09/09/2026
Malsia e Madhe !
Pse asht e Madhe ?
Ah moj Zana, heu, shtojZo'valle,
çi flladiteni neper kto male,
çi pingroni thepave t'Veleçikut,
nepnja, ju, nje kshille ktij mikut,
ka mpreh lapsin e asht frymzue,
per Malsine nje kange me shkrue.
S'don me shkrue, jo, per historine,
s'don me t'lavdue, ty, trimnine,
s'don me shkrue, jo, per flamurin,
s'don me shkrue per Ded Gjo' Lulin,
as per Tringa Smajle e per Nora,
as per Prek Cala e Mul Delija,
se asht mbushe plot Historia,
per kta Heroj çi pati Malsia !
Ka mpreh lapsen e don me shkrue,
per do malsore, kjoshin bekue,
çi forte t'rradhe i ka njerzia,
xhevahir t'shtrejte i ka Malsia !
N'bjeshkte e nalta, kur pati lè,
m'thuej pra Zane, pash bese e fè,
a i dhe tamel t'fresket gjinit me pi,
edhe e miklove me plot dashni,
At' Zef Pllumin qyshse kje fmi?
e u rrit djali, shembull i qytetnise,
per ka feja e vyrtyti i t'parve,
s'ja kaloj kush n'fis t'shqiptarve.
Msime e kshilla t'arta i la rinise,
forte ja rriti lavdine Malsise !
M'thuej pra Zane; pse u bane n'kater,
a e mbajte Malsine me hater,
kur, n'at log Zanash, n'Bajze t'Kastratit,
ja perkunde Luk Kaçit shtatin
e i dhe zanin, jehone malesh,
sa dridhi skenat n'tane boten mbare,
n'emen e thirren,Shaljapini shqiptare !
Pusho Zane, pra, me mue mos qesh,
nuk po tadhem, serioz po te dves,
a i mblodhe ti, gjith ngjyrat malit,
edhe ja dhe n'dore Ismail Lulanit,
a ja dhe n'dore penelin e fantazise ?
a i the Smajlit; lum per ty Malsia ?
lum Tuzi, Shkodra e lum Shqipnia !
Ah moj Zane, lum un per ty
n'gryke due t'marr, ti rroku ata sy,
ti puthi syte e t'shterngoj per belit,
kur shoh Artistin tu i dhane penelit,
kur shoh Artistin qe e njeh bota,
t'pa krahasueshmin Gjelosh Gjoka.
Atje n'Milesh, n'Tuz, mes Malsise,
pingrim Zanash, jehon e shqiptarise !
Deh moj Zane pashe syte e ballit,
del shikjoj Kelmendit djalin ,
ka vallzon me flatra t'leta,
rrite çakçiri e linde xhubleta ;
si ortek i vrudhshem prej malit,
porsi llava e nje vullkanit,
ne Europe n'mes t'Parisit,
Angjelin Prelocaj ma i miri i fisit !
T'lutem Zane, s'due me t'merzite,
se çja ndrite shqiptarise syte,
n'lendina, fusha brigje e kodra,
rrite nje Artist t'madh si Pjeter Malota.
Po drue Zane se e ke teprue,
Malsise lavdin, kaq nalt me ja çue,.
Por jo qebesa Zane, po flas perçarte,
i vune shqiptarise nje medalje t'arte !
O ju Zana, heu, shtojZo'valle,
ju o malsore t'Malsise Madhe,
çi s'u njeh bota veç per trimni,
por per bese, mikpritje e bujari,
per kulture, virtyt e fisnikri t'parve,
jeni rraja e forte e fisit t'shqiptarve.
Edhe Zane, due fort me t'falenderue,
ah moj Zane , ti ,kjosh bekue,
gjithmone Zoti, ju shtrofte vallen
gjithmone Zoti, ju shtofte rradhen.
Amanet ju la ; pash Perendine;
mos ma lshoni, ju, doret Malsine !
(E.Miculi, gusht 2018)
