07/09/2025
គំនិតខ្លះៗ នៃការបើកអាជីវកម្ម Coffee ទទួលបានភាគរយនៃការការជោគជ័យច្រើន ៖
1. ទៅរៀនឆុងកាហ្វេ នៅសាលាត្រឹមត្រូវ អាចនៅក្នុងស្រុកឬក្រៅស្រុក ព្រោះជំនាញមួយនេះត្រូវការយើងចេះច្បាស់ ទាំងបច្ចេកទេសមាស៊ីន គ្រាប់កាហ្វេ និងគ្រឿងផ្សេងៗ ។ ពេលខ្លះពេលយើងទិញម៉ាសុីន គេអាចបង្រៀន Free តែបងប្អូនរឿងក្បួនឆុងកាហ្វេ បងប្អូនមើលតែ App ឬ YouTube ក៏ចេះធ្វើដែរ តែបើចង់ឆ្ងាញ់ត្រូវមានគ្រូឬអ្នកជំនាញប្រាប់ ។ បងប្អូនមានឆ្ងល់អត់ថា ៖ អ្នកខ្លះទិញបានគ្រាប់កាហ្វេឆ្ងាញ់ ? បងប្អូនឆ្ងល់អត់ថាហេតុអ្វីគេចេះលាយគ្រាប់កាហ្វេ ? ហេតុអ្វីគេចេះរើស Cream និង ទឹកដោះគោបានឆ្ងាញ់ ? ហេតុអ្វីបានជាគេឆុងចេញ Cream យើងឆុងចេញតែទឹកកាហ្វេខ្មៅចេញ Cream ម្តងៗ ? ដូចនេះមានរឿងច្រើនណាស់ដែលយើងអាចរៀនបានពីគ្រូ ដែលមានជំនាញ ដូចជារបៀបធ្វើទឹកស្ករ បើគ្រូមិនប្រាប់ក្បួនក៏ផឹកមិនឆ្ងាញ់ដែរ អាចដែរបើយើងពូកែដើរផឹក និងពូកែសួរ ឬ រៀនពីអ្នកដទៃ ។ អ្នកខ្លះចេះឆុងតាមក្បួន Latte Signature តែផឹកមិនកើតទេ ដោយសារចេះតាម Sale អ្នកលក់ម៉ាសុីន ។ អ្នកលក់គុយទាវឆ្ងាញ់ ក៏គេមានរូបមន្តរបស់គេដែរ យើងអាចចេះធ្វើទឹកស៊ុប ចេះធ្វើគុយទាវបានតែបើចង់ឆ្ងាញ់ គឺត្រូវការអ្នកជំនាញ ។ បើបងប្អូនមានស្គាល់ ចុងភៅនៅក្្នុង ព្រះបរមរាជវាំង បងប្អូនអាចមានឱកាសហូបអាហារដែលគាត់ធ្វើគឺមិនដូចរស់ជាតិខាងក្រៅទេ គឺឆ្ងាញ់ខ្លាំង ។ បញ្ជាក់ ៖ គ្រូអាចប្រាប់យើងគ្រប់យ៉ាង តាំងពីកន្លែងបើក របៀបកត់ចំណូល របៀបគណនាថ្លៃដើម មានរឿងច្រើនណាស់ដែលគ្រូចេះ ។
2. ផ្តោតលើរស់ជាតិ តែតម្លៃដូចគេដែរ នៅកន្លែងដែលអ្នកលក់ ៖ បើអ្នកមានកាហ្វេឆ្ងាញ់ជាងគេ ហើយតម្លៃដូចគេ អ្នកនឹងទៅមុខ តែមួយទៀតត្រូវចេះធ្វើឱ្យគេស្គាល់មកសាករស់ជាតិយើង ព្រោះទោះអ្នកមានកាហ្វេឆ្ងាញ់តែគ្មានអ្នកអាចមានឱកាសសាកបាន អ្នកក៏ពិបាកដែរ អ្នកអាច ៖
- ប្រើ Facebook Boost តែនៅក្នុងតំបន់របស់អ្នកឱ្យគេស្គាល់ ។ បើមិនចង់ Boost ផុសឱ្យច្រើនហើយ Tag Location ។
- ចេះលេង Tik Tok ថតពីរបៀបធ្វើ ថតពីភ្ញៀវ ថតពីហាង ថតពីចំណុចពិសេស កុំខ្លាចខ្មាស់គេ មនុស្សសព្វថ្ងៃលេង Tik Tok ច្រើនណាស់ ។ ពេលខ្លះគេនៅឆ្ងាយក៏គេមកចង់សាកដែរ ។
- ប្រើក្បួន Spider ៖ រកអតិថិជនដែលចូលចិត្តផឹកកាហ្វេឆ្ងាញ់ បើគាត់ផឹកឆ្ងាញ់គាត់មានមិត្តអ្នកចូលចិត្តផឹកកាហ្វឆ្ងាញ់ដែរ ហើយមនុស្សនឹងមកផឹកជាបន្តបន្ទាប់ ។ ជាធម្មតាអ្នកផឹកកាហ្វេមានមិត្ត អ្នកផឹកកាហ្វេច្រើន អ្នកផឹកស្រាក៏មានមិត្តអ្នកផឹកស្រាច្រើនដែរ ជារឿងធម្មតា ។
- រៀបចំហាងឱ្យគេជិះឃើញ ថាមានលក់កាហ្វេ កុំបើកហាងដែលមានមនុស្សមើលមិនឃើញស្មើរភ្នែក ពេលជិះម៉ូតូ ជិះឡាន ។
- មិនចាំបាច់ ប្រើ Coupon 10 Free 1 ទេ បើយើងកាហ្វេឆ្ងាញ់ មានភ្ញៀវឱ្យច្រើនសិន គេស្គាល់រស់ជាតិសិន ពេលអ្វីៗប្រសើរចាំ 10 Free 1 ក៏បានកាន់តែមានភ្ញៀវច្រើន មនុស្សខ្លះឃើញហាងស្ងាត់ហើយមាន 10 Free 1 ទៀត ថ្ងៃក្រោយអត់មកទេ ឬ មិនចូលតែម្តងព្រោះគិតថាអត់ឆ្ងាញ់ ឬ ហាងទើបបើកថ្មី ។
3. រឿងទាំងអស់នេះខ្ញុំបានសរសេរខ្លះៗ ហើយ កាលពីលើកមុនដូចជា ៖
- ចេះញញឹម និយាយជាមួយភ្ញៀវ មានសុជីវធម៌
- ជាមនុស្សដែលចូលចិត្តផឹកកាហ្វេ
- ចេះគិតថ្លៃដើម ផលចំណេញ របស់ខាត ចេះទុកដាក់របស់សល់
- ចេះទិញសម្ភារៈកាហ្វេបានតម្លៃល្អ តែរបស់ល្អឆ្ងាញ់
- ចេះចំណេះដឹងហិរញ្ញវត្ថុ ចេះសន្សំលុយចំណេញ ចេះពង្រីកអាជីវកម្ម
- ចេះ Leadership និង Management បើមានក្រុមការងារច្រើន ។ Boss ផ្តោតលើលទ្ធផល Leader ផ្តោតលើមនុស្សហើយមនុស្សនឹងនាំលទ្ធផលឱ្យកាន់តែច្រើន ។
- ចេះ Marketing ចេះធ្វើមិនឱ្យភ្ញៀវខកចិត្ត ឬ អន់ចិត្ត
- ចេះរបៀប ចាត់ចែងកាហ្វេឆ្ងាញ់ ដូចជាការប្រើទុយយោ តូច កែវតូចសមរម្យ
- ចេះបន្តការរៀនសូត្រ រករូបមន្តថ្មី ៗ
- ចេះដើរផឹកកាហ្វេ ហាងផ្សេងៗដេលមានមនុស្សច្រើនចូលទិញ មើលទាំងការធ្វើ និង រស់ជាតិ រួមជាមួយរបៀបដែលគេនិយាយជាមួយភ្ញៀវ ការរៀបចំហាង នៅមានរឿងជាច្រើនដែលយើងត្រូវរៀនពីគេ ។
Credit : SUC News
#ចំណេះដឹង
#ចំណេះដឹងទូទៅ
#ចំណេះដឹងហិរញ្ញវត្ថុ
#អ្នកលក់កាហ្វេ
#អ្នកផឹកកាហ្វេ
