08/13/2026
MESDAM, MESYE, NOU MANDE W RETE BYEN ENFÒME SOU ZAFÈ IMIGRASYON
Mesdames et Messieurs, nou pa bezwen pran risk nan zafè imigrasyon. Sitiyasyon an ap chanje anpil, lwa yo konplike, e gen anpil dosye ak pwosedi imigrasyon k ap evolye.
Pou moun ki gen TPS oswa lòt dosye imigrasyon ki afekte, nou vle fè nou konnen gen plizyè pwojè lwa k ap diskite nan Kongrè a, espesyalman nan Sena a. Gen kèk pwopozisyon ki ap chèche jwenn solisyon pou kèk kategori moun, tankou posiblite pou jwenn rezidans pèmanan. Men, nou dwe presize: se pwopozisyon lwa yo ye; yo poko vle di ke rezidans lan deja disponib.
Mesdames et Messieurs, nan moman sa a, li enpòtan anpil pou ou pa pran desizyon sou dosye imigrasyon ou san konsèy pwofesyonèl. Si ou kapab, chèche yon avoka imigrasyon ki gen lisans pou verifye sitiyasyon pa w epi esplike w ki opsyon legal ki disponib pou ou.
Sou TéléNetwork la, nou toujou ap chèche verifye enfòmasyon yo anvan nou pataje yo avèk nou. Objektif nou se ede kominote a rete enfòme sou chanjman ki ap fèt nan zafè imigrasyon.
Si w ap koute nou oswa w ap gade nou sou TéléNetwork, tanpri pataje enfòmasyon sa yo pou plis moun kapab jwenn enfòmasyon ki enpòtan.
Nou se Radyo Télé Idéal FM, depi 1997.
Nou disponib sou TéléNetwork, sou chèn 40-91, ansanm ak platfòm dijital yo: TikTok, Facebook, YouTube, Instagram, ak sou sit entènèt nou an.
www.radioidealfm.com
Mesdames et Messieurs, Idéal FM se fòs enfòmasyon an. Nou la pou enfòme nou, ak respè, responsabilite ak verifikasyon.
Rete konekte avèk Idéal FM. Pataje pou lòt moun kapab enfòme yo tou.
