 bang val ta ka hih manin ka lungkim mah mah hi.
Mite muhna ah kicin lohna tampi nei mah ning. “T**a aw kei mawh neipa hing” ka kici den a, mawhna pulaak in mawhnaina ka ngen den hi. Kicing lopi pi in T**a na ka sepna Pasian in hong theih pih hi cih ka theih ciangin, ka Lungdam mah mah hi. Lungdam na ka koko zel a note in zong nong kohpih ding uh ka deih mah mah hi. A diakin ka hun top lam ciang Zomi te a dinga ka hun khempeuh zang thei ka hih manin lungdam lua ing.
Tua banah ka zi Ruali zong zani panin sermonna a ka zat den “ Pasian tungah Lungdam koh ding” ka gen bangin Lungdam hong ko thei ta hi. Amen
“ T**a aw ka pasal in mite vei bang cancer Natna vei a hih manin ka khasia kei hi. Hih bangin cancer natna thuak thei a nong bawl manin Lungdam kong ko hi. Na khempeuh nong theih pih a, kote ading a hoih pen in hong gelsak ding na hih manin Lungdam kong ko hi.’ ci in thu hong ngen thei ta hi. Tua zan a kipan amah zong a nunglam leh awmlam kivutlet bang a na zong hong dam siang mawk hi. Lamdang lua ,. Pasian tungah Lungdam kohna in damna tak tak hi ci in gen gen a, Lungdam ko ko ta hi . Amen.🙏
Tua a hih manin hong lungkham pih lua kei un maw..
Kei zong dam ding hi ingh. Ka pawlpi mite in keima hang in a mawhna te uh pulaak in Pasian tung kiko uh a, khitui tawh thu hong nget sak den uh hi. Lawmte aw ka dam tak tak ding hi . Ka lawm hoih teng aw no zong thu hong nget pih ciat un maw. Na Thungetna hangin Pasian in na lianpi sem pelmawh ding hi.
T**a minthanna hi ta hen ,. Amen.🙏❤️
Lalpa ropui ber rawh se.
Siapa Facebook : https://www.facebook.com/Thlengapl
