Dambal Media

08/11/2025

“Maal bareenni akkanaa,
Laalcha sidaaw’atanii!
Ganda ulfoo ulfinaa,
Sanyii qadhaabatanii!
Arsii Arsooma qorsaa,
Ars​ee sanduuqa obsaa​“

Ibroo Ibsa Wallee haarawa "Kaamolee" jedhu yuutubii isaa irraati daawwachuun subscribe godha.

Your #1 source for quality music & videos! SUBSCRIBE NOW! ❤️👆⬆👆⬆👆⬆👆⬆❤️Like | Share | Subscribe ​ ​ ​ ​ ...

08/11/2025

Baga guyyaa dhaloota kee geesse Taammirat Tola 🎉

Meedaaliyaa warqee Olompikii kan argate🥇, fi shaampiyoona addunyaa 👑.

08/11/2025

Pirezidaantiin Keeniyaa 🇰🇪 Wiiliyam Ruutoon tapha CHAN gareen biyyaalessaa Keeniyaa Zaambiyaa waliin taasisan yoo kan injifatan ta'e tokkoon tokkoon taphattoota gara doolaara kuma 20 akka kennaniif waadaa galaniiru.

08/08/2025

Balaa xiyyaaraa Keeniyaatti mudateen lubbuun namoota jaha darbeera

Xiyyaarri xiqqaan garee yaalaa Amref fe’ee ture naannoo magaalaa guddoo Keeniyaatti bakka namoonni hedduun itti baay’atutti kufee lubbuun namoota 6 du’uu aanga’oonni naannichaa himan.

Xiyyaarri Ogeeyyii fayyaa fe'ee kun gara magaalaa guddoo Somaliland Hargeisa osoo deemaa jiruu kufe jechuun dhaabbati gargaarsaa Amref ibsa baaseen beeksiseera.

Balaa kanaan namoonni afur Xiyyaara sanarra turan, namoonni lama ammoo lafarra turan du’uu isaanii komishinarri naannoo Kaawuntii Kiambu Heenrii himaniiru.

Abbaan Taayitaa Siviil Aviyeeshinii Keeniyaa xiyyaarri kun buufata xiyyaaraa Wiilsan irraa erga ka’ee daqiiqaa sadii booda to’attoota tiraafikaa qilleensaa waliin qunnamtii akka dhabe Rooyitars gabaaseera.

08/07/2025

Baatuu Hara Dambal 💥
Lake Dambal
ደምበል ሀይቅ ባቱ

08/07/2025

Miseensi garee kubbaa miilaa biyyaalessa Itioophiyaa tokko Ameerikatti hafe.

Gareen kubbaa miilaa biyyaalessa Itoophiyaa miseensa 31 qabatee gara Ameerikaatti kan imale yoo ta'u, miseensi tokko achitti hafeera jedhame.

Namni Ameerikaatti hafe kunis hogganaa foyituu (Kit manager) Obbo Dammallaash Isheetuu ta'uun gabaafameera.

Federeeshiniin kubbaa miilaa Itoophiyaa dhimma kanaa fi kan biroo irratti boru ibsa ni laata jedhamee eegama.

08/07/2025

Kilabiin kubbaa miilaa Itiyoophiyaa kaleessa galgala sa’aatii 12:00 irratti Waashingitan DC irraa ka'uun balaliin sa’aatii 13 booda buufata xiyyaaraa idil addunyaa Boolee Finfinnee nagaan akka ga’e Federeeshiniin Kubbaa Miilaa Itiyoophiyaa marsariitii ofiisaa irratti beeksiseera.

08/06/2025

Tajaajilli Awtoobisii Naayiroobii-Finfinnee Eegale.

Dhaabbanni tajaajila geejjibaa Abyssinia Luxury jedhamu dhiheenya kana tajaajila Awtoobisii Naayiroobii irraa gara Finfinneetti eegaluu beeksise. Tikeetiin Awtobisii tokko shilingii Keeniyaa 7,500 yoo ta'u, imala fi deebi'a waliigalaatti immoo shilingii Keeniyaa 15,000 dha. Gatiin kun tilmaamaan birrii Itiyoophiyaan birrii kuma 16 ta'a.

08/06/2025

Hojii gaggeessaan olaanaa Meta, Mark Zuckerberg, dhaabbata Mira Murati's Maashina Hubannoo Namtolchee (AI), doolaara biiliyoona 1n bituuf gaffii dhiyeesse.

Dhaabbatichi gaffii kana erga kufaa taasise booda Mark Zuckerberg, Andireew Tulloch dabalatee hojjettoota dhabbata Mira Muratis, irratti xiyyeeffachuun sochii qacarrii eegalee jira, kunis kuufama (Paakeejii) kaffaltii doolaara biiliyoona 1.5 ta'u namoota isa biratti qacaramaniif dhiyeessuun gabafame.

08/05/2025

Dhaabbanni IMMIIGREESHINII Idil-addunyaa (UN/IOM) akka gabaasetti, namoonni 12 qofatu lubbuun hafe, 142 ammoo lubbuun isaanii dhumuun irraa sodaachisaadha.

Ammaaf, lubbuun namoota 68 ol ta’an du'anii ragaadhaan argameera. Iddoo suukkanneessaa, lafa galaana Kibba dhiyaa Yaman, kan maqaan isii Khanfa jedhamtu irratti reefki guurame jira.

Waggaa waggaan, baqattoonni kumaatamaan lakkaa’aman baayyeen isaanii ilmaan Oromoo ta'e jireenya haaraa fi carraa hojii barbaachaaf gara biyyoota Arabaa deeman. Garuu imala balaa fi dhiphinaan guutuu ta'e kana keessa, baayyeen galaana keessatti lubbuun isaanii addunyaa kana irraa dabraa jira.

Lubbuun ilma namaa, addunyaa kana irratti silaa kabajaa argachuu qabdi. Garuu kuni? Du'a ilma Oromoo galaana keessatti dhufaa jiru? Namoonni gammachuu fi carraa barbaachaaf imalan, gara lafee fi nyaata qurxumitti jijjiiraman.

Silaa biyya teenya keessatti qabeenyaa fi hojii argachuun salphaa ta’ee, ilmaan keenya galaana hin cehan turan. Rabbiin lubbuu isaanii jannata haa galchu. Maatiin isaanii jajjabina haa argatan.

08/03/2025

Qaamni Lafa Magaalaa Bulchu Sababa Lafichi Seeraan Ala Qabame Jedhuun Qofa Osoo Akeekachiisa Hin Kennin Qabeenya Laficharra Qubate Yoo Mancaase Beenyaa Kaffaluuf Itti Gaafatamummaa Ni qabaatamoo Hin Qabaatu?

===^^^^====°°°°°°======^^^^^^^=====

Dhaddachi Ijibbaataa MMWF hiikkoo seeraa dirqisiisaa dhaddacha gaafa 30/09/2016 ooleen Lakk.Ga.238091 (Jildii 27ffaa) ta'e irratti kenne keessatti:

"Qabiyyeen lafa magaalaa osoo qaama ilaallatuun hin hayyamamin qabame yoo sirna hin qabsiifamne ta'eefi sirna liizii jala hin galle ta'e, qaamni ilaallatu akkaataa Labsii Lakk.721/2004 kwt 26(4) jalatti tumameen ajaja gadi lakkisiisuu kennuufi beenyaa kaffaluun osoo irraa hin eegamin akeekachiisa barreeffamaa guyyaa hojii torbaa qofa nama qabiyyicha qabateef qaamaan kennuudhaan ykn qabeenya iddoo laficharra jiru irratti maxxansuun gadi lakkisiisuuf aangoo qaba. Sababa itti haala kanaan akeekachiisni kennamuufis: namni qabiyyicha qabate sababa tarreeffamaafi ragaa isaa waliin qaama ilaallatutti komii isaa akka dhiyeeffatu dandeessisuuf, qaamni ilaallatu dhimmicha ilaalee murtii bulchiinsaa akka kennu dandeessisuuf, akkasumas namni qabatee jiru komii yoo qabaachuu baates qabeenya laficha irratti horate baasii mataa isaatiin akka kaafachuu danda'uuf yeroofi carraa kennuuf akka ta'e labsichuma kwt 28(2fi3) irraa hubachuun ni danda'ama.

Qaamni ilaallatu kun haala kanaan dirqama akeekachiisa kennuu seeraan itti kenname osoo hin bahin sababa lafichi seeraan ala qabameera jedhuun qofa qabeenya laficharra qubate kan mancaasu ykn qabeenyicharra miidhaan akka gahu yoo taasise beenyaa hanga miidhaa gaheen walmadaalu kaffaluuf kan dirqamudha" jechuun murteesseera.

👁️Dhaddachichi murticha keessatti qaamni ilaallatu bifa armaan olitti ibsameen itti gaafatamummaa kan qabu ta'uu kanaan duras galmee lakk.236995fi 241461 (kan hin maxxanfamne) ta'an irratti murteessuu isaa nu yaadachiiseera. (Ç to Desalanyi.B)!!

© Asheetuu Turii

08/02/2025

Yuunivarsiitii Naannoo Oromiyaa guyyaa har'aa (26/11/2017) barattoota wiirtuulee barnootaa adda addaa irratti sagantaa barnoota idilee, galgalaafi torbeetiin, muummeewwan gara garaatiin digirii tokkoffaafi lammaffaatiin barsiisaa ture baay'inni isaanii 1973 eebbisiise.