08/04/2026
ÈSKE SE SA YO RELE LIDECHIP TOUT NÈF LA?
Mwen sot li pòs Kandida pou Depite a sou paj li: li di fok pitit pèp la travay pou l ka achte linèt Prada, valiz Gucci, kikit Louboutin, tanga Victoria Secret, mont Movado, epi BIW.
Mwen pa gen pwoblèm ak mak. Men mwen gen pwoblèm ak vizyon an.
Kòtdfè pa bezwen yon Depite ki ap aprann nou kijan pou nou depanse lajan nou nan liks. Kòtdfè bezwen yon Depite ki ap kreye kondisyon pou nou genyen lajan an ak diyite.
Vizyon yon Depite ta dwe: "Fok pitit pèp la jwenn travay pou l ka viv, pou l ka voye pitit li lekol, pou l ka jwenn swen lopital, pou l ka manje ak sa li pwodui".
Pa: "Travay pou w ka achte Gucci".
Nou pa nan grangou mak, nou nan grangou devlopman. E nou pap pran kaka poul pou manba ankò.
