Sorakvudh Hem

12/06/2025

ប្រទេស​ដែល​ធ្លាប់​ឈ្នះ​ពាន​រង្វាន់​បាល់ទាត់​ពិភពលោក​ពី​ឆ្នាំ​១៩៣០​ ដល់​ឆ្នាំ​២០២២​។
តេី​២០២៦​ នរណា​ជា​ម្ចាស់​ពានរង្វាន់​មួយនេះ?
រូបភាព​ បណ្ដាញសង្គម​ ។
Cr to owner.

11/07/2025

អ្នកបង្កើតអក្សរខ្មែរ

មានទស្សនៈមួយចំពោះនរណាជាអ្នកបង្កើតអក្សរខ្មែរ គឺថា អ្នកបង្កើតអក្សរខ្មែរ គឺជាមនុស្សមានឋានៈធំក្នុងជួររដ្ឋាភិបាល ពោលគឺជាជាមេទ័ពដ៏មានចំណេះជំនាញសង្រ្គាមម្នាក់ និង ជាអ្នកស្រុកដែលរស់នៅក្នុងតំបន់អង្គរ។ ការសន្និដ្ឋាននេះគឺផ្អែកទៅលើទឡ្ហីករណ៍ដូចតទៅ៖

១. ចូរយើងមើលឈ្មោះស្រៈរបស់អក្សរខ្មែរ ដូចជា ស្រៈអា គេហៅថា ទាញយារ ដែលដូចជាមនុស្សកំពុងទាញយារដាវបំរុងកាប់នរណាម្នាក, ស្រៈ អុ គេហៅថា បុកជើង, ប ដាក់ “ គេហៅថា ប សម្លាប់ពីរ អានថាប៉ ដែលប្រើពាក្យ “សម្លាប់” ដែលជាពាក្យក្នុងការប្រយុទ្ធគ្នា, មានពាក្យ “ផ្ញើរជើង” ដែលដូចជាកាត់ជើងសត្រូវហើយផ្ញើរទៅភាគីសត្រូវ, សញ្ញាគូសអក្សរ “ប” ដើម្បីក្លាយជាអក្សរ “ម” គេហៅថា ប វះពោះ ជាដើម ដែលសុទ្ធសឹងជាពាក្យសម្រាប់ប្រើក្នុងសង្រ្គាមមានការកាប់សម្លាប់គ្នាជាដើម។ ដែលអាចបង្ហាញថា អ្នកបង្កើតពាក្យទាំងនេះ គឺជាអ្នកធ្លាប់មានជំនាញ និង បទពិសោធន៍ក្នុងសង្រ្គាម។

២. ចូរអ្នកមើលការរៀបស្រៈរបស់ខ្មែរ ស្រៈ ា ដូចជា មេទ័ពជួរមុខជិះសេះមុខទ័ព ដោយមានស្រៈ “អ” នៅពីមុខដែលដូចជាកូនទាហានដឹកសេះដើរនាំមុខ។ ស្រៈ ិ ី ឹ ឺ គឺដូចជាទាហានដើរលើកទង់ជ័យនានាដើរក្រោយមេទ័ពជិះសេះ, ស្រៈ ុ ូ ួ គឺដូចជាសំដៅទូកសំប៉ាន តំណាងទ័ពជើងទឹក, ស្រៈ ឿ និង ស្រៈ ៀ គឺដូចជាមេទ័ព និង មេទ័ពរង ឬ ព្រះមហាក្សត្រគឺ ស្រៈ ឿ និង ព្រះមហេសី គឺ ស្រៈ ៀ ដែលជិះដំរី ហើយចុងក្រោយ គឺ ស្រៈ េ ដល់ ស្រៈ ះ ដែលដូចជាកងទ័ពស្ពាយ ខែល (មាន សញ្ញាមូលៗ ដូចជា ះ ោះ ជាដើម និង ស្ពាយលំពែងដូចជា ែ ៃ ជាដើម។ ដែលទាំងនេះក៏ពាក់ព័ន្ធនឹងអ្នកធ្លាប់មានជំនាញសង្រ្គាមជាអ្នកបង្កើត និង ឆ្នៃដែរ។

៣. ដូចជាពាក្យខ្លះ ប្រសិនបើអ្នកអានឱ្យចំ គឺជាសំដីរដឹនដូចជាអ្នកស្រុកនៅសៀមរាប ដូចជាពាក្យ ស្រូវ ដែលអ្នកស្រុកធម្មតានឹងអានទៅជា ស្រ៊ៅ ទៅវិញ។

ដកស្រង់ការវិភាគខ្លះពីសៀវភៅអក្សរខ្មែរ ដែលនិពន្ធដោយលោក អៀវ កើស អតីតប្រធានរដ្ឋសភាខ្មែរ

https://www.facebook.com/share/p/17w9s3AXQR/?mibextid=wwXIfr

អ្នកបង្កើតអក្សរខ្មែរ

មានទស្សនៈមួយចំពោះនរណាជាអ្នកបង្កើតអក្សរខ្មែរ គឺថា អ្នកបង្កើតអក្សរខ្មែរ គឺជាមនុស្សមានឋានៈធំក្នុងជួររដ្ឋាភិបាល ពោលគឺជាជាមេទ័ពដ៏មានចំណេះជំនាញសង្រ្គាមម្នាក់ និង ជាអ្នកស្រុកដែលរស់នៅក្នុងតំបន់អង្គរ។ ការសន្និដ្ឋាននេះគឺផ្អែកទៅលើទឡ្ហីករណ៍ដូចតទៅ៖

១. ចូរយើងមើលឈ្មោះស្រៈរបស់អក្សរខ្មែរ ដូចជា ស្រៈអា គេហៅថា ទាញយារ ដែលដូចជាមនុស្សកំពុងទាញយារដាវបំរុងកាប់នរណាម្នាក, ស្រៈ អុ គេហៅថា បុកជើង, ប ដាក់ “ គេហៅថា ប សម្លាប់ពីរ អានថាប៉ ដែលប្រើពាក្យ “សម្លាប់” ដែលជាពាក្យក្នុងការប្រយុទ្ធគ្នា, មានពាក្យ “ផ្ញើជើង” ដែលដូចជាកាត់ជើងសត្រូវហើយផ្ញើរទៅភាគីសត្រូវ, សញ្ញាគូសអក្សរ “ប” ដើម្បីក្លាយជាអក្សរ “ម” គេហៅថា ប វះពោះ ជាដើម ដែលសុទ្ធសឹងជាពាក្យសម្រាប់ប្រើក្នុងសង្រ្គាមមានការកាប់សម្លាប់គ្នាជាដើម។ ដែលអាចបង្ហាញថា អ្នកបង្កើតពាក្យទាំងនេះ គឺជាអ្នកធ្លាប់មានជំនាញ និង បទពិសោធន៍ក្នុងសង្រ្គាម។

២. ចូរអ្នកមើលការរៀបស្រៈរបស់ខ្មែរ ស្រៈ ា ដូចជា មេទ័ពជួរមុខជិះសេះមុខទ័ព ដោយមានស្រៈ “អ” នៅពីមុខដែលដូចជាកូនទាហានដឹកសេះដើរនាំមុខ។ ស្រៈ ិ ី ឹ ឺ គឺដូចជាទាហានដើរលើកទង់ជ័យនានាដើរក្រោយមេទ័ពជិះសេះ, ស្រៈ ុ ូ ួ គឺដូចជាសំដៅទូកសំប៉ាន តំណាងទ័ពជើងទឹក, ស្រៈ ឿ និង ស្រៈ ៀ គឺដូចជាមេទ័ព និង មេទ័ពរង ឬ ព្រះមហាក្សត្រគឺ ស្រៈ ឿ និង ព្រះមហេសី គឺ ស្រៈ ៀ ដែលជិះដំរី ហើយចុងក្រោយ គឺ ស្រៈ េ ដល់ ស្រៈ ះ ដែលដូចជាកងទ័ពស្ពាយ ខែល (មាន សញ្ញាមូលៗ ដូចជា ះ ោះ ជាដើម និង ស្ពាយលំពែងដូចជា ែ ៃ ជាដើម។ ដែលទាំងនេះក៏ពាក់ព័ន្ធនឹងអ្នកធ្លាប់មានជំនាញសង្រ្គាមជាអ្នកបង្កើត និង ឆ្នៃដែរ។

៣. ដូចជាពាក្យខ្លះ ប្រសិនបើអ្នកអានឱ្យចំ គឺជាសំដីរដឹនដូចជាអ្នកស្រុកនៅសៀមរាប ដូចជាពាក្យ ស្រូវ ដែលអ្នកស្រុកធម្មតានឹងអានទៅជា ស្រ៊ៅ ទៅវិញ។

ដកស្រង់ការវិភាគខ្លះពីសៀវភៅអក្សរខ្មែរ ដែលនិពន្ធដោយលោក អៀវ កើស អតីតប្រធានរដ្ឋសភាខ្មែរ

11/03/2025

អ្នកកាសែតម្នាក់ស្វែងរកបណ្ឌិតសេដ្ឋកិច្ចណាដែលអាចពន្យល់កសិករអោយធ្វើស្រូវលក់បានថ្លៃ...........................

ខ្ញុំជឿថាពិតជាគ្មានមែន
ព្រោះធ្វើស្រែលក់បានថ្លៃមិនមែនជារឿងបណ្ឌិតមួយពន្យល់ទេ។ តែជាគោលនយោបាយជាតិ ដែលលើសពីដែនសមត្ថកិច្ចរបស់ក្រសួងកសិកម្ម។ ឃើញកសិកររិះគន់ក្រសួងកសិកម្ម ខ្ញុំឈឺជំនួស។ ខែ៣ ឆ្នាំ២០២១ក្រសួងកសិកម្មប្រកាសផ្អាកនាំចូលត្រីបាន២អាទិត្យគត់ ហើយកំឡុងពេលប្រកាសនោះ ត្រីនៅនាំចូលដដែល។ ក្រោយមកទៀត ឯកឧត្តមវេងសាខុន បិទការនាំចូលជ្រូកម្តងទៀត ក្រោយមកក៏ធ្លាក់ពីដំណែង។ ទោះការព្យាយាមមិនបានសំរេច តែខ្ញុំបានដឹងគុណចំពោះការខំប្រឹងទៅហើយ។ ពីរឆ្នាំចុងក្រោយនេះ ក្រសួងកសិកម្មប្រកាសបង្កើតសហគមន៍កសិកម្មទំនើប ជ្រើសរើសមន្ត្រីកសិកម្មឃុំ។ បើទោះជាលទ្ធផលនៅតិចតួច តែជាការចាប់ផ្តើមមួយហើយ។

គេត្រូវដឹងថា គេមិនគួរធ្វើកសិកម្មដោយគ្មានបច្ចេកទេសឡើយ។ នៅប្រទេសជឿនលឿន គេធ្វើចំការធំៗ ប្រើគ្រឿងចក្រទំនើប ថ្លៃដើមផលិតរបស់គេទាបហើយបានទិនផលខ្ពស់។ កសិករអាមេរិចលក់សណ្តែកសៀងមិនដែលបាន១៦០០រៀល/គីឡូទេ។ តែទិន្នផលគេលើស ៣,៥តោន/ហិចតា។ នៅប្រទេសជប៉ុន ឥណ្ឌូណេស៊ី ម៉ាឡេស៊ី អង្ករគេថ្លៃ តែយើងពុំមែនលក់ទៅអោយគេបានថ្លៃដូចគេលក់នោះទេ។ គេមានរនាំងជាច្រើនដើម្បីអោយកសិករគេអាចរស់បាន។

នៅកម្ពុជា ចង់អោយស្រូវលក់បានថ្លៃមិនមែនថាគ្មានមធ្យោបាយទេ តែពុំមែនជារឿងដែលកសិករធ្វើបាន។ តែជាគោលនយោបាយ។ ខ្ញុំមិនអាចសរសេរអោយស៊ីជំរៅលើពីនេះបានទេ។

ដូចរឿងត្រី ជាញឹកញយកសិករស្រែកសុំអោយត្រួតពិនិត្យគុណភាពត្រីនាំចូល(១) កំណត់អោយនាំចូលតែបរិមាណដែលកម្ពុជាខ្វះ កំណត់កូតា (២) នឹងការប្រមូលពន្ធអោយបានពេញលេញ (៣)។ តែមានតាមួយនោះថា កសិករចង់ដណ្តើមការងារមន្ត្រី។ សួរខ្ញុំថាឈឺទេ? ចំលើយគឺឈឺ តានោះជាដំបៅ។

(១) ផលិតផលដែលកម្ពុជានាំចេញទៅបរទេស ត្រូវតែមានលិខិតត្រួតពិនិត្យគុណភាព។ យើងមើលផ្លែឈើនាំទៅចិន គេចុះមកមើលដល់ចំការផង គេត្រួតពិនិត្យផង។ ថាទៅមើល យើងនាំទុរេនទៅចិន បានមួយចំរៀកយើងនាំត្រីចូលពីវៀតណាមឬនៅ? ចំលើយគឺទេ។ (២) ចំពោះការកំណត់កូតារបស់បណ្តាប្រទេសលើលោក ជារឿងធម្មតា។ វៀតណាមកំណត់កូតានាំចូលស្ករស សៀមកំណត់កូតានាំចូលប្រេងឆា ឥណ្ឌូនេស៊ីកំណត់កូតានាំចូលអង្ករ។ គេធ្វើបែបនេះគឺដើម្បីកាពារកសិកររបស់គេ។ (៣) បើទោះជាកម្ពុជាជាសមាជិកកិច្ចព្រមព្រៀងពាណិជ្ជកម្មសេរីអាស៊ាន (AFTA) មានទំនិញមួយចំនួន រួចពន្ធមែន តែរួចត្រឹមពន្ធនាំចូល ហើយនៅតែត្រូវបង់ពន្ធ VAT ដដែល។ ធ្វើបែបនេះ កសិករអាចដកដង្ហើមបាន។ ត្រូវដឹងថា លុយ១០០លានដុល្លាហូរទៅបរទេស គឺទៅបរទេសទាំងអស់។

រឿងទាំងនេះ មិនមែនគួរអនុវត្តិតែចំពោះត្រីទេ
ដើម្បីការពារផលិតកម្មក្នុងស្រុក បីចំនុចខាងលើក៏គួរតែត្រូវអនុវត្តដូចគ្នា។

តើធ្វើយ៉ាងណាអាចអោយស្រូវថ្លៃអង្ករថោក?
យើងត្រូវកំណត់សិនថា តើស្រូវប៉ុណ្ណាថ្លៃ អង្ករប៉ុណ្ណាថោក។

តំរូវការស្រូវសំរាប់ក្នុងស្រុកជាង៦លានតោន
ស្រូវរំដួល តំលៃនៅភ្នំពេញ ខ្ទង់២០ម៉ឺន។ មិនបាច់ថោកជាងហ្នឹងទេ គ្រាន់ធ្វើយ៉ាងណាធានាថាជាអង្កររំដួលសុទ្ធមានសុវត្ថិភាព គឺប្រសើរហើយ។ ទុកថាអាជីវករលក់បន្តយកមួយបាវចំណេញ២ម៉ឺនរៀលទៅចុះ រោងចក្រលក់ចេញ ១៨ម៉ឺន។ តំលៃ១៨ម៉ឺននេះ រោងចក្រអាចទិញស្រូវ ក្នុងតំលៃ១៤០០បាន។

អង្ករមួយប្រភេទទៀតគឺសែនក្រអូប
គេកំរដាក់លើបានថាសែនក្រអូបណាស់។ គេហៅម្លិះ អោយរៀងមានតំលៃបន្តិច។ តំលៃលើទីផ្សា ១៤-១៦ម៉ឺន/បាវ។ ជាមួយតំលៃនេះ រោងចក្រកអាចទិញស្រូវពីកសិករបានតំលៃយ៉ាងទាប ១០០០រៀលដែរ។

ចំពោះប្រភេទអង្ករស មួយបាវ៥០គីឡូក៏មានតំលៃ ១០-១៣ម៉ឺនដែរ។ ជាមួយតំលៃនេះ រោងចក្រប្រាកដជាអាចទិញស្រូវពីកសិករបានតំលៃ៨០០-១០០០រៀលដែរ។

ក្រសួងបង្កើតសហគមន៍កសិកម្មទំនើប ហើយផ្គូផ្គងជាមួយដៃគូដែលអាចទិញក្នុងតំលៃសមរម្យបាន។ ធ្វើបែបនេះ ស្រូវ៦លានតោន អាចដោះស្រាយបញ្ហាតំលៃបានហើយ ជជាងលក់រំដួលក្នុងតំលៃ១០០០រៀល គេទំនងជាអសចលក់ក្នុងតំលៃ១២០០។ ចំណែកស្រូវស្រងែក៏ទំនងជាអាចលក់៩៥០រៀល ជំនួស៧៥០រៀលដែរ។ ស្រូវស្រងែនេះ ដូចស្រូវសែនក្រអូប។ ខុសត្រង់ថាគ្រាប់ស្រូវមានកន្ទុយបន្តិច។ ហើយអង្ករស្រូវស្រងែមិនក្រអូបដូចសែនក្រអូប។
ខ្ញុំបើកវង់ក្រចកបន្តិច។ ស្រងែដើមខ្ពស់ៗដូចចំរៀងស្រីតូចទ្រមែដើតាមភ្លឺស្រែ ស្រងែបាំងបាត់ ដុះដោយឯកឯង។ បចុប្បន្នមនុស្សតិចណាស់ស្គាល់ស្រងែ។

រឿងមួយទៀតដែលជួយអោយស្រូវសំរាប់អង្ករក្នុងស្រុកបានតំលៃល្អ គឺបញ្ឈប់ការយកអង្ករបរទេសមកលាយអង្ករខ្មែរហើយបន្ថែមក្លិន។

រឿងសំខាន់មួយទៀត
ប្រជាជាតិមួយរួមគ្នា ទើបជារឿងសំខាន់។
ប្រជាជនមួយភាគធំចង់បានទំនិញថោក ប្រើទំនិញបរទេស
មិនគាំទ្រផលិតផលក្នុងស្រុក។ មិនមែនតែទំនិញទេ សូម្បីតែអង្ករថោកក៏ចូលមកដែរ។

ម្តងដំឡូងថោក ពោតថោក ត្រីថោក សាច់បង្កក ស្រូវថោក។
ត្រីថោក តែត្រីនៅផ្សារថ្លៃ
ស្រូវថោកតែអង្ករថ្លៃ
ដំឡូងថោក ពោតថោក តែចំណីសត្វថ្លៃ
រៀនមើលអោយដឹងថាមកពីអ្វី ដឹងហើយរួមគ្នាដោះស្រាយ

និយាយបានប៉ុណ្ណឹង

អត្ថបទ​ចម្លង

07/25/2025

🙏🙏🙏

12/08/2024

ផ្នែក​ផ្សេងៗ​នៃ​ដេីមឈេី​ជា​ភាសា​អង់គ្លេស​!

11/25/2024

សូមលោកអ្នកចំណាយពេល ប្រាំនាទីដើម្បីយល់ពីតម្លៃនៃពេលវេលា។

ពេលវេលាដ៏មានតម្លៃ
២៥ ដុល្លា សម្រាប់ពេលមួយម៉ោង

ខណះពេលដែលឪពុកត្រឡប់មកផ្ទះវិញ ក្មេងប្រុសតូចដែលតែងអង្គុយចាំនៅពីមុខផ្ទះជារឿយៗរហូតក្លាយជាទម្លាប់​ ដែលតែងអង្គុយចាំឪពុក។

ឪពុករបស់កុមារតូចនេះ តែងតែមកយឺតពេល គេមិនដឹងថាមានរឿងអីខ្លះដែលឪពុកគេបានធ្វើនោះទេ តែអ្វីដែលគេដឹងគឺគ្រាន់តែចង់ញ៉ាំបាយជាមួយឪពុក ចង់មានភាពកក់ក្តៅជាមួយក្រុមគ្រួសារទាំងមូល។

-ក្មេងប្រុសបានសួរទៅប៉ារបស់គេថា ប៉ារវល់ទៀតហើយមែនទេ?
-មែនហើយ! បុរសតបទៅកូន។
-ប៉ារកបានប៉ុន្មានដុល្លារក្នុងមួយម៉ោង? កុមារសួរបន្ត
-គឺ ២៥ដុល្លារ កូនមានរឿងអីមែនទេ?

កូនប្រុសស្ងៀមមួយសន្ទុះក៏សួរថា ខ្ញុំសុំប៉ា ៥ដុល្លារបានទេ?

បុរសជាឪពុកមិនសប្បាយចិត្តសោះ ដោយការហត់នឿយរបស់គាត់មិនទាន់បាត់នៅឡើយ គាត់ក៏តបខ្លាំងៗថា : កូនតែងតែសុំយកប្រាក់ទៅទិញនេះ ទៅទិញនោះ របស់ទាំងអស់នោះពិតជាសំខាន់ណាស់មែនទេ?​ ប៉ាពិតជាហត់ជាមួយរឿងអត់ប្រយោជន៍ទាំងនេះណាស់ កូនគួរតែចេះសន្សំសំចៃខ្លះទៅ។

ពេលឮឪពុកស្រែកដាក់បែបនេះ កុមារតូចក៏រត់ចូលបន្ទប់បាត់ ។

ខណៈដែលឪពុកកំពុងបរិភោគអាហារក៏នឹកស្តាយពាក្យដែលបាននិយាយទៅកូន គាត់គួរតែសួរនាំកូន​ឱ្យ​ច្បាស់លាស់ជាងនេះ គាត់នឹកដល់សៀវភៅមួយក្បែរដែលនិយាយថា " ពុកម៉ែដែលល្អ ត្រូវតែបន្តស្តាប់កូននិយាយ " គិតរួចហើយគាត់ក៏សម្រេចចិត្តទៅនិយាយលួងលោមកូន។

ក្រោយពេលគាត់បើកទ្វា គាត់បានឃើញកូនប្រុសតូចអង្គុយលើគ្រែយ៉ាងស្រងូតស្រងាត់ គាត់ក៏និយាយទៅកាន់កូនថា កូនមិនទាន់គេងទេ ? សុំទោសដែលប៉ានិយាយខ្លាំងៗដាក់កួនថ្ងៃនេះ តាមពិតកូនប្រាប់ប៉ាបានទេ កូនយកលុយទៅធ្វើអី? ក្មេងតូចឆ្លើយថា ប៉ាឱ្យប្រាក់កូនសិនមក ចាំកូនប្រាប់។

ឪពុកបានហុចលុយ៥ដុល្លារ ឱ្យទៅកូន។
កុមារាបានយកលុយទាំងអស់ក្នុងប្រអប់ មានលុយកាក់តូចៗជាច្រើន គេរាប់ចុះរាប់ឡើងរួចនិយាយថា " ប៉ានេះលុយ ២៥ដុល្លារ កូនចង់ទិញពេលប៉ាមួយម៉ោង ដើម្បីអោយប៉ាបានញ៉ាំអាហារពេលល្ងាចជាមួយកូននឹងម៉ាក់ នៅថ្ងៃស្អែកតើបានទេ? បុរសជាឪពុក ពេលបានឮហើយ គាត់សែនសង្វេកចិត្តណាស់ គាត់ភ្ញាក់ខ្លួនដូចគេដាស់។

ហេតុអីកន្លងមកគាត់នឹកមិនឃើញថា គាត់មិនបានផ្តល់ពេលវេលាឱ្យកូន និង​គ្រួសារមួយនេះ លុយដែលកូនគាត់ខំសន្សំទាំងប៉ុន្មាន គឺសម្រាប់ពេលវេលាតែមួយម៉ោងរបស់គាត់តែប៉ុណ្ណោះ។ ទឹកភ្នែកគាត់ហូរចុះស្របពេលដែលគាត់បានឱប កូនប្រុសក្នុងដើមទ្រូង " សុំទោស សុំទោស កូនប៉ា ប៉ាសន្យាថាចាប់ពីពេលនេះតទៅ ប៉ានិងមានពេលញ៉ាំបាយពេលល្ងាចជាមួយកូនរាល់ថ្ងៃ។

ជាការពិតដែលមិនអាចប្រកែកបាន ប្រាក់ពិតជាសំខាន់សម្រាប់ជីវិតរស់នៅ យើងពិតជាពិបាករស់បើគ្មានវា ប៉ុន្តែមានរបស់ខ្លះ មានរឿងរ៉ាវខ្លះ មិនកំណត់ថា មានប្រាក់ទើបអាចទិញបាននោះទេ។

បើទោះជាអ្នករាល់គ្នារវល់យ៉ាងណា នៅទីណាក៏ដោយ សូមចំណាយពេលវេលាជាមួយមនុស្សជាទីស្រឡាញ់ផ្តល់ភាពកក់ក្តៅដល់ពួកគេ អ្នកអាចឃើញស្នាមញញឹមរបស់ពួកគេនៅក្នុងចិត្ត ទោះបីជាអ្នកមិនបាននៅក្បែរគ្នាក៏ដោយ អ្នកនឹងអាចដឹងថាវាមានតម្លៃប៉ុណ្ណាសម្រាប់ជីវិត ។

11/11/2024

មិន​ស្ថិតស្ថេរ​ជាអមតៈ

១.អ្នកទិញផ្ទះដេីម្បីស្នាក់នៅ​ ហេីយតម្លៃរបស់ផ្ទះនោះ​ គឺគ្រាន់តែជាថ្លៃឈ្នួលសម្រាប់អ្នករស់នៅតែប៉ុណ្ណោះ​ ព្រោះក្រោយពេលដែលអ្នកស្លាប់ទៅ​ អ្នកលែងបានស្នាក់នៅផ្ទះនោះទៀតហេីយ

២.អ្នកបានទិញរថយន្តមួយគ្រឿង​ ហេីយតម្លៃរបស់រថយន្តគឺគ្រាន់តែជាថ្លៃឈ្នួល​ ដែលអ្នកបង់សម្រាប់ការធ្វេីដំណេីររបស់អ្នកតែប៉ុណ្ណោះ​ ព្រោះមិនយូរប៉ុន្មាន​ រថយន្តនឹងចាស់ ហេីយពុកខូចប្រេីការលែងកេីតទៀតហេីយ

៣.អ្នករៀបការប្ដី/ប្រពន្ធ​ ហេីយប្ដី/ប្រពន្ធរបស់អ្នក​ គ្រាន់​តែ​ជាដៃគូជីវិតសម្រាប់រួមរស់តែប៉ុណ្ណោះ​ បន្តិច​ទៀត​ សេចក្ដី​ស្លាប់​នឹងមកបំបែកអ្នកទាំងពីរនាក់ហេីយ

៤.អ្នកមានកូនចៅ​ ហេីយពួកគេគ្រាន់តែជាចំណងដៃនៃអាពាហ៍ពិពាហ៍របស់អ្នកតែប៉ុណ្ណោះ​ នៅពេលដែលពួកគេធំពេញវ័យ​ ពួកគេនឹងបែកចេញឆ្ងាយពីអ្នកដែរហេីយ

៥.អ្នកមានប្រាក់​ ហេីយវាគ្រាន់តែជាមធ្យោបាយសម្រាប់ចាយវាយបម្រេីសេចក្ដីត្រូវការរបស់អ្នកនៅពេលមានជីវិតតែប៉ុណ្ណោះ​ តែបេីអ្នកស្លាប់ទៅ​ អ្នកយកវាតាមទៅកាន់ជាតិក្រោយមិនបានសោះឡេីយ

៦.អ្នកបម្រេីការងាររហូតចូលនិវត្តន៍​ ហេីយអ្នកទទួលបានប្រាក់សោធននិវត្តន៍​ តែបេីអ្នកស្លាប់ទៅប្រាក់នេះក៏លែងមានប្រយោជន៍សម្រាប់អ្នកទៀតដែរ

៧.សូម្បីតែជីវិតរបស់អ្នកនេះ​ ក៏អ្នកខ្ចីពីគេដែរ​ ព្រោះបន្តិចទៀត​ មច្ចុរាជនឹងទារយកជីវិតរបស់អ្នកវិញហេីយ

យេីងតែងតែអួតអាងអំពីផ្ទះសម្បែង​ ប្រាក់កាស​ បុណ្យស័ក្ដិ​ ប្ដី/ប្រពន្ធ​ កូនចៅ​ តែអ្វី​ៗគ្រប់បែប​យ៉ាង​សុទ្ធ​សឹង​តែ​មិន​មែន​ជា​របស់​យើង​ឡើយ​ ចុងចប់​ យេីងនឹងប្រគល់សងទៅឲ្យធម្មជាតិវិញតែទាំងអស់ហេីយ។

ប្រែសម្រួលពីអត្ថបទបរទេស
ទុត​ បូ

11/03/2024

ព័ត៌មាន​ស្ដី​ពី​ការ​ស្នើសុំ​អត្តសញ្ញាណប័ណ្ណ​សញ្ជាតិ​ខ្មែរ​ !

រូបភាព​៖​ ទំព័រ​ហ្វេសបុក​អគ្គនាយក​ដ្ឋាន​ អត្តសញ្ញាណ​កម្ម​