https://www.facebook.com/102373155539022/

Lumensa, 2550 NW 39th Way, Lauderdale Lakes, FL (2025)

12/09/2025

Kitem Gide w se yon mesaj konsolasyon ak sipò emosyonèl. Li pale de yon moun ki santi l pèdi, men ki omwen ka konte sou yon lòt. Jemimah Crème À la Vanille RutshelleAbelle-blue Belfleur J-Hanzy Majoe Hera

11/30/2025

Kwè nan tèt ou, menm lè pèsòn pa kwè nan ou.
Menm lè lavi parèt konplike,
menm lè tout bagay sanble nwa tankou nwit san lalin, reziste.

Fòs ou pi gwo pase dout yo.
Chak etap ou franchi, menm ti pa yo, ap mennen w pi pre limyè k’ap tann ou nan pwent tinèl la.

Chak moman difisil se yon leson,
chak obstak se yon opòtinite pou ou grandi.
Ou ka tonbe, ou ka santi w fatige,
men lè ou leve kanpe, w ap wè kòman solèy la ap leve pou ou menm.

Kwè nan tèt ou, menm lè tout sak devan w vle trennen w nan dout.
Nan kontinye mache, chèche,
w ap twouve yon limyè ki te toujou la, kache dèyè nyaj yo,
pare pou montre w chimen pou avanse.

Pa bliye, ou se limyè ou menm,
ak fòs sa a ki nan ou a, ou ka reyalize tout sa w vle, men tou, reyisit pa pou bouda lou, li pa nan moun k’ap mòde lage, eseye san kanpe, mete disiplin lakay ou.
Si ou detèmine jan l dwe ye a, linivè gen pou louvri ba w pase.

Lumensa… ✍🏾🧠🤍

11/28/2025

Renmen tèt ou san kondisyon, tankou solèy ki leve menm lè nwaj kouvri l
Pi gwo validasyon an dwe vini de ou.

Si w tonbe, sa pa vle di w pa fò ase, chwa w fè aprè a ap di plis sou kiyes ou ye.
Ou gen obligasyon pou w avanse menm lè tout kondisyon ta reyini pou w ta lache.

Fè fas ak doulè w, fè fas ak laperè w, oze.
Nan batay sa yo, ou bati fòs ki pap tranble lè lavi konplike.
Fè koneksyon ak tèt ou toutotan w kapab, bati lyen ki pa egziste ant ou ak pèsòn ankò.

Lè jounen an fini, tout moun ka vire do, tout bagay ka disparèt,
men si w te byen pran swen tèt ou, se sèl trezò k’ap rete nan djakout ou.

Lumensa…✍🏾🧠🤍

11/27/2025

Gen moman kote pi gwo prèv lanmou pou tèt ou,
se lage sa k ap fè w plis mal pase byen yo.

Pa fòse kenbe sa w konnen ki fini deja.
Pa toutan koute kè w sèlman, li konn tèlman atache li bliye sa l vo.

Gen moun se bon souvni ki kenbe yo bo kote w,
men reyalite a pa kite plas pou renmen ankò.
Lè pa gen lanmou ankò, abitid tounen yon pwazon.

Piga w pè mache poukont ou,
solitid nan bon direksyon pi dous pase konpayi ki anpwazonnen kè w.

Se pa tout lè w bay vag ou pèdi,
Anpil bay vag se libète, anpil bay vag se pwogrè, anpil bay vag se lanmou tou.
San bliye ke gen bay vag, se fè plas pou sa ki destine pou rete.

Ou konn pa vle kite ale, pandan se grenn pa ki rete pouw fè, pou pi bèl chapit egzistans ou kòmanse ekri.

Lumensa …✍🏾🧠🤍

11/26/2025

Pa prese chèche chalè nan bra yon lòt lè kè w poko fin reprann souf li.
Paske lè w deside angaje w ak blesi ki poko trete, ou pap vrèman chèche lanmou,
Wap chèche pansman.
E pa gen pi move chwa ke sa.

Chita ak tèt ou.
Gade verite yo dwat nan je, menm lè y’ap rache w andedan.
Se sèl fason pou lespri w respire ankò san w pa kouri kite reyalite a.

Epi sonje,
Moun ki vini apre a pa gen pou peye dèt moun ki te la avan an.
Li pa merite sibi konsekans aksyon avan yo, ni peye pri dezas li pat lakòz.
Li merite limyè ou.

Menmjan ak yon jaden apre siklòn, ou pran tan pou netwaye, replante, retounen bay tè a fòs li,
Kè w merite menm swen an.
Geri anvan ou tounen angaje w ankò,
Pou pwochen moun nan jwenn yon OU ki antye, ki anvi viv.

Se yon travay lè w pran tan w fè ak tèt ou, ki byen fèt, ou pare pou nenpòt sa kap vini an.

Pran swen tèt ou bèl nanm, pa kite plezi pèsòn koute w menm kè kontan w, alevwa egzistans ou.

Lumensa…✍🏾🤍

11/24/2025

Si w santi w egare, kitem gide w.
Gen jou lespri a chaje kou bourik andeyò k’ap desann lavil, lavi parèt flou, e tout bagay sanble ensèten.

Men pa bliye yon bagay, pafwa, tout sa w bezwen se yon prezans ki pa fòse, yon limyè ki mache ak ou an silans.

M pa la pou mennen w kote ou pa vle ale.
M la pou mache bò kote w, suiv vitès pa ou yo tankou lonbray ou, respire avè w jiskaske tout bagay retounen klè.

Gen fòs nan konfyans, e gen direksyon nan moun ki wè w menm lè ou pa wè tèt ou.
Si w santi w pèdi, pa wont.
Tout kè fè fo pa, tout nanm gen moman li akable.
Men si w chwazi ban mwen men w,
m pap lage’l jiskaske ou jwenn wout ou ankò.

Sa ka rive w pa bezwen yon moun pou sèlman gide w,
Si w anvi SONJE kiyès ou te ye anvan anvan mond lan te fè w sispann kwè nan tèt ou, ou ka konte sou mwen pou sa tou.

Si w santi w egare, kitem rete la pou ou.
Non sèlman pou montre w direksyon an,
men pou raple w fòs ou, limyè ou, tout bagay ki ap dòmi andedan w.

Si w kitem gidew, mpa pwomèt ou w pap kilbite, e si n ta tonbe, n a va leve ansanm jiskaske w retounen tounen an sètitid.

Si w santi w egare,
kitem gide w.
Jiskake w pa bezwen gid ditou, lè sa ou pap bezwen limyè, paske w se limyè.

Lumensa …✍🏾🧠🤍

11/24/2025

Gen moun ou rankontre sanzatann, san preparasyon, e se tankou enèji yo te deja konnen w.
Se pa bèl pawòl ki kreye lyen sa a, se yon vibrasyon ki pase ant 2 moun menm anvan yo konprann sa ki rive a.

Gen rankont ki fèt san non, san istwa, san okenn esplikasyon.
Se yon melodi enpòtan ki vini tou dousman, men kè a rekonèt li depi sou premye nòt la.

Lè koneksyon an reyèl, li pa bezwen presyon.
Ayayay zanmim… li woule natirèl, tankou dlo ki deja konnen wout li.
Yon je ki kwaze lòt, yon souri ki pa fòse, yon ti kouran k ap pase, e sa fè ou santi w byen.

Gen moun ki antre nan lavi w konsa.
Yo pa chanje w, yo reveye w.
Yo ranpli vid, yo fè espas ki te la deja vin pran sans.
Se enèji ki rankontre enèji, se 2 mond ki aliyen an silans e ki konprann youn lòt san yo pa di anpil.

Lè sa rive, mpap baw manti, ou pap konfonn li.
Koneksyon ki fèt konsa, ou pa chèche li, se sak fè w rekonèt li fasil lè li vini.

Si w poko viv sa, m swete w li.
E si w ap viv li, goumen pou kenbe li.

Lumensa …✍🏾🤍

11/22/2025

TAN AN PAP TOUNEN, LAVI PAP REPETE.
Gen bagay ki parèt senp, men ki make pou tout lavi.
Tan pase tankou dlo k ap glise sou wòch, li pa fè bak,
Li pote ale tout sa nou te kapab di, tout sa nou te pè viv.

Se poutèt sa, chak batman kè se yon envitasyon pou n leve,
pou n souliye chak mo, chak jès, chak chwa ki vini de nou.
Lavi pa repete, chimen sa trase yon sèl fwa, li mande pou n parèt vrè, san mask, san laperè.

Gen limyè ki sèlman limen lè n fè kèk pa annavan.
E se nan pa sa yo, menm lè yo sanble piti,
ke desten nou pran fòm li, ak trankilitè, men ak anpil pwofondè.

Viv jodi a ak tout fòs ou.
Fè sa w gen pou w fè ak lanmou, pasyon, konsistans,
san bliye disiplin ki kenbe tout rèv vivan.

Rès la, tan an ap jere li.

Lumensa

11/21/2025

Nanm ki vrèman bèl yo pa bezwen piblisite.
Gen yon limyè💡ki sòti anndan yo, yon limyè ki pa chèche ni je pèp la ni aplodisman pèsonn. Yo mache dousman, men prezans yo kite tras.

Yo make moun bò kote yo san yo pa fòse anyen.
San sekrè, san bri, san pwomès. Se jis fason yo gade w, fason yo pale ak respè, fason yo fè mond lan vin pi lejè pou moun ki antoure yo.
Se bote ki pa mande espas, li kreye.
Li pa mande plas, ou sede paskew santil merite sa.

Se konsa nanm ki vrèman bèl e pwòp yo ekri istwa nan kè moun, antoure w de yo, rann egzistans ou pran yon lòt dimansyon.

Lumensa 🤍

11/20/2025

Vi prive se fòs. Moun pa ka kraze sa yo pa konnen.
Se poutèt sa, ou pa bezwen louvri tout pòt nanm ou pou chak figi k ap souri.
Sa w kenbe pou tèt ou, se pa feblès, se pwoteksyon, se estrateji, se respè pou tèt ou.

Nan yon mond ki vin pi pyeje chak jou, aprann kenbe silans ou se yon sipèpouvwa.
Sa ki rete prive, pa kache, li pwoteje.
Paske nan fen jounen an, sa pèsonn pa konnen, pèsonn pa ka manyen.
E sa pèsonn pa manyen, pèsonn pa ka kraze.

Lumensa 💡

12/13/2024

"🌟 Bringing Art to Life! 🌟

Here’s another happy client holding their custom digital painting! 🖌️✨

📸 Turn your favorite memories into a masterpiece you can proudly display.
🎨 Personalize your space with art that speaks to you.

💬 Ready to transform your photo into a stunning canvas? Let’s make it happen! 🚀

🎨🙌"

Lumensa

12/09/2025

11/30/2025

11/28/2025

11/27/2025

11/26/2025

11/24/2025

11/24/2025

11/22/2025

11/21/2025

11/20/2025

12/13/2024

Address

Website

Alerts

Contact The Business

Shortcuts

Share

Category